越棧越式湯粉專門店 (新翠商場) (Closed)

越棧有好多唔同趣式粉面嘅選擇而我最鍾意嘅就係佢嘅特別牛河因為佢有好多種牛嘅部位係一碗麵入面而且仲要全部都好高質 呢一碗麵嘅份量亦都好大碗所以真係夠晒飽除咗特別牛河通常我會再加一個蓮藕餅

平時我都好少寫差評、因為吾值得我花時間去值佢....但今次真係太嬲太難食、吾想比佢為禍人間🙈原本勁肚餓、柴灣地鐵站又冇咩好食、見到越南餐廳唸住會開胃少少.......點知第一樣野到係湯白蘿蔔...食左一啖已經放返底...又苦又澀又多根.....心入面都唸住幫佢、其實個湯都甜、應該係個蘿蔔吾靚姐.....都係加$8姐...要求吾好咁高.....希望碗粉快啲到.....跟著等左陣、兩碗粉都到、即刻飲啖湯、好淡...試埋個粉係冇味的...而且....竟然凍既.......-__-‘’ 完全食得出係一早烚左個粉放喺到、有人點先滾返個湯、之後先放個凍粉入去😡 真係未試過食得咁嬲....都已經放棄左吾想再食、唸住飲埋個奶茶就走、點知一飲......冇茶味冇奶味......得糖水味....我再試埋對面個檸檬茶就知有甜味已經好好......../__\‘’ 如果大家想試吓咩叫難食到...好肚餓都食吾落既餐廳、不妨一試🤷🏻‍♀️圖中就係我臨走食淨既野....本人從來不主張浪費食物、有時候食不完都會打包、但這餐廳簡直係浪費食材、如果不是集團式我估計都冇辦法營運餐廳、真係好差好差！

位置在地鐵站附近，十分方便。店内整齊潔淨，只可惜要自助倒水，有點麻煩。先叫左個雞絲豬頸肉濛粉，湯底濃郁，份量亦唔細。（只不過忍唔住先食左幾啖）豬勁肉爽口，雞絲則略嫌鞋口。另外點左炸豬扒同雞翼，雞翼岩岩炸起，相甞脆口，又唔會太油膩。至於豬扒就乾食d，放落湯河食會好食d。最後就係咖喱牛腩飯，咖喱相當香，食落唔辣，相信人人都可以接受到。但牛腩大概只有四舊，薯仔亦都太大舊，有點難咬。但咖喱汁配紅米飯好有咬口，飯亦夠熱，掂！

大熱天時見到這間越南茶餐廳，便聯想到撈檬，便進入這餐廳。叫了豬頸肉撈檬加一碟生菜和熱㗎啡。撈檬加了勁多的甜酸汁果然十分美味，開胃。豬頸肉肉厚，外面燒得香口，肉也彈牙，美味。生菜配上上湯也是味美。而熱㗎啡質素就平平。

來到柴灣越棧，剛剛到下午茶時間，來工店前，因為是在商場裡，內面也比教美觀寬廣，望了望餐牌，於是點了生牛肉湯檬，配三色冰。價錢五十多元。來了生牛肉湯檬，份量也充足。先喝一喝最重要的湯底，充滿味道，也有滿滿的洋蔥香草香味。檬粉質地分散而爽口，配合湯底一流。生牛肉更是難忘，因為不熟的關係，有著重重的牛肉味，濃濃烈烈，配合香草洋蔥味湯更是一絕。三色冰，椰汁味尚可，可惜是三色材料不太配合，珍多太過干，綠豆沒什麼味道，紅豆就剛剛好有甜味，總括而言五十多元下午茶還算可以

自從太古康怡廣場分店結業後，已經好耐冇食過越棧，最近我嘅港島分店都要去到柴灣。今日放工經過附近心血來潮入，去幫襯一下。叫左香茅豬扒湯河（$48），加$8可選擇生菜/蘿蔔/芽菜等，叫普通飲品如凍檸茶、凍檸水就要加$8，總數是$64價錢還可以吧。湯底夠熱夠味，係河粉有點粗、唔夠滑，但豬扒又淹製同炸得不錯，另加的生菜都好大兜，整體上都ok! 以下想介紹係 —— 每次食越棧都要問店員拎先有既 —— 馬拉盞醬！我會落係湯麵同埋上湯菜度食，好味好多嫁。強烈大家建議下次食越棧嘅時候，記得問店員拎呀！

生牛肉湯河似乎已係食越南嘢必叫嘅。咁當然都叫嚟試下。先講湯底，牛肉味濃，但飲得多會口渴。洋葱同碗面幾夾，食落爽口，連埋少少湯同面食幾好食。到於牛肉唔會太肥，但有少少鞋，不過整體嚟講唔錯，可以再食

在食物未到前，係牆壁上已見到一隻小小強。。。。。當時餐廳只有一半人，我地算最後入，點完餐，都等左20分鐘先黎第一碗，再隔10分鐘第二碗，胡椒餅較後先到重點係，食物太唔新鮮。熱檸水，檸檬"梅梅"地。胡椒肉餅，d 肉係酸的。食食下，店員倒瀉晒d 冰，不過都只係意外。其實出餐慢唔只我地一枱，隔離枱嚴重d......店員態度一般，（我係十分禮貌的，真心客氣架），叫極都扮睇唔到，最終只係細細聲，少悔氣叫人等。。。。

今日eatmug9 #36如果鍾情於越南湯粉而又想平平地食到“越棧”作為一間越式食品嘅連鎖店絕對係適合各位去幫襯依碗卓越湯河就如譚仔嘅過橋米線套餐一樣乜L都有就包羅萬有生牛肉 扎肉 雞肉等等啱晒啲有選擇困難症嘅 唔知食乜好 揀個餸都揀成個鐘嘅朋友味道唔算話有啲咩特別應有嘅味道囉比較係啱想飽肚嘅人杯橙梳打只係溝稀咗fanta 味道較淡 但壓軸其實係依味“糯米雞翼”肥美嘅雞翼上面搽咗浸蜜糖嫩滑嘅雞肉再包住糯米 連相都唔記得影就食晒推介必食之一

前日去柴灣搵朋友，然後就去新翠商場間越棧食晏，一入到去就見到其中一個餐牌寫住心靈雞湯粉，沒有牛仔的湯底，於是我就即刻叫咗一碗扎肉豬頸肉湯金邊粉，配熱檸茶一杯，套餐價$60。唔使五分鐘，就有得食啦，真係好大碗，雖然唔係好飲得出係雞湯底，不過湯底都好好味，豬頸肉好鬆軟，扎肉都唔錯，最可惜係無哂雞絲，如果唔係應該會更加好食，因為金邊粉真係好多，所以食完一碗都已經覺得好飽肚，加上店內職員服務態度好，難怪店內一直都有咁多食客幫襯。

話說琴日送女友返到柴灣，其實柴灣冇咩好食，來來去去都係美心、KFC、吉野家嗰啲連鎖店...突然俾我發現有間越棧可以食吓越南粉，所以即刻入去女友話係新開嘅，之前未見過有越棧，我之前成日食油麻地嗰間都覺得夠飽肚，通常午餐會食四色紅米飯，但係今次食晚餐，我一般唔食得太多，所以叫咗個特別牛河(實情係要執女友口水尾，佢好細食)而女有就叫咗個雞絲豬扒河粉，佢竟然食晒😱對我來講係一個奇蹟😱😱佢仲飲晒杯特濃朱古力😱😱😱90磅既佢，你話奇唔奇？！其實味道來講呢就中規中矩，全靠果一支醋，倒半瓶落去個河粉，包好味😋btw兩碗河都好多生洋蔥，我又唔浪費，食埋女友嗰碗啲洋蔥，最後個口係好臭！🤭

今日遲咗食早餐，到午飯時間都唔係好肚餓。就打算食少少嘢就算啦。經過舖頭見有位唔洗等就打算食個麵就 Okay。餐牌上面有幾款二人餐，就打算叫一款三個人食，應該都夠。太太想叫杯鹹檸七，但係依啲特飲多數都要加錢或者散叫，有啲遲疑。咁都要問問職員加幾多錢嘅。咦，原來唔洗加錢，非常好。咁另外都叫咗個斑蘭青檸，少見嘛。二人餐超大碗牛肉河粉斑蘭青檸梳打，咸檸七梳打二人餐嘅牛肉河粉好大碗，三個人食係綽綽有餘；另外特飲唔洗加錢真係抵。

今日去柴灣有D嘢做，又未夠鐘食反時間，但又有小小肚餓，就睇下搵地方坐底食小小嘢，見到有個商場，一入去見到有間餐廳，下午茶時間，不太多人，坐位看來都坐得舒服，就入去坐底叫左個下午🍵套餐$40元都幾抵食🤗扎肉🦐片拼香茅🐷扒——🦐片咬落口是脆—————香茅🐷扒咬落不會太乾—————-兩個食物味道不過不失👌🍋🍵—-🍋好多片，足夠🍋味道————-茶稍為沖得較淡服務員由入座到走都屬於有禮貌，有笑容又有多謝又有拜拜，ok👌呀

記得第一次堂食, 食完真係想罵人, 因為每樣嘢嘅水準都好差 ,而且價錢唔係特別平 ,食完之後有一段時間都冇再幫襯 。。。差唔多半年之後行過 ,突然間好想試下挑戰下 ,可能有好轉呢 咁啱阿媽又話想食越南嘢 ,最近嘅就係呢間舖頭! 唔緊要啦,再試一次半次啦都等咗大約十五分鐘 ,好彩附近商場有野行!返到屋企個冬粉都仲未變淋, 而且豬扒份量好多 ,好似仲多過啲粉😂😂😂我媽媽話反而希望 粉份量可以多少少,減少啲豬扒 令成件事冇咁油膩 豬扒肉質都算軟身,唔會難咬開,入面亦有肉汁素撈檬唯一嘅唔好處就係唔可以配餐 但係就咁食又唔係好夠喉唯有加多少少配菜 今次我就選擇咗芽菜 芽菜都好有心思唔係就咁用水煮 而且都 幾多 放滿半碗 有多 湯汁 煮完嘅牙菜 都幾入味 唔錯同樂蘿蔔都係用咗湯汁去煮熟, 咬落無筋,但係得三四舊,唔係好夠食值得一讚嘅係湯汁分量好,多我特登留起咗一碗,過兩日可以用嚟自己煮麵食,結果幾日後攞返出嚟味道同樣唔錯撈檬汁方面一樣冇孤寒,肯定夠兩碗麵❤用膠袋仔裝住,真係幾越南或者泰國風味雖然今次外賣個經驗唔錯,但係堂食都不得不同大家分享! 話說上次食過咖哩飯,咖哩其實冇味得黃色😭😭😭而且肉硬

突然好想食下越南粉，就走去柴灣既新翠商場既越棧，越棧其實都有好多間分店，食過都唔錯，而柴灣呢間就第一次來，六點多啲啫，都唔少人喎，自己就叫左個豬頸肉金邊粉，另加個蘿蔔小食，個人較喜歡金邊粉同檬粉，但金邊粉今次個份量真係好多，食唔晒潻😛已經食左一半，重有咁多粉😅豬頸肉好乾身，如再腍啲就更好了好鍾意食佢的蘿蔔好夠腍 ，好入味，但唔知點解今次食覺得好甜，係啲湯既關係呱🤔所以食時先將蘿蔔放入湯粉裡稍浸，咁食法就無咁甜喇😅舊蘿蔔依然好食其實佢啲小食拼盤好好味架，但自己一個人食唔到喇，如同朋友來就必定會食🙂