16
5
0
| Restaurant: | Vilavilla Gourmet |
|---|---|
| Info: |
To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.
For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Video
Above information is for reference only. Please check details with the restaurant.
Recommended Dishes
週末，決定同家人一起去簡單食個午餐。為方便泊車而來到了西貢墟。帶著父母來的我們，想到，食中餐大家會比較開心。而我們發現《村里村外》的午市小菜套餐原來幾經濟實惠啊。那我們一行四人，就入來食個中式小菜午餐啦。餐廳先給我們一個例湯，味道，是一個偏甜的湯。似乎是一個加了羅漢果的湯。味道甜甜的，濃濃的，算是不錯。而其中一個小菜主食，是西檸雞。這一個西檸雞，真有海外唐餐的風味。最令人開心不單是檸檬汁夠晒酸甜。而是炸雞件是十分之脆口。爽爽脆脆，酸酸甜甜，伴飯的佳物。《村里村外》，主打的是湖南風味小菜，所以，餐牌上有許多的菜式都是辣的。而《村里村外》的招牌菜，就是野山椒炒牛肉。我們要的，是減了辣的版本，但也保持了少少酸菜魚同樣的辣感覺。因為他們用的是醃製過的野山椒，能把輕輕的辣帶入香滑的牛肉片中，非常之好味道。梅菜蒸鯇魚，是一個很香港的小菜。其實，這兒的蒜鯇魚有兩個選擇，一是梅菜，二是剁椒。不想吃辣的我們就選擇了前者。鯇魚非常之新鮮，厚厚的鯇魚肉，爽爽口的，味道也難得的帶鮮美。最後來的一道小菜，是豉汁蒸排骨。當然，這餐廳另有一個辣的版本啦。傳統港式廣東菜的豉汁蒸排骨，豉味濃郁就一定的了，肉厚多汁，也是令這一碟小菜人人愛的主要原因。非常之好。風味十足的一個小菜午餐啊。無論是外省口味或是本土的香港口味，都做得很出色。這小店，西貢同馬鞍山都有。三兩知己，食個飯仔，是一個好選擇。
continue reading
糊里糊塗嚟左呢間度食 又糊里糊塗由我埋單🤔不過都算經濟實惠，我哋八大兩細食咗$1000多啲 仲要好似食咗好多樣嘢喎憑我印象記下先 ：有湖南菜梅菜肉夾膜 -其實係梅菜肉碎，再搵個饅頭仔夾住食，饅頭仔就好一般啦，將個饅頭仔鍋咗少少入去有個位可以放肉碎 手撕羊排 - 呢個勁多辣椒，好似有五件薄切小羊架咁，冇乜興趣，所以冇試到炒米粉- 雖然有啲碎濕濕，不過個味道唔錯，又因為好多嘢都有啲辣，所以專登要咗走辣❤️❤️❤️❤️唔知乜嘢炒飯- 呢個又係好啱我口味或者我本身鍾意食炒飯啦 ❤️❤️❤️❤️西檸雞 - 呢個本身就唔係我想像中嘅西檸雞，佢係將雞扒煎完之後切件，我想像中嘅係類似咕嚕肉咁一粒粒 我西檸汁就可以完全包住晒粒雞粒❤️涼拌魚皮 - 其實平時都唔會食魚皮，但係呢一個涼拌又幾好食喎，魚皮爽脆唔太辣，再加埋佢嘅芫荽蔥❤️❤️❤️❤️西蘭花炒牛肉 -普通嘢，牛肉都唔錯，幾腍滑生煎包 - 呢個有八粒我一個人食咗一粒，包皮煎得香脆❤️❤️❤️鍋巴辣子雞 - 唔辣嘅辣子雞，佢好似爆谷雞咁可惜鍋巴就一啲都唔脆囉❤️原來仲有個家鄉豆腐 以為係臭豆腐之類嘅物體，原來係麻婆豆腐❤️你睇吓成10樣嘢埋單$1000都唔係好過分啫，所以我做一次大豪客😂
continue reading
係香港市區真係好難食到正宗好味又性價比高嘅烤魚🥹今日慕名前往位於西貢嘅湘菜館「村里村外」感受火辣衝擊🌶️🐟烤魚（$218）📝評分：10/10烤魚係🍄此次想要隆重介紹嘅菜式😍當翻遍餐牌都唔見其蹤影時，蘑菇同男友都有少少失落，但原來係店家嘅隱藏神祕菜式呀！！！要自己問老闆娘落單🙈老闆娘好驚喜我地知道佢間店鋪有賣烤魚，仲貼心提我地唔好嗌太多餸🤫原來係個烤魚會配搭成5種配菜呀！！！有腐皮、青瓜、芽菜、蓮藕片同薯仔片😍竟然全部都係免費！店家特登係魚身上𠝹左幾刀，令到啲汁容易滲入魚肉，魚肉鮮甜嫩滑，魚皮索晒啲汁，又因為烤過，又滑又脆，令人回味😇驚喜之處係煮耐左都唔會變苦。相比出面啲連鎖店3、400蚊嘅價錢，$218真係又抵又高質👍🐟香菜酸辣爽魚皮（$78）📝評分9/10第一次食到咁樣口感同烹煮方式嘅魚皮🥰精心切絲，彈牙脆爽，辣度又岩岩好😊同芫茜一齊入口簡直美味加倍！😋🥩芫茜炒牛肉（$74）📝評分：8.5/10呢道菜式係屬於lunch set入面嘅一個餐，配白飯同餐湯（西洋菜湯），凍飲跟餐➕$3。分量好足，牛炒到好有鍋氣🤤乾辣椒的加入令成道菜香味🆙，芫茜更加唔洗講，同牛肉超夾～😎
continue reading
一入到西貢，就用Google搜尋舖頭位置，去到都估唔到究竟邊一個係正門，最終我哋係由後門入去，正門嘅招牌顏色度淡化了，加上晚上就更加難看見招牌字體。補充一句，當晚正門是沒有開的，所有食客都係由後門出入。酸菜水煮魚不過不失，魚片夠薄嫩滑，酸菜不夠多佢，酸味不足夠，芽菜份量很多絕不寒酸麻辣雞串肌肉幼嫩不乾身，很少食這種味道的麻辣味，感覺幾新鮮，但本身我個人不太喜歡，所以只食了一串，喜歡辣的，不妨試試臭豆腐好味推介一咬豆腐就流晒汁正入晒味，送白飯一流生煎包又係必食真係好好味外脆內鬆，不過我覺得內𥚃嘅餡太少，如果個餡再多番啲，咁就good good good la 本身小食這種菜式，今次一試，食到有新口味，食都未食過嘅味道，期望，下次有機會試吓魚鍋同雞，因為當晚都比較夜，魚鍋已經賣晒，所以未有機會試！
continue reading
咁啱嚟西貢又想食湘菜，就揀呢一間，位置都容易搵，食物夠野味。今次嗌咗酸菜牛肉、蓮藕仔、臭豆腐同埋椒剁魚頭(確實名字睇返餐牌)，椒剁魚頭配薯粉入晒味，喺西貢同朋友玩完水可以揀呢一間。
continue reading
You may be interested in