Vision 8

今日放工時間約咗老公黎到荃灣食晚飯，之前朋友介紹過呢間意大利餐廳，做緊晚市優惠，好似好抵食，所以過嚟試吓先。呢間餐廳裝修設計簡潔而又不失優雅，座位舒適，唔會太近隔離座位。🍎🥣蘋果西芹忌廉湯 @$55～ 呢個忌廉湯同平時飲開唔同，味道清新又特別，甜甜地，好好飲。🐓 酥炸芝麻雞翼（4隻） $78～炸到恰到好處，香脆肉嫩，再加上芝麻，味道不錯。🦞 龍蝦汁• 椰菜花燴意大利飯 配龍蝦尾$258～ 香濃龍蝦汁燴意大利飯，每粒米都充分吸收濃湯味道。龍蝦尾開邊，煎香面頭，肉質彈牙。🐖 蘋果木燒西班牙黑毛豬鞍扒 （18:00後，優惠價 $80 ） 原價 $268～ 木炭味十足嘅豬鞍扒，肉質鮮嫩。配上煎薯仔餅、紅蘿蔔、椰菜仔。必食推介！

呢間餐廳已經喺荃灣屹立咗好多年，一直幫襯開，但係到今日先第一次寫食評，因為實在值得支持。餐包🥖我見每枱有兩款餐包，餐包微暖，幾好。最估唔到牛油都加左少少黑松露，搽埋上去又係好香。🧈香煎帶子配牛肝菌忌廉汁燴意大利麵🍝一上枱賣相好靚，🧀忌廉汁落咗唔少芝士，香濃又掛到汁。帶子亦算大隻，煎得剛剛好，少少煎脆，而內裏仲係好軟嫩。意粉亦幾彈牙，配合埋牛肝菌嘅香味，好好食，令人忍唔住一口再一口。😋黑松露威靈頓牛柳🐂之前已經聽講呢間嘅威靈頓係招牌菜，果然百聞不如一試。呢個價錢，食到呢個質素，真係好出色。面頭嘅酥皮有幾層，好似食緊蛋撻咁，香而多層次，又酥脆。酥皮下係蘑菇蓉，夾住唔少嘅黑松露，好香好香，而且份量算多，好慷慨😂。🥩牛柳大約七成熟，雖然唔算好重牛味，但配合酥皮同埋蘑菇蓉，已經好好食。忍唔住問吓個老闆，佢話個酥皮完全自己手搓，一共有八層，仲好熱心咁同我講埋個製作流程，都算繁複，難怪咁好食。呢款菜相信我會翻叮，始終唔係周圍都食到，唔貴又高質，大推啊！🥰🥰蟹餅沙律🦀蟹餅嘅蟹肉都充足，連埋少少麵包糠同沙律菜，都幾清新舒服。紅酒🍷紅酒配埋威靈頓真係無得輸！支酒都幾有層次，好飲😋整體嚟講，食物高質，服務好

荃灣呢間門面裝修比較低調的小店，但原來提供高質西餐❇️先來餐包及餐湯▶️麵包鬆軟而且上枱時熱辣辣，牛油上面有黑松露加埋一齊食好香▶️餐湯係南瓜湯，口感creamy亦有濃濃南瓜香❇️鮮蝦芒果他他沙律配蜂蜜蛋黃醬 $148▶️鮮蝦肉新鮮爽口，芒果粒好清甜，但個甜度又唔會蓋過鮮蝦味道，加埋沙律菜，口感豐富得嚟亦清新❇️煙三文魚配千島醬Pizza $158▶️薄餅自家即時焗製，正宗意大利薄底，餅底及餅邊都焗得好香脆，上面煙三文魚咸香鮮味，再加火箭菜，整體味道不錯！❇️清蒸菠菜龍脷魚卷配甜椒汁 $218▶️呢款菜式都幾特別，龍脷魚柳卷入面釀菠菜，魚肉口感香軟亦有魚味，配菜有薯餅、甘荀、椰菜仔，加埋甜椒汁都幾豐富整體來講，食物質素、環境及服務都唔錯，食物款式特別亦有心思！

荃灣一間唔起眼嘅西餐廳，因為做優惠所以特登去試一下。環境睇得出係有畀心機做裝修同埋有裝飾，而且侍應非常細心同埋有禮貌。蘋果木燒西班牙黑毛豬鞍扒 勁大塊，一上碟勁擔心個豬鞍扒會韌，但係估唔到佢整到好嫩滑，一啲都唔嚡，而且佢啲醬汁整得好好味。重點係佢依家做緊特價先至80蚊！！！超級抵食 原價要成$200+自家製薄餅 巴馬火腿薄餅佢個餅底，厚薄啱啱好！而且佢表面放咗嘅沙律菜好新鮮！佢啲parma ham一啲都唔吝嗇份量好足。但對比豬鞍扒嚟講，佢既細尺寸細咗少少。

劣質食物劣質服務街坊食過兩次外賣，唔會再幫襯食過佢個招牌威靈頓，好乾身，冇乜味，一食落口已知道係快餐食品，唔係新鮮製造，直接買返嚟焗熱佢，但係收成三百幾蚊最好係意粉🍝，質量OKPizza唔好食，冇口感，扮手工pizza，我食過出邊咁多間手工Pizza呢間真係全港最差心太軟都係就咁買啲微波產品返嚟焗熱佢，係好食但唔值呢個價疫情期間轉左手，應該係轉左比大陸人打理，服務質素奇差，外賣心太軟，明明圖片上有雪糕同生果，返到屋企發現只係得朱古力心太軟蛋糕，欠缺雪糕同生果，打去詢問，竟然同我講外賣唔會有雪糕，但係我一年前先買完係有雪糕同生果，嗰個大陸女人串啦我話60幾蚊你想有雪糕同生果，我心諗你咁嘅服務質素真係等執，非常憤怒。佢成日喺OpenRice賣廣告，買食評，冇用㗎，呃得一時呃唔到一世，做生意認真d啦唔該🔥🔥🔥

很多年前吃過一次，早已在地圖上收藏起來，這次故地重遊，很開心它仍在！❤ 法國水晶&林柏特生蠔 $55@ (買三送一)水晶蠔超肥美大隻，要分開兩口來吃，入口細緻綿滑，新鮮甜美，太喜歡！林柏特比較爽滑，size沒水晶蠔大，味道帶有更濃的海水和金屬味，非常回甘！👍🏼 V8經典蟹餅沙律 $148 外皮香脆，裡面有足料蟹肉，加上爽口的洋蔥，口感更豐富之餘，也更提鮮！❤ 蘋果木燒西班牙黑毛豬鞍扒 $80你沒有看錯，真的是$80！雖然在做特價，但一點都沒欺場～蘋果木燒過的豬鞍帶著香濃的煙燻味，切開還是嫩滑有汁，豬肉味濃而不羶！是性價比超值之選！❤ 煙三文魚千島醬薄餅 $158煙三文魚，火箭菜，千島醬，芝士，無一不愛🫶🏼新鮮烤出來的薄餅，很香脆，一點都不油膩，兩個人吃剛剛好！⭐ 連套餐的南瓜湯都是用料十足，餐包更配上黑松露牛油，是一家很用心的平民西餐廳，收藏起來🔖

今日同媽媽經過一間西餐見到都幾多人就入去試下，裝修同環境都唔錯，幾適合情侶朋友一齊聚餐傾下計。我同媽媽2個人叫左個田園沙律，黑毛豬扒，Pizza同餐湯。椰菜花忌廉湯跟餐包 $55轉套餐跟餐的例湯是椰菜花忌廉湯，成個湯好綿密同creamy，配上面包好夾，但最驚喜的係面包的醬，係黑松露牛油，好香松露味 可以單配包食已經好好味田園沙律$138沙律菜配上牛油果，無花果同蕃茄仔好夾，一向鍾意食沙律配牛油果，今次加埋無花果配合幾正，無咁單調。磨菇配意式辣肉腸薄餅 $158薄餅是義底薄底的，薄餅邊做得好脆好脆同埋好香，芝士同薄餅當然係絕配，加上辣肉腸又更香，整體都好好味。薄餅是即叫即造，上枱時十分熱辣辣，一定要即時食最好味蘋果木燒西班牙黑毛豬鞍扒配黑椒汁 $268豬扒好有驚喜因為成個豬扒燒到好有炭香味，同埋好 嫩滑，一切就已經好容易分開，配上黑椒汁好味，剩食豬扒都好夠味道

第一次嚟呢間餐廳食，忍唔住第一次寫好評好朋友揀咗呢間餐廳同我慶祝生日飯🎂一入到去唔知叫啲咩嘢食好，老細好細心同我哋講有啲咩晚餐set，推介我哋食我哋叫咗一個晚餐set外加有個黑毛豬做緊優惠3折老細冇特登Sell啲貴嘅餐俾我哋食我哋叫咗生蠔，好新鮮鮮甜Set Dinner 就有餐包，沙律，牛扒，甜品，湯同餐飲佢個餐包好鬆軟，牛油仲要係黑松露牛油特別推薦餐包，蘋果木燒黑毛豬，Apple Crumble 其實各樣都好出色，老細仲送咗杯酒俾我哋飲🤪最後買單咁豐富都係700幾忍唔住大贊佢，老細話佢哋小店都係靠客仔宣傳下次會再黎食，支持小店🥰🥰希望俾多啲人知道荃灣有呢間高質西餐😋😋

荃灣高質 西餐廳🤩Vision 8門口見到晒餐牌 明碼實價🤑仲做緊優惠，$88可以食蘋果木燒西班牙黑毛豬鞍扒😍😍😍嚟到就見到好多人喺度慶生/周年紀念～甚至影咗啲 即影即有📸貼滿餐廳一個角落嘅牆上感覺好溫馨、浪漫🌹💕我認為 一間堅嘅西餐廳 會有 好好食嘅包 好鐘意 Vision 8 跟餐 ：粟米忌廉湯、 軟包新鮮出爐嘅 軟包好香口感超鬆軟，浸落粟米蘑菇湯入邊 絕配香煎帶子配牛肝菌意大利麵$188有三粒帶子 咬落有肉汁意大利麵 係偏硬少少比較貼近正宗嘅意大利麵口感牛肝菌汁亦都唔會膩蘋果木燒西班牙黑毛豬鞍扒(紅酒汁) $80大大塊嘅豬鞍 超有肉感蘋果木燒出嚟 唔會乾 有肉汁好味😋～配上紅酒汁呢個價錢 真係性價比超高炸粗薯條 配黑松露醬$68新鮮炸出嚟嘅薯條好酥脆 ～ 黑松露又係配得一流

呢間一向好多人BOOK黎慶祝生日、紀念日等，今日早收工就碌左入去食飯，環境幾舒服！叫完野食又有餐包同湯，先見到好多人叫Wellington Steak，但太飽已食唔落，唯有留返下次！ 🍴香煎帶子配牛肝菌忌廉汁燴意大利麵 $188★★★★☆三件帶子，大大粒好爽彈。意粉唔會煮得太淋有咬口，加埋個牛肝菌忌廉汁，夠哂濃郁！份量都幾大，兩個女仔食都幾FULL🍴酥炸小食拼盤 $118★★★★☆叫左先知個拼盤咁巨大，入面有幾款野：魚手指、芝麻雞翼、魷魚圈、薯條。即叫即炸，熱辣辣，性價比高，咩都有D，2-3人啱哂！🍴清蒸菠菜龍利柳卷配甜椒汁 $218★★★★☆店員話呢個係廚師推薦，出黎真係有驚喜！呢個有啲中西式MIX咁，幾創新！有三大件，唔好睇佢係清蒸以為冇味，舊龍利柳好嫩滑又醃左味，包裹住菠菜，點埋個甜椒汁好開胃。另外仲配埋個薯仔批，芝士加埋薯仔片，正！🌟總括：整體野食、環境都唔錯，野食方面仲有啲幾特別，會再ENCORE！

講起Vision 8 ，入嚟就覺得呢間餐廳有好多選擇，睇吓無論係牆上嘅大菜單，定係我哋手上嘅午餐晚餐餐牌，都令我深深感受到呢間餐廳對美食種類多樣性嘅追求。今日我同朋友喺荃灣敘舊，來Vision 8吃午市套餐同小食甜品~午市套餐都幾豐富，都有餐湯或沙律配飲品。酥炸芝麻雞翼 （兩隻）富有創意的意式餐廳小食。雞翼外皮金黃，相當鬆脆，肉質不錯，有香港懷舊派對小食的感覺。味道不太濃，不算油膩，是一個頗為開胃的小菜！烤安格斯西冷配野菌汁 意粉牛排雜菜擺盤挺有風格。先讚吓牛扒，很喜歡黑相間的條紋，外觀精美。野菌汁有新鮮蘑菇嘅香味，這種醬料配意粉順滑芳香，簡直一流！香煎鮮曹魚柳配紅甜椒汁 感覺相當新鮮！香煎魚柳有海鮮嘅濃味，令我諗起平時街市游水魚嗰種新鮮，份量都幾大好夠食！紅甜椒汁相當獨特，唔係一般餐廳搵到嘅醬料，大家不妨一試。蘋果金寶配雲尼拿雪糕 非常鍾意呢個甜品。好難得搵到蘋果金寶有好多新鮮巨大嘅蘋果粒，夾雜顆粒分明嘅金寶碎，真材實料。

平時係荃灣都係食開茶餐廳今次見到有間食西餐就入咗去試嗌完野食餐廳就就上左個餐包餐包熱辣辣上 好鬆軟黑松露牛油亦都好香 好夾個包！今次嗌左三道菜前菜就嗌左個田園沙律入面除左一般既沙律菜仲有無花果同牛油果無花果好清甜 牛油果亦揀得好靚好creamy配埋個沙律醋 酸酸甜甜咁食完就更加期待主菜主菜嗌左個鮮菇蜆茄醬燴意大利麵意大利麵煮得啱啱好 唔會太腍做到Al Dente嘅效果茄醬嘅調味亦都啱啱好 唔會太酸，亦都唔會太甜餐廳亦都有加新鮮蕃茄令成個意粉都好香蕃茄味餐廳落嘅蜆亦都一啲唔孤寒而且每粒蜆都脹卜卜，好多肉非常抵食最尾一道菜嗌咗黑松露威靈頓牛柳外面酥皮值得一讚輕薄鬆脆 一切落去就見到包住好大舊牛柳牛柳又肉汁鮮嫩 配埋既蘑菇汁成個層次都好豐富配菜有芝士薯蓉 芝士烤得好香 薯蓉一啲都唔乾成個菜都好滿足餐廳服務員又好好態度荃灣呢間西餐小店好值得支持下！

冇諗到荃灣有間裝修偏舊式，但食物高質的小店！今次同朋友下午lunch time嚟到，叫左2個 lunch set ，加左個小食同叫左個甜品！埋單 $400左右。侍應勁好態度係咁幫我哋斟水執嘢！整體感覺很好！叫lunch會配麵包+沙律或者湯+飲品今日嘅湯係南瓜湯，都幾好飲！麵包有焗過，而且唔係普通嗰啲餐包，幾驚訝！煙靭又好食！烤安格斯西冷配紅酒汁 $148勁多肉汁，好好食！叫咗五成熟都煎得啱啱好三文魚配菠菜忌廉汁燴意大利麵 $98竟然係天使麵😍😍個忌廉汁勁好食，而且三文魚煮得啱啱好有少少未熟咁樣，入口即溶！超有驚喜加咗個炸薯條配黑松露醬 $28炸得超級脆！凍咗都好脆，完全冇諗過呢個價錢會有呢個質素！而且份量都幾多心太軟 $78甜品就正正常常😆😆

Vision 8係一間幾有誠意嘅意式西餐廳，之前有食過，印象幾好，今次同朋友去開荃灣就想再試下。食物保持到一貫水準，而且服務有禮細心，令人可以心情愉快輕鬆咁享受美食！🔸餐前麵包有兩款麵包，熱辣辣嘅，唔錯！🔸清蒸菠菜龍利魚卷配甜椒汁呢款係Chef's recommendation menu嘅其中一款，龍利魚柳卷釀菠菜，口感鬆軟鮮甜，配菜有煎薯塊、蘿蔔、抱子甘藍🔸酥炸小食拼盤好香口，感覺似fish and chips嘅加強版，有好香嘅雞翼同埋炸魷魚圈，配埋三款醬汁任你配搭🔸蘋果木燒西班牙黑毛豬鞍扒 (配芥末汁)黑毛豬鞍扒夠厚身，入口軟淋淋，好香！🔸Apple Crumble 配雲呢拿雪榚清新嘅擺盤，味道唔錯！

作為荃灣街坊一直都想試下位於享和街這間意大利餐廳， 今日終於有機會。午餐餐湯是忌廉蘑菇湯，口感creamy濃郁，配埋個餐包認真不錯。炸魚薯條份量剛剛好，炸魚外脆內嫩，做餐前小食一流。主菜選了一份安格斯牛西冷扒配黑椒汁，喜歡食生啲要求三成熟，廚師控制火候非常準確，肉質鮮嫩多汁，完全符合我的喜好。配料的紅蘿蔔和椰菜仔也都煮得恰到好處。另外選了一份中東包，又熱又脆的包皮夾住塗左麻醬的紅椰菜和雞肉，配上洋蔥圈和炸薯角，無論在口感還是味道上都很出色，亦十分飽肚。服務亦十分出色，兩位店員都好有禮貌，有機會下次再試晚餐。