Viva Pasta

Open Now

Now Closed

想係銅鑼食啲平平地嘅餐廳，睇到佢價錢幾抵，就去試下。點知一試就愛上，今次試左煙肉卡邦尼意粉，佢嘅醬汁係偏重芝士味，非常適合芝士愛好者。醬汁一啲都唔會慳，完全係每一條麵都撈到好均勻嘅醬汁。用料都唔慳，除左俾煙肉之外，仲有落蘑菇同洋蔥，提升整體嘅口感，有啲蔬菜冇咁寡。另外仲叫左一杯蜜糖綠茶，諗住佢都係落糖醬嘅綠茶，點知店家係落真蜜糖，飲落勁香濃嘅蜜糖味，非常用心。絕對會再anchor 呢間店，試多啲唔同嘅菜

在銅鑼灣是否真的找不到平、靚、的食物？穿越印傭姐姐的聚集地，在商場某一角，有一 隱世小店，每日努力地以相宜價錢為客人提供美食……儘管店舖面積不大，沒有堂皇裝修，唯食物味道卻超乎水準，屬意料之外，外賣午膳最為合適。

今日出開銅鑼灣攞嘢，行到攰又肚餓，即時openrice 睇吓bookmark有咩自己好想去試嘅餐廳先，今日真係好熱呀！想食啲凍嘢消吓暑，本來想食日本嘢，跟住諗諗吓，好似冇乜係黃色㗎喎！忽然諗起呢一間食評正又未試過，即刻去試吓先嘩！價錢好親民呀店內有文宣又有播榮光，真係要支持黃店華都夫雞肉沙律+凍檸水有沙律菜、西芹、青蘋果、提子、提子乾同腰果，好豐富下次要再試其他攞張外賣紙比喺銅鑼灣返工嘅朋友，一齊撐

今日下午要喺銅鑼灣上堂，要跟同學食個快午餐，見附近有黃店梗係要幫襯下啦！入面有大量文宣，老闆好親切，服務態度良好，唔怪得餐廳有好多顧客等位。我叫咗是日精選，意式茄蓉焗牛脷飯，不過冇得焗，所以變咗茄蓉煎牛脷飯。午餐好大份，牛脷煎得好焦香，充滿牛肉香味，茄蓉係用新鮮蕃茄，好鮮甜，食到香草嘅味道。而且午餐價錢相宜，喺銅鑼灣呢個地段好難食到咁大份午餐。我同學叫咗全日早餐，望落去都好吸引，下次如果再有機會食呢間餐廳，都會叫全日早餐試試！

台式肉燥滷水雞翼飯 $41勁多肉燥，好入味香草卡邦尼煙肉意粉 $43忌廉底白雪雪，仲好多煙肉銅鑼灣呢個價錢真係超卓，門面唔靚但入面都坐得舒服仲要好好食 同個個禮拜轉餐牌 有新意!✨禾桿冚珍珠✨門面貌似噏耷 野食絕唔馬虎✨黃店☁只收現金

銅鑼灣的餐廳選擇包羅萬有，但大多偏向中高價位，今天發現了在銅鑼灣中心裡藏了一間小店，非常抵食，食物水準都不錯！餐廳所在的商場大多是賣菲傭、印傭的衣服，不是平時逛街會去的地方，也不是很多餐廳。店面不大，但擺枱闊落，店員非常友善，會提醒我們不用點太多，怕我們吃不完（哈哈不怕倒自己米嗎～）我點了青咖喱豬柳粒飯（$48），味道偏鹹，豬柳很軟而不痴牙。我一向吃得較重口味，所以可以接受，但建議吃得清淡的人選擇其他。飲品方面，跟餐點了一杯熱杏仁霜，味道正常亦夠滑身。另外，朋友點了龍蝦汁海鮮意粉，據稱挺好吃，而且非常足料，蝦、青口、魷魚一樣不漏，以$48一份的價錢來說CP值很高！本想再點一份黑松露炸薯條，可惜已經賣光啦。下次來的時候再試吧！

銅鑼灣不論大大小小的商場都頗多，有些很新式，自然也有不少舊式的。然而因為店舖大多在新商場嘛，所以不少又舊又細的商場大概經被遺忘了?就像銅鑼灣中心商場這種真的不會無事去逛 ....今次會過來是因為在網上得悉這間的食物質素不錯，價錢亦不算太貴就襯著平安夜晚都是想吃西餐的念頭來到 (笑)南瓜汁珍珠帶子燴飯 ($48) -汁會不會太多了?? 味道香濃且甜度恰到好處配合軟硬適中的米飯，很快就可以吃光光。珍珠帶子雖然細細粒～但吃落還是有鮮味的！鮮蟹肉香草忌廉汁燴飯 ($48) -這個的汁看起來好似更豐富 ... @0@但味道對比前者來說就稍微淡了點囉 ...匈牙利燴牛肉伴飯($48) -汁很惹味～牛肉不算很嫩口，但也不會太韌。最後，"是日精選" 會奉送熱飲一杯杏仁霜 & 蜂蜜綠茶 ～兩者都很夠味，後者亦不會很甜。雖然這裡沒什麼裝修可言，食物貌相也不是特別討好 ...但味道真的如網上評論說的很不錯啲 (๑>◡<๑)

 大家都知道嘛，趁著節日很多西餐廳都會坐地起價，幸福的我們竟然在平安夜找到價錢好味道又好的西餐，坦白說就算不是節慶，現在也很少能找到這種好價錢，至少很難記起來，就算是茶記也沒有。廚師推介4. 鮮蟹肉香草忌廉汁燴飯 ♥♥♥♥ 入面有幾種菇，沒認錯的話應該是蘑菇、瘦珍菇和象鼻菇，有點爽脆的口感對比少許軟糯的飯粒，配上濃郁的白汁，就是食完暴肥也不要緊。同時要小心新鮮煮起真的非常燙口，我就是太心急中招了。不過我也是有點天真以為會食到蟹肉，相比之下同伴食的南瓜汁反而更得我心，店員還有特別說是用新鮮南瓜打成的，除了幼滑還能食得出很用心。

一直行銅鑼灣都唔知原來銅鑼灣中心商場係有餐廳🤭小店座位不多，有6-7張檯左右，店員都好忙，一直處理好多外賣單，所以上菜都需時餐廳除左小食，仲有意粉同燴飯食，我見到份量都幾大份，女仔未必食得哂🙈－－－－－－菜式1. 台式吐司伴薯條 4/5👍🏻雖然上菜時間有點耐，但都值得等候既，我原本以為薯條係茶餐廳個款波浪紋薯條，點知係粗薯條🤤薯條唔會太咸，即炸即食，脆得黎又唔係空心，吐司都有驚喜😋有別於西多士，吐司浸泡了蛋液和牛奶，用平底鑊慢慢煎香，兩邊都煎到金黄色🤣建議可加肉鬆或者沙律醬會更好食

今日去到銅鑼灣呢一間非常之避世嘅小💛店幫襯，地方非常隱蔽。裝修就好似一般嘅茶餐廳咁（唔係食環境始終），主打西式快餐。·諗住餐牌平均$50都唔使，喺香港真係好少有！！！二話不說叫左好多嘢食😭·椒鹽雞軟骨真係好大方，咁平都裝滿左成兜（第二張相先啱，第一張係忍唔住已經食咗好多），雞軟骨新鮮炸出嚟，灑上份量適中嘅椒鹽，粒粒都好脆好爽皮，仲要唔使就住食，有成廿幾粒😍😍·全日早餐真係有啲港式style，竟然有黑松露炒蛋白！係炒蛋白！好揼本！🤑🤑薯餅亦都炸得好脆，配埋漢堡扒、沙律、煙肉，估唔到都幾色彩繽紛，我好收貨啊😛·鮮蜆肉白酒燴意粉好大碟，蜆肉真係淡淡鮮甜，有少少蒜蓉牛油嘅味道，配埋爽口嘅意粉，飽肚飽肚🤰🏻·希望大家除咗熱門嗰幾間黃店之外，都多多支持呢啲小店啦，好人一生平安。💛-鮮蜆肉白酒燴意粉｜$48椒鹽雞軟骨｜$30全日早餐｜$42-Viva Pasta (銅鑼灣)銅鑼灣糖街15-23號銅鑼灣中心商場2樓201號舖

係附近睇完戲，想近近地搵間抵食既餐廳，search下search下搵到呢間餐廳，見價錢幾平，4,50蚊有交易，lunch time hour過咗都有唔少人食，見都有啲返工人士嚟食，應該係口碑唔錯既餐廳我點既係焗日式牛肉飯，連熱飲45蚊，係抵食之選賣相真心得，食落去有少少照燒味，牛肉都算多(相比起有啲茶記，干炒牛河得兩條牛肉......), 可惜我胃口細，食唔晒，下次會記得叫少飯......朋友叫咗個一口和牛定食，好似係50蚊，我都試咗一啖牛，真心唔錯！

黎過兩次，今次同朋友一齊食。餐廳望落唔係太大，約有4張4人枱，3張2人枱（印象中）。餐牌定期會更新，一個set四十蚊左右連飲品喺銅鑼灣都算係中下價位。我叫左黑松露蘑菇意粉，即叫即炒熱辣辣，等左15分鐘左右就有得食。意粉夠我一個大男人食，配料多，食到尾個汁直頭係當湯咁飲。喺銅鑼灣呢個全球最貴租既地方食到咁既意粉，兩個字，超值。我見人多時都要等下位（因為實在唔係太多位坐），但都見到佢地外賣做到基本係無停手咁滯。仲有聽女友人講，商場個廁所都算合格，對女性應該係bonus。