Viva Pasta

Open Now

Now Closed

今日下午要喺銅鑼灣上堂，要跟同學食個快午餐，見附近有黃店梗係要幫襯下啦！入面有大量文宣，老闆好親切，服務態度良好，唔怪得餐廳有好多顧客等位。我叫咗是日精選，意式茄蓉焗牛脷飯，不過冇得焗，所以變咗茄蓉煎牛脷飯。午餐好大份，牛脷煎得好焦香，充滿牛肉香味，茄蓉係用新鮮蕃茄，好鮮甜，食到香草嘅味道。而且午餐價錢相宜，喺銅鑼灣呢個地段好難食到咁大份午餐。我同學叫咗全日早餐，望落去都好吸引，下次如果再有機會食呢間餐廳，都會叫全日早餐試試！