六月堂

Open Now

Now Closed

這裡在非繁忙時間真係拍烏蠅，要平反真係要有人用心感受過吧。雖然此店乃茶餐廳格局，而價位亦十分平民化，但出品卻令人眼前一亮。今次輕嘗淺試了一個特價$45鴛鴦扒飯套餐，碟飯來得溫度剛好，入口不會燙嘴也不失熱度，扒大塊煎得不會太燶比一般茶餐廳健康，叫了多汁還是真正多汁，芡汁濃度適宜帶蠔油鮮味，配上大大個飯真是大滿足，不止於此更是伴上頗大份量的芝麻汁頂級新鮮沙律菜來均衡營養，的確是利腹又漂亮的一頓飯(細食的話夠二人吃)，感覺上除了少有地覺得一間食肆物超所值外也欣賞作為此店老闆的良心。

叫左2人餐$168，頭盤雞翼都比4隻你，個雜扒更離譜，根本係2人份量，連我都食唔晒要打包😨雜扒有晒牛雞豬煙肉司華力腸，塊牛扒成寸厚，成塊鐵板咁長，仲要肉質唔錯有牛味，出面食淨係呢塊扒都過200啦，呢個雜扒晚市單點$88，塊牛扒都唔夠比加$38有雪糕窩夫，係我見過最大最厚既窩夫2大塊，雪糕比兩大球，好離譜隔黎茶記排晒隊，呢間就空大半，完全唔理解嚴重懷疑佢賣一碟蝕一碟不過的確人手嚴重不足，但環境舒服咪當坐多陣抖下

由下午2點坐到下午2點24分，有一位服務員多次行經身邊，跟她揮手叫了2次要落單，她都只直行直過沒理會，那位是身穿陸號冰室的衫，只顧送餐，送餐不是問題，說句要等等很難嗎？黑口黑面。最後行出收銀到說要下單，這個態度好點，她說可以坐返位，轉頭會來幫我們落單，但行經過我們身邊還是沒有落單，也是去送餐，行過了2次都沒下單，最後離開去食第二間，好心不夠人手就加人工，請人做野。食物無食，不知味道如何，但旁邊的食客食唔晒，留了一半，就離開了，可能可以說好彩沒人落單，免去中伏

玉子三文治$28麵包鬆軟新鮮玉子即是炒蛋炒蛋就一般跟碟有日式芝麻醬菜菜子沙律加分餐飲熱咖啡很不錯西冷牛扒$56牛扒質素不錯食開肉眼扒的朋友竟然認為合格可以選兩款伴菜菜菜子及薯仔沙律的份量和質素也不錯遇上用心做的食肆和廚師有點運氣要再來食個二人晚餐~

留意呢間新開左好耐，良景本身有沒咩西野食，所以週末黎試下。一開始見到隔離同集團茶記排曬隊等位呢間野都沒人就應該要知道有伏。但秉持住試一下的諗法，叫左個$108的原條鰻魚飯。上到既時候個份量的確有d驚喜，有兩大厚鰻魚。雖然d沙律同d麻醬放埋係個飯度，不過之前評論都有見過心裡已有底。食第一舊鰻魚都OK，雖然肉質麻麻地，但至少係熱。點知第二舊完全係凍既，本身以為係放耐左所以凍，食到中間完全係凍冰冰。侍應都好人肯換一舊新的。但呢個價錢呢個質素真係唔會食第二次，寧願要退錢半價去食第二間好過。

員工態度好，環境舒服乾淨但食物叫咗個西多士，勁差勁難食中間得勁少勁少花生醬（如圖，揭開嗰件大家睇到）然後又落勁多蛋去炸好似圖中右上同右下角嗰兩舊咁個比例好差好似食咗成份炸蛋液咁啲蛋索晒啲油味真係食唔落去

無意中發現良景商場祥興茶餐廳嗰個位 多左間西日式嘅餐廳 主要係食意粉/窩夫/扒/沙律同樓下嘅泰國菜一樣 陸號冰室同六月堂係同一集團嘅間中都見到職員兩邊頂位咁餐廰唔算好大 佔以前祥興1/3位置左右 全部座位都係卡位 淺木色枱就係好乾淨嗰種設計叫左個Lunch試下 揀左西冷牛扒+沙律餐可以喺四款沙律入面揀兩款主食亦可以配飯 亦有少量意粉揀 牛扒係預設用日式燒汁 甜甜地唔算太大件偏厚身 味道口感正常發揮 牛扒放得太近蟹籽沙律 搞到啲蟹籽好似有浸油咁 賣相差左少少薯仔煙肉沙律 薯仔較硬身 一般吧下次呢個時間都係叫返飯穩陣啲😂btw 佢lunch time 都有窩夫 見到隔離叫好正咁🤤