Video
Introduction
It mainly serves shabu shabu with all-you-can-eat style and signature high-quality are cut to order. The menu offers different levels of beef and good to pair with seafood. In addition, the self-service bar provides a variety of hot pot ingredients, drinks, desserts, etc., for you to select.
continue reading
Opening Hours
Today
12:00 - 22:30
Mon - Sun
12:00 - 22:30
Above information is for reference only. Please check details with the restaurant.
About Reward Scheme
約左朋友係新都城食飯，經過見到有間火鍋店做緊90分鐘放題，低至$178就可以任食，今晚同朋友食靚啲，揀左level 4特級牛小排套餐，除左肉類、海鮮同炸物可以點餐，自選放題區仲有多種蔬菜、丸類、麵類、飲品同甜品湯底揀左昆布鰹魚清湯 + 博多豚骨濃湯 昆布鰹魚清湯清甜，湯底帶有淡淡嘅昆布香味，食材煮完後更加突出原味博多豚骨濃湯味道香濃，豬骨味道濃郁但不油膩， 兩款湯底一清一濃，啱晒唔同口味需求肉類 牛小排肉質細膩，油花分佈均勻，煮後鮮嫩多汁，入口即化牛肌腹肉帶有嚼勁，肉味濃郁牛舌切得薄身，涮完之後柔軟有彈性羊肉冇膻味，油脂比例適中，煮完軟嫩唔柴阿古梅豚肉油花豐富，肉質柔嫩細緻炸物 雞皮餃子外皮香脆，雞皮嘅油香十足，一口咬落外脆內嫩，層次分明日本一口芝士芝士餡香濃幼滑，炸衣酥脆日式炸餃子餃子皮香脆而薄，內餡豐富，帶有輕微嘅蒜香同肉香味。 甜品 即唧軟雪糕奶香濃郁，甜度適中可以配埋脆脆嘅穀物增加咗豐富嘅口感啫喱口感Q彈清爽，充滿童年回憶芒果糯米糍外層糯米皮軟糯彈芝麻紅豆大福外皮柔軟帶有芝麻香氣，內餡紅豆甜而不膩
continue reading
之前食過<牛摩>買1送1 A5和牛放題，對<牛摩> 印象好好👍🏻是日放假周圍去，6點令就去食放題😝今次食Lv4 特級牛小排放題😍 麻辣鴨血湯底(大) (+$18) 依舊係不二之選，有鴨血食，湯底用真香料熬製，令人欲罷不能😋 另揀昆布鰹魚清湯底🍢 一邊辛辣刺激，另一邊清淡飄香😜第二次食<牛摩>，等我分享吓嘆<牛摩>小秘技😎🌟溫泉蛋任叫任食，隨意將食物先蘸溫泉蛋再放入口，增添蛋香🌟特級牛小排牛味濃，蘸麻醬最可口🌟星級牛肌腹油脂豐厚，淥兩淥就咁食，盡享原汁原味🥳🌟主打牛肉嘅餐廳，估唔到阿古豚梅肉都咁出色🤩 豚肉片味好香，脂肪更係香得嚟脆卜卜，成塊肉食落好爽口，大讚🫶🏻🌟牛舌油脂好香，質感爽口，開始咗食就停唔到口，我一啖食一盤牛舌架🤭意外發現鮮炸小食都好正😱腐皮蝦寶好香脆同易入口，感覺要嚟做睇戲小食都好啱😆日本一口芝士咸香好獨特，熱辣辣得嚟好 creamy，令人印象深刻😍今餐我至愛甜品係自助唧朱古力雪糕，朱古力香濃高質🤎 另外，北海道牛乳乳酪凍冰冰，酸酸甜甜，食到㷫恰恰時降降溫，refresh 吓二訪<牛摩>，每碟肉都係睇得見、食得出靚仔高質☺️ 服務貼心，勤收碟、加湯，兼好著重服務細節，例如每個湯分別係加相應湯底，而唔係加水/同一個湯就算，湯底愈食愈好味🤗 平日7點度，餐廳就滿座，好誇張，證明大眾都咁喜愛<牛摩> 👏🏻食完走出餐廳外，先發現有2個大人帶小朋友同行嘅專享優惠❣️ 小朋友收費可以低至$0，世上那有咁抵嘅事？抵到令人難以置信❤️🔥太多理由再 3，4，5，6⋯⋯訪咁正嘅放題🥹📌牛摩📍將軍澳寶琳欣景路8號新都城中心二期2樓2060-62號舖
continue reading
今日放假約左朋友黎到寶琳行街，夜晚嘅時候朋友提出想打邊爐🍲跟著我地即刻上Openrice搵下有邊間餐廳打邊爐，咁岩見到牛摩啦🤭我同朋友都好中意食豬肉，所以簡左Level3 阿古豚梅肉 $258🐷，先講下湯底先，有成9款可以選擇，我地簡左長野蘋果湯🍎同埋蟲草花雞白湯，蘋果湯好驚喜，甜甜地好重蘋果味🩷蟲草雞白湯都好濃郁，好好飲😆自助吧重有各款醬汁、食物、飲品同甜品比客人自己拎，當中都有好多種類可以選擇👍👍如果大家好餓，而d食物未熟嘅話，絕對先建議大家重可以掃QR code order住d熟食先🤭熟食都有多款選擇，例如章魚小丸子、炸雞軟骨、枝豆等。。。肉類方面，牛肩胛同牛腹肌肥瘦均勻，唔會好薄，而且食落重好有牛味， 阿古豚豬肉每片係大大片，個人認為加落蘋果湯度甜甜地，幾好食🤭🤭食到尾聲一定要食個甜品作結，甜品櫃有啫喱、泡芙、大福等等選擇，不過我十分推薦大家食北海道乳酪雪糕🍦，因為好重乳酪味🥛，好好食😍總括嚟講，餐廳環境舒適，服務員有禮貌👍食物上菜速度快😍冬天真係好適合打邊爐🍲牛摩絕對係一個好選擇😎😎下次有機會一定會再去😆😆
continue reading
每逢諗唔到食咩，但又好肚餓既時候，打邊爐都係不二之選仲要咁岩同屋企人行下街，見到唔使book 可以walk in仲要咁岩有幾日優惠套餐🍽️九州黑毛和牛90分鐘火煱放題 $299雖然唔係好高級數既和牛但絕對對得住價錢💲我諗我地兩個人，encore 左7-8碟添👅同埋每碟質素唔會差太遠，唔錯屋企人係食肉獸，不停食肉，呢種放題就真係岩哂佢果度仲有自助區拎其他打邊爐食物，或者QR code 點海鮮/熱食雖然款式唔算太多，但可以walk in , 滿足即興既邊爐癮，確係好唔錯湯底：選左博多美人骨膠原啫喱雞白湯+港式特濃沙嗲湯我就覺得好普通，味道唔太突出港式特濃沙嗲湯+ $30 追加飲品甜品自助放題呢個我有加，因為⋯點都要飲野既仲可以+$10 追加飽魚我地唔好飽魚，所以就冇加啦
continue reading
被M7餐牌張相所吸引而入左去食叫左4碟所謂既M7碟碟都無乜油花愈上愈瘦最尾個碟牛小排一點油花都無柴皮一樣2人$612極度失望湯底無乜特別唔會再幫襯，咁既質素，衰過去食牛肉飯環境麻麻，張梳化坐落去是濕漉漉的，個廚房門口勁臭
continue reading
You may be interested in
-
woosolo Tseung Kwan O
-
Katachi Bar & Kushiyaki (MCP DISCOVERY) Tseung Kwan O
-
【Japanese and Korean】$100 cash vouchers for selected restaurants **Unlimited redemption** Tsukiji Japanese Restaurant (Island Beverley)
-
Regular Price 25% Off on Food A La Carte Menu ( excluding beverages & set menu) Ruby Tuesday (新都城中心二期)