379
13
34
| Restaurant: | Wagyu Yakiniku Ichiro (MCP CENTRAL) |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
4-min walk from Exit A2, Po Lam MTR Station
continue reading
Telephone
23875388
66156688 (Whatsapp)
Introduction
Wagyu Yakiniku Ichiro is the first in Hong Kong to use the "Wagyu Beef Identification Number". The origin and background of the beef can be clearly seen at a glance, ensuring that diners can enjoy the real Japanese Wagyu beef and taste the real taste. Hong Kong's first intelligent delivery model of "Shinkansen for roast pork", which is faster and more hygienic.
continue reading
Additional Information
接聽/whatsapp回覆訂座時間: 14:30-18:00
Opening Hours
Today
12:00 - 23:00
Mon - Sun
12:00 - 23:00
Above information is for reference only. Please check details with the restaurant.
About Reward Scheme
Offers
| Restaurant: | Wagyu Yakiniku Ichiro (MCP CENTRAL) |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
我家毛子好鍾意食呢間和牛燒肉一郎，而家推出咗新嘅”All you can eat”套餐，特登嚟回一回佢，點知原來裝修咗，變咗有送餐列車，感覺好得意，而家連燒肉都用列車送，不過個音樂略嫌大聲咗少少哈哈😆二人放題會送澳洲M9薄灸盛盒，係牛里脊肉，精肉較多，油脂少啲，有咬口，放入口會爆發出嗰種牛肉香，喺其他地方比較少咁樣食，都幾特別🐮海鮮🦞控嘅我食咗半打帆立貝，牛油蒜香帆立貝同黑松露牛油帆立貝，燒完都仲係大大粒，除咗有牛油蒜香味之外，帆立貝肉質鮮甜，係唔錯嘅選擇。肉類方面，牛舌同埋日本豚肉片都不錯喔，兩款肉切成咗薄片，燒一陣就會見到有血水，就可以翻面，千祈唔好一翻再翻，翻一次就可以食，如果翻得太多次肉質就會變柴，配合一啲特色醬汁，我鍾意佢嘅蔥油醬同芝麻醬。然後將韓式小菜（菠菜、芽菜、紅蘿蔔絲）連生菜同肉類包住嚟食，好好味呀！吉列蝦外皮超香脆，新鮮炸嘅熱辣辣，入邊蝦肉好實淨，仲配埋特色蛋黃醬，唔錯👍🏻 見佢炸嘢咁正，所以叫埋炸雞，又係個外皮入邊超Juice，全部都係即叫即整，辣口。出邊嘅半自助餐區仲可以自己整紫菜香蔥拌飯，仲有好多茶包可以挑選，有爆谷、雪糕、雪條、棉花糖、甜品區，一應俱全，滿足晒我呢一啲為食貓。呢個新套餐性價比好高，相信香港經濟唔係太好，所以先至會有呢種改變， 2024年經濟未必會好轉，但係希望大家都可以以樂觀嘅心態去面對🌦️🌈
continue reading
好耐無食燒肉放題，近近地去左將軍澳分店嘅和牛燒肉一郎！依加仲有將軍澳分店限定優惠，只要係下午4:00後入座至晚上7:00前離座或晚上8:30後入座，燒肉放題套餐可以免加一，超抵食！✨S2 Course 80 品燒肉放題 $288/pp呢個燒肉放題好抵食，$300都唔洗就可以任食80款食品，當中更包括澳州特選牛4款、美國特選牛4款同多款新鮮海鮮，自助吧亦有多款沙律、飲品、雪糕同埋甜品供應。依家惠顧呢個套餐仲會送炙燒壽喜燒壽司兩件，仲有店員喺你面前燒埋，真係100分嘅服務。🔸牛肉類食得呢個餐梗係要叫澳州特選牛同埋美國特選牛。佢一共有四款，分別係M9薄炙牛里脊肉、牛肋肉、牛里脊肉同埋牛角切肉。除此之外，仲有多款牛舌同埋牛橫膈膜，全部牛肉都好新鮮，當中我最鐘意就係M9薄炙牛里脊肉，食落油脂感豐富，牛味亦好香濃。🔸豚肉、雞肉類呢個套餐共有五款豚肉同埋六款雞肉，當中包括平時食燒肉最鍾意嘅豬頸肉同埋雞腿肉等等，食牛肉食到膩膩哋不妨叫吓豚肉同雞肉，質素絕對唔會失望。🔸海鮮類食燒肉又點少得海鮮，呢個套餐共有十款海鮮供應，分別係海蝦、帆立貝、魷魚、多春魚、青口、廣島蠔肉、八爪魚仔同埋我最推介嘅黑松露牛油帆立貝、蒜蓉牛油帆立貝同埋蒜蓉牛油海蝦，呢三款海鮮真係超好味。
continue reading
.寶琳· 人氣奢華燒肉放題.和牛燒肉一郎📍將軍澳欣景路8號新都城中心二期1樓1040-41號舖.➰依間餐廳由開幕至今一直都人氣爆燈，主打日本直送黑毛和牛放題，亦有其他產地部位，提供過百款燒肉及海鮮，非常豐富。.今日到訪位於將軍澳寶琳嘅分店，餐廳門口已經有一頭黑頭和牛嘅模型，亦顯示左今日店內和牛嘅產地，非常有氣派同氣氛，揀好套餐，侍應熱情招呼我地就座之後就簡單介紹左一下餐廳分別有飲品沙律甜品等嘅自助吧區，燒肉方面亦分為一次性嘅精選稀少部分及放題任點部分可以用QR CODE落單。.餐廳更用上燒肉新幹線送餐，將燒肉新鮮高速直送至客人枱上，衛生又方便，室內裝潢亦偏向西日式風格，簡潔柔和，非常舒適。.➰❀燒肉套餐E 💲598 (五至日及公眾假期 💲698) 餐廳提供6款燒肉放題，亦有單點燒肉提供，任君選擇，由C級開始已經享用黑毛和牛頭盤，性價比亦非常高，由D級開始更已經可以享用啤酒、梅酒、清酒放題，可以同朋友不醉無歸.𖥕黑毛和牛6款 ⭐️4.2/5⭐️𖥕是日黑毛和牛精選 ⭐️4.3/5⭐️𖥕和牛西冷 ⭐️4.4/5⭐️𖥕極上厚切牛舌 ⭐️4.4/5⭐️𖥕厚切牛舌條 ⭐️4.3/5⭐️𖥕和牛壽司⭐️4.2/5⭐️𖥕和牛生牛肉他他⭐️4.2/5⭐️𖥕和牛壽喜燒⭐️4.3/5⭐️.點餐後侍應隨即送上套餐頭盤，包括黑毛和牛6款﹑海鮮3款及是日黑毛和牛精選。其中最搶眼非和牛西冷莫屬，肉眼可見的油脂肉紋完美分佈，是眼見已經滿足的滋味，侍應更會幫忙燒肉，務求將完美的和牛西冷供應給客人，油脂入口即溶充斥口腔，非常滿足。.另外值得一提嘅和牛壽司及和牛壽喜燒可以放題任點，同樣非常出色，伴上溫泉蛋一同入口可以中和油脂感，食多幾件亦唔會膩。.當然不得不提本人係牛舌控，餐廳非常貼心提供多款牛舌，除左口感爽彈嘅厚切牛舌條外，令我點完又點嘅極上厚切牛舌實在非常出色，餐廳貼心將牛舌芯𠝹花，令牛舌受熱平均，更易燒出焦香，做到外脆內嫩，更是放題任點，無限滿足，十分出色。.最後甜品部分亦有得玩燒棉花糖及各種雪糕雪條甜品等，其中白桃烏龍味道突出，推薦一試。.➰總結餐廳以高質黑毛和牛燒肉放題作主打，專攻鐘意食高質燒肉放題嘅朋友之餘，亦提供套餐單點等，選擇豐富，而今日與朋友基本上將頭盤的黑毛和牛食完已經接近七成飽，燒肉用料十分高質，單是為了牛舌已值得一試再試。.➿➿➿#和牛燒肉一郎#將軍澳美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#日式燒肉放題 #和牛放題 #黑毛和牛#極上厚切牛舌 #和牛西冷#和牛壽喜燒.
continue reading
好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗我個人好鍾意食燒肉，尤其係高質素嘅牛肉，今次揀咗呢間網上面評價唔錯嘅和牛燒肉放題，睇吓掂唔掂先～我同朋友揀咗放題D（$478/120分鐘），4款和牛有牛肉眼、牛肋肉、牛里脊肉同埋牛柳粒，當中嘅牛肋肉同牛里脊肉係可以無限添加！所有和牛輕輕燒吓加埋玫瑰岩鹽就食得，當然佢仲有多款醬汁可以加落去食。每款和牛都油花均勻，好易咬開，肉味濃，肉嘅質素非常好。另外仲有一大塊和牛西冷，店員會幫你燒，可以揀5成或8成熟～同時都有美國同澳洲嘅特選牛肉可以揀，都係好高質！如果不斷凈食牛肉覺得油膩，可以叫生菜，發揮創意用生菜包住燒肉同其他配料一齊食，我自己就落咗醬汁、燒菇同紫菜條食，你亦都可以叫泡菜盛盒（白菜、青瓜、白蘿蔔泡菜）包落去，可以減輕單純食肉嘅油膩感。最後，牛肉方面，唔可以錯過嘅係熟成壺漬牛肋肉，呢個壺漬嘅醬汁真係不得了，味道正之餘仲令到牛肋肉更鬆軟，非常好食！將D 菇類先浸呢個汁再燒會更加滋味㗎！除咗瘋狂食牛肉外，佢嘅海鮮都好正，尤其推介蒜蓉牛油海蝦，海蝦已經開邊，中間夾住蒜蓉牛油同蔥，蝦肉新鮮爽口，好味！味醂魚乾燒嘅過程好得意，佢會脹大又縮返，呢個送酒一流！因為太鍾意食牛肉，都未有空間試到豚肉同雞肉呢～ D餐有包梅酒、清酒、啤酒任飲，自助區有好多款罐裝飲品、汽水、8款花茶同3款茶包、咖啡任揀，點都會揀到啱飲嘅嘢！另外仲有白飯、和牛肉燥、紫菜湯、沙律菜同配料、甜品、雪糕雪條、爆谷，選擇多到眼花繚亂～ 最得意嘅係牛牛造型棉花糖，估唔到BBQ 必食甜品嚟食燒肉放題都食到！可惜嘅係，咁啱個棉花糖機維修中，我本身好想試玩吓呢～除咗自助區食品飲品外，係用QR code 落單，方便又環保，食物用燒肉幹線列車送到，又快又唔漏單。環境坐得舒服，抽風做得唔錯，食完都唔會一身燒肉味出返嚟，店有提供圍裙，著淺色衫都唔怕整污糟！自助食物區好整潔，令人食得好放心，職員服務態度好好，不時會教我哋點樣燒會最好食，亦都有時會幫我哋燒，中間主動幫我哋換咗2次燒網，收碟收得好快唔積聚，連唔係侍應嘅收碟姐姐都非常好禮貌。呢間燒肉放題高質又好味，食得好開心！☆My IG @tracyloveliving ☆
continue reading
餐廳環境好寬敞, 全部都係卡座位, 坐得好舒適。自助吧可以拎飲品/ 甜品/ 雪糕/ 沙律, 而我地張枱側邊有智能路軌送餐, 非常方便。𓊈Course E 黑毛和牛12款 $𝟻𝟿𝟾𓊉𓆹 和牛西冷店員會好好咁樣幫手燒, 和牛西冷嘅雪花紋好靚, 燒得剛剛好, 充滿和牛油脂同香氣。𓆹 黑毛和牛6款6款包括和牛肩胛肉, 三角腹肉, 和牛肉眼, 和牛牛肋條同和牛牛肉角切, 每一款都好軟腍, 真係入口即溶, 個人最鐘意三角腹肉, 肉味真係好濃郁!𓆹 是日黑毛和牛精選是日精選係貝肉, 係中腹最接近腰脊嘅稀有部位, 切開嘅肉紋好似貝殼類咁, 油脂豐富, 食落 juicy 多汁, 好好食!𓆹 海鮮扇貝大大隻, 燒完真係好鮮甜, 蝦都一樣好大隻, 食落新鮮爽口, 另外仲點咗多春魚嚟食, 店員非常 nice 幫手慢慢燒!𓆹 其他配料除咗頭盤, 仲可以用 qr code 點餐, 除咗牛肉, 仲有有雞肉, 豚肉, 海鮮同野菜等等。𓆹 梅酒 ✧ 清酒 ✧ 啤酒放題呢個set 可以任飲梅酒, 清酒同啤酒, 清酒比較爽身, 好易入口, 而啤酒用嚟配襯燒肉真係好正! 除咗酒類飲品, 喺自助吧可以揀唔同汽水, 同時亦有唔同茶包可以沖熱水飲。𓇊 整體嘅和牛肉質都好好, 環境寬敞, 店員好友善, 值得二訪!
continue reading