華康餐廳 (Closed)

清明節正日不用拜山，於是出灣仔逛一逛，事前先吃個下午茶，本打算試試 Dog Lovers，不巧交加里一帶的食肆竟全線休息，成條街冷清清，唯有改去附近的華康餐廳解決。華康在灣仔區共設立三店，風格跟翠華相近，同樣是貴價茶記，平時一個特餐也要 $39，的確係幾乸利。話時話，翠華的分店雖開遍港九新界，卻一直沒有在灣仔插旗，莫非擔心同華康打對台？下午茶餐一律 $28，價錢較平易近人，女友要了一客「日本豬軟骨拚自製菜肉水餃配魚湯撈麵」，名字有如水蛇春，可想而知有幾豐富。先不理豬軟骨是否來自日本，入口腍軟，肉帶一點肥脂，炆得亦夠入味，已經收貨。菜肉水餃是自家貨色，以鮮蝦、豬肉加嫩菜，三者比例恰好，用料上佳。而最重要的麵條，也煮得爽口彈牙，只是略嫌魚湯的味道不夠鮮，亦有點俗，沒有想像的清甜。我不太餓，只點了 $7 的奶油厚多，相信是全場最平的食物，厚多士的邊位烘得夠脆口，醬料也下得多，並無偷工減料，交足功課。另加 $2 的凍奶茶少甜，茶底香濃，奶的比例不多，是我喜歡的味道。正所謂一分錢一分貨，華康的出品確有水準，價錢貴得有道理，有機會會來試試晚市，蒸條黃花送飯，是個不錯的主意！另外想問問，點解寫食評無

　這晚我一條友路過灣仔克街到華康餐廳醫肚，看完牆身張貼既推介後，我便點了一客中式晚餐：B餐～鮮什菌彩椒炒牛柳粒+菜乾煲豬骨湯+白飯+涷檸茶$48,雖然價錢略貴，但勝在配搭新穎～味道香濃，獲氣十足～值得一嚐．

正餐比較貴，下午茶價錢反而合理些。6點半前重有下午茶，叫個日式雞柳炒烏冬及缽仔焗肉醬腸仔飯填肚。轉頭烏冬就送上，相當熱辣，又唔似一早炒定。烏冬咬落有點煙韌不立口，雞肉亦不乾鞋。水準不差。只是不明是什麼日式整法。焗飯就預左要等上一陣。飯焗得夠乾身，肉醬味道恰好並不太濃，腸仔則只是小配角，可有可無。同樣令人滿意。咖啡、奶茶也香濃順滑。不錯。

份量比較少. 味道一般. 但勝在個麵同魚春卷的比例係各佔一半 餐廳環境ok, 但可能人多關係, waiter服務麻麻 眼見"魚春卷米線"之外, 午餐大概$28~$30, 其他米線套餐就$35~$40可以一試