華記士多

Open Now

Now Closed

最近轉左工，踏足呢個之前比較少去既地區，網上唔少人推介呢間西灣河名物。餐廳內無餐牌，所以入店前請望下店外塊牌，其實午餐只有3款，但每日午飯時段都多人等位，証明選擇唔使多，夠精就得！① 芝士咖哩蛋包飯 $52 (凍飲加$3)咖哩汁夠多，偏向日式咖哩，味道適中，唔會好甜亦唔會好辣。比較薄的炒滑蛋覆蓋成隻碟，𠝹開面層的蛋，便見到醬油雞肉飯以及已經溶化的芝士。醬油飯雖然深色但唔覺得鹹，撈埋蛋同咖哩一齊食口感豐富，味道好夾，不過芝士就唔算好突出。下次試下食無芝士版就知分別之處～

華記士多自從搬舖之後都冇食過，有幾次經過見到人龍有排排，今次終於等到非繁忙時間唔使排隊🥹🫶🏽咖喱蛋包飯 包熱飲 $47一如既往咁好食🥹🫶🏽半熟蛋漿配埋獨家咖喱汁，佢個咖喱係傾向日式咖喱嗰種，但係香料味再重啲，而且都幾甜下，好似唔使錢咁淋咗勁多汁，送飯一流，個飯係炒飯底，睇落好深色其實唔濃味，餸就係雞肉，食落正常，$47堂食包埋熱飲，呢個咁佛心同有誠意嘅小店真係愈嚟愈少見🥹就算份量少啲都收貨🫶🏽-題外話：千祈唔好去餐廳個廁所，因為係災難性咁污糟🥶要行入廚房先到廁所，成件事好親切但係好Kam🤣，重點係地下濕滑，女士們如果着高踭鞋嘅話好容易跣親啊，強烈建議想去廁所都寧願忍一忍先😮‍💨另外就係唔做晚市㗎，唔好摸門釘

邊個話食蛋包飯一定要去日本餐廳？欣賞呢間港式蛋包飯老字號，就算由行仔嘅一個小攤檔到搬咗入舖頭，都依舊保持住佢食物嘅水準！午餐嘅選擇依然係蛋包飯，芝士蛋包飯，同埋肉燥飯三種選擇，所以餐牌都唔使睇㗎啦，適合有選擇困難症嘅朋友，唔使揀嚟揀去🙈咖喱蛋包飯🍛欣賞佢用港式炒蛋嘅方法，做到好似日式蛋包飯咁，蛋味好濃之餘又好滑。炒到有啲似流質嘅蛋同咖喱汁融為一體，係撈飯嘅不二之選😍而佢嘅咖喱汁又唔會太鹹，所以成碟咁食都唔會覺得好重口味。裏面再配上雞肉炒飯，雞肉嘅份量都唔吝嗇，每口都有肉好滿足☺️

小編睇咗YouTube介紹，星期日晏晝到小店lunch，店家一共只有提供三款菜式：咖喱蛋包飯咖喱芝士蛋包飯 （蛋同飯之間多咗1片片裝芝士）滷肉滷蛋飯小編選擇咗咖喱蛋包飯：薄薄既滑蛋🍳和咖喱汁🍛鋪滿整個碟，與飯量的比例剛剛好！咖喱汁屬於甘口日式咖喱，不會太辣裏面的醬油飯，雞肉已切條，份量頗多，飯也是粒粒分明。唯一小建議：剛上碟時有出煙🔥，但飯應該都係預先整咗先，所以會凍咗少少，如果整份蛋包飯再熱少少就perfect 啦🥰至於個飯包既熱飲，小編叫咗熱奶茶，但奶偏多，茶味好少。水吧一般般啦🫣。結論呢個價黎講cp值幾高，由於餐廳只做三款飯，所以唔需要等好耐就有得食啦👍🏻黎開西灣河但又唔想去太安樓，就可以嚟呢度試吓，坐低慢慢食😋

西灣河後巷蛋包飯華記士多之前執左，好失望。知道佢重開，一於去朝聖，而家搬咗地鋪，環境比起後巷乾淨咗好多。星期六12:00去到坐滿哂人，幸好唔洗排隊。留意沒有做晚市。餐牌暫時比較單一，午市只做兩樣嘢，咖喱蛋包飯同滷肉蛋飯，但係兩樣嘢都夠做，全世界都淨係叫咖喱蛋包飯。💜咖喱蛋包飯（加芝士）（包嘢飲）$47+$5🌕🌕🌕🌕🌕/5咖喱保持返之前嘅水準，日式咖喱味道偏甜唔辣，濃稠適中，大量滑蛋完全覆蓋飯面，嫩滑多汁，芝士係片裝個種，鋪係蛋同飯之間，微微芝士鹹香，食落味道冇咁單調，飯底係雞肉醬油炒飯，粒粒分明。雞肉大舊切成條狀，算幾足料，肉質鮮嫩，價錢當然唔及之前後巷鋪咁平，以$47咖喱蛋包飯嚟講，份量合理，包埋嘢飲凍飲加$3，今時今日都幾難係香港搵到。🍴整體評價：✅CP值高✅味道保持水準✅西灣河人嘅集體回憶

華記士多搬咗去一個地舖，排咗半個鐘先入到去，今次試咗佢嘅即食麵同埋咖喱蛋包飯，即食麵煮得啱啱好，有少少彈牙好食。至於咖喱蛋包飯，咖喱味非常之香，但亦都煮到啱啱好。😛

剛從外國回來的我們，第一時間就來到了我們在西灣河的愛店 - 華記士多。👍🏻記得上年在離開香港之前，我們特地過來這間餐廳吃蛋包飯，那時還未入鋪，我們外賣拿到車上吃，別有一番風味。😃想不到這次回來，發現原來華記士多已經入鋪了，可以在店內坐下來吃了。🤩我們點了兩碟咖哩蛋包飯🍛（$47）加芝士🧀（$5），飲品本來想點橙汁特飲，但可惜現在已沒有供應了，幸好還有包裝檸檬茶可以選擇，很久也沒喝過了，😍咖哩蛋包飯質素依舊美味😋，加了芝士🧀的蛋又滑又香，太讚了！💕翻開面蓋的滑蛋，熱辣辣🔥、香噴噴，裡面是加了咖喱、肉肉的炒飯，加上面頭的咖喱汁和滑蛋一起吃，惹味非常，一啖接一啖的停不了，很快就吃光了！🤤🤤男友喜歡吃得要多叫一碟，太誇張了！🙈😂平時也喜歡光顧小店的我倆最著重食物質素😍Info店名：華記士多營業時間：星期一至六 07:00-18:00，星期日 08:00-18:00地址：西灣河太寧街3號百利居地下B號舖

【流心滑嫩。蛋包飯】這家西灣河名物終於重開了，新店的店面比之前的大了很多，地方很乾淨，光線也很充足，除了區內街坊，還有很多人跨區來吃，所以人流源源不絕，店裡大約有24個座位。小店主要提供2款食物，只有門口的餐牌。最重要是價錢很親民。❈咖哩蛋包飯 HK$47 + 凍飲 HK$3甜而不辣的式咖哩，蛋包飯是醬油炒飯，內有滿滿的雞肉，炒飯很乾爽，粒粒分明。半熟滑蛋是精髓所在，蛋味香濃配上一口雞肉和炒飯，簡單而豐富。

我好鍾意食蛋包飯，所以成日去唔同地方一見到蛋包飯就會叫，今次有朋友介紹食呢一間咖喱蛋包飯就入咗去，見到都好似好多人排隊，但好彩係個價錢一個蛋包飯都係$47 ，加芝士都係$4 ，我覺得好平！我諗佢專做蛋包飯，所以其實都冇乜選擇另一個係老化或者有啲多事，但係我諗個個肉平時都係食佢化咗蛋包飯就叫咗一個。由於人真係太多，所以要等大概15至20分鐘，本身想叫個多士，但係佢多人到唔想做，係叫第二次佢先肯做，個咖喱飯終於上嚟，好正，入面有好多雞肉，同埋個芝士都好夾，第一啖食落去叫埋啲咖喱汁已經忍唔住叫出嚟，$47包埋飲嘢好似係，值得一試。

剛好有最後一個位，馬上坐低。想不到早上11點已經坐滿人。叫出前一丁大約一半人，其他顧客都係蛋包飯。唔覺有人食滷肉飯！地方很乾淨，也很光猛。落單的時候，忘記了要加芝士，等咗10幾分鐘先至醒起，好彩仲趕得切改！最後等了半小時才有得吃。一早已經預咗，因為知道係每一個獨立整的。味道很濃郁。加上咖喱汁之後，有少少偏鹹，但是仍然可以接受。咖喱和芝士的味道很夾。好快已經食晒成碟。會再來的，但是下次我要試吓佢個滷肉飯。

早餐叫個餐蛋丁就咖啡即上，之後等左廿幾分鐘個麵都未到，問佢係咪漏左單，回覆係「我哋既出前一丁麵係逐個逐個淥，排住單淥、聽完我接受，但係我真係冇時間等落去，咁有誠意嘅茶餐廳留返俾其他人感受下

終於黎試聲稱西灣河名物舊鋪 收得好早 成日都食唔到 新鋪終於收18:00 ，終於Tea Time 都食到因為新開 平日3 4 點都要排隊滑蛋唔錯，配上香濃咖喱汁一想碟就聞到香噴噴第一啖食落，味道唔錯但咖喱汁偏鹹越食越鹹去到最後一兩啖真係行唔到有啲乸喉嚨少少建議 調較番淡少少會更好連埋野飲唔算貴 今次無加芝士，可以自行決定加唔加

由中學發現呢間寶藏餐廳開始食到宜家就來大學畢業，由佢38蚊咖喱蛋包飯食到宜家47蚊。會得登行去買，只係因為實在真心太好味， 第一間我想都唔想就會想去食午飯嘅店。唔敢相信咁好味嘅咖喱蛋包飯係一間咁細嘅小店仔出來。唔係講笑，之前以為佢執咗，番到屋企唔開心到全日食唔落嘢，宜家知佢做大咗仲終於有位坐好為佢哋開心。我最鍾意佢咖喱蛋包飯加芝士，加杯凍奶茶，勁搭。佢嘅蛋非常鮮嫩，入面嘅飯係雞肉有味飯，雞柳煎過香脆咁啖啖有肉，加上芝士係真係芝士粒直接放係蛋下面你一匙羹不起會拉絲個種，用料超扎實。強推！！！

今天星期六下午到西灣河 ，想試試這處很出名的蛋包飯 。去到的時候是下午兩點鐘和已經有很多人在外面等位和外賣， 雖然有很多人，但是店員非常有耐性和有禮貌的招呼每個客人 ，令我感覺很舒服。 雖然等了差不多半個鐘頭蛋包飯才到， 但我覺得絕對值得，因為不論份量和味道都很好 ，只需要47元 ， 去邊處搵