和歌山 (樂富廣場)

Open Now

Now Closed

今次嚟到樂富新開嘅一間日式餐廳 餐廳走木系裝修風格 環境簡潔舒適 而且食物選擇都算幾多 我星期六晏晝嚟都要排一陣隊先入得(˶‾᷄ ⁻̫ ‾᷅˵)❣️白汁芝士軟殼蟹焗飯 ($108)餐牌寫係炒飯 但我就唔太食得出😹值得一讚嘅係軟殼蟹真係炸得非常酥脆 而且芝士極拉絲!!! 但就因為佢係芝士再加上炸物 感覺上比較油膩 食完真係覺得超飽🤰🏻❣️三重吉列定食 ($108)有吉列海老、吉列牡蠣同埋吉列豬扒 呢個價錢有咁多嘢食都算幾抵 吉列蠔都幾鮮甜 吉列蝦都幾大隻 而且炸得香脆 但相比起天婦羅 我就覺得佢地嘅吉列豬扒無咁特別👀肉質唔夠嫩滑🥺值得一提嘅係前菜同漬物都幾特別!! 前菜係涼拌核桃魚仔 漬物仲有蓮藕同毛豆 我好少會清哂啲青菜同漬物但呢到真係一口接一口食唔停🤤❣️豚肉餃子 (+$28)呢到lunch set可以$28加配餃子同埋飲品 餃子入面有滿滿嘅餡料 而且調味適中 外皮煙韌之餘亦煎得微脆 味道都幾驚艷到我 原本對呢個價錢都不抱期望🤣❣️海鮮天婦羅 ($108)佢呢到都有幾多唔同款嘅天婦羅揀 我自己就揀咗海鮮天婦羅 平時通常都係得南瓜番薯天婦羅 呢到竟然有海鮮都幾新穎同特別!! 除咗海老同比目魚外 牡蠣

好耐無嚟過樂富廣場，發現多咗好多餐廳，仲設有一個露天廣場。一眼望落去就俾日式裝修嘅新開張餐廳吸引左眼球。內裡設有卡位，牆上有一幅藍色的畫，木系裝修略顯雅緻❣️。另外非常值得稱讚嘅就係佢哋嘅服務做得非常之好.❤️‍🔥特別係佢哋其中一個男服務員，會即時為你斟茶問有留意住你有啲咩需要，一直都keep住有笑容。👍✨三式前菜（貌似係青瓜 、豆、年藕）前菜一個菜式滿足三種味道，微酸，微甜非常解膩、開胃。✨涼拌海蜇平時食開嘅海蜇都係一條一條透明，而依間舖頭嘅海蜇全部都係一整片而表皮亦有啲厚度，仲有一啲斑點，屬於未經過加工嘅天然海蜇，口感非常爽脆，味道清談。✨焼喜之次推薦👍魚完全唔會腥，即使唔蘸佢嘅特製柚子汁都非常鮮味，火喉力度控制得啱啱好。✨芝士玉子焼芝士愛好者必點，厚厚嘅芝士，玉子唔會太乾仲有微微嘅牛奶香味。✨野菜天婦羅（ 南瓜•甜薯 • 茄子 •冬菇 •秋葵 •紫蘇）天婦羅嘅炸皮做得非非之薄，唔係擔心食一大層油落肚。南瓜天婦羅味道清甜口感亦好軟。✨海鮮天婦羅抹茶蕎麥麵定食(冷）蕎麥麵嘅份量好多，味道編淡，麵身爽口好適合想減肥嘅人士。✨白味噌豚肉鍋定食，配白飯及時令前菜味味道相對較清淡亦配有份量十足嘅

WaKa Yama 位於樂富廣場既美食區。店鋪主打日式木系簡約風，牆上掛有和歌山水畫，店內有唔少卡位，環境舒適充滿空間感。店員亦十分細心，服務態度好，會幫忙斟茶同留意客人狀況。燒喜之次御膳 ($158)、比目魚柚庵燒御膳 ($128)擺盤賣相好靚，有多種配菜，溫泉玉子、鰻魚、炆牛腩等，超級豐富。喜之次用高溫燒製，魚肉乾身得來又有魚既鮮味，十分惹味。比目魚皮脆肉嫩，魚肉夠鮮有淡淡魚油香，配合柚子味道清新。壽喜牛肉鍋定食 ($158)用料係美國牛小排，充滿牛肉味，口感軟腍，蘸上蛋汁食更嫩滑。配菜亦好足料，有冬菇、豆腐、芋絲及娃娃菜等，吸埋香甜濃郁既湯底食落好鮮甜。海鮮天婦羅 ($108)外皮炸得香脆而且炸漿一啲都唔厚，不會太油膩。有海老、廣島蠔、墨魚及紫蘇葉等。自家製牡蠣餃子 ($68)有別於一般煎餃子，餡料換上廣島蠔，咬開有滿滿蠔肉蠔汁，蠔味濃郁好JUICY，仲完全唔腥，值得一試。芝士玉子燒 ($62)玉子燒好大份，又滑又嫩，仲有一大塊燒芝士係面，芝士味道濃郁，配埋蕃茄醬反而又幾夾幾開胃。唐揚豆池魚 ($48)、涼伴海蜇 ($58)熱和歌山水果茶王 ($48)味道清爽，充滿果香，西柚味好

琴晚去咗樂富嘅「和歌山」食晚飯，真係好滿足呀！😋 餐廳環境舒適，服務非常好👍🏻 我哋叫咗幾款菜式，其中有「芝士玉子燒」，佢嘅外皮煎得好香，芝士同蛋味道好香好濃，真係一流！👍「三重吉列定食」同「吉列豚二重奏定食」都好好味。定食份量夠，加埋湯同沙律，好飽肚！而且吉列豚嘅肉質好嫩，配上醬汁更加美味。😍「蕃茄芝士比目魚焗飯」都好正，比目魚肉質鮮甜，焗飯上面嘅芝士同埋蕃茄醬汁配得好啱口！🤤飲品方面，我哋叫咗「和歌山水果茶王」同「紀州元熟蜜柑汁」，兩杯都好好飲，水果茶香氣四溢，蜜柑汁酸甜可口，真係好解渴！😘總括而言，呢間日本餐廳真係好推介，食物質素高，服務員態度好友善，下次再黎一定會再嚟！👍🏻

消費劵出左，帶阿媽黎食好野！就近阿媽住附近竟然有日本人好鍾意嘅高級深海魚喜知次食。日本餐廳通常會用來鹽燒或汁煮，御膳就用左燒嘅方式。魚皮燒得極脆，魚肉加上蘿蔔蓉來吃，或者點一點附送嘅柚子醬，分外鮮味。 每個御膳都有多款前菜同海鮮麵豉湯，個樣係真心靚，好有食慾，每樣前菜甚至個溫泉蛋都好好食！阿媽要食少骨嘅魚，就叫左比目魚柚庵燒御膳，呢個做法係浸左醬汁先去燒，比目魚肉滑，外皮甜甜鹹鹹咁，味道濃郁，又無骨好易入口。有蠔肉嘅牡蠣餃子餃子第一次食，原來係舖頭自家製，皮薄，阿媽話一啖咬落去口感幾豐富。而吉列炸蠔我都覺得幾出色，香脆而唔油膩，皮薄蠔肉厚，幾有水準。呢度有阿媽至愛果茶，西柚玫瑰花果茶有好香柚子味同淡淡玫瑰味，偏少甜，賣相精緻，仲引發左阿媽少女心要打卡兼share 比d friend 睇。非常就腳絕對會再黎！

我哋今晚去咗樂富嘅「和歌山」食晚飯，叫咗唔少嘢，而且全部都好好味㗎！👍首先係佢嘅「叉燒豚骨湯拉麵」，湯底濃郁豬骨味，叉燒夠肥夠軟，麵條又彈牙，真係一碗好滋味嘅拉麵！🍜另外一樣菜係「芝士玉子燒」，燒得啱啱好，芝士夠濃郁，玉子又滑又嫩，真係好好味！🧀「日式豚肉餃子」，餡料夠肉汁，皮薄餡多，搭配啲醋同埋辣椒醬，啖啖都好開胃！🥟「吉列豚二重奏定食」，豬扒夠肉汁又唔會太油膩，配上啲炒菜同啲日式醬汁，真係好好味！🐷「比目魚柚庵燒定食」，魚肉夠鮮，柚子味道清新，令人一食就愛上！🐟最後嘅「和歌山水果茶王」，茶味香濃，加埋啲新鮮水果，好清爽又好味！🍹總括嚟講，呢間「和歌山」嘅食物真係好好味，而且價錢亦都好實惠，下次一定會再去食！🤤

這間位於樂富廣場的和歌山，主打和風御膳、日式拉麵及定食外，還有多款日式小食及炸物等，款式甚多，而且價錢貼地。自家製牡蠣餃子餃子煎至外皮香脆，中間有蠔肉的鮮甜，而且完全唔腥。海鮮天婦羅天婦羅外層粉漿很薄，炸至金黃香脆，海蝦新鮮彈牙，墨魚肉爽口。比目魚柚庵燒御膳比目魚煎至皮脆肉嫩，魚肉鮮甜，十分惹味，還有多個配菜，鰻魚、素菜、炆牛腩等，超級豐富。吉列豚二重奏定食有吉列五花腩及豬柳，炸至金黃香脆，但不油膩，豬柳比較嫩腍，五花腩較爽，還有些漬物及麵豉麵。熱和歌山水果茶王淡淡的果香，味道清爽，適合夏天飲用，十分解渴。最後一定要讚一下兩位店員，細心有禮，會留意客人狀況，幫忙加水，十分抵讚。

💛好味指數:4.7/5💛💜回頭指數:4.7/5💜餐廳用木系做主調🪵杯、椅子同牆上畫作都係有精心設計過，用藍色襯翻木系裝修，舒適又簡約☺️✅壽喜牛肉鍋定食$158配白飯、時令前菜、日本生蛋、美國牛小排🥩🍲鍋入面嘅蔬菜同食物都吸收灑湯底精華，全部都係壽喜燒味😋特別係冬菇真係超級正☺️呢個set份量豐富，食完已經覺得好飽🤣✅比目魚柚庵燒御膳$128比目魚煎得好香，魚肉好滑🐟調味做得好好，唔點沙律醬都好夠味😝另外仲配咗蜆湯同幾款小食，朋友勁中意😆✅南瓜甜薯天婦羅$38南瓜同甜薯各2件，啱啱好可以share食😬南瓜都幾大件下，係連皮嘅南瓜天婦羅，味道不錯，炸粉唔算厚✅自家製牡蠣餃子$68牡蠣餡嘅餃子真係好少見，叫咗嘅試下，都幾濃生蠔味🦪🥟✅西柚玫瑰花果茶$48用透明杯具，突顯茶嘅顏色，西柚味好出，入口之後散發玫瑰香🌹✅跟餐送飲品&雪糕跟餐原來都有飲品，叫咗水果茶&茉莉綠茶，啲飲品都幾有特色，味道幾唔錯😍不過西柚玫瑰花果茶略勝一籌，仲好飲！🐻總結日本定食選擇多，又幾好味，下次再去樂富食☺️宜家叫午市定食仲有飲品同雪糕送，好好彩😍不過唔知做到幾時🤣📍和歌山 (樂富)樂富聯合道198號樂富廣場1樓1106-

❝❝❝❝和歌山❞❞❞❞呢日陪朋友去完房處，然後就過嚟樂富廣場搵嘢食醫肚。大部份都係連鎖店，所以就入咗嚟呢一間未見過嘅日式餐廳。環境乾淨企理，可能過咗lunch hour所以冇乜人。打開餐牌，可能最主要嘅原因係因為定價有點高。如果位於屋村商場的話。不過食物嚟到係有驚喜嘅！同朋友每人嗌咗一個主食海鮮天婦羅抹茶蕎麥麵定食 HKD1️⃣3️⃣8️⃣海鮮包括海老、比目魚、墨魚及紫蘇葉和歌山水果茶王 HKD3️⃣8️⃣燒喜之次御膳 HKD1️⃣5️⃣8️⃣十足十懷石料理，只可惜好多漬物我都唔食喜之次既味道比較淡，同埋多骨自家製牡蠣🦪餃子 HKD6️⃣8️⃣好濃郁嘅蠔味，而且多汁芝士玉子燒HKD6️⃣2️⃣

平時真係好少去樂富 但其實樂富商場都幾多野食~ 見到呢間新開左半年左右既日本餐廳價錢算親民☺️ 就專登去試試佢😆🍲壽喜牛肉鍋定食 💰158定食配左白飯 前菜 日本生蛋🥚 整體賣相好精緻 啡菇有雕花即刻高級左 牛肉係用上美國牛小排 肥瘦均勻😍 火鍋都配左好多娃娃菜 菇 芋絲 豆腐等 豆腐面頭有用火槍燒過 呢啲細心位真係好加分👍🏻 壽喜燒都係甜醬油味 不會太濃味令到好口渴 就算啲菜浸好耐都唔驚😝 牛肉份量算多 有十塊大大塊 解凍得剛好 冇雪味😋 撈埋日本蛋食更滑溜😚🐷吉列豚二重奏定食 💰98二重奏係指豬柳及五花腩 定食配左白飯 前菜 味增湯 漬物仲有芝麻可以磨碎點肉😋 睇落日式感滿滿🥰 吉列五花腩相對比較肥 都係豬柳比較岩我😝 肉質就算炸左都仍然好嫩😋 旁邊既椰菜落左柚子汁 清新之餘仲可以去油膩👍🏻估唔到餐廳都幾有驚喜😊 職員服務態度幾好 頻密斟茶😝係會想再encore既餐廳🥰

自己一個嚟到樂富食晚飯，想搵一間唔太迫人的餐廳，但間間都人山人海。見到呢間新開的餐廳叫和歌山，好有日本風，裝修簡約打算一試連用嘅杯都好有日本感覺，睇得出餐廳好用心點了一個吉列豬扒定食一個定食入面有兩款豬，一個係豬五花，非常之油同肥，根本就係成舊肥膏拎去炸，毫無味道，剩係得個肥，食咗兩舊都頂唔順另外一個係豬扒，雖然佢唔肥，但係好硬，最好好似件件都冇得食，應該話食唔落。唯一呢間餐廳最可取就係裝修同埋擺碟幾靚，奉客嘅豉油碟都係自己有芝麻自己磨，扮去咗日本但嘢食真係非常之麻麻，亦都唔平，下次唔會再嚟

這間餐廳座落於樂富廣場美食區，主打多款日式定食、鍋物、拉麵、天婦羅及小食等。店內以木製簡約裝修為主，牆上懸掛著山水畫，並且有許多卡座設計，環境舒適寫意，充滿著日式用餐氣氛和舒適的空間感。店家自製的牡蠣餃子售價為 $68，這是一款非常值得一試的料理。在日式煎餃子中，豬肉內餡通常較受歡迎，但這家餐廳卻選擇使用廣島牡蠣做成煎餃子，炸出了香脆的外皮，蠔味濃郁，非常美味。另外，店家也推出了壽喜牛肉鍋定食，這是一道經典的日式鍋物。湯底香甜濃郁，牛小排口感嫩滑，加上冬菇、金菇、娃娃菜、豆腐和芋絲等配料，一口氣吃下去，湯汁的精華也都被完美吸收了。試試他們的叉燒玉子豚雞湯拉麵。湯底濃郁而鮮美，有著豐富的膠質，鹹度也剛好。叉燒肉質有彈性且不肥膩，味道十分濃郁。唯一稍微有點美中不足的地方，就是拉麵質感過於濕軟，不夠有嚼勁，且湯汁的黏度不夠，有點像西式天使麵的口感，和日式拉麵的湯底有點不太搭配。比目魚柚庵燒御膳售價為$128元。這道菜色相當吸引人，包括五款漬物前菜、一碗溫泉玉子以及蜆肉麵豉湯。蜆肉麵豉湯香氣撲鼻，蜆味濃郁，而比目魚煎得剛剛好，口感滑嫩又富有彈性，魚皮薄脆可口。配上溫泉蛋攪拌後淋在飯上一同享用，

🔹樂富//和歌山🔹人均約$240🔹▫️比目魚柚庵御膳 $128冇骨既魚😋😋漬物好多款，有啲醃咗個瓜同埋蘿蔔，送飯好好入口，酸酸地🫢湯入面仲有蜆仔！一次過滿足你幾個願望🫣▪️ 叉燒玉子豚雞湯拉麵 $89佢係類似一蘭嗰種幼面🫢我自己幾鐘意😙味道又淡淡嘅雞味，唔係好鹹好濃味精嗰種🤭真材實料▫️芝士玉子燒 $62好鍾意食呢個玉子燒！有少少似肉醬蕃茄味💖💖芝士超邪惡，啲蕃茄味好夾🥹而且份量都好大份！抵！▪️自家製牡蠣餃子 $68第一次食蠔嘅餃子😝佢個餡係類似蠔加少少肉包喺一齊，感覺好新鮮🤫▫️和歌山水果茶王 $38幾鍾意飲呢個茶，感覺幾健康又fresh 🫢🫢😙🔹好飽評語：佢門口唔係寫住和歌山，而係英文名比較難搵🫣🫣大家唔好去錯，我都搵咗一陣🤣🤣裝修幾靚嘅新鋪👍🏼坐得舒服💖附近都冇同一類型嘅菜式，係唔錯嘅日式料理選擇😋🧠回頭指數：7️⃣🧏🏻‍♀️打卡港女：8️⃣🌬冷氣溫度：8️⃣🚽廁所評價：6️⃣🧾性價比呢：7️⃣

今晚去咗間性價比幾高嘅日式餐廳，新開四個月左右，裝修簡潔明亮，坐得幾舒服，每個定食$100左右就已經好豐富，而且味道唔錯👍🏻╰☆比目魚柚庵燒御膳 $128望落去已經超級吸引，比目魚雪白嫩滑😍有幾款前菜，鰻魚青瓜同芋絲煮牛腩都好好味😋仲有新鮮嘅大蜆麵豉湯👍🏻同溫泉蛋╰☆三重吉列定食 $108呢款定食可以一次試晒三款唔同嘅嘢，有吉列海老、吉列牡蠣同吉列豬扒，定食配埋白飯、味噌湯、漬物同前菜，吉列外層口感好酥脆，乾身唔油膩，豬扒肉質鬆軟，朋友食完係咁讚╰☆自家製牡蠣餃子 $68餃子內餡用咗日本嘅牡蠣肉整成，蠔味濃郁╰☆涼拌海蜇 $58入口爽脆又清凉，涼拌後滋味無窮╰☆唐揚炸雞 $58採用北海道雞肉，炸得好香脆，肉質鮮嫩多汁，口感好豐富╰☆和歌山水果茶王 $38水果茶有好多新鮮生果，酸酸甜甜好開胃

近樂富火車站嘅一間日式餐廳同朋友2:30pm左右去，食客唔算多，環境幾舒適。落完單後，好快就上菜首先係全餐最大讚嘅和式主食!個賣相好吸引，鍾意佢每個伴碟嘅份量少少，有多伴碟嘅設計，可以試多幾款嘢食。同埋銀雪魚本身巳經好味，整體個和食好滿意。然後飲品揀咗水果茶同巨峰梳打，本身我自己點水果茶但覺得唔夠甜，所以同朋友交換咗。巨蜂梳打唔錯朋友戒咗糖，所以佢覺得個水果茶啱啱好，係水果本身嘅甜味，仲有滿滿嘅水果食。小食揀咗天婦羅牡蠣，天婦羅蝦，芝士蛋卷，牡蠣餃子。天婦羅牡蠣大大隻，唔會好厚粉。天婦羅蝦外脆內軟，依個好推薦試下牡蠣餃子個皮好薄，唔會成舊粉，唔錯唔錯。芝士蛋卷好大份，芝士控一定要試，因為佢有一大塊芝士放係上面。成個味道都好唔錯！整體用餐都好滿意，最鍾意係個主食，因為賣相同味道都好好。同埋份量好大，兩個人食一個主食配幾個小食都好夠。推薦鍾意慢慢安靜咁食嘢嘅人試下。