和氣食堂 (黃大仙中心南館)

Open Now

Now Closed

話說我已經好耐冇黎過和氣食堂食🙌🏻🙌🏻🙌🏻🙌🏻 自從半年前嚟過呢度食過返尋味之後，一直都好想搵埋啲friends 去食下，只不過一直都未有呢個機會.......... 而今日機緣巧合之下，我終於食到喇!!!!!! 而呢間日本餐廳依然可以保持到一貫嘅水準😋😋😋😋😋 今次我依然都係叫咗個電擊雞翼!!!!!! 食落真係好鬼過癮，凍凍地，又脆脆地，又甜甜地....... 好好味呀👍🏻👍🏻👍🏻 仲有啲好香嘅芝麻癡喺上面，成件事同啲雞翼好鬼match!!!!!! 另外值得highlight 既依然係佢嘅卷物!!!!! 用料新鮮，啲飯軟硬適中！食落滿足感 up up up!!!!! All in all, 呢間餐廳係值得一試👍🏻

陪阿媽去黃大仙拜神，天氣太熱，之後入左附近商場行下，在黃大仙商場見到和氣食堂，阿媽記得來食過，好岩佢胃口，甘今晚就再同佢入座食晚飯。一如往常餐廳坐無虛席，要食就要等位！芒果三文魚蟹籽沙律：三文魚切粒、一片片的芒果好清甜、混合沙律醬的一絲絲青瓜和蟹柳好爽口。3點刺身盛：有：三文魚刺身、甜蝦刺身、薄切鱆紅魚刺身，三文魚厚切有口感，油脂甘香好肥美，甜蝦大隻好鮮甜，鱆紅魚肉質鮮美清脆。雙重芝士鰻魚卷：用青瓜、忌廉芝士、蟹柳做成卷物，卷物上鋪上蒲燒鰻魚，再在上面放上一片芝士，用火炙過後加上燒汁。芝士香濃，鰻魚惹味，十分美味！櫻花蝦鯛魚湯泡飯，用石鍋盛載飯、櫻花蝦、大海蝦、帆立貝上檯，之後侍應將用真鯛熬製而成的鯛魚湯倒入鍋內，做成泡飯。奶白色的湯底濃郁又鮮甜，加上有配料櫻花蝦、大海蝦、帆立貝、菠菜卷、玄米脆脆等，既豐富又美味！脆脆燒三文魚皮，香脆可口不油膩，配埋沙律醬更好味！糯米磁紅豆宇治抹茶雪糕：雪糕抹茶味濃郁，味道甘香，甜度適中，紅豆林甜，糯米磁口感煙靱。

黃大仙中心食日本嘢，呢間和氣食堂又唔錯先來了照燒魷魚筒，魷魚原隻上碟，大大隻魷魚肉都幾厚身，入口爽口彈牙，魷魚穌條條爽脆，照燒汁味道好入味，鮮味仍保留住看到poster介紹，吸引了就叫了個鯛魚湯泡飯上枱一碗飯及一片片鯛魚刺身，waiter會倒一壺熱熱的魚湯，泡飯就是這樣練成的魚湯奶白色的，好濃郁的魚味，白飯吸收了魚湯的精華，入口香滑林軟鯛魚刺身就被熱湯燙熟，剛剛好的，魚肉滑溜，魚鮮十足配合了電擊雞亦、炸薯條，好享受雞亦切開了一半一半，炸好的雞亦入口是滑溜，配上芝麻粒及甜甜的蜜糖，冰涼的好得意薯條炸得香脆，好香口甜品選了宇治抹茶阿法奇朵咖啡的就食過，抹茶味的就少見抹茶味道十分濃厚，但不帶苦倒入抹茶味雪糕，雪糕更覺幼滑

朋友鍾意食日菜，所以今日就揀咗依間日菜食，見好評都幾多，去到餐廳差唔多係滿座，應該唔錯。4點剌身盛 有四款剌身，分別係三文魚、大蝦、海膽同鯛魚。三文魚肥美。難得食到海膽係鮮甜嘅，有驚喜😍大蝦爽口又大啖肉鯛魚味淡d但ok的。黑松露凍蕃茄沙律比想像中好食，蕃茄比一般嘅爽甜，可能真係日本蕃茄，配埋黑松露油同黑醋等令個沙律好開胃。鯛魚湯泡飯原本係冇湯嘅，店員會為佢加湯，有少少似茶漬飯。個鍋仲係熱嘅所以倒湯落去時會有滋滋聲。提供咗飯素撈飯鰻魚牛油果班戟第一次食，雖然有大量沙律醬感覺好肥，但其實一齊食好夾，上面仲有飛魚子。入面有鰻魚、玉子、牛油果、蟹柳，口感豐富。最後食咗個培茶牛奶雪糕，培茶雪糕味道濃，好食👍🏻

因為朋友推介，今晚同媽咪去咗黃大仙食日本野。佢係地鐵站附近，位置好方便！入去已經見到好多動漫相關嘅物品，佈置幾有特色！我地其實好早去到，大概六點半左右，但已經幾多人火焰左口魚邊牛油果沙律推薦！佢有好強烈嘅黑松露香味，仲有我最愛嘅牛油果，成個配搭都好fresh好開胃~脆脆燒三文魚皮好香口，有少少打邊爐魚皮feel，但三文魚皮較薄，都好脆口！金蒜燒日本米茄子好食！用咗好多蒜鋪係上面，所以蒜香十足，但媽咪略嫌太多😂但我個人就好鍾意！牛油果芒果三文魚班戟媽咪推薦！和氣食堂有少少行fusion日本菜咁，除咗一啲傳統嘅料理同刺身，都有D好特別嘅菜式，呢款就係班戟皮代替飯或者壽司紫菜，食落帶少少甜味，但又有日本菜嘅風味廣島蠔寄世鍋入面有好多海鮮，有蝦、蜆等等，所以成日鍋嘅湯底好鮮甜燒日本廣島蠔（香蒜/芝士燒）好大隻同肥美嘅蠔，對於海鮮愛好者嘅我地黎講，的確好吸引！阿法奇朵食完又點可以無甜品😋係咖啡配雪糕嘅組合呢間以平日黎講，其實係好多人幫襯，幾乎滿座，有少少驚訝呢間唔算大嘅餐廳質素都相當唔錯，會再幫襯！

和氣食堂員工之服務態度非常惡劣，為多做生意，經常將四人枱分做兩張二人枱，令等四人枱的客人等得很久很久。希望員工將心比己，按照客人離座的先後次序去安排其他客人入座。

最近有啲諸事不順 所以去咗黃大仙求神問卜 之後就嚟咗呢間餐廳食飯啦 未到七點 餐廳都已經八成滿😮今晚好肚餓 所以叫咗好多野食 正常兩個人要食晒應該會好飽芒果三文魚蟹籽沙律 呢份好有驚喜 夠3-4人份量 三文魚同蟹籽嘅份量都好多 撈勻咗之後每啖都食到蟹籽😻 芒果又幾甜 係一份好好嘅頭盤辛味吞拿魚牛油果卷 6件 卷物上面有啲蛋黃醬同辣醬 嗰種辣味唔會太濃 唔會蓋過吞拿魚嘅味道😬鰻魚牛油果班戟 2件 pancake有好多餡 有牛油果 玉子 蟹柳 仲有好大舊鰻魚係入面😝 係女朋友嘅摰愛 面頭有啲沙律醬同蟹籽 令個pancake更有層次電擊雞翼 炸薯條 電擊雞翼夠晒噱頭 原來電擊嘅意思即係雪凍咗嘅脆辣單骨雞翼 口感係前所未有咁新鮮🙊 啲薯條有啲甜甜地幾特別白咖喱烏冬 呢個上碟好特別 白色既cream係面 咖喱同烏冬係底 上碟係配埋兩件炸雞既 外脆內軟 又有肉汁 烏冬煙韌彈牙😺 大阪豬扒丼 洋蔥嘅份量都比較多 好爽脆 炸豬扒都仲有肉汁 唔會太乾身 不過如果個蛋再滑啲就完美啦🐷宇治抹茶芭菲 呢個非吃不可👍🏻 賣相啱晒打卡 抺茶雪糕好濃郁🙊 旁邊有啲菓子 幾煙韌 又有紅豆同粟米片喺底 雪糕真係好好食🥰

本身唔係住e區，對於黃大仙嘅impression就係求籤，同埋比較舊，但無諗過竟然會有間咁有特色嘅日本野，仲要好有水準，各式各樣嘅菜品，一d都唔求其！店內有好多one piece同日本漫畫嘅decor, 充滿住濃厚嘅氣氛好可愛嘅畫布，廢話少講，即入正題，睇下有咩美食推介！Wa!! E個刺身盤真係見到都令人流曬口水，隔離枱都忍唔住係咁望，最後仲跟我地叫咗😆 話說刺身盤係日式餐廳嘅基本野，但有海膽嘅，就真係唔係成日有，而海膽仲要係清甜唔腥嘅，就真係好難，但和氣食堂嘅海膽我真係比滿分，仲有食超大嘅蝦刺身，非常新鮮，食完真係覺得好感動！然後係安格斯牛沙律，我好鐘意黑醋嘅配搭，酸酸地，好開胃！邪惡拉絲黃金燒帶子😍 黑松露醬配帆立貝，真係好好味呀！忌廉咖喱炸雞烏冬，老實講，有某店都好出名食e個白色烏冬，但我覺得和氣食堂係整得最好食嘅！最後配e個咖啡雪糕，為整頓晚餐畫上完美句号。

今日要去黃大仙做野，到lunch time, 自己一個係附近商場搵野食，行行下，見到呢間”和氣食堂”.... 望入間店度，都有幾多人食緊，出面又有d人等緊位.....睇來幾受歡迎咁...餐廳入面好闊落，d位幾舒服，多car位!!!睇餐牌見到幾多選擇，有定食、有烏冬、有壽司、有蓋飯、有刺身...... 飲品都有好多選擇.......落單係自己寫number 去落單，有提供筆。枱面仲有豉油、wasabi等等既調味料,等客人自己加, 幾方便我食左個豬頸肉定食+藍柑白桃梳打，份量好多，好夠飽。我欣賞個盒，d edge係彎既，咁就容易「筆」起d飯。

服務員做野都好快手，以高效率將食物送到食客餐桌上!叫左個日式丼，炸雞件好味, 同埋份量都多, 另外仲有叫左個白咖哩烏冬, 白咖哩唔會好辣,食物未至於超好食，但絕對乎合價錢預期，性價比高

和氣食堂係我同住係黃大仙既朋友一直都會去既真正食堂。食物既水準真係好一流，價錢又唔貴。所以我同朋友係黃大仙聚舊都會黎呢度食。首先點了個牛油果凱撒沙律，配上溫泉玉子。將雞蛋打散混入牛油果凱撒沙律中，牛油果新鮮，最緊要係沙律菜好鮮甜，唔會有苦澀味。酸酸甜甜既黑醋，最岩做開胃味菜。日本廣島蠔出曬名，今次呢個焗蠔可以一次過食到蒜香味同芝士味。燒出黎既廣島蠔大隻鮮甜又有濃濃既蒜香。兩款焗蠔都各有千秋。正！芝士軟殼蟹卷分量都唔少， 軟殼蟹炸得好鬆脆，芝士燒到溶溶地，上面仲撒上鮮甜既三文魚子，食落亦油而不膩。蝦三味就可以一次過試曬唔同既蝦。和氣食堂最出名就係海產新鮮，今次既蝦三味亦無令小妹失望。蝦肉爽口大大舊，而且鮮味濃又甜。而千回火鳥就係燒大大隻雞全翼，分量都幾大，而且食落雞肉都幾香。黑豚肩燒丼就係朋友推薦既，佢話呢度既黑豚肉食落香又爽，仲唔會有一般既豬腥味。小妹就最怕豬蘇味，所以抱住驚驚地既心情去試。估唔到黑豚肉會咁大片，食落完全唔會蘇，而且黑豚豬豬味香同時燒得好香口，配上燒汁，真係會令人食慾大開，認真意想不到！手打稻庭冷烏冬，此款菜餚簡簡單單，最岩熱辣辣既夏天食。烏冬好彈牙，味道清淡，食落令人

呢間野成日夜晚都大排長龍，終於搵到一次有朋友一齊去食下，果然冇令我失望去到拎位都要等左一陣先有得坐低，服務員態度好，做嘢爽手。特別推介佢個白咖喱烏冬一開始都唔知佢面頭白色嗰個係乜嘢，有諗過係忌廉，問返侍應先知道蛋白打成，其實食落去冇咩味道，哈哈。不過個咖喱好得，正宗日式咖喱味不過有層次，有咖喱嘅香料味得來又甜甜地，仲有啲薯仔煮到溶溶地，點都會食到少少薯仔質感！分量仲要唔細！薯條雞翼必食推介！我未去其他地方食過，薯條面頭究竟有啲咩呢？我到而家都未知道，但係我鍾意佢嘅薯條係比較硬身，非常有口感！雞翼就係單骨雞翼，方便女仔食得斯文啲！仲要佢個外皮係好多醬汁好硬，酸酸條條，我超鍾意呢一款質感！我有啲驚訝佢係凍食，可能佢係咁樣先會令到咁硬，不錯不錯！最後一定要推介佢個甜品，見唔見到上面有幾多配料！有啲後悔自己食得太飽先再食呢個甜品。下次會留返個肚食甜品成間餐廳食物款式非常多，其實真係唔錯。

以前細個係附近讀書成日流連黃大仙中心, 都好多年無黎過啦, 今晚約左住附近住既舊同學, 再次踏足黃大仙中心和氣食堂食飯!成9點先到都仲坐無虛席, 好彩d人開始賣單走唔洗幾耐就入得啦。坐低見到佢櫻花圖案既器皿同埋d餐具都幾靚!温泉玉子牛油果凱撒沙律先黎個沙律fresh番下先, 牛油果好靚, 估唔到佢咁大碟!黑松露鵝肝帆立貝卷又黎我最愛既黑松露, 帶子新鮮, 一啖食落去先食到濃烈既黑松露味, 咬幾下再食到鵝肝香味火炙宮崎和牛壽司炙燒過既焦香, 加埋肉汁同埋油脂, 入口即融千回火鳥香口4點刺身盛A4款刺身都好新鮮好甜, 我最愛係蝦同埋蠔大阪豬扒don依個西利, 係menu見佢個樣咁出眾, 就一於試下, 椰菜絲加豬扒汁都好味, 下面既滑蛋豬扒飯仲有加左芝士, 勁好味! 但係份量都真係大, 我同朋友食到哩度都開始捧住個肚了焙茶鮮奶依個係我揀既, 10分推介本身諗緊飲抹茶鮮奶好定依個好, 但抹茶鮮奶好多地方有, 反而焙茶少見d, 無揀錯呀! 焙茶味好香, 好岩我愛飲茶既口味, 加埋鮮奶飲到我lamlam脷依個朋友揀既藍柑白桃梳打又係重量級, 我見佢飲極都仲有😂朋友話酸酸甜甜咁。可能我對黃大仙中心既

搬左黎黃大仙半年左右 都係第一次食呢間和氣食堂 初初見到價錢都幾貴 所以無試🤭後尾聽朋友講好抵食 先一試！估唔到黃大仙有咁高質日本餐廳🇯🇵🇯🇵今次試左晏就飯 叫左海膽三文魚子丼飯🤩自從上年去完北海道就再無食到海膽三文魚子喇😭😭😭估唔到食左呢間ge丼飯係咁高質 好新鮮👍🏻👍🏻👍🏻而且份量都幾多 以呢個價錢黎講好抵食 仲有埋小食 湯 同野飲送🤩🤩CP值超高！下次會再黎食過喇🥰🥰

Lunch 和同事去元氣食堂，一打開menu簡單花多眼亂，好多套餐都好像很好吃，價錢又吸引，左諗右諗揀了刺身飯套餐。套餐性價比非常高，有刺身飯、炸雞及關東煮，再加杯野飲，夾埋都係$68，仲要唔使加一。先說刺身飯，有蟹子、帶子、三文魚及蛋，飯很大碗。刺身味道不錯，份量不多不少，但足夠送飯。😂炸雞有2件，入口非常熱，應是剛炸好的。雞皮很脆口，粉不多，咬入去我雞肉很嫩滑，仲會見到肉汁。關東煮都是平常見到的蘿蔔、腐皮物等，盡吸關東煮湯的精華，味道非常鮮甜。食完之後已經飽到上心口，呢餐真係好抵食呢！