城寨風味

Open Now

Now Closed

我都估唔到在山頂遊客區, 竟可以有咁高CP值香港地道食品, 而且又有咁嘅水準, 首先在山頂廣場食店林立, 而這所城寨風味又並不是有一個獨立舖位, 而座落在一個像food court的商場內, 反而他的座位更有特色, 又可以打卡, 但當然最重要就是食物質素, 他有整個山頂廣場都沒有的香港地道食物, 包括碗仔翅、手撕雞、咖哩魚蛋、混醬腸粉, 而我今次就試了他的套餐咖哩牛肋骨飯, 想不到咖哩和牛肋骨都很惹味, 而他的那個冷盤手撕雞, 也很出色, 碗仔翅就相當足料, 另一個瑞士雞翼絕對抵食, 套餐還可以加十蚊換一樽地道花茶, 能夠在山頂一面欣賞景色, 一面享受香港地道高質食物, 實在是一樂也。

上山頂除左睇景外其實仲可以行山今日就約左朋友趁住春意盎然一齊健行路線就好簡單沿路落斜大約半個鐘就到薄扶林水塘超級容易老少咸宜出發前我地喺山頂搵食發覺又開多啲唔同嘅餐廳我地揀左間喺精品小物店隔離嘅小餐廳城寨風味城寨風味採全自助形式喺櫃檯點單後可以喺附近自選座位全部都係靠窗位置有啲仲特別有仿稻草頂添勁有渡假feel😂待叫號取餐最後食完自己收拾餐盤到回收處我地叫左飯餐食飽飽先出發咖哩牛肋條飯咖哩香濃少辣送飯一流旁邊仲有青瓜沙律補充菜蔬量黑椒牛扒飯本身牛扒有少蜜味表面略煎香蘸黑椒汁後更是香辣惹味

生日同閨蜜去山頂行大運，行完肚餓就在出發前頂廣場搵食，發現居然有腸粉、燒賣食，仲有個好靚景觀嘅雅座。🤭話曬都係慶生節目之一，小食都要食豪啲😁除咗燒賣、腸粉、碗仔翅呢啲常見港式小食之外，仲叫埋鮑魚、八爪魚、瑞士雞翼巷仔混醬腸粉$22，梗係要加埋芝麻先至滿足香味四溢加上滑滑口感 串串鮑魚$58有4件，口感彈牙，😍夠入味，個汁仲有堯柱絲，增添貴氣。瑞士雞翼$40有5隻，非常入味鹵水八爪魚$34味濃有咬口，.越食越過癮。🤭碗仔翅$30有冬菇木耳粉絲等如果唔食小食，店內仲有飯餐提供，食完係度影相打卡，開開心心又一餐。

假日往山頂行個圈，天氣轉熱，當然要入商場過冷河。行到二樓，有個類似food court 的食店。朋友見到套餐有酸菜魚，只賣$80還包罐裝飲品，便決定了幫襯！我則看中了港式小食套餐。卡位佈置有趣，有落地玻璃，很有度假feel。嘆著冷氣，從玻璃望出去，藍天白雲，感覺很寫意。我的腸粉燒賣set不錯，滑滑的腸粉加上大量的甜醬和麻醬，連燒賣也是我鐘意的那類，$36還包飲品一罐，還要位處遊客區，有良心！目標的酸菜魚，雖然沒有精美的賣相，但是酸菜魚惹味，份量也不少， $80絕對抵食。佢另一個朋友點了海南雞飯，味道不錯，也是屬於份量大的一種套餐，絕對能食得飽。

好耐無黎山頂睇夜景未日落經過呢間就食d小食 都有d驚喜華香手撕雞份量比想像中多秘製醬汁，配左紅蘿蔔絲、青瓜絲、芝麻，比想像中Fresh同開胃；雞肉都夠滑唔鞋唔靭口魚蛋下午茶過口癮點少得香港經典小食 - 魚蛋辣度適中，口感都幾彈牙，一個人食都夠哂過口癮碗仔翅份量足夠兩個人share食喇，味道都好香口，如果可以加些少麻油就更加好藍蝶雪梨呢杯飲品幾impressive。用雪梨汁做base，加上有少少甜味同花味嘅藍蝶豆花，顏色靚得來又清甜解渴，最啱而家天氣又熱又焗飲

這間位於山頂的小食店以賣懷舊小食聞名，讓人回味起兒時的味道和記憶首先是懷舊糯米雞配魚蛋，每份有6粒。這道糯米雞內裡則包裹著糯米和嫩滑的雞肉。糯米的口感Q彈有嚼勁，與鮮嫩的雞肉完美結合。配上魚蛋，增添了口感的豐富度，讓整個味道更加獨特。接下來是華香手撕雞，手撕雞的鮮嫩雞肉搭配著獨特的調味料，散發出濃郁的華香味道瑞士雞翼，保持著嫩滑多汁。雞肉本身已經非常美味，再加上特殊調味醬汁的提味，讓每一口都充滿了滿足感。雞蛋仔，散發出濃郁的雞蛋香氣。每一口都帶著微甜的味道，給人一種懷舊的感覺

現在行山越來越多嘢食，平時鍾意行山頂，因為上山很花力做到運動，上到山頂之後可以食嘢同行平路一個圈，所以山頂廣場嘅新動態我都會留意，剛剛知道開了一間城寨風情，有地道香港人嘅小吃，趁復活節假期就去走一走。城寨風情在一樓，起初以為是小食店，原來有位坐，環境真唔錯！豬皮、魚蛋、花枝丸、碗仔翅，真係諗唔到山頂竟然有得食，仲有套餐，幾十蚊一客一啲都唔貴，我哋點了以下：咖喱牛肋條配飯 $78 （包罐裝飲品）全日套餐：街頭碗仔翅配腸粉 $44（包罐裝飲品）瑞士雞翼五隻 $40雞蛋仔 $32回味街頭碗仔翅，爽口又滋味。混醬腸粉，啖啖醬！咖喱汁味道很濃郁，正宗香港咖喱，牛肋條夠軟熟，白飯是珍珠米，好大碗，兩個人瞓食都夠飽！瑞士雞翼，味道豐富。我愛雞蛋仔，外脆內軟。價錢親民，味道唔錯，環境簡直好得，值得再來。

今日工作關係上左山頂，山頂嘅餐廳郁啲就鋸排西餐咁好貴🥹好彩揾到呢間城寨風味夠晒抵食咋😍佢有啲飯餐之外、都有一啲香港地道嘅小食😋＊＊＊＊＊🐥香滑海南雞配飯 $68海南雞飯好大份，除左香噴噴嘅油雞同埋白飯之外、仲有開胃嘅酸青瓜🥒🫔懷舊糯米雞配腸粉 $48🥟魚蛋燒賣（各6粒）配腸粉 $38另外我都叫左啲小食🤤有魚蛋燒賣、腸粉(主體甜醬麻醬白芝麻🫣)、糯米雞😍餐飲轉冷泡茶 +$10🍵四季春茶⛰️高山翠綠茶🍑白桃烏龍茶＊＊＊＊＊

202211月平日--城寨風味地址位於:山頂山頂道118號山頂廣場2樓201-202號舖食店就在Go Peak Galleria 門口的左方，本想到雍雅山房食午餐，沒有窗口座位，沿路走回看到食店附近的座位，設計和風景也不錯，即興食個快餐窗外可看到凌宵閣，太平山餐廳先到門口位置購買食物和自助取餐，自助找座位食店提供港式小吃，燒賣、魚蛋、雞蛋仔，也有鴨腿湯飯等等的食物點餐:海南雞飯($68)附送飲品，選了無糖可樂，用上即棄餐具餐盒放左一個木盒內，賣相企理乾淨米飯用上珍珠米，不是油飯，是白飯，飯量多海南雞看上去有點零碎，每個部位也有一點，有雞翼、胸肉、雞髀，雞皮不脆，底部頗油、不過雞竟然有一點點雞味醬汁只有中式薑蓉和泰式雞醬，沒有醬油，有幾件青瓜配上芝麻醬，口感清新，整體味道就合格。埋單: $68海南雞飯味道普通，不過在山頂可算是不錯的快餐選擇