Video
4-min walk from Exit A, Causeway Bay MTR Station
continue reading
Introduction
It is decorated with European style as the theme, and the ingredients are of high quality. The restaurant focuses on high-grade European food, such as traditional Italian handmade pizza and grilled food.
continue reading
Opening Hours
Mon - Sun
12:00 - 23:00
Above information is for reference only. Please check details with the restaurant.
Recommended Dishes
唔知你地假日會去邊呢？而我就會同我寶貝仔周圍玩同食🤣，謙謙同我都鍾意迪士尼內的公仔，知道時代廣場對開有活動緊係拿拿聲去啦！玩完餓了就搵到 Walter Bistro 去嘆我地的lunch 了。嘩😍呢到做緊 Tapas 任食如食主菜都係另加$30，我同謙謙就慢慢係到食小食打下機休息一下。小食好多款式呢！⚛ No.1 醋浸番茄沙甸魚配紅燈籠椒多士⚛ No.2 意大利薯仔洋蔥焗蛋配蒜蓉汁⚛ No.3 洋蔥煙肉焗蠔⚛ No.4 銀魚柳紅燈籠椒多士⚛ No.5 炸魚肉蝦餃子配腰果醬及甜豉油⚛ No.6 紅蝦他他配牛油果番茄⚛ No.7 炸魷魚配蒜蓉醬以上的小食各有特色，每件放係碟上都做到好精緻美麗先上菜， 味道各有千秋， 多士焗得香脆，上層的魚味道夠突出，真係好夾，一口一件大愛😍。主菜方面 ： ⚛ 慢煮雞胸配柑橘汁 ～ 甜甜的柑橘汁配上雞胸份外清新。⚛ 番茄蟹肉意粉 ～ 濃郁番茄拌勻蟹肉意粉謙謙最愛。⚛ 慢煮無骨牛小排 ～ 我就喜歡牛小排，貪佢慢煮過，幾腍和入哂味。謙謙見叫小食，成機都飲可樂，而我就嘆左意大利氣酒和橙汁，咁樣舒舒服服慢慢嘆好正呢！
continue reading
雖然我地都知buffet嘅食物質素通常都冇散叫咁高，但好多人就係鍾意一個價錢可以任揀食嗰種感覺，好抵咁，特別係同一大班朋友時，放到成枱都係食物就更加滿足。喺香港要食buffet已經唔再侷限喺酒店嘅西餐buffet，仲有日式、韓式，甚至係點心或者甜品放題，不過最近有食友報料，我先知原本Walter Bistro仲有西班牙Tapas Buffet，精緻又惹味嘅Tapas不嬲都係其中一樣我鍾意嘅菜式，不過碟頭細，加埋酒水，人頭閒閒地都幾舊水先落倒樓，聽倒哩個Tapas Buffet唔洗人頭兩舊水就落倒樓，當要要黎試下。哩個Tapas Menu只有中午12:00至15:00先有供應，一至日都食得，$150/人已經有10款唔同Tapas任食同果汁汽水任飲，如果想飲返兩杯嘅朋友，亦可以加$100有free flow汽酒、白酒同紅酒，飲兩杯都已經回本，另外如果覺得食Tapas唔夠飽肚，亦可以加$30加配主菜。先黎每人一杯果汁先，果汁選擇有蘋果汁同橙汁，而汽水就有可樂、Zero同雪碧。Tapas Menu入面有10款唔同嘅Tapas，當日因為其中一款Tapas冇貨，所以我地就試晒其餘九款，小試牛刀每款只叫一份，好食嘅先再order。辣蝦炒薯仔 - 哩個係二人份量，一份有兩隻蝦。咪睇佢啲顏色咁紅，其實只係bb辣，反而茄醬味比較突出，配埋爽口蝦球同炒薯仔，真係幾惹味。銀魚柳配紅燈籠椒多士 - 銀魚多士賣相好精緻，絕對唔差得過出面人均消費幾百蚊嘅西班牙酒吧餐廳，多士上面除左銀魚柳同燈籠椒，仲加左少少新鮮番茄蓉，所以食落多左番茄嘅酸香味，幾開胃清新。紅蝦他他配牛酒果番茄 - 哩度係二人份量，如果鍾意食牛油果，建議一次過點多幾份。紅蝦切到細細粒，所以唔係好覺得自己食緊蝦咁，反而牛油果比例算多，同埋口感好軟滑。意大利洋蔥焗蛋配蒜蓉汁 - 哩個係一人份量，件頭都唔算細。蛋餅唔會太老太乾，中間除左洋蔥其實仲有少少薯仔，相比起其他Tapas係比較飽肚，個人覺得如果唔係話一定要食主菜，可以慳返$30，食多兩件蛋糕都已經夠飽。醋浸番茄沙甸魚配紅燈籠椒多士 - 哩個係一人份量，包含佐兩件多士。之前食過西班牙菜嘅沙甸魚通常都係偏鹹，但哩度用醋浸過，所以唔會太鹹仲多左陣酸香味。青口配白酒汁 - 青口係逐隻order，唔會太韌，不過因為唔似平時咁係連白酒汁一鍋上，所以白酒汁味道唔算突出。炸西班牙青辣椒 - 哩度份二人份量，一份有三隻，雖然叫青辣椒，但食落其實唔辣嘅，反而係鹹鹹香香。炸魚肉蝦餃子配腰果醬及甜豉油 - 一份有兩隻，餃子炸得好香脆，炸皮唔會太厚太硬，中間嘅魚肉蝦餡幾彈口，如果醬汁多啲更好。炸魷魚配蒜蓉醬 - 一人份量大約有兩三舊炸魷魚，魷魚炸得香脆，不過蒜蓉醬唔太突出比較清淡，如果多少少調味會更好。慢煮無骨牛小排 - 牛小排份量唔算太多，不過加$30就食倒都可以接受。牛小排好軟嫩，蘸埋個醬汁食味道都唔錯。番茄蟹肉意粉 - 意粉份量大約係平時西餐廳嘅一半份量，唔會太飽食完都仲有肚量試勻咁多款Tapas，意粉唔會太腍，加左新鮮番茄而唔係茄汁煮成，所以番茄汁質地比較水潤，味道亦唔會太甜。總結，$150有得任食Tapas同任飲果汁汽水確係幾抵，Tapas質素幾高，加埋一都係$170，如果唔係特別想試某一款主菜，其實淨係食Tapas都夠飽。
continue reading
朋友仔上網見到Walter Bistro全新推出Weekend Tapa Menu，一個價錢可以無限添加西班牙小食，真係好吸引，約左尋日齊齊去食~Tapa Menu每人只需$150，就可以無限添加西班牙小食、果汁同汽水，主菜每道加$30，真係好抵食!炸魚肉蝦餃子配腰果醬及甜豉油即叫即炸，表面金黃酥脆，入口外酥內嫩，肉餡飽滿彈牙，配埋特色醬汁更惹味。意大利薯仔洋蔥焗蛋配蒜蓉汁西班牙小食必點之一就係蛋餅，層次豐富，口感煙靭，蛋香四溢。紅蝦他他配牛油果蕃茄蝦肉鮮嫩彈牙有咬口，牛油果綿滑、蕃茄仲好清甜~銀魚柳配紅燈籠椒多士味道獨特濃郁，帶點微鹹，配埋紅燈籠椒同食更清新。醋浸番茄沙甸魚配紅燈籠椒多士番茄沙甸魚細膩美味，微酸好開胃。炸魷魚配蒜蓉醬口感酥脆，魷魚Q彈有嚼勁。洋蔥煙肉焗蠔蠔肉肥美又鮮味，加洋蔥煙肉芝士焗製，鹹香惹味，好足料。慢煮無骨牛小排肉質細膩嫩滑勁JUICY，牛味香濃，啖啖肉勁滿足。卡邦尼意粉配63度溫泉蛋意粉煙韌有彈性，伴以流心溫泉蛋，令醬汁充滿芝士奶香，同時軟滑又CREAMY。
continue reading
任飲任食意大利菜👏😋環境舒適、地方大、坐位寬闊、又舒適又享受的意大利餐廳————————-無花無假即做的任食意大利菜，多款食物任君選擇，新鮮食材，食環境、食質素、價錢又抵食👍👍—————————$150任食任飲兩小時果汁🍹🧃任飲加$30仲可以配主菜主菜又係任食👍👏👏👏多種款式及海鮮又係任食🥳—————————🟫炸魚肉餃子配腰果醬：即炸熱辣辣，魚肉🐟彈牙，香脆美味😋—————————🟪意大利薯仔洋蔥焗蛋配蒜蓉汁：呢個焗蛋餅🥞完全係好食到無法抗拒👍—————————-🟩紅蝦他他配牛油蕃茄：紅蝦🦐爽口，配埋牛油果🥑做沙律🥗吃，味道突出又健康👏——————————-🟥銀魚配紅燈籠多士：多士配銀魚🐟、滋味夠心思——————————-🟧醋浸蕃茄沙甸魚配紅燈籠椒🌶️多士：蕃茄沙甸魚多士，加上紅燈龍椒，吃下又脆口又爽甜😋——————————🟫炸西班牙青辣椒🫑：完全唔辣仲好甜，又健康又好吃，又爽又甜，我仲不停咁Encore呢個🫑食😂—————————-🟪炸魷魚🦑圈蒜蓉汁：炸魷魚🦑圈，爽口彈牙—————————-🟩辣蝦炒薯仔🥔：就像吃著沙律🥗的美味—————————-🟥洋蔥煙肉焗蠔：惹味的食物，洋蔥煙肉的香脆香口，帶出焗蠔🦪的鮮味🥳————————🟧青口配白酒汁：白酒的配合，青口的美味，食多多都無問題😂😂😂😂😂———————————主菜：🟫慢煮雞胸配金橘汁：配了金橘汁的雞胸，慢煮時金橘汁的滲入雞肉內，令雞肉吃起來有着金橘汁的滋味——————————🟪蕃茄蟹肉意粉🍝：估唔到咁足料的蟹肉滿佈意粉👏👍——————————-🟩卡邦尼意粉配63度溫泉蛋：63度的溫泉蛋滲在意粉內就更加滋味😋———————————🟥慢煮無骨牛小排： 炆得夠焾又入味⋯⋯——————————-無限添加的果汁及食物吃得知足大滿足開心🥳知足........簡單人生更幸福—————————
continue reading
好耐無同媽媽撐枱腳，星期六又同佢食好嘢，嚟到銅鑼灣嘅「Walter Bistro」食晏🍽。點解揀呢間餐廳？皆因我上網見到佢做緊120分鐘任食西班牙小食嘅Tapas Menu，每人收費只係$150，平過就咁食Lunch Set。Tapas有十款選擇🇪🇸，大部份均係經典款式。由於知道Tapas係細細份，所以我哋決定全部都嚟一份！餐廳嘅上菜速度好快，而且每樣小食嚟到都係熱辣辣的，抵讚👍。唔想齋食小食的話，你亦可以加$30要份主菜，四款選擇有肉有意粉揀。1️⃣ 炸魚肉蝦餃子配腰果醬及甜鼓油 Shrimp & Fish Dumplings with Cashewnut Puree & Sweet Soy Sauce，🥟炸餃子造型似中式炸雲呑，餃皮雖厚但酥脆，配合埋甜甜嘅腰果醬食好夾。餃子餡用上魚肉同蝦，所以口感帶點彈牙，亦無豬肉咁大浸味。2️⃣ 意大利薯仔洋蔥焗蛋配蒜蓉汁 Potato & Onion Frittata with Garlic Sauce，呢道菜同西班牙蛋餅幾類同，因為有加咗薯仔🥔，有關意大利Frittata同西班牙Tortilla Patatas嘅分別可以Google一下。焗蛋餅似足蛋糕切餅🧀，蛋香滿滿，配合洋蔥同薯仔已經好好食，唔使加其他料。3️⃣ 紅蝦他他配牛油果蕃茄 Red Prawn Tartare with Avocado & Cherry Tomato，呢個份量嘅他他啱啱好，各樣食材切成粒粒，組合一齊食好惹味。🦐紅蝦應該係未煮熟，但毫無腥味，只有鮮味；牛油果🥑同車厘茄🍅就好啱造成他他嘅一部份。4️⃣銀魚柳配红燈籠椒多士 Anchovy & Red Pepper Coulis on Toast以及5️⃣醋浸蕃茄沙甸魚配紅燈籠椒多士 Tomato Sardines Fish with Red Pepper Coulis on Toast，兩款都係一口多士🍞。脆脆嘅多士底層先鋪上三色椒，其後再分別放上銀魚柳(鯷魚)同沙甸魚🐟。如果我無分錯的話，左邊嘅係鯷魚，而右邊有啲醬係上面嘅係沙甸魚，唔食真係唔會估唔到鯷魚醋味更重，食落有啲酸，但非常開胃🤤。沙甸魚就正常，但肉質偏乾。6️⃣炸西班牙青辣椒 Deep Fried Spinach Green Chili，我媽第一個反應係覺得咁樣炸青椒點好食㗎🫑。不過我好明白，以前未食過嘅我都係咁諗，但一食就會愛上。呢款青椒叫Padron Pepper，長條形細細一條，無辣味，亦無Bell Pepper咁重青味；只需要拎去輕炸再撒少少鹽，已經係一道非常美味嘅前菜小食。簡單啲講就係連小新都大讚👍。7️⃣炸魷魚配蒜蓉醬 Deep Fried Calamari with Garlic Sauce，🦑炸魷魚可算係多國菜式，唔同餐廳都有賣。即使係大路菜，不過呢度嘅出品好有水準，令人印象深刻。炸皮薄薄的，好鬆脆，魷魚亦唔韌，配以味粉食就搞掂。8️⃣辣蝦炒薯仔 Chili Shrimp with Sauteed Potatoes，呢個都係好傳統嘅西班牙Tapas款式，份量的骰，鮮蝦同薯仔各有兩件。🍤蝦肉鮮味爽口，食得出唔係雪藏貨，而薯仔就唔會炒到太淋。調味方面，雖然話係辣炒🌶，但實際都唔算太辣，個人認為落啲蒜炒會更正。9️⃣洋蔥煙肉焗蠔 Baked Oyster with Bacon & Tomato以及🔟青口配白酒汁 Mussel with White Wine Sauce，留意返兩款海鮮款式嘅單位係一份一隻啊！焗蠔面頭嘅洋蔥煙肉🥓炒得超香口，但蠔本身就偏生，對我嚟講有啲腥。另一邊廂，白酒汁青口就比較易入味，亦都好肥美。🅰️卡邦尼意粉配63度溫泉蛋 Spaghetti Carbonara with 63°C Egg，🍝主菜份量適中，無論醬汁定意粉都處理得好好。卡邦尼醬偏濕兼且多汁，所以絕對足夠撈哂成碟，亦令到意粉無漿住變成一餅嘢。意粉方面，廚師能夠煮出Al Dente嘅口感，食落有嚼勁得嚟唔硬，高質。🅱️慢煮無骨牛小排 Slow Cooked Boneless Short Rib Beef，牛小排賣相好吸引，擺盤細緻🍽。牛小排份量看似唔多，得三件，但其實每件都幾厚身，食落好飽。🐮牛小排牛味濃郁，不過可能係慢煮嘅關係，口感同想像中有啲唔同，佢比較似牛腩，一絲絲，但就唔算鞋口。呢道菜個醬汁係燒汁，味道恰到好處，唔會蓋過牛味。至於配菜就有三筍：甘筍、蘆筍同珍珠筍，每樣各三，好睇又好食，兼有中和嘅作用。飲品方面，果汁同汽水亦都係任飲，如果嗌酒Free Flow就每位$100。我哋要咗蘋果汁🍎同橙汁🍊，飲品就無咩好介紹啦。總括嚟講，呢間西餐廳各方面都令人滿意，雖則佢主打歐洲菜，並唔係純西班牙餐廳，但各款Tapas都整得好好食😋。另外，以任食而言，佢亦都做得好好，食物出餐快嘅同時唔會犧牲咗熱辣辣嘅溫度，份量亦控制得宜，每樣少少哋令食客可以食匀咁多款，唔會食兩款就塞飽哂🙏🏻。最後，餐廳嘅環境同店員服務都值得五星哦。推介🌟🌟！
continue reading