Walter Bistro (智選假日酒店)

Open Now

Now Closed

今日同老公去觀塘行街，到傍晚大家都累想找個舒適地方休息食豐富一點，上網見酒店有間半自助餐的餐牌好吸引，便決定去試試。 餐廳位於觀塘智選假日酒店1樓，面積不大但很舒適，裝修佈置以粉藍色為主，自助餐區位置在餐廳正中，有沙律吧，cold cut，刺身壽司，湯品，熱葷，生蠔海鮮，即切牛扒及甜品櫃。我們選了半自助晚餐除了可以在自助餐區任吃之外，還加錢點了份主菜。 沙律沙律菜種類多而且新鮮，紅菜頭一點腥味都無，吃個醒胃沙律菜為夏日降降溫。 冷盤冷盤有芝士、西班牙火腿、密瓜、火腿片、煙三文魚。 凍海鮮凍海鮮有蝦、青口及翡翠螺，海蝦大隻爽甜，翡翠螺爽脆。 雪梨燉湯侍應為每位顧客送上燉湯，清清的，沒有味精。 生蠔生蠔每次每人拎2隻，無限供應，喜歡生蠔的朋友吃這個回本。 主菜烤加拿大黑毛豬扒主菜份量大，厚切豬鞍色澤粉嫩無羶味，配菜有西蘭花，椰菜花及薯蓉，二人分享一份已經足夠。 熱葷有豬手、雞、鴨、串燒和燒腩肉，還有辣酒煮螺和飯，選擇不少。 甜品由於已經好飽，最後享用了Movenpick雪糕作結。 折後每位四百幾，環境服務都十分好，性價比高的一餐。

之前睇網上介紹觀塘有間酒店西餐廳做緊晚市半自助餐優惠，折完最平埋單每位唔駛$400就可以任食生蠔，非常吸引，今晚送左囝囝到爺爺嫲嫲度就同左老婆去撐枱腳。😁餐廳名叫Walter Bistro，位於觀塘智選假日酒店1樓，餐廳裝修乾淨企理，而且座椅感覺舒服。餐廳唔大間，自助餐食物區設於餐廳中間位置，雖然係半自助餐，不過除左餐廳主打嘅生蠔之外，海鮮、即切牛扒、刺身、熱葷、冷盤同甜品等嘅款式都唔少，基本上唔加配主菜都絕對可以食得好滿足，但加配嘅價錢又相當吸引，最平又只需$68，我地最後都決定加左一份香煎魚柳同一份慢煮豬鞍。😆烤慢煮加拿大豬鞍豬鞍部位的肉質嫩腍且肉汁豐富，肉味濃香，份量比預計大份好多，食哂一碟基本上都已經飽哂。😯香煎魚柳香煎魚柳香脆，配上兩隻厚身煎帶子，性價比唔錯。👍🏻雪梨燉湯每人一份的雪梨燉湯味道清甜，入口舒服。😙任食生蠔 餐廳提供的生蠔海水味非常濃郁，肉質爽口，加上檸檬汁食鮮味更突出，生蠔全晚不停地供應，絕對係回本必食之選。👍🏻凍海鮮凍海鮮有蝦、青口同翡翠螺等，海蝦爽甜，不過由於可以任食生蠔，所以凍海鮮我都只係食左一轉。😆刺身 壽司刺身有三文魚、吞拿魚、八爪魚同帶子，帶子係厚切

觀塘出名多美食，自中午掃完街後，晚餐就想食豐富一點，所以揀了Walter Bistro，首先餐廳乾淨企理，坐得舒服，晚市半自助晚餐，可以選擇要唔要主菜。坐低後一人送盅燉湯，花旗參味香甜。任食生蠔即開即食，無限refill，生蠔細細隻，海水咸味偏重，不過勝在夠身鮮。海鮮有蝦、青口等，海蝦爽甜，刺身款式頗多，鮮甜無渣。沙律款式都算多，有蘋果、薯仔、紅菜頭及沙律菜，配黑醋汁就最健康。煙三文魚、巴馬火腿及芝士等cold cut味道不錯。熟食有幾款燒味，燒肉、燒鴨、雞等。主菜揀了烤肉眼扒，牛扒肉味重，而且七成熟剛好，肉質嫩腍juicy。其實出面都有燒扒，但太飽食唔落。甜品有任食雪糕。

今晚同老公兩個人去了觀塘的智選假日酒店食半自助晚餐，另外可加錢升級主菜，其他海鮮、沙律、刺身、甜品等都是任食。海鮮有青口、蝦、螺等等，海蝦爽口鮮甜。即開生蠔不算肥美，但海水味濃郁，十分爽口。沙律款式都幾多，而且可以配搭不同醬汁，清新開胃。刺身有三文魚、吞拿魚及帶子等等，三文魚雖然不是魚腩部位，但色澤鮮艷都有油脂甘香，十分鮮甜。煙三文魚、巴馬火腿等味道不錯。熟食有些蔬菜、燒味、炆豬手等，味道不錯。每人還送一盅花旗參燉湯，有淡淡花旗參香。主菜要了慢煮加拿大黑毛豬鞍，肉質嫩腍且肉汁豐富，肉味濃香。甜品有任食movenpick雪糕及蛋糕等。

父親節的不愉快經歷! 全家人一齊去食 buffet lunch12-2:30pm。首先餐廳12:05pm 先開始安排入座, 待應安排座位近廚房, 不夠冷氣,這都不是最重要。 食物方面是只係最精采, 隔夜沙津菜 (發黃的), 全場熱食有咖喱魚旦, 炒飯, 白汁硯肉意粉, 粉葛炆鴨 (似湯渣), 蒸水蛋, 壽司欠奉, 竟然有白麪包, 但無多士爐, 亦沒有最基本嘅雞翼或炸物。 雖然價錢$228(+10%)一位, 但未止於接受食物是如此劣質。 小朋友沒有雪糕吃,亦沒有啫喱糖,或者比較精味嘅甜品蛋糕。 成個自助午餐,質素都不如麥當勞! 父親節一家人都食到呆左。 此食評係希望大家不要帶朋友家人去這間酒店餐廳吃飯, 以免後悔, 謝謝。

四月份食過這間店，覺得唔錯，而且人流都唔太多，舒舒服服 享受一餐午餐。雖然食物種類唔太多，但都可以接受。但六月份再去， 竟然超多人， 好似旅行團一樣， 坐位亦十分 逼夾 ， 根本沒有跟足社交距離 。食物種類亦變得好低级， 提供 一盤 蒸蛋， 一盤 粟米， 一盤 有些好似 矮瓜的食物， 樣貌十分 醜陋， 我沒有嘗試。仲 有一盤雞扒， 樣貌都唔好看白雪雪的，我都沒有食，食物種類似兩餸飯，仲有個牛腩條炒長通粉，但牛腩條 好韌 ，但都比食客 搶曬，因為超多人，所以要等 補給，才可以取到些食物，連 沙律吧都畀人搶曬， 超誇張。 我都是第一次去酒店食半自助午餐，好似打仗一樣。但因為食物種類超低级和唔掂，所以都食了很少。以這個價錢，雖然唔太貴，但如果 食物似兩餸飯，我就 唔會再幫襯， 寧願加多少少錢，去别處食，好過。

终可去食番個心儀之自助餐,有生蠔,海鮮等等.地方雖不太,但食品齊全,最主要是取食物不用排隊,刺身、生蠔任吃.環境舒適.我們另加388來了一支白酒,配吃生蠔和海鮮,绝配.必會推介給朋友.會再來吃多會.可能我們是住在官塘區,可以選擇的酒店自助餐不多,所以對這間是第一次去的,以前多是去旺角尖沙咀區,但價錢一般沒有那麼便宜,勝價比強再說,最後每人一杯飲品,我選了熱咖啡,那咖啡的香味把已填滿的肚子再加一份濃郁香味

上網好多人推介依個觀塘假日智選酒店食半自助午餐、今次咁啱咁橋book咗呢間酒店staycation就包早餐同semi buffet午餐、由於book咗，十二點正去到餐廳，即時由職員安排入座，歺廳佈置雅緻，雖然位置在工廠區，佈置都好有度假feel，semi buffet包沙律吧，熱葷，中西湯，仲有甜品生果同雪糕，包一個主菜，也包飲品一杯。沙律非常之新鮮😋熱葷大路嘢，正正常常，甜品袛有三至四款，賣相麻麻地，食落味道一般，因為麻麻地所以沒有再去拎lu😪主菜叫左2份和牛牛扒，好軟冧，好有牛肉味，好好食👍特別一提餐廳職員服務態度一流，抵讚👍

宜家又停咗晚市，唯有午餐食豐富啲啦😂見Walter bistro有好多好評，就來試試個lunch buffet。今日星期六無乜人，食得好舒服，招呼亦都好好！經常收碟同埋斟水，主廚仲出黎同我地傾計，希望生意之後會好返啲啦！食物方面，semi buffet都有好多嘢食！壽司就非常普通，啲飯唔夠酸。有ham and cheese🧀 沙律都有好多選擇！值得一提嘅係佢嘅蓮藕真係好好味，好入味！仲有好多熱食！中湯西湯都唔錯！熱食最好嘅係佢嘅秘製雞翼！又係好入味架！真係秘製！🤣甜點就麻麻啦！不過有新鮮菠蘿食👍🏻西瓜都甜！有得自己烘多士！抵讚的是佢嘅牛油係president ga!不少得嘅係兩個主食，呢個咕嚕大蝦就普通啦。但呢個帶子炒意粉真係好味！意粉硬度剛好，用龍蝦汁炒，仲有少少甜甜酸酸嘅蕃茄味，夾得好好！帶子都好鮮味👍🏻最後飲埋杯餐飲，飽飽！開心！

我們慶祝週年紀念✨選了吃酒店的自助餐！餐廳是湖水藍的浪漫餐廳，非常適合情侶慶祝紀念日！餐廳的自助餐非常多選擇～ 大量各款刺身海鮮任拿～ 十分高質！前菜還有巴拿馬火腿肉～火腿和cheese 也有不同的品種，非常吸引！也有煙三文魚！脆口小麵包！提子干和桃干等干果～ 選擇多味道也很好！生蠔和刺身也十分新鮮～ 職員會立即開給食客，鮮度有保證！剌身也很鮮美～ 有帶子，三文魚，吞拿魚等～ 套餐也有飲品～ 我們選了橙汁和蘋果汁！也有足料靚湯跟著套餐一起上～ 由於是慶祝紀念日，我們套餐主食加了錢要了和牛扒～ 超級美味，入口即溶的香口和牛配著薯菜一起吃一流！自助海鮮區也有大量選擇～ 超級多蟹類田螺也是任拿❤️幸福的週年紀念日～ 還有雪糕，水果，蛋糕可以做甜點

年尾慶祝完結2021 去了吃半自助餐❤️自選一個主食+飲品後，其他前菜，海鮮，壽司，伴碟，甜品都是自助餐❤️超級多選擇！前菜點了多寶魚，超級軟滑～配上了薯蓉和忌廉汁超級美味～ 是高質的主食，自助區域也有蒸魚，喜歡魚類可以中式和西式的魚類都試到！先說說海鮮，有長腳蟹，原隻蟹，新鮮生蠔，青口等等！新鮮生蠔真係即係你面前開，仲要有好多醬汁可以選擇！超驚喜～原來橄欖油配埋生蠔一齊係咁好食～ 熱食區域超多選擇～ 熱爐下有窩夫🧇超好味呀，食落好似有cheese 味香口甜美！薯仔沙律同埋蘋果沙律都係我既大愛，又新鮮又好味！超級多選擇既自助餐仲有日式刺身同壽司🍣，中式既話仲有燒肉同埋中式菜心！滿足到又想食中菜又想食西餐既人！甜品嘅雪糕係任拎❤️🥰食到幾多拎幾多❤️仲要係Movenpick!! 布甸麵包都超好味❤️啤酒任飲環境好好

慶祝特別既日子最開心梗係食大餐啦~~今次揀左係觀塘既holiday Inn食佢地既semi buffet dinnerBK7點鐘入座, 都唔算好多人~~餐廳裝修時尚~~好鍾意佢簡約清新又有現代感!!每張枱都幾闊落, 同隔離枱又唔會好埋, 坐得好舒服呢Semi-Buffet Dinner Menu~~有6款主菜選擇, 其中2款要額外加錢....我地星期一至四食, 有15% discount丫~~其他日子都有10% discount自助區地方好闊落, 呢道客人唔算多, 拎野食都唔洗點排有幾款新鮮刺身.... 例如三文魚&帶子~帶子超大粒丫!!! 師傅一D都唔吝嗇, 一次過俾大左4粒丫, 好鮮甜~~另外仲有多款壽司.....冷盤方面就有長腳蟹, 麵包蟹, 三點蟹, 青口, 翡翠螺, 海蝦等等....仲有即叫即開生蠔添呢小食有新鮮焗製既牛角包, 酥皮包, 麵包布甸....又有幾款cheese, param ham melon...仲有至少6款熱葷....熱辣辣脆皮燒鵝非常吸引一開波就食冷盤先~~生蠔好肥美又厚肉, 海水味唔算濃, 爽口鮮甜!!長腳蟹鮮味十足, 店員不停refill, 唔驚冇晒呢

今晚在觀塘吃飯，餐廳位於酒店內，座位不算很多，但自助餐區的選擇卻很多。晚市是半自助餐，先選擇一份主食，其他食物自助。點餐後便送來每人一盅花旗參肉湯，入口花旗參和肉的比例恰當，入口甘香。每人還可以點一杯飲品。⭐️澳洲紅酒配海鮮入口味道更豐盈。⭐️香煎多寶魚配新鮮時菜多寶魚配薯蓉，多寶魚肉雪白，入口紮實無骨，是一道比較清淡的菜式。⭐️澳洲 M6和牛牛扒配薯仔及新鮮蔬菜這份五成熟的M6和牛牛扒非常有驚喜，五成熟剛剛好，略帶粉嫩色。入口非常柔嫩，入口超柔嫩，愈嚼愈香，表面帶有焦香，咬下去肉汁美味。沙律吧很有誠意，有醃蘿蔔、凍蟹、牛油果、南瓜蓉、螺頭、木耳、紅菜頭、凍蝦、沙律菜等，配料有麵包粒、蜜糖芥茉漿、橄欖油等。有不同款式的壽司，也有三文魚、帶子、北寄貝等刺身。另外也有生蠔、芝士、煙三文魚等。熱菜有中式燒味、煮肉蟹、雞翼、白酒煮蜆、咖喱雞、魚、牛腩等，選擇也很多。值得一提是當晚的蟹很大隻，也有很多蟹膏，吃得很滿足！最後可以選擇水果、甜品或Mövenpick雪糕。芝士蛋糕和朱古力蛋糕味道都不錯，另外任食Mövenpick雪糕也十分好！

放假去觀塘市中心試試酒店半自助餐。佢哋1月做緊85折優惠都幾抵食。🔸半自助餐晚餐 $458+10%（折扣前）🍽香煎多寶魚配新鮮時菜多寶魚肉質嫩滑。雖然魚味偏淡，但配上柔和嘅忌廉汁味道幾夾。🍽肉眼牛扒配薯條及新鮮時菜生熟度對辦，肉質細嫩。肉味非常濃郁。上主菜之前店員會先奉上花旗蔘湯同埋刺身拼盤。食多陣沙律就上main dish。多寶魚份量啱啱好，相對地西冷份量就多咗少少。兩份主菜質素都唔錯。冷盤最受歡迎係凍蟹、凍蝦。凍蟹味道鮮甜，不過拆蟹幾花工夫。Parma ham紋理好靚，味道細緻唔過鹹。生蠔比較細隻，海水味好重。最後仲有朱古力味同雲尼拿味Movenpick任食，仲要係杯裝🤪。佢哋仲有日本直送嘅朱古力芝士蛋糕🍰同雙重芝士蛋糕🧀。雙重芝士蛋糕🧀口感幼滑又唔會太肥膩。

海弓新一年第一餐要食餐好嘅，所以book左Holiday Inn入面嘅Walter Bistro半自助餐，貪佢有我最愛嘅生蠔同長腳蟹，仲有movenpick雪糕任食，其他野食選擇都唔算少，價錢亦合理。餐廳中間就係自助區，座位都喺四邊，無論坐邊拎野食都唔洗行好遠，而且每枱都唔會太近，坐得舒服。海鮮方面有生蠔、長腳蟹、凍蝦、凍蟹同翡翠螺。生蠔係即開。芝士同火腿每樣都有兩三款。壽司同飯卷唔算太吸引，反而刺身有帶子，望落都幾厚切。麵包都有幾款揀，仲有蛋撻仔。除左中西湯，仲有番薯糖水。熱盤有幾熱選擇，其中燒腩仔最靚最吸引。甜品雖然唔算好精緻，但款式都唔算少。雪糕除左Movenpick仲有Fruttato。一坐低，侍應會先送黎每人一碗燉湯，燉湯係一次性出面冇得拎嘅。燉湯冇乜油，燉得好入味。海鮮質素唔錯，長腳蟹好鮮甜，凍蝦肉質都結實，翡翠螺冇沙肉質唔會太韌。生蠔雖然瘦左少少，但好重海水味好新鮮。煙三文魚好大塊，西班牙火腿幾油潤。泰式粉絲酸酸辣辣好開胃。燒腩仔皮仲脆，肥瘦適中，食落好鬆軟，炒蜆冇沙，蜆肉唔算太細仲有睇頭。半自助餐定價取決於揀邊款主菜，以唔加錢情況下，有四款主菜揀，而酸菜魚煲係要一日前預