雲南桂林過橋米線 (Closed)

前兩日同埋一班同事去銅鑼灣.駱克道450號地下(雲南桂林過橋米線).約5:00pm點...本人叫了一碗豬頸肉烏冬+凍o茶...點知食到一半發現一隻小強...於是叫位伙記過黎...你地碗湯有小強喎...之後立即把碗湯拿回入廚房..再出黎講...可能廚房頂上有光管d昆蟲黏咗係度再跌咗落湯度..(我叫人熄燈便可).之後話不如換過碗比你....我就再叫咗一碗小鍋米線(豬軟骨米線)...誰知食完便睇到又有一隻小強浮在湯面...簡直嘔心...再叫同一伙記前來...她卻沒有道歉之意...只同你講幫你取消order便算...即刻轉身走...嘿~而家什麼態度...簡直惡劣..服務非常差...該伙記最後更說我唔同你拗...什麼意思??

幫襯過一次,叫左個招牌米線,$50碗有雞脾,有冬菇,湯底用雲腿"餚",非常好味,好大碗食到捧住個肚走!service麻麻,一般茶餐廳service. 坐位都係茶餐廳位.

其實我一直都鐘意食雲南米線，不過這家的麻辣米線都算ｏｋ．過橋米線就一般般，而且香港間間雲南米線的做法都不同，分別真的好大，說米線，個人都還覺得阿詩瑪的好食的．

5.21 (mon) dinner我同fd都要食得清清地, 所以就去食米線米線都幾"入味", 但係食得成碗都好味精囉, 咸死我地分別都要左個小鍋米線(兩"送")我要豬紅+魚腐: 上次食完魚之味o既魚腐就好鍾意, 點知呢度原來係魚蛋... 我問waiter呢個係魚腐定魚蛋, 佢居然話:魚蛋係圓架嘛…原來分別只在圓唔圓=,=魚腐有三粒, 豬紅多少少fd要丸+雲吞:見到佢碗野都嚇死, total得四粒野, 兩粒丸+兩粒雲吞, 米線反而多…你話失唔失望衛生又唔多掂, 永遠都唔黎喇

一碗淨米線乜配料都冇要成廿蚊覺得好貴呀加左一個餸上菜時個湯好清的但喝下去只有酸而冇其他味不過未至於難食個湯唔特別米線唔特別配料唔特別唔抵!

食過呢間野3次, 水準次次都唔同。3 次都都係食涼伴米線(凍食,小辣), 第一次食, 覺得酸菜同辣夾得好正,好好味, 第2次食同一樣野,辣都我死, 要叫佢俾湯我先可以繼續食落去, 第3次去佢個小辣又回復正常, 真奇怪。男朋友鍾意食麻辣拉麵(一間食米線的地方有拉麵,感覺上唔多似係正宗食米線的地方。), 次次食麻辣拉麵都係咁讚。尋晚男友叫麻辣拉麵(加中辣)俾左麻辣米線, 免得麻煩就冇叫佢換。食食下男友話唔對路, 比平時食辣得多, 唔知係咪落錯左大辣, 加上有酸菜, 又酸又辣, 佢覺得好難食, 最終食唔哂要放棄。點解次次水準都咁飄忽,一係就岩岩好, 一係就落辣落到咁重手??仲有佢服務態度都好飄忽, 去3次, 得1次好態度....另外佢個秘制豬頸肉真係好好味,抵讚

20061214從駱克道的對面望過去，對於一間中式粉面店來說，它的門面不可謂不大，照明不可謂不猛，招牌不可謂不亮，加上臨窗清一色滿座，也就大著膽子儘管一入（此間的食評對它其實是毀譽參半的……）。時值九點，店內都有八成客滿，但我與honey兩個人也都還可以找到一個電視位的卡座（可惜電視不開）。快快點了一碗咖喱肥牛拉麵（25），外加幾樣（食送），包括芥蘭、菜心、蘿蔔及魚腐，各3元。上的倒是很快，不過那碗面看起來已經不開胃，不是咖喱湯底，而是最後淋了一勺色水奇怪的咖喱在面上，所以預想之中的濃味反而變了清淡。不過最清淡的還是後面那幾樣，堆在一個小碟子裏端上來，明明沒有跟他說走油走鹽，誰知他全走，所有的東西都像白水煮出來的……或許對於keep fit的人來說是好事吧：）不過清淡的來……青菜太老，蘿蔔多渣，魚腐過實而且鹹得要命。哎，長歎一聲，快速解決快速走人，畢竟浪費食物是不好的……是我沒有選米線才有這樣的結果嗎？

下午食左糖水做tea,到夜晚都唔係太餓,男友仔suggest黎呢間,因為有同事讚好... 兩個人叫左:過橋米線--- 真係幾大碗,而且好多料,我地叫左小辣湯底,食落都幾刺激,下次可以向"中辣"出發!!!!米線都滑,唔錯香草雞翼--- 大大隻美國雞翼,有好濃0既炭燒味道,good! 呢度都算係平平地食米線0既好地方!!!

雖然感覺上唔係好正宗,但係味道呢講我個人會幾鐘意~湯底酸辣甜味有齊~好惹味開胃~d粉同配菜加埋好多~~正常人食都會幾飽~我有時飽到食唔晒~環境一般...不過勝在夠快夠大碗..我食野都算慢...不過我食完果時個碗d湯都仲出緊煙~都仲暖暖熱熱~慢慢食都唔怕d米線凍~~

我自己本身好鍾意食辣野, 亦幾食得辣, 呢間既小鍋米線係我食過咁多間餐廳中, 比較辣既一間!小鍋米線有得選唔辣, 小, 中小, 中, 大, 勁辣同麻辣!我自己食大辣都覺得幾辣了, 平時都係食中辣. 配料好似車仔面咁自己選, 腩肉係我既至愛! 佢係一絲絲既豬腩肉, 好入味! 其他材料就普通啦!同意其他食家所講, 佢個湯底係比較酸, 不過如果你食得辣, 可以叫辣d, 酸酸辣辣咁, 好正架!

黑雨天，睇完無聊的fashion show後，就在附近找些吃的，然後返公司執手尾。鵝頸橋附近餐廳多的是，好的不少，當然差的亦不少，就試試這間過橋米線。打開餐牌，見有拉麵．．．已知唔多對路，有小鍋米線及雞脾過橋米線，穩陣起見，叫了小鍋米線，小鍋分量足夠一人食有餘，如果你是對食有要求的話，看這碗米線，湯是鹹酸菜湯，酸的要命，米線煮得發漲，無口感無米味，幸好配菜的銀芽不少，叫做咬得下，又額外加$3叫墨魚丸，是衰到盡的粉丸，食物以至服務及環境無一可取，衰到貼地；剛才說對食有要求的話，分量足夠有餘，偶是吃了兩口，埋單去也。

上星期五中午趕落銅鑼灣買東西，買完經過附近，見沒有平時那麼多人，決定入黎開餐。之前都與同事來過多次，大家都比較喜愛這兒的湯底夠惹味。其實，酸辣也可以自行選擇。像我那個極愛酸的同事，每次一定要求勁加多點酸呢!當日我點了小鍋米線(腐皮+魚腐)，腐皮口感好，大小也適中，魚腐差了點，比較似魚片，還是魚米家的魚腐比較好味。值得一讚是米線上枱時間夠快，不用大家久等呢!

去開0個邊睇醫生..要等喎..緊係走去食lunch先啦..叫0左個小鍋米線加腐皮+朱軟骨+朱皮..一黎到..見到佢個樣都叫企理..食落口,個湯底都ok..因為有d酸菜同肉汁..幾開胃...米線都係一舨貨色啦..至於佢個腐皮,唔夠豆味,不過好爽,唔會好淋.朱軟骨好唔得,因為佢唔係軟既,係硬既..朱皮幾好,不過大塊0左d..個口感係ok爽亦唔會太un..29蚊大大碗,食得飽,都ok啦..因為係個邊真係唔知食咩可以快叫快上快食....

又又一個人食飯本來想食車仔麵不過行過見到米線又有電視睇於是又改變主意小鍋米線配豬潤牛展菜肉雲吞另加油菜米線分為唔辣小辣中小辣中辣中大辣大辣麻辣真係睇到都覺得辣今次揀中辣不過有少少後悔湯本身酸甜味好強一飲落去唔算辣又唔嗆喉之但係因為咁係咁食落去就出事喇辣味積晒係口腔內飲水都唔散結果食下停下抖抖就越食越慢食左足足一個鐘用左半包紙巾先至食完係咪好好食?唔算啦但係可能夠辣味遮蓋到所以豬潤幾好食其他野就一般唯一好處就係本來好眼訓一食完真係即刻醒晒不過腸胃唔好既就小心尐喇食完成個人包括消化系統都係慶…

今日同太太行經就去試下,叫個過橋米線另外就要下午茶餐(鱈魚豆腐拉麵加熱奶茶).過橋米線$38價錢ok,但係來到係已經混埋一碗類似普通米線的物體.首先風味同賣相已經完全無曬而且唔靚.不過諗住D味唔太差,試左一啖就頂唔住.得個酸字.D料又得蟹柳,火腿,2片冬菇同枝竹加小量芽菜.太唔掂.無論外在同內在美都無.但係不嬲唔浪費,唯有硬食.另外個下下午茶餐$20個鱈魚豆腐拉麵一D味都無,而且得4粒腐乳size大的鱈魚豆腐同一片魚片同小許拉麵,熱奶茶又完全一D都唔熱,直情唔暖.本身食野都無乜要求,但今餐係多年來最差的一餐,實在不吐不快.大家千祈唔好去呀!!!