雲南桂林過橋米線 (Closed)

星期六又要上廣州，已經係唔知第幾個星期，真係好似某名咀話齋有點身心俱疲！起程之前想食少少野，行過見佢有麻辣拌米線，就來試下呢度的麻辣掂唔掂。草雪好說得對，呢度係茶餐廳格局，又有得睇電視，亦不設非吸煙區。叫了鹵水牛展涼拌米線，要麻辣同大辣，加杯涷奶茶。碗米線幾大埋頭，除了牛展外，亦有肉碎及一埋麻辣料，米線浸在黑漆的醬汁中，賣相似乎唔錯；拌勻吃一口，少少麻的感覺，但辣度是十足，同一般麻辣店一樣是麻及辣做得不太平衡。呢度的大辣比Q嘜同小辣椒的大辣更辣，但辣得來沒有香味，只一味死辣。到目前為止，又平又好的麻辣店，就只有Q嘜；配料的鹵水牛展實在是一大敗筆，可以這樣說是近年來也未吃過這樣差的牛展，不入味，又韌，唔掂，建議都係叫腩肉做配料好過。米線幾煙韌，口感不俗。米線加杯飲哈只三十蚊，都算係經濟。值得一提的是幾個阿姐服務幾好，見我食剩了牛展就問係唔係唔好食，我亦如實告之，見佢立即向廚房報告，希望以後有所改進啦！

唔係平...兩既米線。我唔食得辣(可能呢度辣係主打啦)，所以叫左碗唔辣既...墨丸+魚腐米線(配菜料)，但係真係唔好食...$26攪到我好掛住深水雲南風味。可能食其他下午茶會好食d(一般茶餐廳)

星期五晚悶得發慌,叫了長頸鹿陪我行陣銅鑼灣,嘩!超多人呀! 幾乎所有地方都塞滿人.行左一陣當然要搵地方醫肚,本來想去飲蘿蔔湯,點知在門口望入去竟無位,而男友又偏愛米線,於是行過幾間舖到呢度開餐.呢間食店雖然係以米線為主,但望落去又幾似茶餐廳.我地叫了腩肉雲吞米線同肥牛墨丸米線,另跟餐叫了兩杯凍奶茶.d米線有分唔辣,小辣,中小辣,中辣,大辣同特辣,我們都叫了中辣,想不到中辣都幾辣下,令我邊食邊流汗,好過癮.我係食肥牛墨丸米線,主料味道普通,不過配菜幾多,尤其係酸菜同芫茜,配在一起很好吃.雖然食物味道ok,但衛生似乎麻麻,初初我飲那杯奶茶都無事,飲到一半,竟發現有蚊滋黏在其中一塊冰上,後來侍應都幫我換過另一杯來,不過以後或者唔會再來呢度食啦!