宏德食店

Open Now

Now Closed

未搬前係小西區住左成十幾年，呢間車仔麵日日都排長龍。指定動作門口拎紙，自選餸，選麵，選湯底 然後比老闆娘。呢間車仔麵既自調沙嗲辣醬必試。仲有佢個炸魚皮卷 不得之了 真係未係其他地方食過。鐘意懷舊 高質車仔麵可以入小西灣 潮下聖

同車仔麵相比，自己更鐘意食牛腩河既感覺，但凡事總有例外。一間位於小西灣既車仔麵就成功俘虜我既心。鋪頭其實好細間，無華麗既裝修，無壯麗既門面；只有數張摺椅，坐位十個都無，但中午時間門外企滿人等外賣。點餐紙好簡單，揀完食咩麵再揀送。炸腐皮卷，炸蝦卷，烏冬 $21我習慣叫炸腐皮卷，炸蝦卷，烏冬，辣。先唔形容味道，中午食個lunch，無$30都唔駛落樓，呢度叫埋可樂都仲有找。正常烏冬一餅，炸腐皮卷，炸蝦卷即叫即炸，新鮮熱辣又香口，而且大大舊，餸仲勁過烏冬。辣味又討好，建議起碼食中辣，唔叫辣真係會唔好食。雖然係味精野，但好多地方就係味精都整得唔好。用實而不華形容呢度就岩晒。

小西灣之友推介既車仔麵-宏德食店，小店一間，但真係幾受附近既人歡迎😋🍜叫左小辣沙嗲汁，最鐘意食車仔麵果時嗌豬大腸👍洗得好乾淨，又肥美，仲好入味！🏻另既豬扒煎得唔錯，肉質好林！魚肉腐皮卷是一般叫貨水準，正常口感味道。湯底都好濃，不過同樣有少少咸 價錢好合理，連飲品都係三十幾蚊！！

味道：一流味道又好，魚蛋彈牙爽口 齋就好食，吸住車仔麵D肉汁，尢魚非常爽口又唔拿口！服務態度：時好時壞，但有時阿姐成日都黑面的！座位都常算舒服，不過成日都好多人要早D去排隊！我特別推介的係佢D辣醬好好食的，可以話係同車仔麵的最佳拍檔，冇得彈！

沒有心思考慮到那兒吃晚餐，於是買碗車仔麵回家填飽肚皮。總共叫了六款配料，包括牛腩、魚皮餃、齋、蟹柳、腸仔、生菜，並以油麵作伴。所有餸菜之中，只喜歡牛腩和生菜，前者屬半肥瘦，炆得腍軟入味，可惜份量太少。後者青青綠綠，爽口美味。未知是否灼得過久，油麵顯得腍身滯口，最失望是那個無味湯底，感覺就如淥麵水般，絕不能引人垂涎。經過今次經驗後，看來日後又少一個開飯的選擇了。

嘉鳳執左，見到食評讚宏德，滿懷希望可以找到代替品，但不外如是，失望而回。個辣汁係幾好味，但幼面個質地不掂，油面太稔，豬紅唔鬆化，價錢平只限指定什會面，自選款式只是市價。

住係小西灣有十幾年講到最好食既店..一定係宏德車仔麵!本人熱愛車仔麵...講到出名果2間車仔麵係灣仔既我都試過!其他地方都試唔少...但係我講得呢度最好味!幫襯左十幾年...以前一款4蚊...係一律4蚊..最近呢幾年先加左5蚊...冇計啦..人地出面加到7,8蚊...佢都係一律5蚊咋癈話少講呢度麵款都好多選擇除左粗麵,幼麵,米線我都食過.好OK!可以揀米線,米粉,河粉,烏冬,粗麵,幼麵,油麵..全部5蚊~配料就更多選擇!又平又好味~本人每次黎都必點以下幾款:1.蘿白$5全部都好鮮甜,唔會硬身,稔得黎爽!個人覺得岩岩好~唔會有根..每朝新鮮刨完浸一段時間先出~所以太早係冇得食既~2.炸豬扒好味~5蚊一塊~邊到搵...唔肥~炸完都好JUICY嫁~3.炸龍蝦丸真係唔講你唔知,以前係唔炸的,因為成日黎同老細都幾熟,我會私底下叫佢炸上,於是1年後...佢就改做炸龍蝦丸喇~落湯都唔會稔哂~4.炸腐皮卷呢個又係必叫的...其實呢間野既炸物真係唔錯~5.炸蝦條呢個同之前果個有D似...通常叫左4就唔叫5...叫5就唔叫4...炸物通常要等耐D...佢知你要炸會先叫定炸左先...唔洗你等咁耐..因為呢間

周未下午4時...有點餓.來一個車仔麵...味道依舊...非常搶的味精湯...食完十分口渴.味道是不錯的....味精一點都冇慳...包唔會冇味..作為車仔麵....最可惜的不是味精湯..是"伯母"太早到....下午4時....竟然魷魚.蘿蔔 牛腩都可以冇...真是十分失望........多年來...衛生都沒有改進... 真係好生意就可以咁????

真係全香港最好食既車仔麵最出色係個腩汁湯底落單前一定要同佢講要腩汁湯底豬排 , 龍蝦丸 , 腐皮光 , 蝦條 即叫即炸推介腐皮光同蝦條 一上台仲外脆內彈牙豬紅 , 咖哩游魚 都好入味好好食 不過要彈就係地方太細 ,

間野又就腳..又好味..service都幾ok十個讚我比9個成日都係食幼面,最好加埋辣,我麻麻地食得辣..但唔係好辣.加左好食d架最中2有勁多餸可以choose...好中2加豆卜...索左d湯汁好正不過炸野係即炸...等都值既~~因為都好好食架

自從般咗之後,時時都好掛住我以前差不多一星期..最少兩次係宏德食店開餐,唉!真係初初要撘車返去食,係超級粉絲,佢最令我回味係架喱尤魚,亦尖,,豬紅 ,但佢地亦有即炸系列包括(即炸腐皮卷,蝦卷,龍蝦丸,豬扒),其餘車仔麫有嫁餸都一定有,我朋友至愛三豬麵,三豬麵咪係{豬紅,豬皮,豬腸,加麵},有時會食四豬麵就係..豬扒,不過佢地啲豬紅好快沽清,入去有塊版會公告今天有咩沽清,最重一題要加辣..有分大,,中,,小辣,睇你自己啦!

柴灣車仔麵我都覺得佢係最好食o既~ 雖然比以前已經退晒步...我叫左炸蝦條+金菇+豬紅+白菜仔+粗麵; 個豬紅同個沙爹辣醬都保持到個水準, 唔錯呀!!不過, 個炸蝦條好似炸得好硬, 同埋個白菜仔嘛嘛地, 得幾4/ 5條仔咋, 早知叫齋喇...佢d餸成日都話賣晒, 一係冇豬紅, 一係就賣晒d魷魚... 唉~ 呢d野唔係不嬲都煲定一煲慢慢食架咩?? 岩岩賣晒?? 有d失望囉... 而且冇左我另一至愛 "鮮冬姑", 唉~~

在一個無咩好野食的地方唯一正常水準的食店.....所以個個都會覺得佢的食物係ok 的......but好多時叫的外買10次有6-7次定都係比錯"送"的, 一時又整錯面底, 一時又比少左1個送(but 永無一次比多的....), so 整體我覺得質素係"麻麻" 的~~

相信係柴灣最正既車仔面. 淨係睇佢平時經常有人排隊就知啦. 最正既係炸豬扖同蝦卷, 好鬼正.不過d送就成日好到下午三四點就無...而且有時等得好耐.

相信係柴灣最正既車仔面. 淨係睇佢平時經常有人排隊就知啦. 最正既係炸豬扖同蝦卷, 好鬼正.不過d送就成日好到下午三四點就無...而且有時等得好耐.