萬波

Open Now

Now Closed

今日第一次幫襯呢間飲品店諗住試下佢地嘅飲品，點知飲品未飲落口就已經要先受佢員工氣，事源我見餐牌上有杯裝楊枝甘露我覺得杯上做飲品較新奇嘅關係下就準備叫呢杯試下，同收銀個男仔頭女店員講要杯楊枝甘露少冰，佢居然用D好差嘅態度同我講: 我地啲楊枝甘露無冰嘅，Ok甘咪照要囉，當我係度等嘅期間再望清楚佢哋個餐牌，真係少喇叭佢個楊枝甘露圖片入面係有冰的，究竟點先，係咪可以投訢佢不符合產品條例吖!!!!勞氣飲,

之前購買體驗都唔太好，等得又耐又難飲，今次真係體驗太差，我諗我之後都唔會再買。我3:06買嘢飲,佢問我飲咩之後我諗住講,點知佢繼續勁大聲同廚房用普通話傾偈.我等左一陣佢講完我就叫啦，我話少冰但係當時門面紮髻個女仔唔記得幫我少，禮貌呢啲嘢唔講啦可能佢哋攰辛苦，我都體諒飲食業，之後就等嘢飲。我等到3:10嗰陣就見到自己杯嘢飲係入面，但係呢個時候鋪面個員工執緊網上外賣平台單，個單有三杯嘢飲，然後佢兩杯嘢飲打直 一杯嘢飲打橫咁擺咗喺兩杯嘢飲上面，正常人都知係平衡唔到，然後佢就擺咗袋嘢飲去後面個鐵架度，然後佢入廚房諗住傾一兩句偈嗰陣杯嘢飲即刻跌咗落嚟，然後佢就開始拖地，就算入面有嘢飲出得或者有人排隊買嘢飲 佢都望一望就算，繼續拖地抹地。之後3:16嗰陣廚房整完啲嘢飲就有一條友出咗嚟收銀，但係另外嗰條友冇諗住擺啲嘢飲出嚟，入咗去唞。當廚房蒸返跌爛咗個嘢飲之後，因為有個店員唔記得咗入去就俾人拎走咗 ，之後整跌嘢飲個員工就拎住杯嘢飲沖咗去搵個客人，衝出去嗰下有碰撞，但係冇道歉，可能係佢太急冇留意。搞到最後我3:20先拎到個嘢飲，啲冰都溶晒。BTW楊支甘露好苦 紅蘋島嶼一般 似溝左茶嘅蘋果綠

經過見天水圍新開嘅台式飲品，睇menu好似幾吸引就決定買杯試吓有大路嘅黑糖珍珠奶茶，愛玉檸檬同鳳梨茶等等選擇其中一杯「金萱珍波粉」 個名幾得意，就決定試試佢金萱珍波粉 大杯 少冰 正常糖 $32味道⭐️⭐️⭐️⭐️第一啖飲都幾清香嘅茶底，珍珠有咬口，有啲透明嘅啫喱口感都唔錯，有啲似菊花茶嘅味道不過呢杯嘢都偏淡唔太甜，已經叫正常甜度但飲落似3分糖咁，似乎係比較適合口味清淡嘅人，會下次試試其他睇吓係咪真係咁淡口！

見到新開就去試下，買左埔里甘蔗青、芋圓茉香奶綠同萬波奶茶，伏到嘔。價錢又唔算平，都唔知點解可以整到咁難飲。睇落似正常，飲落真係反胃🤢。蔗青偏苦澀。芋圓係偏硬，奶綠真係飲唔落口，唔知真係以為飲緊涼茶。我已經係飲正常冰甜，因為唔清楚呢間冰度甜度乜程度，好似一杯冇糖涼茶咁。奶茶又係偏苦，其實本身係唔係做涼茶㗎真係服。我都唔介意等啦諗住應該ok，俾錢買難受。建議唔好寫埋啲咩地方咩產品，真係影衰埋個地方。可以叫三杯嘢冇一杯飲得落真係世間罕有。

叫咗一杯香草籽布蕾奶茶，朋友叫咗一杯楊枝甘露，我自己嗰杯喺香草籽奶蓋上面仲要燒咗焦糖！！好有心思，飲落去都飲到焦糖香味。雲呢拿籽奶蓋都超級好味，雲呢拿籽呢啲都係唔平嘅食材呢🤭另外楊枝甘露味道都超好，甜味適中，同埋落重料🤭真係唔係點溝水嘅感覺👍👍最重點係！佢哋唔係用紙飲筒！！🤩🤩而係用竹/稻穀整嘢飲筒！！唔會飲飲下爛咗，同埋一下就已經督到落膠膜！！同膠飲筒冇分別，而且仲環保咗👍👍超讚！

🤍黑糖珍珠布蕾鮮奶（中杯）$38珍珠好煙靭 黑糖味夠重🧋就算叫微糖都好飲🤤芝士奶蓋都比得夠多🧀奶香夠重 都飲到有芝士味😋雖然價錢貴咗少少 但值得一試😍-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌑🌑

原本仲好開心樓下咁近開左間新嘅賣台式飲品..見可能新開張都幾好生意咁！以為伏極都有限..於是叫左杯茉香奶綠試下！杯野個樣睇落同平時買嘅無咩大分別！點知飲左一啖就中伏！已經唔想再飲！因為根本再飲唔落！因為個茶底係苦嘅！同埋無奶味！無甜味！成杯苦茶咁..難飲到極致！我仲反覆睇左係咪將我走冰落錯左係走甜..但收銀又無落錯..的確只係幫我走左冰！最後果斷成杯送落垃圾桶！從未飲過一間咁難飲嘅茉香奶綠！以後寧願行遠少少去第二個商場買都唔會再幫襯依間！真心無諗過一杯咁簡單嘅飲品都可以沖成咁！