印尼美食館

Open Now

Now Closed

之前喺social media見到介紹呢間賣印尼糕點 所以特登去買嚟試下 買咗七件一共$56 比$106佢找 冇為意佢用一張綠色嘅十蚊紙扮50蚊找比我 諗住依家市面冇綠色嘅十蚊紙 返到屋企先發現🤬 之後我又要特登由屋企搭車出去搵返嗰個印尼阿姐 同佢講完佢拎住張綠色嘅十蚊紙喺度笑 然後好順攤咁畀返40蚊我 完全冇覺得愕然咁 所以大家以後買嘢找錢 都要認真啲睇清楚 唔好一廂情願以為綠色嘅就一定係50蚊 ig d 介紹亦都唔可以盡信！

之前喺網上面見到有人介紹旺角有間隱世嘅斑蘭糕店，幾經辛苦終於俾我搵到，之前去過幾次都係冇開，結果今次就早啲嚟，終於俾我等到😌，佢係一間印尼嘅找換店，喺找換店隔離超細嘅檔口見到有各式各樣嘅印尼糕點，超鍾意食千層糕嘅我梗係要買來試吓啦😌，我就買咗幾款，分別係斑蘭千層糕同埋傳統嘅千層糕，仲有佢哋嘅黃金糕，最後就有印尼牛油蛋糕，價錢係$8至$12不等💚斑蘭千層糕 $8 :基本上呢一款千層糕就係綠白色橫間，經常會見到嘅一款，而佢哋出咗朱古力味同埋咖啡味，原味嘅就係斑蘭椰汁，唔知係咪佢哋當地人自家製嘅關係，食落去嘅味道係有啲唔同，唔會甜之餘斑蘭味道較重👍🏻，拎上手就feel到超有動感，有Q彈嘅感覺食落似啫喱不過比較實，價錢都算抵😋🤎傳統千層糕 $12 :另外呢一款啡白間條嘅就係最傳統嘅千層糕,如果係自家製嘅話整呢一款糕點相當費時，要一層一層咁樣倒落去再煎，閑閑地都有十幾廿層，呢一款糕嘅口感係比較似蛋糕，佢係腍身啲，食落去牛油味較重，另外仲有佢哋獨特嘅味道，甜甜地，我就最鍾意食呢一款🤤💚 斑蘭黃金糕 $8 :另外呢款黃金糕睇落去好似蜂巢咁，有少少似蜂巢蛋糕，食落都係比較爽嘅一類，個人就覺得呢款麻麻地

我喺嗰度買咗5件斑斕糕，其中有一件係$7，有四件係$8，竟然最後收我$47。我走咗先發現錢好似唔啱，點計都係$39。直接收多$7。當時俾錢時，個姐姐仲用計數機計過一次。如果要去買，記得小心😡