居食屋「和民」 (皇室堡)

Open Now

Now Closed

老公話想食壽喜燒，但我又怕打邊爐熱氣，最後我諗到兩全其美的方法！就係去和民！佢可以食壽喜燒，我又可以食唔熱氣ge野！和民的牛肉壽喜燒真係好正！ 推介推介！我叫左細份～ （$79）我自己都忍唔住食左1塊&少少蔬菜！佢個壽喜燒湯底真係勁好味，又甜！食物吸哂壽喜燒個味，完全唔需要再點其他醬料！牛肉肉質鮮嫩！（因為我今年年頭先食返牛，對牛肉要求好高，太差的牛肉我係食唔落口，會覺得蘇～但和民的牛肉完全唔蘇，口感仲好好）再來一個和民沙律（$69）～材料是北海道產～蔬菜夠新鮮，夠爽口！食材又多，有蝦，有雞，蔬菜種類又多！沙律醬又係我鐘意的味道！推！再來牛油焗日本帆立貝（$59），又是日本產的喔！好香的牛油味！帆立貝吸哂牛油的香味！好好味！連中間d 菇都好好味～ 嘩... 好大條日本產原條魷魚燒（$89）～ 估唔到甘大條，超抵食！魷魚好彈牙～～～ 同埋燒得好香！配埋蛋黃醬，味道一流！最後怕熱氣的我叫左個北海道冷蕎麥麵（$59）～ 冷面個汁味道夠濃！而麵質又唔會太淋！叫左甘多野買單都唔駛$400，和民真係好抵食！我同老公仲食到好飽好飽！同埋我叫左好多食物都是日本產的！CP值極高！讚！

未食晚飯就去左睇戲, 睇完戲都差不多9點半, 當然超餓啦, 戲院果層其實都有幾間食肆, 但最喜歡都係和民, 而且佢地收 10點半, 都仲夠時間食嘅!其實和民嘅選擇都好多, 我就係喜歡佢唔會只限於壽司!刺身雖然未至於好新鮮, 而且仲切得好薄身, 不過愛吃三文魚嘅香港人都一樣接受嘅!蛋同雜菜蛋燒同樣好味, 蛋很滑, 而蛋燒亦燒到剛好, 唔會話過乾, 醬亦足夠!烏冬有點兒細, 但都宵夜時份, 細細碗都岩嘅, 湯味唔會過濃, 有肉味, 牛亦算多 

下晝行過去銅鑼灣Decathlon睇下d又平質量又okay嘅運動用品。行完見肚餓，然後過去皇室堡嘅和民食晏。晏晝1:30已經吾駛排隊，即㩒飛即入去坐。打開menu，見到一份份美味嘅日本料理。咦，今日嘅「日替」係雞肉豬肉天婦羅丼定食，好似幾抵食喎！好！一於整番份日替先。Wow!幾大份日替！又有湯，又有沙律，仲有燉蛋。沙律一啖都吾夠。汁都吾夠。好求其。湯都好d，有多d配料，不過麵豉太少，湯好淡！都係香口天婦羅最正！最後嘆埋杯柚子蜜梳打。

同事生日飯，壽星提議去和民食，未免太體量大家荷包了(＞人＜;)，再加上近期的不景氣⋯大家真係要食個飯放鬆一下，有力量同精神先可繼續跑落去，頑張って！ 餐廳木系為主感覺柔和。 餐牌，我們3人，每人揀一個，開心share食。 壽司卷盛(3種)，$99，味道正常水準。 石鍋鮭魚&帆立貝蒜蓉牛油飯，$89，熱騰騰的石鍋飯，配合粟米、蔥及蒜蓉牛油，味道不俗，鮭魚及帆立貝份量適中呢。 濃湯盛滿海鮮鍋(2-3人前)，$159，友人推介，真係好大鍋，份量好多，海鮮有蜆肉、廣島蠔、帆立貝及魷魚等，十分豐富，柚子胡椒火鍋湯底，先飲為敬，湯頭味道甘甜清爽，帶點鮮味，廣島蠔肥美夠鮮味，蜆肉飽滿，幾好味呀。以上的食多是鍋物，窩心的一餐，慢慢食傾下計，舒發心情，食物水準不俗，仲要幾抵食，服務態度友善。

銅鑼灣不嬲都多嘢食，今次就決定去試吓有好多分店嘅居食屋和民🤣我同朋友都懶得散叫，因為逐樣叫要睇返份量好難叫到剛剛好。👅所以今次一於決定試吓好多人叫嘅二人歡聚套餐（$339）。呢一款套餐入邊會有齊前菜、兩款煮食、一份小食和兩杯嘢飲🤣🤣份量都算幾足架。今次煮食我哋就叫咗石鍋黑椒牛肉飯同埋最新出的牛肉壽喜燒。牛肉壽喜燒有驚喜🤤🤤昆布和蔬菜的味道好夾，湯底清甜配上鮮嫩的牛肉。正！這裏比較特別的是小食竟然有牛油果pizza🤣🤣另外值得一提的是前菜份量頗多，除咗有雜菜仲有三文魚片。.🏠居食屋「和民」 (銅鑼灣)銅鑼灣告士打道311號皇室堡4樓401號舖

不知道為什麼和民在我心中都是屬於偏貴價的餐廳，所以會去吃日式料理的話都會偏向選其他較便宜的餐廳，但是今日因為原本沒有想法會在銅鑼灣食飯，所以並沒有預算之下剛好就看到和民就決定了。因為時間稍早，侍應安排了我們在靠窗邊的位置，窗邊剛好可以看到維園的風景，而且座位又寬敞，坐得十分舒適。打開餐牌看，有著各式各樣的食物，真是花多眼亂，而且讓我驚訝的是價格都是合理，整個人立刻可以放心點了，最後我們共點了四樣食物。首先是壽喜燒先上來，這是2人份量，果然牛肉份量十足，肯定是足夠2個人吃，加上牛肉高質，肥美而入口嫩滑。這個真是很好吃，加上我們吃完肉及菜後再加烏冬，真是一個完美的句點。另外我們點了炸日本超番薯條，這個真的是超甜番薯，以及餐廳再讓我們配蜜糖吃，真是讓人吃到停不下。還有我們點了原條魷魚燒，魷魚很肥美大隻，燒烤得剛好，配著蛋黃醬吃，讓人會想喝酒。最後我們還點了一個照燒雞肉批薩，批薩烤得很香脆，而且照燒雞醬汁做得不錯，兩者十分搭配。最後結帳每人都是大概一百多塊，這個價格可以吃到那麼多好吃的東西，性價比真是很高，以後吃日式料理又多了一個選擇。

一向很喜歡到和民用膳，可能是因為它是日式連鎖店🏮，食物質素一定有保證。今晚到了這間位於皇室堡的和民，環境十分舒適開揚，坐得非常舒服，而且服務周到。大阪椰菜燒：有豐富的蛋香、濃濃的芝士、足料的椰菜絲，切開時中間的蛋黃幾乎想湧出來呢！芝士香脆炸雞🍗：半熔的芝士配合熱辣辣的炸雞，香脆無比，雞肉鮮嫩！牛肉壽喜燒：肥牛的脂肪和比例均勻，牛肉經烹調後，肉汁遍布在整個湯底，而且蔬菜能完全吸收湯的鮮甜，所以最後忍不住再追加了一個野菜盛。另外，由於餐廳正在做推廣，吃滿$200便可以半價享用，半價後牛肉壽喜燒只需$39.5，性價比極高！只可惜我們二人吃不到太多食物，如果吃滿$400，還可以再以半價享用多一款小食！例如日本産有機蕃薯條（半價後$24.5）、豚骨醬油拉麵（半價後$44.5）、日本產原條魷魚燒(半價後$44.5），全都非常吸引啊！

鍾意食日本野既我係唔知食咩好既情況下都會去d日式連鎖店食飯，貪佢方便同平。和民都算係幾唔錯，環境大、上菜快，而且味道唔差。由於時間尚早既關係，餐廳人未算多，我地都好好彩被安排係窗邊既位置，可以望到維園。2-3人份量既牛肉壽喜燒要+39追加先有烏冬同雞蛋，基本上係必加。牛肉同圖片一樣都係咁多，肉質都算唔錯，唯獨係一開始d牛肉已經係個鍋入面，所以要食快d，不然會好快韌。另外不得不提個烏冬，好彈牙！豪華刺身盛合因爲去果日金槍魚無曬，所以就免費轉左帆立貝。帆立貝好鮮甜，突然覺得有得免費轉係好lucky。其餘赤蝦三文魚都係水準之上，但帆立貝係當中最出色既。鐵板餃子皮薄，一咬d肉汁會出曬黎，都係好食既。總括而言，和民d食物質素都唔錯，性價比都算高，不過如果上菜慢返少少就更好了。

用 open rice 订位，方便快捷。餐厅的食物对我们来说虽略咸，但还是不错。卖相不错，食材也新鲜。服务员很细心，态度也好。当日虽是周六繁忙时间，但上菜时间也算快。

睇戲之前就見到和民，朋友提議既然好耐冇食就入去試一試啦！因為唔算太肚餓既關係，所以就只係叫左一個壽喜燒牛肉火鍋，另外配野菜盆同埋一個白飯，再加左一個野菌pizza一齊開心share！先講呢個壽喜燒牛肉火鍋，湯底壽喜燒汁都幾清甜，忍唔住就咁飲左幾啖！牛肉份量都多，不過超多肥肉位😆，但食落都有牛香！但肉質唔算滑！再講下個野菌pizza啦，一上枱嘅時候同朋友都有啲驚訝！個Pizza底係超薄餅底，另外佢嘅醬汁唔多，而材料呢亦都比較求其，亦好似焗唔夠咁既顏色！有d失望！

連鎖店來説，套餐$409 包前菜、沙津、刺身、飲品，再從下面ABCD各選一款，二人餐真係非常豐富！前菜、沙津和刺身一次過奉上前菜是迷你關東煮，非常入味。沙律菜新脆爽口，仲有隻温泉蛋係面，另附上凱薩沙律醬自由調製！新鮮刺身每款兩客，過過口癮鐵板肉野菜炒出街食飯多肉少菜，難得有野菜炒當然要一試！石鍋粟米牛肉飯熱辣辣嘅石鍋飯，跟牛肉和粟米撈下撈下，香味四溢！不用加醬汁都好香好濃味，豐富口感！泡菜豚肉鍋豚肉份量很足，加入泡菜和辣醬，不會太辣，鍋肉仲有菜、金菇同豆腐，如果加埋個烏冬就更完美喇！原隻蒜味雞腿燒原隻雞腿已是切件捧上，唔洗怕太大隻會切唔到，雞肉本身已調味，沾上蒜汁更香口！

今日男朋友簽到project，近近地去佢返工附近慶祝，由於我都幾鍾意食日本野，可以直接去咗皇室堡和民，記得以前中學都成日去和民食lunchset haha 我就叫咗個鰻魚飯，$109係一般鰻魚飯一般牛肉飯，估不到佢啲飯幾好食因為飯粒都好煙銀，鰻魚唔算話太厚肉，不過勝在唔係太多骨，咬落去都幾滿足。牛肉都唔錯啦用嚟撈飯幾正。另外我哋都叫咗個三文魚牛油果壽司，呢個壽司嘅飯粒就整得唔太好不過牛油果味同三文魚好食。另外叫咗個椰菜大阪燒，椰菜大阪燒整得唔厚粉，推介。另外都叫咗個Pizza$49，叫咗個照燒雞肉pizza餅底薄薄地不錯。

和民 今日去銅鑼灣見客，皇室堡超級多人，想簡簡單單搵個安靜小小嘅地方一齊食飯，所以上到去4樓見到和民，又唔使排隊排好耐，就入去食。我哋叫咗個和民沙律，呢個沙律都幾唔錯，我幾鍾意佢嘅醬汁，酸酸甜甜，沙律入邊仲有幾塊牛肉呢個配搭都唔錯。另外我哋都叫咗個燒牛小排，牛小排嘅質素都唔錯，好似係$120左右， 不過呢由於唔係職員幫我地燒所以我哋燒得太窿浪費左幾舊，但係如果笑得好嘅話佢嘅牛味好香油脂分布都OK。另外我哋都叫咗個牛肉壽喜燒，我最鍾意入邊有一舊類似麻薯嘅嘢，考落去好似年糕仲嗦啲湯汁。最後都叫咗六隻餃子$35兩個人即刻飽晒。人均大概150

星期六夜晚 同朋友兩個人食飯周圍都好難搵位 去咗皇室堡搵食 食咗燒牛肉 三色飯卷 日式甜品 仲有塊超好食嘅雞扒 雞扒十分加分 食完之後仲叫咗杯珍珠奶茶同綠茶甜品 三色飯卷芒果味有驚喜芒果好甜 三文魚牛油果配搭好好 燒牛肉略嫌份量有啲小 不過都唔錯自己燒有時玩玩下會搞到好大煙 餐廳環境都唔錯兩個人可以坐到四人為好闊落珍珠奶茶略嫌有啲甜 如果大家叫一定要叫佢少甜 甜品唔錯都有驚喜鍾意底嘅脆脆 兩個人叫咗四樣食物加一杯飲品同甜品都已經好滿足好夠飽整體都好滿意 下次要試吓其他嘢食先

睇完戲同朋友係銅鑼灣食和民，叫左3樣野，鐵板椰菜燒，牛肉鍋加25%份糧同烏冬，我地叫左壽喜燒湯底，同埋日式餃子，鐵板椰菜燒入面有芝士同雞蛋，面頭有啲燒汁漿，賣相十分吸引，好重芝士味，朋友覺得有啲漏，我覺得岩岩好，好好味。牛肉鍋料好多，不過黎到啲料已經係哂個鍋入面，煲左好耐都唔滾，啲牛黐埋一舊，好彩味道唔錯，啲料都新鮮。餃子好味，有啲汁，點左醋食，配合得好好。餐廳服務唔錯，兩個人食都係二百幾蚊，價錢適中。