居食屋「和民」 (黃埔天地時尚坊)

Open Now

Now Closed

真的差评！首先如果不点当日特惠，这里的主食不赠小菜和味噌汤的，只能干吃饭。其次价格。单点主食的话，一个主食+一个鸡块就能超100HKD，完全不够成年人吃一顿（见图，这两个加起来102HKD，不加服务费）再次味道。我是5:40进的店，时间刚好是饭点，但店里却没什么人。这里的猪排味道不好，里面的肉很柴且没有味道，外面的脆壳很油腻，而且颜色很深，吃起来有苦味。鸡块20蚊3个，中规中矩。整体来说比较差，可能是连锁店的缘故。不知道其他店如何，反正这家我不会再来了

返工放飯嘅時候過嚟食嘢 門口冇人 可以自出自入 落單嘅時候叫人又要等 啲員工唔係忙緊 而係 個空間入面 冇員工喺度… 叫咗個午餐 石鍋飯 有湯跟沙律 費事浪費時間 所以趁員工仲喺度嘅時候 順便叫佢幫我買咗單先餐廳入面只有一兩台客人 都已經食緊嘢 等咗20幾分鐘 先有得食 不過都好 起碼冇再遲啲🤦🏻‍♀️ 如果唔係嘅話 驚趕唔切返去味道普通 不過不失 沙律同埋湯 佢哋本身正常係整定 而個石鍋飯 三文魚、紫菜、聰 之類嗰啲嘢全部都係擺位 就搞掂 主要嘅工序 只係燒一燒個石鍋…

居酒屋和民(15/7) 星期五 晚上7點左右特式：講到居酒屋，和民係香港應該都無人唔識，都有一定程度既歷史，價錢又大眾化路線，但裝修就好似好高級咁，比人有一種食好「西」既感覺。食物：今日嚟主要係想食壽喜燒喎，總共叫左4樣野食。和民沙律 - 佢餐牌上總共有三種沙律可以揀，我試過都係佢隻和民沙律最好食，個蛋黃醬好香，仲要只係賣39蚊。赤蝦壽司 - 兩件大大隻既赤蝦壽司都只係賣19蚊，質素比起壽司郎/板長/元氣個d連鎖店更好，係超值之選。原隻南蠻炸雞腿 - 我嚟親和民都必定會點嘅食物之一，只係79蚊，雞腿炸得好香，但入邊嘅肉質仲係好鮮嫩多汁，仲緊要係佢個南蠻醬，真係精粹所在。壽喜燒鍋 - 今日就係突然想食壽喜燒鍋，所以先嚟和民，一野就叫個大既for 3~4人既鍋，都只係139，好多牛肉，雖然牛肉肉質只係一般，但佢有其他幾好食嘅配菜，同埋送埋兩隻日本蛋，都加返d分。飲品 - 佢飲品係有日本汽水同啤酒可以揀，可自行因應自己嘅喜好去叫。環境：餐廳環境好好，空間好大，枱與枱之間都好闊落，每張枱位置都好大，坐得好舒服，三五知己傾偈食飯一流。服務：服務只係正常，因為用QR code落單，茶水/餐具又已經

今日係520， 咁當然要出去食啦，周圍都係人真係搞唔掂，最後決定又食日本野，感覺好似健康啲咁囉。首先睇個餐牌，發現左樣野就好似一間平價意大利菜X莉亞咁，第一頁係一啲19蚊既食物，我地精明地計一計我地散叫既食物個價錢，結果最後都係決定都係要叫個套餐係比較化算。大慨多左個沙律，三文魚刺身同2杯野飲，自己再加啲超值優惠食物都好夠食。上菜速度快，先黎左套餐個甜蛋，個牛肉鍋，同我地另外叫既雞翼同炸雞，其實我有啲唔明，點解唔係上前菜同沙律先？和民一向我都OK 既，不過我覺得開始平民化，就好似越黎越正常，無咩特別驚喜，野食正正常常，三文魚刺身我都係覺得都會好食過以前某一間放題，都有個驚喜，佢個套餐個石頭鍋飯都係好食，熱辣辣，咁就520 既日子，埋單食左$360 ，咁都OK啦。下次有機會再食。

今日叫咗兩樣嘢食物，一個壽喜燒牛肉，牛肉個湯底甜甜哋，都唔錯，另外一個係石頭鍋泡菜牛肉飯加，份量比較少，再叫左一個綠茶厥餅，但係就比較冰，同埋硬，麻麻地，可以不吃

可能疫情關係，店內得幾個客$88蜆肉烏冬拼三文魚壽司，蜆肉很多，湯很鮮甜，烏冬很煙韌，三文魚壽司d飯還暖暖地，是即做配薑梳打$98壽喜燒，正正常常的壽喜燒食物質素ok，但價錢偏貴

因为现在晚上禁止堂食，他们家在晚上外带的时候有八五折，点了一份牛肉的便当，个人觉得这个牛肉的便当味道算是可以，可能是因为带回家路上有一点潮湿，感觉米饭有点发软，牛肉的味道可以，配上姜的话还能感觉不那么腻，配上玉米沙拉，满满的营养均衡荤素搭配的感觉，店员们态度都很不错。

煎燶到咁都夠膽比客人。有冇搞錯！個廚師同經理都可以炒了吧！全冇QC冇良心可言。真係好想比個廚自己食番。煎過幾隻餃子不用很耐時間吧！究竟有冇諗過咁燶嘅餃子食完對健康會有什麼影響架！另外個和民沙律比平時的蔬菜量（沙律菜少了一半、牛油得1/4 粒）少了一半。失望！

咁啱經過和民就入去食啦，好耐都冇食過啦。今次試咗佢個壽喜燒，因為好想打邊爐，個湯底係我想要嘅嗰種日式醬油湯底，而且好貼心個鍋係有兩隻蛋俾你，不過應該就唔係日本雞蛋，整體個壽喜燒都OK嘅，因為打邊爐set都好難會整得差，仲有燒牛柳，就有少少韌啦，可能煎耐左少少，不過個醬汁都OK嘅，有啲偏鹹。仲有個餃子都唔錯，係正常嘅餃子味，入邊都有肉汁嘅未至於好乾，個鰻魚壽司就普普通通啦，下次如果去和民呢就唔好食呢啲，食返啲居酒屋特別小小嘅嘢，同埋要嗌番sake飲🤤

原本想話去始創中心地庫和民, 原來已經褶咗!由於要方便友人坐地鐵返新界北, 於是轉去紅磡火車站旁邊置富都會嘅和民.其實..... 我都唔知果到有間和民, 好日都唔會去置富都會嘛.....點咗香脆炸雞, 脆炸牡蠣(即係脆炸蠔),炸雞軟骨, 清油煮蜆, 蜆肉湯烏冬, 滑蛋豬柳飯, 溫泉蛋牛肉飯, 白汁和風煙肉雜菌 pizza.優點: 1, 香脆炸雞, 脆炸牡蠣, 炸雞軟骨夠外層香脆, 炸雞同炸牡蠣外表好鬼似, 炸雞雞肉 juicy, 炸牡蠣內軟, 滿意.2, 清油煮蜆其實清酒湯先係主角, 有D清酒味又有DD蜆味, 蜆肉口感鮮嫩, 再加埋我大愛嘅蔥, 一流.3, 溫泉蛋牛肉飯溫泉蛋先係主角，蛋黃汁流落D飯粒變成金黃飯，顏色又令又有蛋香又好味，滑蛋豬柳飯豬柳外脆肉嫩口感豐富.4, 白汁和風煙肉雜菌 pizza, pizza 底超薄，薄到好似薯片，口感超脆.5, 侍應服務態度一讚.缺點：1, 除咗溫泉蛋牛肉飯同豬柳飯之外，份量感覺偏少，由其係炸雞軟骨.2, 如果溫泉蛋牛肉飯用上兩隻溫泉蛋更理想.

本身想食壽司朗，但截左walk-in，唯有去無咩人排隊又有日式野食既和民一去到餐廳，排都唔洗排隊，即有位！（所以伏伏地🙈）同友人點左4款炸物，三文魚腩同一碗蜆肉拉麵：4款炸物，我一次過講啦！ 多粉、硬身、乾身、炸太過🤦🏻‍♀️🤦🏻‍♀️啲芝士好隨便加上去，又乾哂，好失望！ 三文魚腩得3塊，質素好一般，價錢唔算平for 3塊🤦🏻‍♀️失望！最後，蜆肉😡😡好多沙，已經唔想食了🤦🏻‍♀️🤦🏻‍♀️總結，之前去其他和民覺得好抵食，但而間真係好唔值，唔會再去🤦🏻‍♀️🤦🏻‍♀️

星期日一家三口，去黃埔行吓街，帶小朋友玩玩室內遊樂場，玩到下午六點左右，順道在黃埔食晚餐，近年已很少在黃埔活動，隨便在附近選了這間日式餐廳，對上一次食和民，應該最少也十多廿年前，實在對這間餐廳既熟悉但又陌生。餐廳在商場的地庫一層，也很容易找到，六點半左右到餐廳門口拎籌排隊等位，也要等大約15-20分鐘才能進入，進去後看了餐牌，選了2人店長推介套餐，埋單是$369+10%=$405.9點餐後不久就送上季節前菜，味道正常。之後送上芝士凱撒沙律，味道很不錯，芝士跟煙肉都很香，羅馬生菜都新鮮。3品刺身盛合，有三文魚、牡丹蝦，還有中拖羅，刺身倒是意外地好，三文魚油香鮮味，牡丹蝦也鮮甜，中拖羅沒筋入口溶化，充滿油脂香氣。廣島縣產 脆炸牡蠣，蠔食得出品質不錯，是剛炸起熱辣辣，唯一可惜是炸漿偏厚，有點扣分。豚骨醬油拉麵，湯不是很濃厚的那一種，半隻流心蛋幾乎全熟了，不流心，日式叉燒正常，麵質普普通通。牛肉壽喜燒，肥牛很薄，沒什麼好評，其他配菜普通。原隻蒜味雞腿燒，蒜香味很出，雞肉有點偏乾，上檯前已半起骨狀態，方便進食。套餐還有包兩杯飲品，我們點了青柑桔柚子蜜梳打及青柑桔可樂。

試左新出既週年套餐 唔洗$500就有omakase食😍😍每人有8件既壽司盛合，分開上菜，好方便衛生，帶子同甜蝦都幾鮮甜，我特別鐘意個玉子壽司，好香甜！另有仲有三件拖羅刺身😋😋熱食有牛油焗日本帆立貝、炸雞同廣島縣產既蠔炸雞整得好出食！外表炸得香脆可口而雞肉又保持嫩滑，雖然熱氣，我都忍唔住食左兩舊，邪惡的引誘～除左一般既前菜沙律同鰹魚湯，仲有每人一杯芭菲甜品！真係令人夠晒滿足👍🏻水準平穩既omakase套餐

放工去和民食飯，發現今年香港和民邁向20週年lu, 用JCB信用卡滿$100或以上仲有7折優惠，堂食同外賣都得(意粉狂熱同和民都有🤩), 所以7點半去到已經好多人排緊隊😳今次試左唔少期間限定🤩✨北海道牛乳忌廉牡蠣鍋 - 好足料，勁多隻蠔同好多明太子，湯底好creamy好滑😝✨特大！原隻南蠻炸雞腿 - 好大隻，一上枱夠晒吸睛，外皮炸得幾脆，但略嫌有點咸✨焗有機蕃薯 - 蕃薯夠淋，芝士好香✨關西章魚燒 - 係外脆內軟，幾香口✨和民自慢鐵板餃子 - 熱辣辣，餃子裡面幾juicy折完之後真係勁抵，性格比👍

平日晚餐！上次（三星期前）食過吉列炸廣島蠔（$39/3），我同老公都念念不忘，今晚再來🥰今次決定叫兩碟！同上次一樣，好大隻，仲大隻過檸檬。外面麵包糠好脆好香，咬下去不停爆汁💦💦💦而且最最最重要的是，我好怕腥味苦味，佢完全無！只食到甜味鮮味！對上一次食有呢個水準係喺靜岡旅行時。但呢度仲大隻，價錢計返仲抵！老公話，根本唔駛再去食咩五星級酒店buffet，狂叫呢個仲好😁佢跟果碟蛋黃醬，入面真係有碎蛋+酸菜，好解膩！椰菜絲都好多！我加左🍋檸檬汁，即刻覺得自己健康左，無咁罪惡感！另外叫左凱撒沙律🥗$19，價錢平，份量都幾多，味道正常。鮭魚帆立貝蒜香飯$69，無乜味，一般般，不推薦。最後係串燒雞翼$19/4 ，佢唔係juicy果種，而係日本居酒屋果種乾身feel，佢個燒汁幾惹味，其實好想配啤酒🤣服務唔錯，主動收碟。⁉️JCB 信用卡7折，折後165埋單，抵到爆！好似返左日本咁🥲⋯⋯啊唔係，係平過日本食😅