居食屋「和民」 (置富第一城)

Open Now

Now Closed

蜆肉烏冬 午市套餐入面嘅 連埋加一好似大概70蚊 包一個沙律同餐飲睇落好寡但係食落又唔錯喎 烏冬嘅質地煮得啱啱好 好煙韌 本身質素應該都唔錯 蜆肉嗰份量都ok 大部分都係冇沙嘅 同埋幾鮮甜湯底係清清地但係又有啲海鮮嘅鮮味 唔係味精嗰種， 幾自然舒服嘅 特別呢日想食得清清地 食完呢完烏冬係幾開心，比預期中好食其實之前都有嚟食過，係試另外一款鰻魚雞扒飯， 嗰款就覺得還好性價比一般 雞扒同鰻魚都係同其他餐廳差唔多 份量又唔係特別多 反而個烏冬覺得比其他餐廳好食

食物性價比我就不談論啦，因為佢都寫晒喺餐牌度清清楚楚幾多錢。食到最後個女侍應嚟執枱問我個免治雞肉串仲要唔要？我話串嘢酸左，我望住佢，距離近到幾乎係對住，佢完全扮聽唔到，唔回覆。我哋走嘅時候亦都冇講拜拜。其實我只係想佢話俾厨房聽啲食物有問題．完全冇諗過要佢賠償。咁都唔望唔覆。無言．．

因為呢日想食日本嘢喺第一城，一係元氣一係和民，諗住和民多啲款式，因為朋友想食啲熱食，中和返 所以就嚟和民午市套餐會抵好多，不過份量其實都唔大，我哋嗌埋小食加加埋埋$200一個人嘅話都會唔飽，加$39有個牛肉飯，但係原來只係好似白飯多極少量嘅肥牛 壽喜燒鍋太鹹太甜 而且份量都唔大，本身會配有烏冬同粉絲 烏冬，好彈牙好味蔬菜份量都唔錯因為想食海鮮又想食啲餸菜，嗌咗個海鮮鍋一齊食，二至三人嘅份量其實都唔係太多，而且個湯底非常之奇怪其實好快都會食晒，就算大家每人嗌咗一個餐再食到完全冇難度刺身OK，朋友就覺得唔夠鮮味我就OK，一定同唔到出面高級餐廳比，但係呢個價錢比嘅質素同元氣差唔多 $39/3 OK啦帶子$39.2粒就唔係好抵食，冇乜鮮味，好似解凍都未夠唔記得咗加幾多錢有個餃子非常之甘油但係味道OK嘅今餐嘅三文魚反而幾鮮味幾厚切，呢個係跟朋友嘅拉麵餐， $129整體質素可以，不過海鮮鍋個湯底問返店員佢話係酸辣，但係我覺得係好奇怪嘅酸再加都冇辣味覺得似壞咗多啲…. 海鮮鍋$159唔係好值得，份量其實唔大囉 服務就唔錯，環境都OK 不過有得揀都未必再嚟食 因為呢個價錢可以有更好選擇

和民早餐系列：- 壽喜燒玉子朝食 (牛肉&通粉) $38要讚既係用上”有紋通心粉”, 但通粉湯底淡而無味。要一啖牛一啖通粉送口，最後索性將通粉倒晒落碗鰹魚湯送口⋯⋯壽喜燒牛肉好味道(係吉野家嗰種)，份量偏少鰹魚湯較為清淡，但都好過碗通粉⋯⋯呢個朝食早餐好岩病人/老人家食，有營養又唔濃味😅- 和風叉燒玉子麵$29 另加牛角包$1x似福字麵底，叉燒兩三塊⋯⋯就咁食叉燒麵一定唔夠飽牛角包係嘉頓質素，唔好expect係香脆好味嗰種— 總括而言：$80食完唔飽，只係環境較為舒適闊落。同價錢我會寧願幫襯茶餐廳，起碼會飽肚。

「和民」是一家以居酒屋風格經營的餐廳，提供傳統的日本料理和各式小吃。餐廳的裝潢簡約舒適，氛圍溫馨。菜單上的選擇非常多樣化，包括壽司、刺身、炸物、燒烤等等，滿足了各種口味的需求。他們的壽司非常新鮮美味，魚片鮮嫩，米飯口感恰到好處。特別推薦他們的三文魚壽司，醬汁的味道非常出色，令人回味無窮。刺身方面，他們的刺身拼盤非常豐富，新鮮度令人滿意。海膽、八爪魚、鯛魚等都呈現出極高的品質和美味。除了壽司和刺身，他們的炸物也非常受歡迎。炸蝦的外皮酥脆，蝦肉鮮嫩多汁。炸豬排則香氣四溢，肉質鮮嫩多汁，外層酥脆可口。燒烤方面，他們的炭燒牛肉非常推薦，肉質嫩滑，味道濃郁。

早輪發現呢間和民原來有和風朝食而且一d都唔貴, 所以決定黎試下, 回味下去日本既感覺! 我揀左壽喜燒玉子朝食 $38, 加左$3要杯熱奶茶, 個早餐set都幾豐富丫, 有d壽喜燒牛肉, 兩件玉子, 凍豆腐, 麵豉湯同埋白飯~ 仲跟埋一塊紫菜~ d牛肉都幾好味, 唔會好鹹, 玉子就正正常常幾香甜啦~ 麵豉湯都唔求其, 都幾多昆布等等算幾足料!凍豆腐清清地, 都有d豆味既~ 塊紫菜我唔係好sure係點用既, 所以就搣碎佢撈飯食, 等d白飯冇咁單調! 餐廳環境都幾舒服同乾淨~ 黎呢度食早餐感覺靜靜地都幾peaceful....! $41都好抵食, 依家去快餐店食呢個價錢都未必飽肚....而且唔洗加一又有人serve....會再黎試埋其他和風set丫!

今日同Honey 經過和民，Honey 想食牡蠣個鍋，同見無乜人，就入去試下好耐無食過和民，都好似無乜轉變我地先叫左個牡蠣鍋2人前，免費追加啲蔬菜，同一碟肥牛$39 另外，再叫左茶碗蒸同雞軟骨揚物首先，個牡蠣鍋係幾好味，但係Honey 話食到其中一隻牡蠣唔新鮮，有金屬味，我就覺得幾好，其他就不過不失啦個茶碗蒸真係好普通既蒸水蛋加粒豆，無蟹柳同鳴門卷，有啲失望可以稱讚既係雞軟骨係Ok 既～同埋Service 唔錯最後埋單一共$302

上菜慢，就点了一份寿喜锅，等了十多分钟才把菜端上来，没有人添白开水，不是人多的时候去的午市服务费也是10%（除了下单和付钱我没感受到服务在哪里）味道中规中矩，马马虎虎可以WeChat Pay以后大概率是不会再去了本身不是第一次去吃，第一次跟朋友点了两人餐，当时觉得还不错，寿喜锅没吃够，这次点的单人餐特意来单独吃，觉得就一般般了，以后还是去其他店铺吃点别的。个人觉得自己很像一名大冤种，这个钱不如去吃楼下牛肉面

叫左個二人餐。前菜有沙律，切到張紙咁薄嘅三文魚刺身同極似煲湯湯渣嘅牛篣蓮藕。小食就揀左鐵板餃子，用鐵板裝住所以熱辣辣。主食原本想要加州卷，但賣曬唯有揀豚肉飯。應該抵食過加州卷。鍋物就牛肉壽喜燒，不過不失，不過煮到最尾啲菜就有啲咸。

連續去兩次餐廳人流都不算多，可以與朋友坐很久的時間，食物算普通。第一道菜式是壽喜燒，湯汁鹹鹹甜甜，味道算是正常發揮，特別加配咗烏冬同拉麵，還可以加叫多份牛肉、椰菜等等配料。每次吃壽喜燒都特別喜歡鹹鹹甜甜的湯底，尤其冬天裡，配上烏冬或拉麵，立即暖胃！另外，日本人都喜歡將牛肉片再沾點生蛋黃吃，餐廳都同樣有提供，可以再調和甜鹹的醬汁味道！第二代菜式是串燒組合，有雞翼、粟米、冬菇、牛肉等等，今次覺得串燒可以燒得再燶啲！

我地叫個炸壕，面衣超級厚，咬落去件生蠔竟然系冰凍的！再叫份炒麵，又鹹又硬，唔會再黎，非常之難吃叫野飲，咩都冇。之前食過覺得唔錯，今次真係完全大失望，根本係垃圾，D野食幫我換過都一樣咁難食，千祈唔好黎，好伏

我同男朋友一齊去沙田第一城食和民，叫左套餐同小食。🫓前菜：係幾舊似蓮藕既野，食完一舊都唔知食緊嘜，然後放棄咗。🐟刺身：有三塊黑黑地既三文魚刺身，睇完唔開胃，最後我冇食到。🥗凱撒沙律：一兜冇咩沙律醬，面包粒已軟身，感覺放左好耐。🥘海鮮火鍋：係二人餐黎講，份量超小，好hea，一半份量都係菜。🐙章魚燒：非常普通，應該係拎現成貨整熱，但蛋黃醬同另一個醬太小，食落偏咸🍣加洲卷：no comment, 10分滿分，佢只有4分。我開始懷疑人生，究竟我哋食緊咩？食左個「二人餐」之後個肚好空虛，平時我地兩個係屋企，一個人都食唔到一碗飯，我地唔算大食，但呢餐絕對唔飽+唔抵食。既然係咁，我地再叫清酒煮蜆同大板椰菜燒。哎呀！又失望多次🍶清酒煮蜆：蜆又細，肉又細又「柴」，重點係冇味丫！我究竟食緊咩🙈🙈🙈🙈🥬大板椰菜絲：唔係講笑，裡面勁多細椰菜絲，唸住應該好食啦掛，點知！椰菜絲係冇咪架！！咸味、甜味都冇，好懷疑係用墊底既椰絲煮😒😒😒😒成個大板燒如果滿分係10分，我會比負100分！真心難食到叫救命🆘可能我地好幾年前試過沙田新城市和民，質素好好，所以一開始對呢間餐廳有正面期望，但我地食完之後，心裡面對於和民地位係由天

和民早餐都幾多選擇, 有拉麵, 西式同日式, 我自己就鐘意日式, 好耐無得去日本, 食下燒魚懷念下日本囉🤣燒鯖魚玉子朝食($34), 有兩件燒鯖魚跟上玉子燒, 味噌湯, 豆腐, 少少蘿蔔蓉及白飯, 如果想飲嘢嘅話…熱飲加$3 🥢燒鯖魚新鮮燒香👍, 鯖魚味濃, 不過如果怕魚味濃嘅朋友有可能話佢腥🤪🥢玉子唔算太甜有蛋香味👍🥄味噌湯內有幾粒豆腐及海帶, 早上飲一飲熱湯醒一醒個胃都唔錯👍🥢豆腐及蘿蔔蓉正正常常🥢白飯分量唔算多, 不過早餐黎計都勉強可以🍵當日叫左熱檸茶, 得兩片薄薄的檸檬及紅茶很淡口環境坐得舒服, 不過茶杯及豉油碟直接放在檯上而無嘢蓋住…唔算衛生, 好易被污染👎QR code 落單, 不過有待改進, 唔可以更改為少糖多奶之類, 要通知服務員幫忙修改, 服務態度好👍魚堅總評性價比 4👍(以5👍為滿分)

今日中午殺入沙田開檯打俾🀄️開始前首先醫肚先啦好想食日本菜所以有人提議試吓好耐未食過嘅「和民」，未夠中午時間唔洗等位入座超爽5條友叫咗9樣嘢！雖然不是上乘食材但勝在價錢大眾化慰藉一下無🉐️到訪日本吃料理嘅心情啦

呢間和民近屋企，都間唔中就嚟。佢午餐都算抵，有些$50+就有成 set, 凍飲都唔使加錢，不過耐咗就覺得佢好耐都無點轉過午餐餐牌，如果間唔中轉下餐牌會更加好喇。環境算唔錯喇，唔會要搭枱，可能呢間唔使，記憶中觀塘嗰間好似要。食物正常水準，基本上佢個石頭牛肉飯個人覺得係好食嘅，夠香又夠料，係得一次唔知係唔係鍋太熱，嗰次飯個底好濃黑咗，其他大部份時間都保持水準。仲有個雞扒定食都ookk, 亦都係性價比較高一set午餐嚟。