水門雞飯 (蟾宮大廈)

Open Now

Now Closed

-香辣鳳爪沙律 $52前菜必點沙律，味道唔係特別濃，酸辣道適中，唔鍾意重口味嘅可以試！配菜好足料～兩個人都叫岩岩好👍🏼-冬陰雞湯粉 $58冬陰湯味唔會蓋咗雞味，可以連埋啲湯一齊飲，河粉好滑軟硬剛好，可以揀其他粉麵類～雞肉唔算”鞋”😆一個價錢飲到湯又食到雞粉👍🏼-泰式凍奶茶 $8(跟餐)跟餐$8超抵！又夠大杯🤩唔會話太甜，奶茶味相當夠，可以再試！佢仲有其他特色小食同甜品，港九新界周圍都有分店，緊有一間係你左右🤣推薦同一大班朋友去呀！

晏晝大概1345左右去，諗住過咗lunch hour，點知門口都係勁多人排隊，仲有好多人等緊外賣。我見堂食都好多人，所以買咗外賣翻公司食。餐牌就貼咗喺門口，除咗水門雞飯之外，都幾多泰式食物可以揀。泰式燒豬頸肉 $98豬頸肉有好香嘅炭燒味道，而且入口即溶，相當惹味！雖然豬頸肉嘅等候時間比較長，但係攞到手我覺得係值得嘅！香辣肉碎沙律 $68即係平時食嘅生菜包阿 ！香草味唔算好濃，不過勝在辣味出！肉碎入邊有少少辣椒，配合埋生菜惹味得來又唔會好滯！馬拉盞西蘭花炒魷魚鬚 $68魷魚食落好爽口，加埋啲西蘭花吸晒啲汁簡直就係一流！想食啲味道濃少少嘅嘢可以揀呢款！雖然餐廳一啲都唔近地鐵站，不過性價比極高，食物嘅價錢合理而且仲好高質，會再嚟食！

香港都有「水門雞飯」，主打正宗水門雞飯及泰式料理、特飲，餐廳由泰國人大廚主理，口味貼近泰國當地風味而且好抵食，之前食過尖沙咀分店既招牌水門雞飯，的確性價比極高，尤其係午市送泰式特飲今日同朋友行銅鑼灣Shopping發現原來都有分店，一於介紹佢試下啦除了招牌水門雞飯及三寶雞飯，水門雞飯亦提供其他泰式料理，如各式串燒、牛肉湯牛丸生牛肉金邊粉、冬陰功雞湯粉及泰式乾炒辣牛河等。特飲方面除了近來流行的泰式奶茶外，也有洛神花茶、泰式咖啡、椰青、菠蘿冰及青檸梳打等

如果要食海南雞，我每次都會諗起水門，雖然人唔係泰國姐，但要最地道一定揀返呢間，未食過唔會明我講咩，但食過肯定有共鳴，唔係耳鳴！👇🏻📌主 食 -▪ 香 辣 紅 咖 喱 牛 肉 飯 - $50▫ 首先試一試呢個「香辣紅咖喱牛肉飯」，紅咖喱唔會太辣，反而煮到好濃香惹味，牛肉完全吸收哂醬汁精華，有咬口唔韌，值得一試。▪ 三 寶 飯 - $64▫ 我朋友就揀左「三寶飯」，三寶分別係水門雞、炸既水門雞、雞雜，雞肉口感夠哂滑溜，加左10蚊嗌多個雞油飯，當然本身仲可以多飯啦，仲有碗雞湯附送，幾抵食。📌小 食 - ▪ 脆 炸 雲 吞 - $28▫ 小食黎講「脆炸雲吞」又係必試，炸到夠哂脆口，雖然好邪惡，但真係好滿足。▪ 泰 式 豬 頸 肉 - $98 ▫ 另一道小食「泰式豬頸肉」幾有驚喜，豬頸肉外層燒得焦香，裡面夠Juicy，完全唔乾身，肉質爽口彈牙，正！

late lunch✡️ Tea Set：泰式船粉（牛） 配炸春卷牛肉 佈滿大半碗，牛丸2粒，乾蔥蒜也夠。炸春卷 比想像中大條，蝦味濃 入口卜卜脆。CP值高！＄42 包飲品，冇加一！凍泰式鴛鴦（走冰）好人性化，可以走冰，及職員溫馨提示走冰比較甜。熱蘋果雪梨茶好潤喉及清甜，甜度啱啱好。✡️ 西蘭花炒魷魚鬚🦑wow，一打開個蓋已經香噴噴。叫左少辣，味道啱啱好，又滋味又有鑊氣。✡️ 菠蘿燒雞炒飯好足料，眼見都好多燒雞🐔、菠蘿🍍、提子乾🍇，而且成盒滿晒，分量好夠。入口好有鑊氣，飯粒粒分明，炒得夠乾身。朋友平時唔會多食炒飯都大讚。✡️ 烤麵包🍞沙爹醬係靈魂，我哋外賣返來之後，將麵包再焗一焗，朋友大讚。3個人，可share 船粉、炒飯、小菜、烤麵包，平均每人＄80，就CP值好高！

喜歡吃雞🐔的人對雞都有不同程度的要求，所謂食雞有雞味，菜有菜味，今日終於食倒最有雞味的雞飯。銅鑼灣希慎道2-4號蟾宮大廈地下9號鋪，離我家很近，今日想早點吃飯，剛好經過還有位置，就順便進來一試，難怪開了這麼多分點，水門雞確是與別不同，白皮白肉，皮薄脂肪少，雞肉有香鮮味，有咬口而不柴，而且價錢💰實惠，一碟雞飯才＄54，仲有一碗胡椒冬瓜雞湯送，不吃真是虧大了。我們每人點了一碟雞飯，一杯熱薑蜜，再點一碟芥蘭苗，就開始吃好味的雞飯。胡椒冬瓜湯夠曬辣味，吃得胃暖暖的，雞肉都是去骨，配一碟特色醬汁點雞，有味飯熱香軟，還有兩片新鮮翠綠青瓜。芥蘭苗配泰式炸醬，特別有風味，薑蜜茶夠薑又夠蜜，香甜暖身，吃飽飽，買單＄190，真是抵食又好食。😋😋

今日去咗銅鑼灣行吓經過水門雞見好耐冇食就入咗去食。我叫咗半隻水門雞加油飯，馬拉盞芥蘭同埋串燒水門雞啲肉一啲都唔肥，全部都係瘦肉真材實料，點埋佢個醬汁餸油飯一流。呢次第一次食佢哋個馬拉盞醬加芥蘭，意想不到嘅係馬拉盞個醬出奇地好味一啲都唔辣，但睇落就好似好辣，我將個馬拉盞醬好似油漆咁塗到成碟芥蘭都係非常之好味，雖然個芥蘭就咁用清水烚，但係加咗馬拉盞醬之後零舍不同。最後加咗串燒分別係雞肉同豬肉，食佢哋嘅串燒意境都在於個醬汁，出晒名好有味，雞肉同埋豬肉都落足料燒，配合埋佢哋嘅醬汁天衣無縫。

平時在銅鑼灣返工，水門雞飯是我見常食的午餐之選！位置方便，價錢又合理。當日是平日午市時間，餐廳都幾乎坐滿，決定外賣自取，省卻排隊時間之餘，出餐速度都相當快。當日我試了餐廳的招牌水門雞（半隻），雞肉鮮嫩多汁，肉質彈牙，無論是搭配醬汁或單吃，都能感受到雞肉的鮮美。即使不點醬汁，雞肉本身的味道也十分足夠，令人滿意。另外小菜叫了炸雞皮，外脆內嫩，保留了濃厚的雞油香氣。無論是單吃還是搭配其他菜式，都十分合適。泰式腩仔也非常值得一試。這道菜的肉質肥瘦相間，搭配了獨特的泰式香料，味道層次豐富。馬拉盞肉醬芥蘭苗，芥蘭新鮮，搭配濃郁的肉醬，調味恰到好處，不會過於油膩，既好味又健康。最後，餐飯選了凍泰式咖啡，香口滑順，大大杯份量十足，冰涼提神，打工仔午餐享用。

最近搬左公司以為以後就冇得食水門雞飯, 好在銅鑼灣都有間🥹 今日就特登走落黎幫襯!裝修格局統一好有泰國感覺, 而有好幾位員工都係泰國人, 感覺更加地到🤩1/ 水門冬蔭撈麵 $38佢地下午茶真係抵到意想不到, 呢個價錢包正餐, 飲品同小食😵所以好彩我都仲可以成日食到😆 食落少少微辣, 而且加左青檸帶點微酸好過癮, 每一條麵條都好入味😋跟餐配左炸春卷, 金黃脆口, 內有蝦肉👍🏾飲品就叫左杯美綠(泰國必叫), 其實同柯華田好似但就奶味重的一樣好味!2/ 鮮油咖咉多士 $284小件多士夾住厚厚既牛油, 好邪惡但好美味😋😋大滿足！跟餐叫左個香茅雞翼, 同樣炸得金黃內嫩, 香茅味濃郁!☺️飲品就叫左柚子蜜, 甘甘甜甜好解渴👍🏾3/ 辣肉碎蛋飯 $62同樣係泰國既經典! 佢地還完度有90%, 食落超惹味!! 必叫！4/ 半隻水門雞 $108最後我地叫左半隻水門雞, 黎到呢到係必叫, 因為夠滑又惹, 就連皮都係好薄身唔會遮左雞既肉味👍🏾👍🏾

水門雞飯近排成為我嘅新外賣飯堂🤭差唔多喺每一個旺區都可以搵到佢嘅蹤影，旺角、尖沙咀，銅鑼灣等，地點方便，等有一間喺附近👍🏻👍🏻食物種類繁多，而且性價比高，啱晒小資女👩🏻嗌咗二人份主食、小食連甜品，兩個人都唔使$300😲🐔水門雞飯招牌水門雞飯係必食之選，去骨雞肉皮薄肉嫩，連埋皮一齊食都唔會有油膩感，雞油飯份量十足，調味恰到好處，配埋個雞飯醬，就真係好似喺泰國食咁🤭🐷泰式豬手飯泰式滷水無骨豬手，除咗係骨膠原滿嘴之外，仲係啖啖肉嫁，而且份量絕對不少，滷水豬手超級入味，滷水汁撈飯一流😌🐔雞肉串燒🐷豬肉串燒食泰國菜又點少得沙嗲串燒，每一寸大大吋都只係$14，豬/雞任選，返到屋企打開個盒都已經聞到炭燒嘅香氣，即係都流晒口水，記得要點埋佢配嘅沙嗲醬，另外仲有醃酸菜可以解油膩感👍🏻🥭芒果糯米飯半粒大芒果🥭超級甜，糯米飯🍚加熱後更加軟稔，加埋甜甜椰漿做甜品一流😆😆

食到好西心情就會跟住好☺️呢幾日返工特別攰，一定要食好野慰勞自己😌叫到咁澎湃，你就知我地有幾飢荒🤣🦐🍋‍🟩鳳尾蝦泰式金邊粉 $75食前擠少少青檸汁，將花生碎、辣椒粉拌勻金邊粉，少少酸辣、開胃惹味😋份量足夠二人分享🐔🍚水門雞飯 $54雞肉嫩滑，配埋微辣醬汁味道恰到好處😋難怪友人火速清盤；冬瓜湯清甜，仲有淡淡既胡椒香，飲完意猶未盡🤤🦑原隻烤魷魚 $45賣相吸引😍魷魚燒到岩岩好，爽脆唔韌，食落非常香口，酸辣醬汁增加魷魚既味道層次，Amazing😋有小驚喜❤️🌿班蘭大菜榚 $32口感清爽，加埋濃香椰汁，就算食飽做飯後甜品都唔覺得漏🍎🍐蘋果雪梨水（熱） $22清熱潤喉，味道自然，而且唔會太甜，仲有好多果渣，幾足料

位於銅鑼灣‎利園附近，呢間餐廳散發著泰國嘅街頭風情，裝潢簡約而有特色。水門雞飯另加十蚊轉左雞髀位，肉質滑嫩，搭配嘅米飯吸滿左雞汁，非常香口，再加上特製嘅醬料，鹹香適中，令人大開胃口。鳳尾蝦泰式金邊粉蝦仁新鮮彈牙，金邊粉吸收左微辣嘅泰式醬汁，仲有香茅和泰國香料伴係碟邊，令到份金邊粉嘅泰式風味更加濃郁。胡椒單骨雞翼胡椒香氣十足，雞翼外皮酥脆，肉質嫩滑多汁。蘋果雪梨水清爽解渴，水果嘅甜味平衡左泰國菜嘅辣，非常配合。鮮檸梳打一股清新的檸檬味，梳打氣泡感十足。

平時去開旺角豉油街嗰間🤙🏻基本上同飯堂冇分別，雖然佢叫水門雞飯，但其實除咗水門雞飯之外都有好多選擇！！！私心就覺得呢幾款都幾好食！✨鳳尾蝦泰式金邊粉 $75有四隻中size嘅蝦，比一般乾炒金邊粉較為濕潤，啱我個人嘅口味👍🏻炒得好香好入味！撈埋花生碎同埋辣椒碎好正🙌🏻✨泰式炒通菜 $54揀咗少油少鹽😋感覺好似比平時食辣咗少少，絕對係惹味之選！！每次食東南亞都一定會嗌炒通菜😋🤘🏻✨秘汁泰式生蝦 $108有六隻size都算頗大嘅生蝦🦐👀配上秘製酸辣汁同埋蒜片🤪絕對係重口味之選🥳✨泰式檸茶 $22泰式檸茶一般都比港式嘅檸檬茶甜，但個人都幾鍾意泰式紅茶嘅香味🥳性價比好高嘅飲品🥤

呢間水門雞飯晏晝時間長期要等位🫨 所以我每次食都係叫外賣 話明水門雞飯就一定要食佢嘅水門雞 作為減肥人士 我覺得呢間雞都算唔錯 首先唔會好肥 普遍雞肉都好滑身 就算食埋雞皮都唔算好邪惡 配正常白飯 仲有幾片青瓜做配菜 如果想飲野 就要加錢 叫午餐仲會跟一個胡椒湯 個人就唔算太喜愛 冇咩特別 不過成件事都幾local 價錢就覺得可以接受 如果唔食水門雞仲可以揀其他嘢食 都仲有其他飯類同麵食揀

離遠已經見到大大隻雞吊喺到咁梗係要嗌個招牌嘅水門雞飯每個飯都配有一碗胡椒冬瓜湯熱辣辣幾好飲水門雞，夠晒嫩滑點埋啲醬汁好惹味飯有雞油味 但又唔係好油膩 係啱啱好 好香海鮮冬陰公湯 大大碗冬陰功湯唔會話太酸太辣 容易入口海鮮嘅款式都多 有魷魚 蝦 鮮菇嗌咗金邊粉炸黃門鱔魚皮 Fried Fish Skin比較特別都係配有碗湯嘅可以將啲魚皮浸落碗湯度泰式炒通菜夠晒大碟 亦都好健康，可以叫少鹽都好夠味炒得有鑊氣芒果沙冰好順滑 冇乜冰粒甜度同埋芒果濃郁嘅味道啱啱好仲有杯龍眼水添