水門雞飯 (萬勤商業大廈)

Open Now

Now Closed

水門雞飯出名又多分店，又多好野食，呢間水門雞飯係金巴倫道平時晚上見要排晒隊，今日經過，就入去買個外賣先。嗌左兩個水門雞飯同兩個紅咖哩牛肉飯，另叫多個小食香茅雞翼，都只係加24元，價錢合理，平靚正，堂食仲吾洗加一，好正呀，水門雞飯仲有湯送埋架。招牌水門雞飯，雞好滑嫩，好好食，而且雞皮都好滑，又冇肥膩感，雞肉又吾會乾仲保留肉汁，正啊。同海南雞吾同，佢嘅雞比較細嫩肉滑，佢飯都好香有又雞味，份量岩岩好，湯是冬瓜湯，加了胡椒，飲落辣辣地，咸咸鮮鮮，仲有幾粒冬瓜食下，呢個價真係超值了。仲有紅咖哩牛肉飯都值得讚，咖哩是真辣的，很香又惹味，牛肉切得厚薄適中，份量都好多，咬落吾老，又好食，份量多絕不偷工減料，配菜都有很多香料同草菇，好正好好味。價錢先50元，想再光顧。小食雞翼是連雞翼尖的，四隻都只係24元，幾抵，咸香乾身，送飯一流。整體都很滿意，性價比很好，堂食仲要免加一更佳，難怪咁多人排隊。

水門雞飯 (萬勤商業大廈)📍尖沙咀金馬倫道18號萬勤商業大廈地舖今日放假同朋友一齊黎到尖沙咀，佢推薦食水門雞飯，就跟佢去搵食啦😆😆😆餐廳位置都好易搵，今日夜晚大約七點半同朋友到餐廳，已經全場滿座，需要等候一陣先有位置。一入到餐廳，店員會比QR CODE客人自助落單，落單後好快食物就送到👍👍 水門雙併炸雞飯$56🐔🍚我地發現真係每一枱都一定會叫水門雞飯🤣🤣，我地叫左雙併，一雞兩食😆水門雞肉好嫩滑，炸雞好香脆，配埋兩款醬汁，絕對係提升到雞肉嘅鮮味😍😍雞油飯出色，飯粒粒粒分明，好出色👍呢個水門雞飯絕對要試😍推薦指數：9/10 煎蛋辣肉碎飯 $62🐷🥚🍚辣肉碎炒得好惹味，加上半熟嘅蛋🥚，泰好食呀😆搞到我地即刻想叫多碗飯添呀～推薦指數：9/10 串燒$14/1串🐷🐔食泰國菜點可以唔食串燒呢，有豬肉同雞肉可以選擇，記得一定要點埋花生醬，好香😍好食👍👍推薦指數：8/10 泰式腩仔 $52🐷細細件，脆皮香口，配上少辣嘅自家秘製醬汁，好有泰式風味😙推薦指數:8/10 泰式炒通菜 $54🥬保持住翠綠嘅顏色，通菜炒得好入味，味道有少少辣，食得出好有鑊氣，好正😆推薦指數：8.5/10 整體黎講，餐廳價錢實惠，

-水門雞飯-📍尖沙咀.想食地道嘅泰國雞飯，「水門雞飯」係必然之選，食物水準高，價錢又實惠，而且選擇又夠多。.烤麵包 ($16)份量都唔少，麵包烤到香脆，加上濃郁嘅沙嗲醬，不錯嘅小食。.蝦頭膏炒什菜 ($54)就連唔太食菜嘅男朋友都大讚。蝦頭膏好香，加上椰菜、椰菜花、粟米芯等多款蔬菜，炒到好滋味。.泰北青冬陰魚片湯金邊粉 ($58)泰北青冬蔭湯同印象中嘅冬陰功湯完全唔一樣，湯底好清但係好濃郁，完全唔辣，加埋青檸嘅香味，好開胃。.魚片份量都好多，而且魚肉好鮮嫩。加埋新鮮蜆仔，令到成碗湯更為清甜。.三寶飯 ($64)除左水門雞飯，原來仲有炸雞飯，想一次過試晒就叫咗呢款三寶飯。份量好豐富，除咗水門雞同炸雞外，仲有雞雜，真係大滿足。.水門雞轉雞髀肉 (+10)，真係皮薄肉嫩，食落仲好香雞味。而炸雞飯嘅雞肉同樣幼嫩，加埋炸香果嘅外層，非常滋味。另外雞腎同雞腸都非常爽口。.餐廳會提供兩款唔同嘅醬汁，分別配水門雞及炸雞，更加提升雞肉嘅鮮味。.芒果冰 ($26)食泰國嘢配埋芒果冰真係一流。.

上星期出尖沙咀做完facial, 就係附近搵左間泰國餐廳食lunch醫肚 青木瓜沙律$48前菜叫左個木瓜沙律 好爽脆又新鮮 辣辣地好好食 非常開胃 Number 1前菜之選 秘汁泰式生蝦$108雖然自己一個食 生食泰國菜食生蝦係必須的 生蝦新鮮 食ge時候加埋蒜，辣椒and綠色秘汁 very正 食到停唔到 一個人都好快清晒 水門雞飯$80 +$10轉雞脾肉重頭戲當然係水門雞飯 我自己鍾意食脾加$10轉脾 啖啖肉 配合埋雞汁好好食 飯又香又正 青瓜爽甜 haha 我又係一個食清晒 食飽飲啖湯好滿足 菠蘿冰+$8叫左杯菠蘿冰黎解解辣 佢大大杯 上面有粒菠蘿肉好qq 打卡靚得黎又好飲 推介呀 Overall 平靚正 係tst又就腳 服務又好 推介 下次有埋朋友黎試埋其他菜式

水門雞飯一向多分店想食泰國菜嘅時候都會諗起呢間原來尖沙咀有2間分店，後一條街就係🤣🤣夜晚黎到都好多人排隊但都好快可以入去食！-水門雞飯（雞汁+湯） $54湯帶有少少胡椒味辣辣地而且有蘿蔔，都幾清幾開胃雞肉肉質唔會好乾而且份量都幾多下配埋油飯同隔離嘅汁一齊食好好食👍🏻-馬拉盞西蘭花炒魷魚鬚 $68 揀左少油少鹽，一d都唔鹹啱啱好調味炒得好好食魷魚鬚都好淋😚-串燒 $14@1雞肉同豬肉可以揀配埋沙爹花生醬好香👍🏻炸蝦春卷 $42酥脆之餘入面嘅蝦肉都好彈牙一d雪藏味都冇👍🏻-龍眼水 $22甜度適中而且仲有d龍眼肉喺底😌青檸梳打 $22好fresh好解渴👍🏻👍🏻-仲有好多其他經典選擇而且唔貴又好味🥹

其實除左日本之外，泰國都算係香港人嘅第二個鄉下，對上一次去泰國，食唔切紅大哥就要返香港，搞到成日掛住碟海南雞飯，終於忍唔住，約左個frd黎食水門雞頂癮！水門雞飯其實佢個雞飯可以話係同泰國一模一樣，不過無論雞嘅份量定飯嘅份量都多過泰國好多，食海南雞飯最鍾意係佢冇骨啖啖肉，佢嘅雞皮都好滑，最最最鍾意其實係佢點雞個汁 😋牛肉湯牛丸生牛肉金邊粉個湯嘅牛肉味好濃郁，牛肉嘅份量同牛丸嘅份量都超出預期，個牛丸有少少胡椒味，十分惹味，而個粉嘅質地同喺泰國食到嘅都一模一樣，煙靭有米香.泰式炒通菜泰菜必點之選，食呢個菜最怕就係食到菜框唔夠味，但係食到最尾啲菜葉勁鹹，但係佢呢度炒得啱啱好👍🏼串燒除咗雞肉同豬肉串燒之外，我哋仲另外點左串和牛串燒，本身雞肉同豬肉串燒個調味已經香口，連沙嗲都唔使點，原味都已經好好味，另外串和牛串燒嘅肉汁超多，而呢串串燒另外一個重點絕對係佢個汁! 酸酸地辣辣地，但係又唔會冚過啲肉味 🤌🏻

成日經過呢度都好多人 終於有時間嚟試下～星期五晚當然坐得好滿 不過啲人交枱都快 等一等就有枱啦打頭陣胡椒湯清得嚟好勁胡椒香味啲雞好淋 而且夠入味 唔會好似煲湯雞肉咁份量都好對得住價錢 有兩層雞肉 我地冇加錢要髀位 都有半胸半肉食個飯粒粒分明 而且唔會太油 雖然呢度叫水門雞飯 其他嘢食都好食呢個冬陰公湯河 湯底味道剛好 唔會太濃食到後面會覺得膩 而且只係少少辣 鍾意食辣又食唔到太辣嘅就啱晒個豬頸肉都好好食！雖然相比佢地嘢食價錢高少少 但絕對值回票價份量好足 有肉汁唔會鞋烚烚而且燒得好香 加埋個汁食淡淡肉 正啊個芒果沙冰比想像中好飲啊！佢唔會好水 飲到後面都係淡淡芒果味 又唔會太甜夏天消暑或食辣嘢揀佢就啱！

我去咗一間叫做水門雞飯嘅餐廳，試咗佢哋嘅招牌菜水門三寶雞飯，真係有一個美味嘅用餐體驗。水門三寶雞飯包括雞雜、水門雞同炸雞。炸雞有自家製嘅醬汁，味道鹹香且帶有微微的甜味，增添咗炸雞嘅風味。水門雞亦有自家製嘅醬汁，味道濃郁，淋上去令雞肉更加美味多汁。三款雞肉各有特色，令整個菜式更加豐富多樣。每一份雞飯都會附送一碗湯，湯裡面有絲瓜同辣辣嘅胡椒味。飲品方面，我叫咗一個椰青同埋芒果冰。椰青飲清涼怡人，芒果冰鮮甜多汁，兩者的組合非常開胃解渴。另外，我額外叫咗一個花形嘅斑斕大菜糕作為甜品。這個糕點外形精緻美觀，好適合值得一提的是，在這附近還有另一間水門雞飯餐廳，讓人有更多選擇的機會。

星期六嘅時候，嚟到呢度食下午茶餐，超抵其中一個餐我哋叫咗：$38 生牛肉金邊粉+春卷#2+泰式奶茶生牛肉金邊粉湯底味道都幾濃郁，金邊粉煙煙韌韌，配合埋香蒜、芫荽、豬皮、蔥等等一齊食好好味。麵裏面嘅牛肉都幾大塊，另外仲有兩粒扎肉丸都好香黑椒味。春卷好香脆，餡料內嘅蝦都幾爽口，生菜包住一齊食口感更清爽，加上甜辣醬汁味道更豐富。泰式奶茶顏色好靚，味道好濃郁，好大杯另外一個餐我哋叫咗$38+$10 水門雞飯 轉雞脾肉+雞翼#2+美祿水門雞飯-轉雞脾肉雞髀肉非常之滑，雞飯充滿雞汁好好味，加上佢哋搭配嘅醬油一齊食更有香辣嘅感覺更好味。食完之後再配上胡椒味濃郁嘅冬瓜湯，滿足。雞翼炸得好香口，外皮乾身，而內裏保留住肉汁美祿平時好少飲美祿，今次呢杯味道濃郁，唔錯。再有一個餐我哋叫咗$28 咖咉多士+涼拌牛舌#4+蘋果雪梨水咖咉多士咖咉味香甜，中間有一層好厚嘅牛油，非常之邪惡但係香口好味涼拌牛舌牛舌好入味，質地偏林蘋果雪梨水-熱飲非常滋潤溫暖，裏邊仲有蘋果雪梨果肉、杏仁、紅棗等等，好足料好濃郁最後，仲嗌咗一個菜同埋一個甜品一齊share$54 泰式炒通菜炒通菜炒得好入味，少少辣，非常有鑊氣同埋香口$58

時不時都會食尖沙咀嘅水門雞飯,最近又再去咗一次,依然感覺好好食&好抵食!首先我試咗佢哋嘅「海鮮冬陰公湯」,湯底濃郁鮮味,加埋多款新鮮海鮮,包括蝦，青口，八爪魚好滿足!冬陰公湯做得非常出色,湯底夠濃郁,又唔會太鹹,配合啲新鮮海鮮,最抵讚唔會好酸，真係百吃不厭! 河粉煮得爽滑,唔係一夾就爛，有口感，,口感好好,又順滑又Q彈。之後我試咗佢哋嘅「水門雙拼雞」,呢個係佢哋嘅招牌菜式之一。雞肉嫩滑鮮嫩,好好食,加埋佢哋獨特嘅醬汁,咁樣就更加提升咗雞肉嘅鮮味同筍脆度。炸雞係另一種口感。醬汁個味道微甜微鹹,好適合同雞肉配襯,令整個菜式更加豐富。飲品方面,我試咗佢哋嘅「凍泰式奶茶」,呢個奶茶甘香濃郁,絕對係我最中意嘅選擇。可以走冰，香港人最like! 堅係做到走冰！再來,我試咗佢哋嘅「脆炸香茅雞翼」,加$10 有2隻，好抵食。雞翼炸得好脆,而且香味十足。雞翼炸得金黃酥脆,令人食得更加津津有味。到佢哋嘅「串燒」,分咗雞肉同豬肉。雞肉同豬肉嘅味道都好正,肉質鮮嫩可口。到最後,我仲試咗佢哋嘅「香辣肉碎沙律」,呢個沙律辣味適中,帶出咗肉碎嘅香味,非常開胃。總的來說,水門雞飯係一間性價比好高嘅餐廳,無論係正餐定小

今日同朋友係尖沙咀游完水，做完運動勁肚餓緊係要大吃特吃去左尖沙咀呢間「水門雞飯」，平靚正有去過泰國既都知道水門雞，呢到唔知同泰國個間有無關係，但一眼就令人諗起泰國美食，正呀朋友叫左水門雞飯，雞肉勁嫩滑仲要係無骨既添唔洗醬汁都唔會覺得好dry同唔夠味我就叫左雙拼飯，多左炸雞，咬落去卜卜脆有聲，淨係係樣都見到炸得好香口沙嗲串燒一啲都唔會好乾燒到好硬，有得揀豬牛雞肉，中意濃味既朋友可以再點埋個沙嗲醬炸雲吞，有別於平時酒樓食個啲炸雲吞，呢個細細粒好的色，一口一件，同樣炸得勁脆香茅雞翼，醃得好入味，一咬落口勁大陣香茅味出晒黎泰式奶茶同泰式咖啡，奶茶有好signature既泰國茶香味，一飲落去就知係泰國出品。至於咖啡就不過不失，唔錯

今天約了朋友去尖沙咀一帶行街和食飯。不經不覺已到食晚餐的時間。 經過一間泰國菜餐廳，朋友話想吃泰菜， 餐廳叫水門雞飯。 它位於尖沙咀金馬倫道18號萬勤商業大廈地舖， 港鐵尖沙咀站 B2出口, 步行幾分鐘就到。 門口的招牌「水門雞飯」十分有創意，隻雞卡通化! 室內裝潢簡約，樓底很高，有泰式設計的風格! 不同的美食的相片和介紹張貼在店內! 檯椅擺設整齊，地方寬敞，坐得舒適。 餐牌內的食物選擇繁多，以QR code 點菜，十分方便。 *水門雞飯 (轉雞脾肉)先奉上冬瓜胡椒湯，胡椒味濃，配上冬瓜，飲落都幾清新!雞脾肉份量不少，新鮮嫩滑、無骨、冇肥油，唔會油膩，雞肉味香濃。 配上自家醬汁，很美味，果然是招牌菜!! *香辣鳳爪沙律無骨鳳爪很爽脆可口! 新鮮的沙律菜: 有洋蔥、紅蘿蔔絲、蔥花和香菜等等。甜辣的汁料令這個沙律很夾和惹味 ! *泰式腩仔腩仔燒得很香脆可口，配上少辣的自家秘制醬汁，很有泰式的味道! *和牛串燒一串都有四小件。 牛肉味濃又多汁，是一個不錯的小食! *椰青、凍泰式咖啡椰青很大個和巨型，椰子水清甜好飲，配吃帶辣味的泰式食物就最適合。 凍泰式咖啡是水準之作，好有泰式的感覺，很正!

再戰水門雞飯，真係一間我唔會食到厭嘅餐廳，而且每一間都可以保持佢哋嘅水準。牛肉湯牛丸生牛肉湯米($50): 真係完全平靚正，仲可以揀要多蔥。柔軟又細粒，而且生牛肉有三至四大塊，湯底濃郁，而且米粉都做得好滑。辣肉碎煎蛋飯($62): 呢個上次喺第二間分店都有食過，揀咗小辣，自己覺得佢辣嘅程度啱啱好，而且飯嘅份量都好多，就算男仔一個人都應該夠飽㗎啦。脆炸香茅雞翼($28):一個令到我諗起新年嘅時候有時會食到啲姐姐煎嘅雞翼，外皮煎得脆，而且夠入味，完全可以形容到呢四隻雞翼！其實唔算平，但係絕對對得住呢一個價錢。搞到我忍唔住叫多左一碟🥹馬拉盞肉醬芥蘭苗($46): 馬拉盞肉醬唔會過鹹，而且芥蘭都新鮮無渣。香茅特飲($20): 朋友點嘅，呢個自己都喺另一間分店試過，好鍾意佢有啲香茅當攪拌條咁樣，甜甜地幾好飲。泰式凍奶茶($6!!!!!!): 適逢佢哋做緊周年慶典，泰式凍奶茶只係賣緊$6 ，所以我都忍唔住叫咗一杯，完完全全係泰國你會飲到奶茶嘅味道，自己覺得如果可以揀佢嘅甜度就好啦。總結：都唔係第一次嚟水門雞飯，真係每一次都係食得好開心咁樣走，食物質素有保證，而且每間分店水準都係一樣嘅，而且價錢大眾

喺尖沙咀行完街仲好飽未食得落嘢，決定買外賣返屋企夜啲先食。正當諗緊買咩好嘅時候，就見到呢間水門雞飯。反正海南雞擺耐啲先食都冇問題，就買呢間啦～.前菜叫咗香辣鳳爪沙律，酸酸辣辣非常開胃。標準配置仲有洋蔥紅蘿蔔西芹，夾埋一齊食口感一流，份量亦都唔少。.由於想叫多啲嘢食，所以淨係叫咗半隻海南雞，仲送咗啲雞雜添～雞肉質地好腍雞皮好嫩滑，醬汁鹹鹹地唔辣，送飯一流！雞油蒸飯有淡淡嘅油香味，而雞骨湯就有好濃郁嘅胡椒味。.另外叫咗個泰式腩仔，其實有啲似香港嘅燒肉。不過就跟咗一個泰式醬，同埋肥瘦相間嘅肉食落會多少少口感，唔會好似燒肉有時淨係啲好柴嘅肉，未食過可以試吓。.最後當然唔少得就係甜品，斑斕大菜糕配椰汁。斑斕味好香濃，大菜糕就好爽口，加上鹹鹹地嘅椰汁，為呢一餐劃上個完美嘅句號。

回頭度🍪7.5/10｜人均消費💰~$50-100-🤍水門雞飯 $54雞肉嫩滑 油飯都好香口🍚佢個酸辣汁幾好食🌶️仲有個冬瓜湯都幾好飲😋味道🌕🌕🌕🌕🌑-🤍泰式豬頸肉 $98煎得超級香口😍香口到唔點醬都好食但又冇好油膩嘅感覺味道🌕🌕🌕🌕🌗-🤍鳳尾蝦泰式金邊粉（微辣）$75酸同辣嘅比例恰到好處 幾惹味蝦都算大隻爽口🍤仲有蛋絲豆卜同埋唔同香料🤤不過記得加青檸呀🍋味道🌕🌕🌕🌕🌑-🤍水門撈麵 $58有豬手雞腳仲有鴨血🦤但真係冇咩味 得麵嘅鹼水味🥲味道🌕🌕🌗🌑🌑-🤍泰式炒通菜 $54就係正正常常咁😂味道🌕🌕🌕🌑🌑-整體味道🌕🌕🌕🌗🌑抵食🌕🌕🌕🌕🌑