和斗刺身壽司外賣專門店

Open Now

Now Closed

係田灣天橋底附近的一間小小壽司外賣店行過都未必留意到，但絕對係一試難忘的 啲壽司價錢未必係好平，但以咁新鮮、好味的質素黎講，係非常相宜阿妹揀左成角切什錦魚生飯$45足料又新鮮好抵食完對唔係俾啲頭頭尾尾hea而我自己就自選壽司十件大約$120左右樣樣都好食好鮮甜特別要推薦三文魚腩大大件有厚度，又鮮又肥美，但唔會令人覺得膩 手快有手慢冇 其次推薦帆立貝只係一粒，但厚到可以包住下面層飯係我食過最甜美的一間兩個人加埋$165左右超滿足偶然想豪食個午餐絕對係好選擇

開左咁耐都冇幫襯過 喺冇咩食既田灣竟然有驚喜 仲要係新鮮既魚生 完全係難得😝😝魚生飯既三文魚仲要係厚切 係良心食肆呀走既時候人人都開聲話拜拜 多謝哂 好有人情味下次同屋企人會再幫襯 今日得一個人試唔到太多

第一次品嘗用杯盛載的沙律，眼前一亮，無花果鮮甜清新，拌以微咸的三文魚子，喜出望外。牡丹蝦壽司，綴以火炙蝦膏，有畫龍點睛之効果。火炙左口魚壽司魚肉嫩滑細緻無比，不吃生也可一嘗壽司的快感。這個檸檬雪葩一出埸我就嘩到尾，微酸但檸檬清香四溢。

己經幫襯好多次，好新鮮，好抵食，特別係三文魚腩，真係一試難忘。。。。海膽亦好鮮甜，手卷亦十分足料，只可惜沒有堂食，只有外賣，我不是住附近，所以買完要即刻飛返屋企食。。。

今日覺得好肚餓，但又唔想食連鎖店，結果走去呢間嘢買壽司食。佢地師父即叫即整，我叫左穴子卷同加洲卷;之後問左個職員，佢話;穴子同鰻魚係有唔同，穴子即係海鰻…由點菜到拎走用左十分鐘左右,即叫即整。由於師父係手打壽司，會比出面壽司連鎖店的機打壽司比較鬆。加洲卷同出面唔同，佢用牛油果加蛋嚟整，食落去好smooth。穴子卷食落去好似無咩骨，比平時的鰻魚更甜。我好滿意我的午餐。

田灣可說是個人煙稀少的地方，而餐廳相應地很少。雖然如此，但我喜歡這一份寧靜。但近兩三年，因有3間酒店／旅店於田灣落成。自由行就幾乎佔據了田灣，昔日乾淨寧靜的地方，現在時不時都見到垃圾在路上。街道變擠迫了，道路亦如是。時常會聽到司機們因旅遊巴上落客而按喇叭。現在就連早上買個M記早餐，也有一大堆自由行旅客排在你前面。這樣影響別人的寧靜生活，如何包容？幸好的是，他們似乎沒有留意到這間日式店。位於田灣，海邊天橋行落去，就是一間裝潢十分日式的店舖。其實它最主要是做外帶生意的，店內坐位都不太適合坐著吃。我點了吞拿魚腩蓉飯 外帶。價錢我忘了，大概是90多吧。但的確用料是很新鮮的！吞拿魚蓉相當相當多！真係好多！其實計回比例，這個飯真的超值！我是第一次吃吞拿魚腩蓉飯，吃到最後，是吃不完吞拿魚腩蓉的。吞拿魚腩蓉亦很新鮮，沒有腥味。而且蔥粒非常非常新鮮！新鮮的綠蔥是我的最愛！唯獨是有兩樣我要提一提的：1.醋飯一般，要注意醋量及米粒水份過多。2.牆油比得太少了，一盒飯應該要有1.5份貴餐廳的鼓油。但我仍很高興，在田灣竟然可以吃到這樣質素的日式料理！這是我意想不到的。希望它不會像之前的店的命運一樣吧。田灣需要你

其實田灣尼間細鋪，都開左一段時間，成日都想為佢寫食評，因為間野D壽司真係好正，質素高。 係天橋底附近，細細間只做外賣，最多八位人客行入去已經迫爆。不過唔需要覺得有壓迫感，因為D年輕店員就好似鄰家女孩咁親切 ，而且大多數人落完單都會出去行個白鴿轉再返黎攞， 即叫即整，唔洗諗都覺得會新鮮好多。住係田灣的居民，只要你消費超過$200就可以有免費外送服務，最岩夏天又熱又唔想等。好喇，講返D壽司先la, 去相！我地四女1男total嗌左超過六十件壽司，好大盆，超開心 雖然用左$6XX, 不過我覺得值架，因為佢比果啲連鎖店板X,X鮮......好好多，用珍珠米，又足料，又新鮮。 價錢其實都係中間位啫，你地睇下，最多人食既三文魚壽司都係$9一件，塊魚生永遠長過舊飯，絕對係厚切。 我就覺得收貨喇，最後個個食到肚突都食唔晒，剩左8-10件 留俾遲收工的爸打再食。推介：三文魚腩壽司(太正,成日好快 賣晒), 帆立貝壽司，甲紋魷魚壽司，蛋壽司，花之戀，角切什錦魚生飯($40) 。 下次要再試多啲野！

今日去買田灣區另一間壽司刺身外賣店嘅出品, 呢間小店位置都幾特別, 午飯時間都見有幾多顧客幫襯, 飯類選擇亦都較多, 又有即做壽司, 店面整潔, 價錢算係中上。買咗角切雜錦魚生飯, 個樣都算正常, 有壽司薑同醃蘿蔔, 仲有一大舊wasabi, wasabi 係屬於有料到嘅級別, 幾勁幾上鼻, 我都係撈咗半舊落D 飯度, 已經覺得好夠味; 豉油個味唔多得, 死鹹, 帶唔出刺身嘅鮮味...刺身主要係三文魚, 鯛魚, 青瓜同蛋, 其他嘅仲有劍魚(<5 粒), 吞拿(1 粒), 八瓜魚(1 粒) 再加一小撮蟹籽同蟹柳... 鮮味係有, 但份量唔算多, 同埋真係全部都似係頭頭尾尾嗰D 咁嘅樣...飯似係珍珠米溝普通米煮出嚟, 醋味唔算重, 份量算係剛剛好, 大食男士可能會覺得唔夠喉, 我食完就好似有D 略有所失嘅感覺... 成個飯好似硬係有D 違和感咁...不過呢間舖似係走高格調路線, 似係想做正宗日本料理格局, 價錢比較進取。

餐廳位置在一個很不起眼的小公園旁, 橋底邊, 一個唐樓的地下, 如果非附近居民應該不容易找到.最推介三文魚腩壽司, 肉非常厚, 遠比飯多, 而且脂肪豐富入口即化, 非常好食兼抵食.其次推介蟹膏軍璼, 蟹膏很香而味道濃烈, 份量勁多. 三文魚壽司也很不錯, 份量十足.蛋壽司蛋厚而且很甜. 八爪魚脆而有咬勁. 貝類壽司都很新鮮, 其他魚類也很大份足料.壽司即叫即整非常新鮮衛生. 師傅也很有禮貌, 熟客可以提前落訂之後先自取, 很方便.