名門讌客 (Closed)

大年初四上去飲茶，一黎叫鐵觀音就比普洱，個經理過黎收單紙，見無利是比又大大力扯走張單。過左半個鐘酒樓有個同事發現張落單紙放左係第張枱就問係咪我地既單，之後落完等左45分鐘都未有野食，佢地就話蒸緊，點知check 單又發現落錯點心。最後決定唔飲走人，個經理就拎左點心黎，點知原來點心只係樓下外賣到拎，出左門口仲要繼續話，態度差到一個點。後尾有個茶客同我講呢個經理一直都咁串，唔好理，又話間野轉左手好多次。我真心唔會再黎。

6個大人兩個小童，一行8人去飲茶！1點左右仍然要等位，可能8人檯比較少，相對等候時間較長。等了起碼廿分鐘，給我們的檯仍不算太大，勉強坐得下就算了。太久沒有一班人飲茶，很多食物大家都想試，眼闊肚窄，結果點了一檯食物吃不完，還可以打包！這裡的點心算精緻，蝦餃，燒賣，腸粉，粉果，菜苗餃，小籠包，金錢肚，叉燒包，天鵝芋頭酥，咸水角，全部都好味，大部份都吃完了！另外點了燒鴨拼鍋米及福建炒飯，傻眼，兩樣都超大份！一大碟燒鴨拼一大鍋米粉，夠餵飽我們一檯人。大大鍋福建炒飯只好打包了，沒錯，是大大鍋，應該夠3，4人食！埋單9百幾元，食到要打包，除返咁多個人，價錢不算太貴吧！

突然想食片皮鴨，上網揾一間間酒樓，京菜，最終選定觀塘裕民中心不起眼噶一間酒樓。三個人，首先叫通常，綠色食物。通菜價錢正常，普通茶餐廳價錢的確有酒樓風味。柚子蝦球，份量適中。中間番茄是生番茄伴碟。蝦球醬汁吸引，酸酸甜甜因為加了柚子。因此如果再用柚子汁沾少少片皮鴨，風味更佳。片皮鴨，一隻88元，假期會另加20。偏瘦，醬汁有兩碟，比較吸引細心發覺餅皮切開一半，方便卷鴨肉加醬料。呢個其他酒樓未曾見過。都不會發生，餅皮太少問題。三個人三個餸都剛剛好，埋單都不算貴。而且可以食到片皮鴨，性價比高晚餐。值得再來。

今晚冇喺屋企煮飯，就出咗去同屋企人食名門讌客（觀塘）。晚市酒樓都坐滿7成人，算係街坊酒樓做街坊生意餐牌有以下選擇：以上嘅特價選項，只可以揀一項，如果可以揀多啲就好啦😂😂以下呢d就可以任揀：好心餐廳唔好太孤寒啦😅於是我哋揀咗一個正價奇趣拔絲骨（$88），另外要了個特價的菜膽雲吞雞（$68）。落咗單冇耐，兩個餸就好快上咗嚟菜膽雲吞雞是一個砂鍋煲咁上，佢地幫我哋盛了湯我們都加了3個白飯奇趣拔絲骨似是生炒咕嚕骨多D，根本沒有圖片的拉絲效果😂；反而菜膽雲吞雞就食得過，雞肉好食、菜好林、湯都好飲，出其的是呢個特價$68 就好抵食，3碗白飯的米飯煮得唔錯，總體來說，這餐廳酒樓還是正常啦，選擇都算係好多，普普通通都食得過😆😆

服務員態度超級差，野食每樣野等左差唔多30分鐘先上一樣，同服務員講啲野未黎，佢話蒸緊，但係啲嘢食到咗嘅時候係凍嘅最後叫咗五樣嘢食淨係嚟咗三樣食咗兩個鐘頭服務人員態度極差！！！

嚟緊冬至，諗住同屋企人一齊食飯。冬至嘅時候，好多酒樓都已經加曬價，唯獨是呢間圍餐冇加價，食飯前一日我都打電話去confirm，佢話半圍係$888, 我仲以為咁抵添。食飯當日，我去到門口，再問多次職員，佢都仍然話係半圍有$888, 咁梗係入去食啦。點知一坐低，洗埋杯，諗住叫上菜同佢講半圍$888嗰個圍餐。佢竟然話冇。佢話冬至圍餐半圍係$1480。我覺得十分過份，門口都仲話有，點知坐低之後就話冇。呢個係十分差差差差。我哋見半圍要$1488, 就冇叫啦，放棄咗。我哋選擇散叫，散叫嘅價錢同埋佢個質素，份量都還可以，咁樣條氣先冇順返D。我都明白就嚟冬至,價錢一定要加價。但係可唔可以資料清楚少少。唔好畀客人誤會啦。

嚟過依間酒樓幾次食晚飯。重複嚟得當然不錯。叫咗個套餐。四揀一嘅羹或湯。今次叫咗龍皇羹。有豆腐蘿蔔菜圃菇粒蝦粒。料都足味道都不錯但又不會好重味精咁。唔會好稀。叉燒。有肥有瘦。有燒邊香味。瘦叉都好焾。份量都唔少。苦瓜斑腩。好多件。屋企人表示好食。蝦芝士伊面。係真-芝士焗龍蝦嗰隻芝士味。最怕唔夠汁撈面。依碟絕對唔會。多汁唔孤寒。蝦都爽口但無乜蝦味。份量夠白飯都慳返。這個最好味。蜜汁薯仔牛柳粒。牛柳粒好焾。唔會有筋。但薯仔粒更出色。炸脆的外層。有蜜汁的淡淡甜味。正總結。每碟菜都有一定水準。套餐可以揀嘅配搭都多。份量都唔少。所以有一定嘅回頭率。

午飯時間去食， 蘿蔔糕變壞左，酸到食唔到，燒賣又無味，衰過街邊食果d，燒味飯既飯入口口感，直頭反胃。加埋服務態度差到一個點，叫極都沒人理，食物品質又垃圾，真係唔駛錢都唔會再幫襯！呢間野食物品質差，服務態度冇，就連點心紙都印錯，特點$358.8，好心提一提佢，仲要比佢大聲話番轉頭，［呢d錯梗係會有架啦，有咩禁出奇］，聽到真係一把火！價錢又唔得平，兩個人食$216。用得呢個價錢，真係大把選擇，點都唔會再嚟食！

早上差不多10:30才吃完早餐所以到中午時間都不太肚餓就決定叫一個餐兩份食這裏的炒粉麵份量本身就比較多要了一個雪菜肉絲炆米味道不錯 肉絲都算多兩人分享還有剩酒樓出名48元差不多啦

星期日同媽媽飲下午茶，疫情前都常到這酒樓飲茶，最近疫情有改善，再同媽媽去飲茶。兩點幾去到，茶客都不少，入去坐低後睇下點心紙，款式也不少，揀左幾款後下單，揀左最喜歡的流沙包，睇下係咪真係流沙先等左段時間，點心送到枱上，點心全部都新鮮，十分夠熱，真係應該即叫即蒸即刻試下流沙包，嘩!咬開就見到奶皇液體在包內，輕按包子，奶皇溢出好味道，好喜歡啊！另外，雞扎也新鮮，腐皮內包著魚肚，雞肉，芋頭菜苗餃內有蝦肉，沒有肥肉三式拼盤也很特別，燕麥糕清消地，蝦餃鮮甜，粉果也很足料總括而言，今日下午茶食物好味，令人滿足

今晚來到觀塘名門讌客貨客聯歡，又有機會食好西啦一去到就睇下個餐單有咩好食先首先上左鴻運乳豬全體，皮脆肉靚，厚度啱啱好，一啖可以食晒，如果唔係怕肥我都會食多幾舊啊然後上枱嘅有上湯龍蝦伊面，一圍枱有兩隻大龍蝦，咁大隻龍蝦我都係第一次食咋，啖啖肉好滋味。嘩之後呢啲賣相都好精美，名為翡翠帶子珊瑚蚌，帶子全部大大粒，炒雜豆好新鮮，又健康，食多啲都唔怕再黎繼續係海鮮，生煎南非活鮑魚，每一隻都有手掌咁大隻，煎得好入味，只係中間位有少少硬，調味做得好好。海鮮大餐又點可以無魚呢？呢條清蒸大海星班，超級多肉啊平時我去酒樓都唔食魚翅，但呢一碗入邊全部都係蟹肉，多到好似食飯咁，好誇張啊！今晚真係好豐富呀

今年的團年飯選擇了屋企附近的酒樓，這間酒樓我們舊年做冬曾經試過，感覺也不錯。可能因為這段時間顧客多，所以一些菜式無法即叫即煮，上菜時已只是微暖，因此難免有些失望。燒乳豬很快便上菜了，雖然皮比較硬，但好在肥瘦適中，點了白糖味道不錯。椒鹽鮮魷失望，可能放了一段時間才上菜，吃落只是微暖，而外皮已經完全軟了。粉絲雜菜海鮮煲這是整個晚餐中最熱的一道菜，所以好感度上升。燒鵝最失望的一道，上菜已經完全凍了，肉很硬很柴。薑蔥龍躉煲味道不錯，但吃多塊會覺得比較油膩。白灼蝦最好味的一道，蝦很鮮甜爽口，上次來也點了，兩次吃的蝦都很新鮮。總結這次的味道一般甚至有些失望，不過服務態度不錯，所以還算是開心的一餐。

今晚在官塘名門讌客食團年飯，餸好大牒，還包汽水同啤酒，本來好抵，起菜非常快！但味道一般，乳豬拼盤啲油雞未煮熟，有血水流出，燒鵝又煮燒得過火，味如嚼臘！臘味糯米飯，太肥，臘肉肥高佔9成，廋的1成，臘腸我沒有食！蝦球伊面，不好吃，水太多，湯面太淋！幸好條魚煮得好味！剛剛好！燒雞都燒得好好，夠火喉！還有必食的翅都又有魚肚在內，味道剛剛好！因為餸起得太快，我們未食完，又一碟餸到來，整旅桌子都放滿了餸，於是服務員把有大碟的餸換在細碟中！我們要求服務員把再來的餸，等我們食完先放進桌上！

幾個朋友仔今日又嚟到呢間名門飲茶食晏。名門蝦餃皇 - 夠曬大隻，蝦肉都幾彈牙，唔錯。潮州蒸粉果 - 味道同口感都唔錯。薑汁雞包仔 - 皮厚餡少，屬於一般。鮮竹牛肉球 - 軟身，牛味唔係太濃，一般貨色。美味蒸鳳爪 - 夠腍夠入味，幾好味！蜂蜜甜蛋散 - 夠鬆化，甜度適中。家鄉煎薄餐 - 口感煙韌，夠香口，而且唔油膩，都幾好食。手拍青瓜 ($38) - 醬汁味道幾好，青瓜夠爽脆。滷水豬腳仔 ($52) - 唔記得左影相，豬腳仔雖然夠爽腍，但非常鹹，唔推介！椰汁糕 - 爽甜滑溜，椰汁味香濃總括嚟講，呢度嘅點心大部分都唔錯，都算食得過！

呢間野服務差 我叫佢剪開啲點心佢叫我用匙羹自己整開。表示十分無奈。。。。。。食物一般唔太好食 ，連炒個河粉都炒到爛晒 ，又唔係話特別平。所以建議唔洗去食。附近仲有其他選擇。