唯珍上海麵家 (Closed)

沒有豬扒就是有點失望, 唉! 點了豬手做伴菜, 有點失望的是它本身太薄, 除了皮之外就甚麽也沒有, 醬料有點死鹹, 炆得也不夠入味. 至於水餃酸辣麵的味道很特別, 沒有太多醋酸味, 無論酸度和辣度也是相當柔和, 大量的紅蘿蔔令湯頭本身更有甜味, 在味覺上刺激不夠, 但如此的酸辣湯的確比別的, 天然和健康得多.

今晚又來到佐敦食晚飯，經過一間食上海麵餐廳，應該開左好耐，之前經過都想試下，今次終於去嚐試一下，不用等位，環境都有少少迫，叫左一個炸排骨麵，酸辣湯，辣鳳爪小食，仲以為有生煎包，原來已經冇做！食物質素：酸辣湯同平時見不同，印象係深啡色，而呢到係偏黃，出面個d比較辣，呢碗冇咁辣，酸味唔會太重，有豆干，味道適中，個鳳爪比較辣， 炸排骨上海麵，個排骨唔會炸得好乾，仲有肉汁， 湯底普通，麵份量多，總括來說，如果經過肚餓，價錢平食到好飽！！

今日行行下又去返呢間好鐘意但係已經好耐無去既店以前去親都好多人環境唔算坐得好舒服甚至有啲逼添但係食物的確好咪所以坐得唔舒服都仍然會黎幫襯今次點既係白菜豬肉 （北京雲呑）$38/10隻真係好抵好大粒但係餡又唔會好少我會連埋啲湯一齊食添！食完唔會太口渴而且好飽！其他野都好味架！

傳統嘢食店越來越少啦，呢間店舖已經白色存在左好多年，一直都未有機會幫襯，今日經過佐敦當然要試一試下啦，我係一個好鍾意食餃子嘅人，於是試一試下上海人好出色的餃子，再配上酸辣湯底，呢度嘅價錢非常之便宜呀！ $37就有八隻大大隻嘅餃子，酸辣湯嘅湯底行　試一試下上海人好出色的餃子，再配上酸辣湯底，呢度嘅價錢非常之便宜喎！ $37就有八隻上海餃子，好抵食！餃子全部都大大隻，無論湯底以及餃子的內涵都10分充足，白菜肉餃肉質餃子全部都大大隻，無論湯底以及餃子的內涵都10分充足，白菜肉餃肉汁非常豐富，但係我就喜歡多啲菜啦，不過他們的餃子餡的菜不會太碎，好有口感，值得一讚嘅係佢哋嘅酸辣湯好特別，與一般都係上海好唔同，就是有家庭的感覺，放咗好多紅蘿蔔仲有蛋好有口感，值得一讚嘅係佢哋嘅酸辣湯好特別，與一般都係上海好唔同，就是有家庭的感覺，放咗好多紅蘿蔔仲有蛋，而且仲有豆腐，營養豐富十足！唯一嘅缺點就係呢度嘅座位太擠迫啦，食完就要立刻走啦！

依舊好好味嘅唯珍上海麵食, 都好耐冇食過啦。囡囡最近鍾意食湯麵, 專登星期日帶佢嚟食一餐上海湯麵。環境依舊傳統地狹窄, 燈光比較暗, 冷氣比較弱。 但依一切都係預咗嘅, 因為我哋嚟嘅目的係為咗「傳統美味」。點咗一碗上海排骨湯粗麵, 雪菜味道啱啱好 , 湯底味道清新。上海排骨即係等於揸豬扒: 外皮脆、內肉嫩滑, 上枱熱辣辣, 肉汁豐盈, 好好味! 上海粗麵, 軟硬、彈性適中, 係我最鍾意嘅麵食之一, 正!凍豆漿, 我認為係油麻地區最好飲嘅其中一個選擇, 重點係: 有豆香、夠凍, 冇得彈呀!

餐廳的環境暗暗的，如果燈光加強一點會好些. 我留左果度半個鐘，都keep 住聞到生肉的味道，大概是他們在包餃所致. 個麵啲份量都算幾足，食完都幾飽。但小編喜歡較有質感的麵，所以我覺得有點煮得太林了.湯底沒有太多味道， 但勝在有大量的雪菜和蔥，加番少少味。個無錫骨係醃製得很入味，酸甜交集，互不搶調。一啲都唔肥，肉質軟滑. 醋的調味值得一讚.

lunch time同同事揾食揾到呢間麵店同事成日都話佢地嘅酸辣湯好味，但我就未食過，其實都係我第一次食上海式嘅酸辣湯。同事就介紹，湯同麵都分開order先好食，唔係嘅話會淡啲。但我就怕食唔哂，好唔聽話咁叫咗個湯麵配水餃賣相都唔差，睇落唔多但其實份量好夠。啲水餃咬落去啖啖肉，個湯底酸酸地少少辣非常開胃。而且有好多雲耳(?)絲，食落爽口，口感唔錯。餃子可以配佢地嘅豆瓣醬一齊食不過我係認同要分開叫，湯嘅味會濃好多

從中學年代已幫襯唯珍，當時是在女人街街尾的店，店鋪大，樓底高；夫婦二人，北方口音，老闆高大，還播古典音樂，所以，印象深刻！食物也好味，所以幫襯多年。後來搬到佐敦後，只幫襯過幾次……食物味道沒有變……變的是，態度每況越下。今天，感覺似來｢乞食｣……廚房的大哥，晦氣地大聲呼喝：啲XX係咪你哋咖！又話水餃麵？又單叫豬扒！啫點呀？……就連老闆娘也…我去埋單，看不到開放式廚房後的收銀處，老闆娘非常不客氣地説：呢度係廚房呀！乞乞乞乞乞……乞食一樣！不會再幫襯下次！Goodbye my favourite dumplings

食咗十幾年的店舖，今日行開佐敦，諗起想食雲吞，當然行去唯珍啦，幫雲吞婆婆買返2打啦，早前生雲吞仲賣開$39一打，點知有個男仔走出黎話$46一打，我問唔係$39咩，佢話啱啱加價。

很久沒嚐上海麵，路經進去，一個女店員來了，便點了一個豬排麵加雪菜一杯豆漿。等了約10分鐘，在座只有兩枱客人，真不知忙什麼?先上一碗加雪菜的淨麵，我便問女店員，是不是豬排未上，佢很悔氣的隨口應"等陣啦"，再等5分鐘，上一份無錫排骨，我便跟女店員說，我要豬排，不是排骨，女店員竟說我點的是排骨，是我說錯。那男老板(應該是)也很悔氣說換比佢啦。我本來都算，換過就算，佢竟然喋喋不休，話我叫錯，我就爭辯，我一直說的是豬排，你自己落錯單唔認錯仲嚟屈我?於是我就起身離座，當時我未動筷子的，條男人叫我比錢，我回一句，我沒吃不會付賬的，咁嘅服務態度，那男的還追出來粗言穢語說我食霸王餐，呢啲咁嘅店一定要供開佢。

以前食過呢間有韭菜餡餅、 上海粗炒、小籠包、煎餃子是很好味的……但裝修完以全部以上食物已經再沒有了，我老公本來想走，但是一場來到咪就試下囉～唯有叫碗酸辣雲吞湯麵和煎豬扒來試，食完碗麵是唔好食，不是用心煮出來的，豬扒就普通. 再睇返本menu覺得係想慳功夫來做生意，但得來結果就會是失敗之中既失敗

睇食評話服務差我都唔信，今日親身經歷。周一腹愛食水餃，一心去買份生水餃，去到同男人講：一份生水餃。佢問我要幾隻，我見餐牌上無寫生水餃點賣，咁咪話要8隻囉，個男人話最少要10隻，我話咁10隻囉，佢話你話要一份吖嘛，我同佢講你都無寫最少要幾多，你又問我要幾隻，我點知呢，個男人話，咁你唔好買啦咁嘅態度，我相信一定會生意興隆

睇食評原本以為食物好味，價錢平，所以不妨入去試一試，但換來卻是一個非常極之冇禮貌嘅男老闆對待，他不單止用粗言穢語對待食客。如趨單，他更加不滿及故意地拖延時間煮，一碗炸菜水餃麵由落單到煮好需要50分鐘，食物味道又不是太特別，平平無奇，價錢又不是平（$37），在佐敦區好多地方用依個價錢都可以食到，所以絕對唔會再幫襯依間所謂好食嘅上海麵檔。極差！極差！

逢星期六無論返工定放假，都係要周圍搵食！今日晨早接左個非常任務，一早就要去彩虹，連早餐都無食就要出門口，攪到1點先完結，其實好肚餓！所以即刻飛去佐敦，趁未返跳舞班之前食午餐，但又唔可以食太多。記得之前行過呢頭附近搵食，留意到有間上海菜，加上媽咪又鍾意食上海菜今次有機會過黎啦！之前係門口經過以為係d舊式上海菜館，點知上openrice 睇下食評，先知原來係間街坊上海麵店。餐牌係以簡單上海麵食為主，亦都有碟頭飯。由於太肚餓，所以好快咁叫咗個炸豬扒麵比媽咪同B頭，而我就叫咗至愛既酸辣湯淨雲吞！點知...等...等...等，等左好耐先上咗塊炸豬扒同豆漿，大家都好肚餓，連相都唔記得影就食！又等...等...等，唔記得等咗幾耐，見住一碗又一碗麵喺身邊經過，都唔係我哋嘅，已經等到無乜心機！終於等到個麵嚟，事關同行有小朋友未學識用筷子，呢間麵店又無叉提供，唯有用兩枝牙纖捲起d麵條嚟食啦！事關隔離台個小妹妹都係咁做！所以帶小朋友黎食嘅人要注意！講下個炸豬扒麵，豬扒炸得好乾，味道偏鹹！上海幼面都ok既......初時見餐牌有寫雪菜同炸菜嘅價錢，以為碗麵無跟要另外叫，但上枱時都見到有跟雪菜~最後到我個酸辣湯

應該成年冇來過今日經過再食，發現已經唔再做燒餅類沒有韮菜餡餅，沒有豆沙鍋餅，餐牌都改了，已成事實😥叫咗但酸辣湯餃子，餃子皮好似過厚酸辣湯有好多紅蘿白，令到湯變成了奇怪的橙色底，不再有酸辣湯的味道整體來說是差了很多，不會再幫襯