惠康園

Open Now

Now Closed

原以石澳食野一定會好貴,點知又可以接受~雖然味道只是非常一般的超市合成品,但價格卻合理~這個係牛腩墨丸河,牛腩太實,墨丸唔彈,河粉一般~但服務上是可以的,感覺都OK熱情,而且環境雖然係普通地方,但附近的海灘+鄉村感覺已經補足了,值得+分XD

第二次來, 都是吃午餐, 環境不錯, 幾有外國feel, 可能是有很多外國人出入有關吧.乾燒伊麵: 麻麻地, 麵煮得不夠時間, 不夠乾身, 味道淡, 要加辣椒醬一起吃才行.福建炒飯:唔錯喎, 幾香口, 如加多點蛋一起炒會更好.

27-4約三點幾先去試過,老實野食就一般,而且見d杯都崩,加上無辣椒油得辣椒醬...失敗!!!不過我對個係度度做野果女仔就幾有興趣...笑得幾好...隻眼都幾大下...總算係鋪頭特式之一!!!據朋友所講佢係太子女.

去過幾次，都是平日夜晚和男友去食，所以只有很少人，故此服務很好！<br />食物不過不失，尚算ｏｋ，不過當然會比出面貴少少（以石澳此優美環境來說，尚可接受），而且種類不算太多．我們點的菜都是家常便飯式的小菜，沒有特別深刻的菜式．店內裝修平平實實，有點點放假ｆｅｅｌ．<br />最欣賞的地方是，我可以帶愛犬入內進餐！

呢度每逢假日就有好多人，好多外籍人仕會帶埋狗兒在這裡進餐，今日亦不例外，見佢地一隻二隻在曬太陽，好不寫意。喜歡坐在路邊的位置，雖然有些少沙塵滾滾但咁先至似來沙灘食野。叫了豬頸肉、春卷、蝦醬炒通菜同埋菠蘿炒飯。食物普遍有水準，其中覺得春卷最好食，點甜酸汁幾正。菠蘿炒飯都唔錯，唔知搞咩好鬼大兜，兩個人都食唔完。加埋兩支啤酒一杯飲品三佰幾蚊，中等價錢。坦白講到這裡食野還是其次，至緊要係過一個庸懶的假日下午，見D鬼佬叫支啤酒，三五知己又或拎本書，咁又一個下晝。另外這裡有兩間泰菜館，可能因為鮮黃色夠吸引我次次都幫襯呢間，搵次試下另一間都好。

之前同友人到石澳一遊, 見到間食肆ok乾淨, 所以一試, 我地一行十人, 叫左八個炒粉麵飯, 味道ok, 似普通茶餐廳, 不過都幾抵食, 幾大碟。