家餸

Open Now

Now Closed

今年團年飯第一次在食盤菜，經家姐介紹新蒲崗"家餸"的盤菜好正，用嘅都係真材實料。果然冇介紹錯。一月份訂有6隻大大鮑魚送。盤菜有: 大隻茄汁蝦6隻，大蠔豉6隻，鮮雞，滷水鴨，冬菇，魚肚，枝竹，墨魚條，大魚蛋，鯪魚球，白蘿蔔，蓮藕，芋頭。西蘭花，因為我全家都唔食豬腩肉，所以冇要到。仲有一包娃娃菜同埋一包汁。包汁係比我地加熱時加入的。非常細心。$788.00大大隻鮑魚非常彈牙，而且非常新鮮。大隻茄汁蝦，蝦頭好多糕，而且蝦肉好厚肉。鮮雞肉唔會"鞋"，滷水鴨同樣肉唔"鞋"而且好淋。墨魚條及魚蛋應該係用九龍城某檔專買店的。這店的產品非常彈牙而且價錢唔平的。其他店的盤菜多數用咖哩細粒魚蛋，所以"家餸"用這樣的材料要比like佢地。蘿蔔好淋好入味。芋頭好粉，索晒的汁，好好味。冬菇超淋，好香蠔油味。魚肚索晒汁，好正。而且之前係朋友屋企食過其他盤菜，係用豬皮的。而"家餸"係用魚肚。材料已經優勝了。整體嚟講，真係真材實料。每逄佳節都可以再encore。