白羊咖啡 (青山坊)

Open Now

Now Closed

係朋友帶路之下，特登黎左屯門呢間小店白羊咖啡 嘆下咖啡平日下午 但小店都滿哂人 （因為小店真係好細間，滿人都幾迫下）好在，外面都有幾張圓凳同埋長凳 比人坐（其實坐係外面飲下咖啡，望住對面d小店、經過既路人、小貓、小狗，仲chill過係店入面嘆冷氣）同朋友叫左一大一細咖啡性價比高！ 支持小店有d肚餓，加$10仲有份飛碟三文治！見到圖都知足料，係芝士火腿同埋芝士粟米 咸牛肉（？）ps 我都忘記左如果再行經屯門 都會黎買禁咖啡飲下同朋友吹下水 打發下時間

人群熙來攘往嘅大街上，轉個⻆原來有個小小咖啡室，好奇心驅使之下走咗入去試下。呢間cafe真係好的骰，店內只有一排L型吧枱（大約四/五個座位），整個舖睇落好簡約。加上所賣嘅產品唔多，所以有啲快餐feel。由於唔太肚餓嘅關係，只係叫咗一件香蕉鬆餅，同埋一杯焦糖咖啡試下。可能聽到我有幾聲咳，上餐時店員附上一杯白開水，非常貼心～我個人比較怕帶酸味嘅咖啡，呢杯啡正合我心意，味道有點淡淡的，加埋個心型拉花，心情都靚啲！仲有件香蕉鬆餅都係幾好嘅，有時都幾怕啲鬆餅太甜，影響飲咖啡嘅感覺，但呢個鬆餅嘅甜度剛好，再加上入面嘅果仁仲keep得好脆，值得一讚👍鬆餅，咖啡，再加上店內播嘅輕鬆音樂，成個氣氛好悠閒，完全唔會因為間店細而覺得壓迫。同場加映冰滴咖啡。睇住啲咖啡滴下滴下，閒適嘅感覺大大提升。

第三次幫襯呢間cafe，雖然位置隱蔽，但我相信只要用心製作，食客係可以感受到。價錢比之前貴咗，賣嘅產品多咗，等你可以飲咖啡之餘又可以品嚐佢的小食。嗌左一杯Ice-Mocha，飲落好明顯同連鎖咖啡店唔同，咖啡味相對香濃，有啖啖回甘，值得推薦。佢地間舖麻雀雖小，但五臟俱全。有蛋糕，唔同款的酥餅同牛角包等，果d我就未試過，因為好老實望落唔係好吸引，不過佢依家做緊優惠，平平地加10蚊就有一件都可以一試嘅。希望呢間小舖可以繼續為大家提供用心製作的咖啡

年幾前有位朋友仔介紹我，話行過呢頭一定要試一試“白羊咖啡”。讀書時期就會成日去萬寶利寶行嘅，但大個左真係好少行過呢邊…適逢睇完個早場都只係十點幾，決定行過去會一會佢！鋪頭係條鬼鼠巷一直行到尾嘅轉角位就係，入到去見到有位先生嘆緊hand drip ，再order多一包佢地自己炒嘅咖啡豆，心諗…應該冇白行嘅。行到熱一熱，我就嗌左杯凍嘅蜂蜜咖啡(我都係刨文見話正所以試)正當我仲望緊個環境，望緊個menu仲有咩選擇之際，老闆已經叫一叫我，同我講杯咖啡已經沖好。老實講，我期望唔大，一來係因為我揀左凍，啲味未必夠，二來硬係覺得會冇蜂蜜味，因為咖啡味太搶。飲左一啖之後，果然只有咖啡味，然後我錯了……啲蜂蜜味係喉嚨到湧返出來，繼續飲落去兩隻味仍然係到，唔會話邊隻搶左邊隻，真係好好飲啊🤤🤤直頭後悔買左細杯，因為唔捨得咁快飲哂，$25咁嘅質素，絕對係值

作為好中意飲咖啡既我，我十分推薦"白羊咖啡"‼️ 有兩大原因：1. 比連鎖咖啡店平2. 咖啡香味，濃度絕對冇得輸今次買左杯焦糖latte (中杯）都只係$27. 非常香的咖啡香配上濃滑既鮮奶，簡直非常prefect match‼️

白羊咖啡，在臉書的某專頁有介紹過，剛巧經過該店，就入內光顧。店內是普通的白色為主的裝修，但是好舒服，連店內的綠色盆栽也是印上白羊咖啡。我一向愛喝朱古力咖啡Mocha，看看價目表，價錢也可以接受，不是我想像中的昂貴，店內沒有小杯選擇供應，只有中杯和大杯，我選擇了熱中杯Mocha HK$27, 當時店內不多客人，可以隨便找位子坐下，慢慢品嘗飲品，等候大約三分鐘，我的Mocha製作完成。味道適中，不會太濃太甜，適合我這樣不喝咖啡的人。杯子印刷精美，餐紙亦印上白羊，打開杯蓋後，有小心型拉花，令我有好開心的感覺，這是小店可以帶給到客人的驚喜。有不少客人有入內詢問售賣咖啡豆。

依度既咖啡豆真係好新鮮。未入到鋪已聞到好香既咖啡味。依度既豆不但有唔同地方選擇，價錢仲要好抵。佢員工會問左我鍾意飲邊個味道既咖啡，再推介我買邊隻豆。之後封好晒先比我。佢個咖啡豆袋真係好密封。我買左過左成星期先開。一開我成個廚房都係咖啡香氣。真係好正！

星期日下午1點嚟到，一個客人都無，完全無需等，直入落order離開，只不過係5分鐘嘅事，同想像中有點出入，以為起碼都要排一排等一等吧點了一杯Honey Latte double shot 外賣雖然係用紙杯外賣，但咖啡師仍然有心地為咖啡拉上心形拉花，雖然個心心有點不規則，不過仍屬是意料之外⋯⋯（忘記左影相）奶泡入口質感好「厚」，不過咖啡香味不足，當中嘅honey味亦完全不知所蹤以一杯「為飲咖啡而飲」嘅咖啡嚟講，不過不失吧唔好以「嘆咖啡」嘅心態去飲就好

介紹白羊咖啡的媒體都這樣説，這家的咖啡連一田CEO莊偉忠也愛喝。細看他在臉書上的説法，除卻咖啡質素外，店主兩兄弟為理想而奮鬥也同樣值得欣賞。像這樣的年青人奮鬥故事不勝枚舉，每個故事背後都有它動人的情節。故事是這樣的說：同樣擁有大學學歷的親兄弟，為着實現夢想開店賣咖啡，這是個不容易的決定，但如此真心真意，確是值得支持的。不過現實的是，啡迷該不是為了CEO的一句話，也不是為了別人的夢想而來，而是屯門確實缺少有質素的咖啡店。在屯門别説是好咖啡，連咖啡店也是少得可憐，即使不想喝連鎖店貴價咖啡也得接受的當兒，只要啡迷打聽到區那處有好咖啡，都會被吸引而前來拜會的。這天路過智樂，正好可以試試白羊咖啡的水準了。對屯門友來説咖啡店並不難找，只要穿過得寶商場，眼前便出現這家藍白調子的簡約小店，而白羊就是咖啡店標誌，再没有多餘的細節了。雖然有堂食的高桌、小椅，門前亦置放了小板凳，但來客還是以外帶居多，也有點三文治、蛋糕、小吃的客人。進店短短數分鐘，看着進進出出的人客，暗暗佩服這「白羊」的魅力。客人當中有點招牌蜂蜜咖啡的，有點Hand Drip的，亦有預訂咖啡掛耳包的......忘了説，這家的咖啡豆是自家炒製

平時去屯門只會去市中心，今次有地頭蛇可以深入其他村尋寶。本來這間咖啡店不在行程之內，但經過時被他獨特的門面吸引，所以就嘗了一杯。他們咖啡的價錢不太貴，中size只要$25，如在連鎖店起碼要3字頭...雖然價錢平易近人，但質素絕不馬虎，款式很多，我選擇了Cappuccino，個人認為最能嘗到咖啡原味而且易入口。店面面積不大，但店外亦有提供椅子，但當天還有其他行程，所以就邊走邊飲。等待時見師傅就算用外賣杯亦會拉花，同行友人都大讚有心機。那杯Cappuccino味道濃厚，但不會苦澀，淡淡回甘，一嘗便愛上。其實咖啡口味好個人，喜歡與不喜歡沒有標準，貼近你口味的就會念念不忘，看來我會因為他們的咖啡而再闖進屯門。

屯門係一個令好多人創業發展既好地方，為其實人都多，遠離市中心嘅話舖租唔算貴。呢間小店本身係有兩個唔識咖啡既青年人開，由唔識慢慢摸索到而家，經報章嘅報道，呢度佢哋依家變咗打卡熱點，好多人都為咗打卡試吓佢哋嘅咖啡。其實佢哋價錢好相宜，特大杯先至$35，其實飲過幾次咖啡係愈黎愈好既，我每次黎都係飲出面唔常有既蜂蜜咖啡。咖啡香奶夠滑口入口有淡淡的蜂蜜味，唔苦又無搶未好夾。雖然佢地無乜位坐既而且無景睇，仲好鬼多人想hea下係無乜可能，但係行遠啲黎飲都值得。

今日行行下見到一間白羊咖啡店入去試咗杯焦糖咖啡 大大杯都只係賣30蚊， 焦糖味啱啱好咖啡又夠又不會太甜 我覺得好飲過好多咖啡舖嘅咖啡， 平時喺starbucks我每次都要加．兩個shots咖啡今次呢杯焦糖咖啡所有嘢都啱啱好， 下次一定會再嚟

Honey Latte ($30/大）👅呢間cafe啲咖啡價錢勁親民😍😍最平既espresso同americano $15已經有杯😝😝呢杯honey latte幾香滑☕️甜度岩岩好👍🏻不過就飲唔出蜂蜜味啦🍯

今天是2016年12月31日，都是2016年的最後一天，我藉著還有時間，便獨個兒走到我家附近剛新開張不久的「白羊咖啡店White Goats Coffee Shop」，店舖的裝潢設計也很特別，門外還有一張長椅子供給客人坐在門外等候。而我就買了一杯中杯裝的「蜂蜜咖啡Coffee Honey」。蜂蜜咖啡Coffee Honey：味道不錯，很香滑，有蜜糖的味道，而且內裡的心形拉花圖案很厲害，我一直喝到最後一口，拉花圖案都依然存在杯子裡面。

個日好眼訓，諗緊要去咖啡店又要四十蚊好唔抵，突發間眼前出現間白羊咖啡！睇完價錢覺得好抵$22就有一杯，就好興奮咁去買一杯試下。好驚喜又有拉花，又好味既latte😋第二日朝早都特登去食早餐，加埋三文治總共$30好抵呀！