智寶星親子餐廳

Open Now

Now Closed

大家很清楚明白訂場時間兩小時，我滿心歡喜參加小朋友生日會，但被該店的趕客服務嚇到。我們一枱六個成年人坐，我坐長枱左邊角開揚位置，接近完場時，一位服務員已經在我左邊收碗碟，我下意識往右移，結果右手便撞到一個用於盛裝收拾碗碟之灰色大膠盤 (是另一位職員手持長盤在我及朋友之空間靜靜地撞入來想埋枱收拾)。但職員係一句唔好意思都沒有，專心一意收拾枱上物件。因此，該店硬件裝修是好的，但服務不好。

見星期四係唔駛返學～ 又要清下大假！約埋幾個幼稚園家長出來傾計，小朋友就任玩餐廳設施～ （利申：家長們都大贊抵玩）座位都舒適，家長們告知賣點勝在任玩～ 但其實吸引小朋友玩既都係得波波池、木粒池……玩足四粒鐘都唔願走。用餐方面….食物真係超級普通，唔稱得上好好食，入得口果隻，同價錢唔成正比，只要按人頭點一個餐就得啦。 （普通到忘記影底）無約人黎就真係悶，食物唔吸引。 清潔人手不足，可能當日太多客～ （如客人多，就限時交枱。）

好抵玩🥹！只要每人嗌個餐，就可以玩全，係勁抵嘅親子餐廳😍～小朋友自行盡情放電，大人就傾下計、食下嘢😌，美好嘅一日❣️ 兒童餐都幾款選擇，小朋友食waffle + 乳酪，澄兄就有肉醬意粉 + 魚手指 + 粟米 + 啫喱，好豐富，佢話好味道😋～魚手指都炸得香脆，入面唔會好乾，粟米太多牛油，但就好香。大人就食西冷牛扒配薯菜🥩＆法式燒汁西班牙豬鞍排，兩樣都煎得幾好，好 juicy 唔會太乾，好食！ 個人覺得豬鞍排比牛扒更高性價比場內有親子洗手間＆育嬰室，衛生乾淨。

星期日，上網搵下邊度食飯又有得玩，睇到尼間好似唔錯，咪打電話嚟問下嚕～報晒小朋友同bb幾大（10歲，2歲半同10個月），佢話我係2大2細，每人點餐一份，另外小朋友再收$60清潔費，結果去到佢話我bb過咗6個月都需要點餐。。。。。。 第一時間緊係睇餐牌問佢有邊d餐係BB可以食，佢好快咁答我冇。。。。。。 真係哈哈哈，合理嗎？ 清潔費我非常理解，始終入得去玩都有機會用到換片間，要人幫忙清垃圾，所以收清潔費都算合理。但係你要求我地點餐而個位顧客係食唔到嘅個人認為非常不合理，而令我最嬲個點係，我打電話嚟問，你又唔講清楚，我仲要重覆咗3次比接聽個位男同事知小朋友同bb係幾大，仲要係我主動講幾多歲去問清楚個收費。。。。。。然後一場嚟到我都係想小朋友開心，所以都照入去比佢地玩，嘢食未到難食，生存食係ok 唔好求享受，玩樂環境還可以尚算安全，換片間清潔度尚可，食物同飲品收費偏高，水都冇杯飲㗎～最後我2大2細1 BB 人均$151.8 total$759 埋單冇下次嘅原因除咗覺得收費唔合理之外，嘢食真係唔吸引（本來都預咗唔會係好食，但呢個質素冇下次了） 我都好佩服該店可以令我尼d懶人要出評價，有興趣嘅朋

除左個地方大 玩樂設施種類多岩小朋友放電之外 真係諗唔到我點解要下次再番兜QR code落單我望住個e-menu勁唔開胃甜甜圈粒粒配香煎牛奶 收我68Diy cup cake 咩事 68都算蜜糖雞翼配薯條收58烏冬/牛肉飯 我朋友話過價錢ok但好難食咁即係其他食物尤其係小朋友嗰啲完全overprice我最嬲係個小食拼盤!!!!!!!!!!!雖然佢一早已經寫咗係燒賣，魚蛋加啫喱都唔好係三粒燒賣，三粒魚蛋 勁過份火到唔想影相 價錢同數量質數嚴重地唔成正比所以都唔好話佢好唔好食😅加埋服務費 total 460響門口聽到好多dingding聲望一望外擺網 原來豐富好多至少有意粉勁失望，唔會再黎 ！

今日帶小朋友來這個廣場玩沒想到有一個場地這麼大的親子餐廳小朋友一見到這麼大的波波池就瘋了 玩得很開心最重要當然是食物，價格適中，而且味道有驚喜！！叫了一個沙律及一個意粉 完全沒有中伏龍蝦汁蝦肉扁意粉 好好味！！凱撒沙律都食得出好新鮮還有兒童餐可以給大家選擇！大家有時間不妨帶小朋友來玩大人食得開心 小朋友又玩得HAPPY!

嘢食勁難食，收費唔平，叫左三個餐，有兩個係唔合格。得個魚係食得落。服務態度差，點餐，付費流程體驗超唔掂未食完，點三個餐，點左一個嘢飲比個仔，重有兩杯未點，就催住人埋單收錢，唔知搞乜⋯⋯買嘢飲，對住個雪櫃但唔可以買，要出番櫃位買，又無QR code 落單。以前係playhouse 我成日黎，呢家唔知係咪轉左手，變成一定要食嘢，重要勁難食，浪費左我週末既「卡路里」quota，用黎食啲唔好食既嘢⋯⋯ 真係唔會再黎。呢間嘢個新management 應該從來未run 過餐廳。真係擔心佢好快玩完，少左個地方玩⋯⋯

一般親子餐廳消費都要過百，但whizbo 只要叫一個餐（最平幾十蚊）就可以玩到夠！ 一入門口就有個超大波波池，仲有簡單繩網、煮飯仔、車車、粒粒沙池……配合埋柔和colour tone, 打咭都一樣下正😎雖然阿仔唔係BB, 但係都玩得好開心 😅。食物方面質數完全對得住價錢。意粉唔係一pat pat而係有𡁻口的，白汁煮得啱啱好唔會太杰或太稀，每條意粉都掛到白汁。 如果有更多選擇會更好 。略嫌飲品只有包裝枝裝選擇，如果有特成飲品成件事就prefect. 總括來說，幾十蚊有得食有得玩係抵嘅！

疫情期間太少出街玩。今日趁小公主生日，去親子餐廳盡興一下。預約左11：00 － 13：45呢場，只設最低餐飲消費。成人最低消費＄180，3歲或以上＄80，3歲以下免費。即係我地有＄440 budget。今日有套餐，＄138包主菜及餐湯。揀左小食拼盆。 有黑松露薯條、炸花枝丸、津蔥圈。份量都唔少，味道正正常常啦。兒童套餐 ＄128，可以揀一款特式便當，揀左炸雞。賣相幾得意，深得小朋友歡心。菠蘿香腸星星薄餅 ＄98，造星相當吸引，配料都豐富。焗葡國雞飯 ＄108味道正常，就唔好期望太多。玩至上，食都係其次，食得飽，ok既。

間餐廳就係屋企樓下商場，今次第二次來，上次$180最低消費+1 ， 食物我覺得上次仲擺得入口啊今次半自助餐形式+1， 個鰻魚飯條鰻魚超級難食， 好韌食落口感覺好奇怪一啲都唔似鰻魚， 最後呢個主菜我食左幾啖白飯就算任拎嘅食物中魚蛋正常，雞亦好油膩得來完全無味，食兩啖食唔落橙汁好酸，其他小食還算可以$210加一 Sorry 無下次啦，其實得4/5個小小遊戲區俾小朋友玩，好悶啊

一直都知道這間親子餐廳存在，但奈何對於東區人的我來說，實在太遙遠了，加上網上評價一般般，所以沒有「長征」意向。這天，終於有機會來訪了。當日上一節是包場慶祝生日，我們是1700-1945那節。清場時間雖只得15分鐘，但入座和離座時間都見到職員不斷清潔🧹衞生尚可，自助區也有職員看守提醒各人要戴口罩😷保持衞生，有客人跌了器具，職員也有即時清理更換。服務也是正常的基本禮貌。環境設計很美觀，暖色系的童話心。淨計玩也值，當食物是bonus

呢間位於馬鞍山we go mall嘅親子餐廳， 地點非常唔方便，要坐的士來。 去過幾間親子餐廳，呢間算係大。採光度高，有自然光，感覺非常舒適。座位嘅分隔都有一點距離。 侍應對小朋友好友善 ，設施對於年紀細嘅小朋友都幾多嘢玩。採用最低消費成人$180，再加一，一個時段三個鐘， 目前只開星期五六日。 最低消費可以點餐抵償。 所以我都無欲無求，$180當係入場費，食物免費， 咁樣諗會開心啲。食物真係不值一提，我叫咗個海南雞飯，啲雞係好嚡，入唔到口。啲飯係凍而且粒粒都係咁硬。 小朋友絕對食唔到，好頂胃㗎。炸物正常，通常炸物都唔會點出事。埋單嘅時候超混亂，因為三個鐘內要離座。我見到前面好多人都投訴食物質素。 有啲人太遲點餐，等咗一個幾鐘都未有食物就要離座， 最後侍應幫佢哋打包食物同埋送咗啲果汁。其實都嚟咗幾次，食物水準keep到一如以往都係咁差。淨講食物我會畀負評👎🏻，但係so far小朋友玩得開心。 如果當係搵個地方俾小朋友放電，家長飲杯咖啡食炸薯條， 我比好評👍🏻打個和，呢間餐廳我畀中評。

星期日去，場地幾寬闊， full Booking都唔會覺得好擠迫。呢個親子餐廳比較適合一歲至兩歲BB。當日去嘅時候，有幾個比較活躍大啲嘅小朋友一跳入波波池，好驚會踩傷細嘅小朋友。彈床都係，一多人就變得好危險。講返食物，叫咗兩個主食，一個甜品一杯嘢飲，三百八十蚊。親子餐廳個價錢算係咁樣，間間都係咁貴🙈雞扒包個包好鬆軟，比BB食啱啱好。裏面塊雞扒醃得好入味，好多肉汁另外，仲叫咗個海南雞飯。個油飯好好食，好有味，啲雞都肥瘦適中。

約左朋友聚餐，朋友知道我要湊住個仔，就book左間親子餐廳等小朋友有得玩之餘，大人可以輕鬆傾下計。朋友book 左星期六早上11:00至下午1:50成人最低消費$180，小朋友$80（如果無記錯3歲以下免費）餐廳內嘅枱凳配搭、燈飾及光線令人感到舒服，而且5個遊戲區都喺旁邊，方便媽咪嘅我睇到個仔嘅行蹤。套餐$128南瓜忌廉湯配一口餐包 + 香煎比目魚日式蛋包飯（咖喱）🍴 淡而不濃嘅湯賣樣不錯，而且碗碟好似配搭過咁😂，餐包裡嘅香草🌿味道特別。🍴比目魚煎得皮脆肉腍，蛋包住成個飯，又夠滑。不過咖喱汁賣相不討好，但味道不錯。套餐$128粟米忌廉湯配一口餐包 + 小食拼盤（黑松露薯條、酥炸花枝丸、酥炸洋蔥圈）🍴粟米忌廉湯同平時食開嘅西餐廳嘅味道好唔同，甜甜的，忌廉味唔濃。🍴黑松露醬薯條好味，花枝丸普通地炸都好味，洋蔥圈真係酥炸到硬脆脆。😋🍕星星薄餅（兩選餡料：腸仔、煙肉）$98🍴賣樣得意嘅8角星薄餅，遞上枱時熱辣辣，撕開時拉出長長嘅芝士絲。😋☕️朱古力咖啡$58味道不錯🥤香蕉奶昔$68味道香，飲完飽足 🍧菠蘿沙冰$68甜而不酸，飲落去有新鮮菠蘿蓉🍰藍梅芝士蛋糕（好似係$52）

先總結：貴，遊戲空間小，多人，服務差，污糟2大1小埋單$400幾蚊...叫左3個飯：粟米肉粒飯、白汁三文魚飯同蕃茄汁比目魚飯未去前係呢度睇相見到食物擺盤好靚，諗住就算唔好味都有得睇下影下相，點知而家已經無再用心擺盤了！白汁三文魚飯同蕃茄汁比目魚飯也只是好普通的魚加飯，唔似得呢度睇相咁整到有個好得意既公仔！粟米肉粒布甸飯就只係白飯加粟米肉粒，「布甸」完全唔見左！仲要勁重口味，好咸，根本唔適合俾小朋友食！無左可愛公仔擺盤，講真大x活果d快餐店仲好食過佢.....$98食個粟米肉粒飯完全唔值！全部餐椅都有污跡同發晒毛黑點，餐枱又勁細，只係剛剛好放到3個飯，勁逼職員安排我地坐係木粒池附近張枱，即係餐廳的正中央，附近四圍都係遊戲區域，搞到小朋友分心一味想去玩唔願食飯！一坐低我地就要求調位，但職員話其他枱全部有人book晒！大佬我地都有book架，點解要安排個咁既位俾我地？最後我地玩到7點走，都仲有幾張吉枱無人坐！即係職員擺明唔想俾我地調位啦！服務勁差！遊戲區域，d玩具全部有跡既、圖書9成都爛晒！玩彈床時有個細路無戴口罩，但職員扮睇唔到唔理！睇落好多野玩其實每個遊戲區域都好細，餐廳又無限入場人數所