永珍越南食館 (Closed)

X佢老x,放lunch個陣諗住去試下旺角間永珍係咪同九龍城個間一樣好食啦，我同朋友一個叫咖喱雞飯 一個叫咖喱牛飯 包熱餐飲 $49 一set 落單時候 扎頭髮個位姨姨都算幾好態度 ，但係短頭髮個位姨姨態度就有啲差，完成落單 ，過咗大概5 6分鐘 ，飲品到先 (熱奶茶,熱華田)不過不失 ，無乜特別。十幾分鐘過去 ，咖喱雞飯到 -忍唔住想爆粗 ，個咖喱汁一定以（咖喱2:8水）比例去溝 ，淡到無倫，咁樣偷工減料都係第一次見，之後到雞，好似攞陳年舊雞去煮咁，老到鞋口又唔入味，真係唔知俾咩反應。 咖喱牛一樣 ，汁一樣難食，溝水，牛仲要唔係平時食開好滑嘅牛，似係打邊爐最難食一條條薄薄一片個啲「肥牛」口感一樣不值一提 ，成煲試咗啖就無掂過。但係，好彩佢放係枱面個只辣醬幾辣 ，味道唔錯，拎黎撈飯完尾。整體而言：一定唔會再去

今日同個friend食lunch見到有個永珍，之前係九龍城度食過感覺唔錯都ok嘅， 念住介紹比個朋友，一坐低個呀姐就黑曬口面咁樣態度極差，跟住我同friend一日嗌咗一個咖哩，未試過咁難食㗎，呢個咖哩完全溝水 牛都唔係夜晚食個咋，畀啲質素好差肥牛片完全未有咖哩味， 離曬譜。

花園街除咗喺一條排檔街外，過咗太子道就係一條食街，這間越南食館值得一試。想一次過試食香茅豬扒、越式炸雞、牛肉及扎肉， 就要點這個四寶飯， 套餐還加一杯飲品。上述四款越南菜我間唔中會食下，這間的味道也差不多，沒有驚喜，價錢則貴了少許。間隔離枱食的越南雞飯及牛肉河粉似乎唔錯，下次食完再評❕

農曆新年，食開既餐廳都無開，成條街淨返幾間餐廳有開，於是試下呢間永珍。佢有越式同泰式既菜式。而農曆新年期間，佢就收加二服務費。其實加二唔係問題，但佢呢度既服務態度就真係唔值。我地點左一個三人餐，叫完之後無聊計下數，原來只係比逐點散叫平$4😂🤣🤣🤣三人餐有咖喱（$108)、法式牛柳粒（$108)、海哲芝麻雞（96)、炸春卷（$52)同埋一碟白飯（$18), 叫餐就$378, 如果散叫就要$384食物方面，佢都算係幾難得，碟碟都唔好食咁濟！法式牛柳粒：乾、細粒，重點係超鹹！！！炸春卷：食得出係返炸既，因為炸出黎塊皮唔係脆，而係硬既！不過味道還好。海哲芝麻雞：呢碟係唯一一碟我覺得唔錯既，份量夠多，調味都唔錯，只係偏甜。算咖喱雞：原本以為咖喱係餐廳招牌菜，點知呢樣先係大伏！咖喱勁水，似湯多過似汁咖喱無咖喱味，亦都無辣味，只有椰汁味雞係完全無味既雪藏貨總括黎講，無下次！

今日收工同同事經過呢頭附近，就睇下有咩好食，諗左好耐究竟食隔離間泰國野好定係越南野，最後都係揀左試一試呢間越南野。晚餐黎講又唔算話太貴，原本諗住食海南雞飯既，但係見到隔離枱食生牛肉河好吸引，結果我地幾個都叫左生牛肉河。野飲黎講都算多選擇，最正既係佢有越南滴漏咖啡，因為唔係話間間越南野都有呢樣野飲。先黎既係生牛肉河，食落都無令人失望，反而令人最驚喜既係佢舊羅白，完全無諗過咁淋同埋甜。炸蝦餅就食得多，炸蝦球就好少食，食落覺得炸蝦球個質感比蝦餅更佳，而最重要係佢夠熱，呢樣野已經贏好多餐廳，所以一黎相都未影已經比人食左一粒。呢個蠔亦都係越南野食裡面少見，但係我會話佢係全晚最佳，因為佢既牛油恰到好處，而且亦算新鮮，我自己係最推薦覺得係必點既，同樣地一黎已經比人啪左兩件。滴漏咖啡我都係期待既，不過可能就係因為好飲得制，我覺得比較細杯，有少少唔夠喉。朋友叫既咸檸7，佢話好普通，我諗都係一般餐廳既咸檸7，無乜特別。因為佢最遲黎，所以我都放最尾，原本食左咁多好野我係最期待佢既豬頸肉，點知係全晚最差，可能係有落差啦，同埋我覺得佢可以燒耐少少，因為呢個豬頸肉唔點汁黎講係無乜味。其實全晚都好滿意，係差個豬頸肉

路過太子，雲吞麵、牛腩麵那些好像太少，七喜小廚那些內臟又好像太多太豐盛，結果就入了來，試一試越南泰式下午茶。以往也經常會在小巴黎吃越式撈檬，自從荃灣的小巴黎全部結業之後，都很少在外邊吃撈檬了。友人的沙嗲牛肉湯河，賣相看來非常杰身，湯底的味道挺濃郁，賣相也不錯想不到，這次這個撈檬，分量相當多，大大碗，蔥油都不算太少，魚露撈汁的份量亦都不少，底下檬粉很多，吃到滿飽飽的。要這個，因為以往在小巴黎經常吃到烤豬肉撈檬，烤豬肉又多汁又碎濕濕，亦都不會太老，想不到，這次的這個牛肉，沒有什麼肉汁，而且煮得比較老，吃起上來又鞋又乾。另外的兩杯熱飲，因為加配特飲，要加十來$20 ，那麼吃個下午茶，也幾乎五$60 ，就點了港式普通飲品。

去開花園街。就行下附近有咩好食。估唔到有咁多選擇。越南生牛河都吸引就試試。入到店內。長身位置比較迫。我抱住丞哥哥都唔夠過。店內無提供bb椅。🤦‍♀️我今次坐梳化位置。望望餐牌。46蚊星期六再加6蚊。就試試。先上生牛肉河。都叫大碗。牛肉都算多。再叫職員比辣招絲。先飲湯底。不算太濃。味道可以。河粉不算好滑。之後再叫多碗牛丸粉。牛丸都有6粒。都可以。但職員服務就一般般。再叫2杯凍檸茶。茶身比較淡。比較失望

星期六難得返工，今日班同事話要行去花園街嘅永珍食越南野，原來星期六嘅菜單係要加$6 ，午餐嘅選擇都係以湯河、炒粉麵為主。似乎都係平日過嚟食比較經濟實惠。今日試咗泰式炒飯，食落去辣辣地，加咗少少扎肉，雞蛋等配料落去炒，都算香口。而且炒飯能做到粒粒乾身，而且又唔會有太過油嘅感覺，辣辣地的感覺幾刺激。朋友嘅咖喱牛肉飯都唔錯，不過略嫌牛肉比生粉醃得太犀利，而且食唔到任何肉味。分量都係夠嘅，所以男仔來食都唔需要擔心。

發現這間越南店，其實它有2個鋪位，不過我未食過都不知有這間店，所以就一個人決定食這間。裝修很漂亮，有鏡面的金色印花做牆身，天花有一格格放滿陶瓷人形擺設。感覺有點泰式感覺……餐牌內有一款比較少見，稱為金邊湯粉，用未食過好奇心，決定點選這款！午餐只是42超平宜還有一杯熱飲。第1次吃這款湯粉，原來有蝦2隻，抄蛋，扎肉2片，雞絲，肉碎，很多料。金邊粉滑滑，有芽菜在底，將炒金邊粉材料，改為湯粉，很不錯湯底雞湯味道，有炸蒜同蔥頭香味。蝦仁有蝦味，不大隻感覺新鮮蝦。雞肉手撕有質感有雞味， 這個價錢真的很值得吃。

太子的一間 又越南嘢 又泰國嘢嘅餐廳, 真係非常之吸引, 我已經係第三加一 or 第三加二次嚟食飯. 因為有一個大肚婆朋友突然轉口味好喜歡食泰國嘢, 咁我哋第一次就亂打亂撞嚟咗呢度, 之後,每次泰國菜一完定指呢度.生菜包冇得頂, 好新鮮! 串燒蝦真係香噴噴出嚟未食, 已經聞到香噴噴, 要再encore 先至夠喉!至於椰青, 係原隻帶肉嘅椰青.  (唔記得影相)生蝦配汁 .... Wooo 唔使講嘢 ! 豬脾羊架等 20mins 燒烤, 值得!!! 因為要就大肚婆, 所以喺太子交通方便亦都好容易坐的士, 正嘢喺呢度, 可以慢慢傾計食飯. 

平日晚餐 ，不用等位位置寬敞一坐低先飲杯茶，再慢慢睇餐牌食物款式選擇多有每日特價菜式，份量相當足肉片多，抵食炒金邊粉較油，但料多拌花生碎食夠香口有越式泰式可選雞翼炸得香，不錯

明明帶咗香茅豬扒就俾咗牛肉，嘢飲叫咗檸檬茶就俾咗檸檬水，外賣重要分開食物同飲品各加一蚊，真係從來未遇過下次再响呢度叫外賣一定要睇清楚另外響等緊外賣嘅時候聞到鋪內成浸好臭嘅氣味(實際形容詞比Openrice censor左，不過唔知我可以點提供客觀證據呢？)，唔知想點！

此店於太子,其實這一條街上集合了不同的食店!其實佢午餐都不算貴, 湯粉套餐就42元, 飯餐就49元, 連一杯飲品, 若叫凍飲需加3元!!不過星期六, 星期日和公眾假期需加6元就好似不合理!!!其實佢幾款飯餐幾好食! 飯煮得腍，而佢個豉油汁是自己加工煮過, 所以味道很濃, 好好味! 而佢的餸(包括豬排, 牛肉和炸雞腿)都煮得腍和好味!! 不過飯的份量就不多, 若比較大食就可能不夠飽!!不過店員都算細心, 見到我們share飯比其中一位同事,所以主動加多一碗飯比我們!抵讚!!至於飲品, 味道就一般!! 但日後佢值得再來!!

又係按摩完，係附近搵好嘢食。上次係呢邊花園街搵有囍，今次係佢旁邊搵到一間食泰越菜嘅。呢間都幾有格調，即刻諗到食咩。佢有星期幾有特別推介，亦有啲廚師推介，都幾易諗到。扎肉蒸粉卷（$59），個皮都蒸得幾好，唔太硬，料都幾足，點小小汁，更正。芝心炸蝦丸（$72），好香口，炸得剛剛好，千祈唔好太快食，佢係堅灸口，佢啲芝士爆出黎。本人很喜愛炸蝦丸，肉都幾多，唔錯。牛丸湯河（$42），泰越式嘅河粉湯頭係唔同廣東，係再濃味啲，偶然食係好滋味。河粉唔會太漲，牛丸彈牙。星期六餐牌有呢個平，煎扎肉（$56），唔油膩，點我最愛嘅泰式甜酸醬，超正！最後來杯椰汁薏米水（$29），咁多熱氣嘢，整呢杯就真係爽爆，即刻解熱，而且甜度剛好。四個人食，一人都係75元，抵呀！

星期一至星期五都有特別減價菜式 ，他們的咖哩配法包很邪惡，因為會令你吃了很多咖哩和很多麵包。而我最喜歡的就是那個越式春捲，皮脆，入面加有粉絲雲耳及肉碎，令到整個味道十分吸引 。 就是喜歡吃春捲。蟹肉炒粉絲的感覺也是十分好，沒有淡淡的腥味，那個粉絲也沒有十分油膩， 挺乾身的 ，最怕炒的食物是濕的，沒有鑊氣。冬陰功方面那個蝦十分新鮮，充滿蝦的鮮味，而冬陰功也不是太辣的款式很適合每一個人的口味。但是他們的口味是略酸的。如果不太喜歡酸的朋友可能不適合。