永發茶餐廳 (Closed)

約咗人喺大埔見面前，先食個早餐，食咩好啦，都係我最愛嘅港式早餐呀😆。叉燒湯通粉湯底正常 ，冇好重嘅味精味。 叉燒就唔得 ，唔好食又偏瘦，仲好乾。炒蛋白 平時食開黃色嘅炒蛋， 呢間有得揀炒蛋白 ，一於試下啦。外表係幾靚嘅，不過一切開就失望 。因為中間根本未熟😑 ，依然係透明嘅蛋白。 唯有即刻浸落湯裏面，希望整番熟啲啦。而且炒蛋白係冇咩味道嘅 ，可能係畀食客自己加鹽調味吧。牛油多士牛油多士好厚 ，不過看得唔夠香脆， 只係兩塊厚包輕輕烘一下， 這種多士不會好吃的。熱檸茶唔錯呀，正正常常，茶冇煲到好溶，唔會過濃過淡。

5點左右，覆診完，好肚餓，於是在附近搵食，一心想食廈門炒米，行了幾間，見到呢間有，便選擇了呢間。還以為下午茶餐的炒米粉是迷你版，但原來是正常版，都幾大碟呢～等了五分鐘左右，有得食，味道其實唔錯，份量又算多，這間的廈門炒米放了師甜酸菜炒，可惜我不能多吃呢。奶茶，很快便到了，略嫌不夠熱，正常，有茶味，ok的。整體來說，食物飲品味道是可以，可惜的是，環境麻麻，一邊食，總有一隻蚊滋飛過，而且枱面間中有一兩隻螞蟻走過呢⋯幸好食物沒有被污染⋯

由於之前吃過晚飯覺得不錯，就試下永發的下午茶喇~我叫了常餐，叉燒米+奄列+方包 配熱朱古力 ($26 沒記錯的話)叉燒很乾很瘦，一d都唔好食，米粉份量亦少，至於個火腿奄列，真係薄到無野好講，塊蛋皮好乾好薄，一d嫩滑既感覺都無囉! 個方包都係乾硬化的，好似被風乾了，是隔夜的嗎?至於我媽叫的牛腩麵，佢話未食過咁硬既牛腩wor，d麵仲超級淋，真係叫錯哂，邊有人去茶記叫牛腩食架，係都去麵檔la~p.s. 這間店的晚市小菜是不錯的，不過店子8:00 pm關門，要吃就最遲7:30pm 入坐，否則阻住店員放工就不太好了~另外，這店與隔幾間舖的長華在晚市經常鬧氣，我指的鬧氣是兩間店都有供應小菜餐，但兩店的定價經常與鄰店睇齊，有時是$42，有時是$45 ，有機會真的想影張小菜海報給大家睇，現在永發門外的小菜菜單的價錢$42 個 2字寫到又似5又似2，真係唔知依家係$42 還是 $45 一個套餐了

第一次去這間茶餐廳吃晚飯，叫了小菜套餐，包例湯、小菜、白飯~叫了涼瓜牛肉，份量大堆頭，涼過煮得剛好，青翠綠，牛肉片份量多，加上大量豆豉，送飯一流~粟米斑塊，大量的粟米汁加上剛炸好的魚塊，美味~生炒排骨，酸甜的汁加上排骨及菠蘿，香甜美味~套餐大約四十多元，很抵吃，而且份量十足，味道不俗，可以再來~

充滿人情味的茶餐廳小本經營的生意不是太多員工,而老闆娘充當收銀員及侍應每次來到用膳都會聽到客人與店員閒話家常有一種很是親切的感覺。不過有意光顧者要趁早因為該店八時準時關門七點四十五分通常都不準落 order 了。

今天是我第五次到大埔亞洲電視欣賞亞洲星光大道當現場觀眾.過去幾次的錄影,差不多需要5,6個小時,但今次竟然只是兩個多小時,下午約5:00便完了錄影,之後我和家姐便搭小巴到廣福道,打算找一間茶餐廳食一個TEA.小巴在廣福道落車的位置,正是"永發茶餐廳". 我們不用多想了,便行入餐廳找個卡位坐坐了.今天,我們大家也只是想食一些小食,所以我們各人便ORDER了兩個特色下午茶.1) 炸豬扒配薯條-$22家姐便選擇了炸豬扒配薯條. 我吃了少許薯條及炸豬扒. 真的要讚讚這一塊炸豬扒,因真的炸得很香脆,豬扒也是厚厚的. 抵食.2) 西多士配珍寶腸-$22很多時到茶餐廳,我也總喜歡ORDER 西多士配珍寶腸,今天也不例外. 很多餐廳的西多士或珍寶腸,也是很普通的,沒有什麼餐廳也能令我有深刻的感覺,不過,這餐廳竟然給我找到這茶餐的優點,優點除了西多士很香厚之餘,吃得出這一個糖漿是沒有加水溝稀的,很厚,很重糖漿味. 這一刻也令我覺得,原來很多茶餐廳的糖漿是溝稀了. 一碟普通的茶餐,我也覺得有誠意的. 有誠意,我鍾意.在我準備寫這篇食評時,發覺上一位食家也是剛去完亞洲電視欣賞亞洲星光大道,之後來到這茶餐廳.

2:30PM入左ATV睇錄影節目,星光3(香港)頭八名參賽者 大戰 台灣超偶.勁精彩.睇完ATV實在太滿足,駁左架巴士來到永發,28蚊個DINNER<咖喱雞翼飯:超足料,有四隻脆口雞翼和薯仔.飯和咖喱薯仔雞重要係分開上.味道不會只是少辣,啱晒唔太食得辣的人.例湯:叫左中湯,瘦肉湯,飲晒,有瓜有瘦肉,清清地不肥利,ok噃.(待應話食晚飯送例湯,good飲品:熱杏霜.夠熱,不用加糖,清清地.不錯. (自己慣左飲嘢都係唔落糖或少糖,食食物的原味先正嘛滿足又經濟的一餐,一定再來永發,抵食又好味林子祥寶刀未老,NICE SONG