榮發燒味茶餐廳

Open Now

Now Closed

同fd附近踢完波近近地揀左呢間食，叫左個鮮茄雜菜濃湯扭扭粉，再配杯凍嘅玄米茶，點知最後埋單加左6蚊，之後問點解，佢哋話跟餐配嘅只限”熱”嘅玄米茶，凍嘅要加6蚊，我就指台面個餐單講完全冇寫，之後佢哋唔知係邊度搵個餐牌出嚟講凍玄米茶跟餐加6蚊，但係我搵哂台面都唔見有呢個餐牌，隔離台嘅都唔見有，呢間野真心呃人錢，出面凍飲都係加2至3蚊啫都係，宜家呢間現兜兜加6蚊，大家香港人都唔係咁呃法，大家之後千祈唔好幫襯。

【沙田區】【榮發燒味茶餐廳】一路喺度告急但又一直都有稿出，讀者肯定會覺得我喺度亂噏廿四，不過唔好咁對我，其實之前怕封城真係預備定啲稿喺度，所以先會仲有得出。見到有唔少 Foodie 都受疫情影響而令稿件產量大跌，都非常理解。就我自己而言，我一早諗過唔少解決方案，而家未去到 worst case 我都未使用到呢啲尚方寶劍住。因為呢啲「必殺絕招」只可用作「保命」，如果成日出，就唔再有價值，所以我一定會謹慎使用，大家可以放心，仲有得睇嘅。呢份稿其實我都留咗一段時間，不過一直覺得未夠全面所以就唔寫住，之後我就特登去多次令到件事圓滿啲，咁就寫得喇。我覺得好似以 Foodie 嚟講唔係太多人可以做到呢種堅持，好多時都係去一次，我覺得係猶有不足。第一次去顯徑呢間嘢我係同個同事中午去，佢食個 $58 嘅「芝味粟米白汁雞皇飯」配「凍奶茶」，佢話冇乜感覺。我就食個乜都有嘅「豐盛全餐」，佢嘅主食都係一塊扒，我揀咗食「香煎農場雞扒」，味道正正常常，唔算差。佢小食有「法蘭克福腸」、「嫩滑炒蛋」同「脆脆豬」，味道正常而合理，配杯「凍檸茶」走甜夾埋 $53 可以接受。之後第二次去我都估唔到自己會再叫一次「豐盛全餐」

今日又係係顯徑食早餐，諗住行開商場買野，近近地食榮發都好呀😊😊😊同朋友2條友食，佢叫沙嗲牛肉麵，我就叫羅宋湯通心粉。其實都係一般港式旲餐，唔好期待太好，但炒蛋🍳🍳🍳都ok， 算夠滑既😊😊😊沙嗲牛肉面，沙嗲當然無其他出哂名既店鋪咁吸引既，但都算ok ，合格既🥹🥹🥹🥹🥹唯一餐包係外面比較少用既小餐包，如果送返牛油面包會吸引啲🫢🫢🫢🫢不過已屋邨質素黎講，呢到勉勉強強都合格既🙈

環境衛生差，服務差，食物更差而家好多電子落單，但因為早餐就完，諗住快快手叫伙記落單，點知叫極都無人理，終於過咗時要叫午餐，都算叫咗常餐C五香肉丁公仔麵，送錯餐叫佢換，點知拎走咗近20分鐘都唔見補返個餐，就又再問下同一個伙記，伙記都驚訝即刻幫我地跟，再過五分鐘，比咗呢碗野我地….我地忍唔住「吓！」咗聲，然後問，你地碗野唔會係咁少量呀？ 個伙記：「係差唔多架啦，我驚再拎入去換，你唔敢再食」真心癲！唔會再幫襯！ 第一次嬲到要寫食評提醒大家小心中伏

茶記乜野最多？就係選擇最多！當你唔知想食乜好，就最好入茶記～今個星期日單單係午餐餐牌就有6個餐，我揀左個燒味飯餐，因為聽人講榮發既燒味都幾出名。油雞燻蹄飯：燻蹄簿切而且用醬醋醃製，爽而不膩，好味。可惜油雞有陣雪藏味，吃入口無乜雞味，亦無濃郁蔥香，我要另外沾好多薑蓉才能避開雪藏味。可能下次要試下其他燒味。

星期六中午很多人到榮發食飯，我們大約等了15分鐘就可以入座。我叫了金牌四寶飯，燒腩仔的表皮燒得好脆並且鹹，但豬肉就不鹹，一齊食就剛剛好。另外豬肉與脂肪的比例好好，食完也不會感到滿口油膩，難怪成為招牌！不過如果餐具可以再乾淨些就更好了，見到有菜渣。

我今日去大圍客人處…未夠鐘走去食過午餐…原來大圍顯徑邨附近都有幾多嘢食最後我都選擇左呢間好似好多款式選擇嘅餐廳喺門口睇到佢好多餐牌有唔同款式嘅套餐😃😃每一日都有唔同嘅我就選擇咗XO醬蒜心炒魚鬆有熱飲同埋例湯附送…不過可能地方太大人手又少…所以等人叫餐都要一陣子….不過上菜幾快😁😁我都係第一次食蒜心….口感唔錯幾爽口👍🏻👍🏻👍🏻再加埋XO醬炒魚鬆都幾惹味…呢度勝在價錢幾合理…味道唔錯

今日去咗呢間茶餐廳食晏，點咗個焗鮮茄菠蘿雞髀飯$58，加$9轉凍飲，我揀咗凍檸茶🍋🍹，可以揀意粉🍝。🍅🍍🥦🍗🍚等咗十分鐘之後，職員熱辣辣咁送上，🍗雞髀肉煎過先拎去焗，肉質少少嫩，醃到幾入味，🍚炒飯底，🍅蕃茄可以再多啲，🧀芝士有少少拉絲效果，配菜有🍅蕃茄、🍍菠蘿、🥦西蘭花。整體來講都幾好味，有75分！埋單$67！😊👍🏻

見食評評價不錯，就放假過來試一下，餐廳確實提供不少選擇，更有不少人選擇食燒味，價錢算合理，不平又不算貴，勝在餐廳地方夠大座位多，但服務態度就一般了，茶餐廳還想要求什麼呢？******************************不少人贊賞燒味美食，所以就要試一下最基本茶餐廳應有茶餐。無論早餐，午餐或下午茶時段，茶餐款式都差不多一樣，如果最基本食物都做不好，確實讓人有點失望。餐廳位於屋村冬姑亭，所以地方都幾大，平日前來座位也充足。餐牌選擇食物款式都不少，多以粉麵飯和小菜為主，其次就供應燒味。午餐時段更有不少套餐選擇，飲品除了一般餐茶，都有幾多特飲供應，食物份量不算多，都足夠一人份量，價錢也是合理價，不平也不貴。常餐有幾款，當然選了沙嗲牛肉麵配火腿奄列和多士，配上飲品凍檸檬 HKD48，凍飲加HKD3 都是正常價。常餐食物份量都不算大份，賣相也不錯。公仔麵沒有轉出前一丁，但麵質感不錯，只是湯底無味。沙嗲牛肉醬汁又不夠香，沒有把麵變得更好味，牛肉夠瘦，不算韌口，確實有點失望。火腿奄列炒得不錯，多士就是涼了，牛油足夠但不夠香脆，入口有點淋，相算是已焗了放涼了的多士，才有這樣口感。唯一一贊，就

無無聊聊入黎搵上班嘅媽媽食lunch見到呢間冬菇亭茶燒味餐廳，Openrice見到評價不賴就試下佢啦！門口有Gulu取飛machine門口等外賣等飛嘅食客熱鬧非常，係對面大榕樹下等位乘涼都幾寫意～等左3張就有位午餐套餐49-52蚊有交易，仲送老火湯同熱飲，街坊食店一個字 抵食！🐷🐥🍚燻蹄油雞飯 $50份量都好實在，有5舊雞，6片燻蹄。燻蹄彈牙爽口，唔會過韌，要讚！油雞係雞脾已經贏一半，調味適中，有豉油香，唔會太鹹整體黎講，係水準之上嘅燒味飯！🏅️🍚金牌四寶飯 $52比佢金牌兩字吸引左，燒味餐廳嘅金牌冇理由唔食啦冇想像中出色，燒肉偏肥，燒得唔夠香，得豬皮夠香脆 算係合格燒鴨肉質真係好關鍵 鴨肉較梅，令我諗返起之前係樓下燒味檔買嘅燒味雙拼佢比啲隔夜燒鴨我😮‍💨不過好彩味道都算鹹香唔係死鹹☕️免費升級即磨咖啡好香濃 冇酸味 係茶記飲到香醇濃郁嘅咖啡感覺似發現寶藏🏴‍☠️🥤奶茶茶香口感順滑 正常發揮整體而言，係中上水平嘅茶餐廳，抵食方便，加上服務質素唔錯，雖然係午市繁忙時段但落單上菜速度都keep到 推介比街坊and上班族好味程度性價比回頭程度

外賣自取肥叉鴨飯，無錯，係肥叉！d肥叉靚到一個點，最終一舊都冇落到肚，若閣下自問有番咁上下牙力，不妨去挑戰一下。燒鴨中規中矩，皮肉分開碎上配大量薑蓉。抗疫外賣自取仲有折！

呢間茶餐廳相信住響大圍嘅街坊間都算有名, 都係我女友由細食到大嘅茶記, 同佢都食過唔少次, 記得響夏天嘅時候可以坐響室外地方食, 個感覺都幾舒服自在, 不過最近疫情第四波開始之後, 餐廳食肆都要提早6點停止提供堂食, 不少餐廳都見招拆招提供外賣優惠, 咁所以我地就叫左幾個飯返屋企share 食了乾炒豬扒公仔麵, 52蚊, 呢度豬扒嘅分量係非常之多, 最少有5舊半塊面咁大嘅豬扒, 當然都有用鬆肉粉那過嘅質感, 但本身都有煎香外層, 算係誠意, 公仔麵炒完口感都係彈牙, 唔會有太多油, 冇咩油益味, 不過就係用老抽生抽生炒, 唔係有咩特別嘅調味福建炒飯, 58蚊, 大家睇相都見到芡汁多到飯盒都裝唔住, 咁個飯係蛋炒飯底, 炒得好乾身, 粒粒分明, 加上芡汁調味微鹹, 蝦粒爽脆, 肉粒口感結實, 啖啖都會有料, 抵食腐乳雜菜煲, 60蚊, 腐乳味唔算好濃味, 吊吊味都ok, 好多唔同類型嘅菜, 不過都係同生菜最夾, 菜心就麻麻地, 重有粉絲同蝦米, 惹味非常, 撈飯一流凍檸茶, 可能外賣關係, 檸檬浸得有點耐, 有丁點苦味夾口埋單177蚊, 份量唔少, 足夠四人分享, 味道夠港式

好懶唔想煮飯 咁就落左樓下食飯 我叫個雞扒餐同西多士 無乜特別都係菜餐廳味 不過唔知係咪開左分店之後差左無以前咁好食 雞扒係成塊炸 要減肥就唔好食呢個個西多士食完唔記得影相 我落單個陣同落單個個人講話想轉煉奶 但佢無幫我轉煉奶 糖漿又比得少(;´༎ຶД༎ຶ`)比得丁屎咁多糖漿 唔夠糖漿 問佢想要多啲糖醬 佢轉個頭都係比得一包我 下次我唔會叫了另外餐廳服務方面 上菜好快 真係食快餐既好選擇 快快脆脆攪掂一餐既地方 唔錯既 新分店裝修都幾好 感覺幾乾淨

金城比領展趕走左後，好久都沒去過冬菇亭食茶餐廳了。適逢今晚返顯徑，屋企人沒有煮飯，就首嘗此店晚餐。一行五人，點了四個餐。先上四個例湯，好鹹。。😅😅金銀蛋時蔬白菜仔，白菜仔得幾條，其他配菜如菇和蛋就頗多。三蔥雞煲，又是配菜多過雞，不過個汁幾惹味，配洋蔥送飯一流。椒鹽鮮魷，外表看似好大舊，其實只係炸味果層皮，鮮魷很細條奀滋滋！鹹蛋肉餅，因為蒸需時，差不多吃完所有飯才上。這個味道算中挺。所有東西的味道也是偏鹹。重口味喔😅，幸好是搭白飯食，還好中和一下。除了是鹹了點和大部份都是配菜多過主菜，味道ok la. 屋村茶餐廳係咁上下。

顯徑其實好似冇乜好食咁，不過呢間新開左一排既榮發既燒味認真不錯！雖然比起酒樓係貴啲，但係真係有水準！👍🏻👍🏻👍🏻幾乎每星期都食1-2次😂😂😂門口有food gulu 禁飛等位，係呀，冇睇錯，茶餐廳都要禁飛等位😅好多人食架！餐廳闊落又有窗邊卡位，壁畫都以香港特色相片為主～呢日lunch set有燒腩仔切雞飯！😍😍梗係諗都唔駛諗就order啦！燒腩皮脆卜卜，肉唔鞋，切雞又係滑嘟嘟～仲有餐湯同飲品！正！