永合成馳名煲仔飯

Open Now

Now Closed

早陣子TVB 的“满足的味道”介紹這“老牌煲仔飯”，給予很高評價，故今天走去試試：- 看見餐牌後，最平一款都要$78， 若要加餸，起碼要$90+多，心想價錢不是便宜，但如味道好，這價錢亦算可接受，最後叫了排骨煲仔飯（$78）另加凍奶茶（$18）…等了十分鐘，煲仔飯送上來，一看便立時不知道如何反應…煲仔飯上的排骨是另外煑熟加一個汁後然后舖上飯面，之前TVB 節目已說明，他們的煲仔飯不是用明火由生米煲出来，是把已熟白飯在煲内再放入焗爐“焗”出来，這点因一早知道故無投訴，但“煲仔飯”飯面上的餸應該是在米飯半熟時放上去一起煑熟，這樣才可以把餸的味道被白飯所吸收，因此這店把分開煑熟的餸舖上一盅焗飯面，這盅飯絕對絕對不能叫做「煲仔飯」，另外價錢又要收取成八九十元一盅飯，絕對物非所值，非常難明白竟然還有電視節目及網上KOL 作推介…. 絕對覺得被騙了😡😡

窩蛋牛肉飯及例湯，絕配。窩蛋牛肉飯的牛肉粒味濃，絶無鬆肉粉味道，豉油味道適中。少量飯焦啱曬我。例湯足料冇味精，必飲。醬爆雞翼熱辣辣，配料不能錯過。環境乾淨，舒適，服務一流

睇咗好多YouTube 片，不同嘅KOL都對永合成都有幾高嘅評分，終於喺前排得幾度嘅嚴寒天氣下，同朋友行完山，濕住身去食，結果… 失望/敗興而回。排隊等咗十幾二十分鐘先有位，坐位點咗窩蛋牛肉飯加臘腸，十分鐘左右已經上枱，但惡夢就開始嘞… 成煲飯冇一樣嘢係似煲仔飯，飯係暖嘅，唔係熱…係暖，最大問題係，煲仔飯唔係原煲煮嘅，因為煲底有焦燶，但飯係冇貼住個煲，冇燶，臘腸同牛肉同蛋係煮好臨尾鋪上去，而唔係放飯面一齊煮熟，咁樣係欺騙，唔係煲仔飯，另外，叫咗煎雞翼，汁醬濃，但雞翼冇味，菜心… 咪菜心囉，D阿姐做到踼晒腳有D燥… 聽佢哋講，忙嘅時間唔做飯焦… 而且，因為好多人係睇完 YouTube 而來，人旺咗，但做唔切… 對永合成，我係十分十分失望，亦唔會再試，因為人多咗就連煲仔飯嘅本質都變咗，已經唔係煲仔，仲有乜意思？

一坐低就叫咗兩煲飯：窩蛋免治牛飯加潤腸, 黃鱔飯, 點知坐唔夠五分鐘, 樓面姐姐就棒住兩煲飯過黎, 實在令人驚訝, 一般有煲仔飯供應嘅茶餐廳都唔會咁快啦！打開煲蓋, 煲仔飯香味欠棒, 雖然賣相都幾好, 但煲飯唔夠熱, 令人失望, $188絕對唔值, 唔會再幫襯。

未試過食咁難食嘅煲仔飯，非常冇心嘅一間食肆，令人難以接受。感覺好似食緊電飯煲煮嘅白飯，店家應該檢討為何這麼差嘅質素能夠收取$86！真係普通白飯一個！非常令人失望！

西環有好多出名嘅煲仔飯，一直話要試好耐🙈今日終於走咗去試下依間老字號☺️💚窩蛋牛肉飯+飯焦💚💵$78+$10永合成嘅煲仔飯嘅做法有別於坊間一般用煤/炭爐整，而係用麵包爐焗製，好處係火力比較平均，唔會有啲生有啲熟～同埋記得order嘅時候要加飯焦！！😍雖然要另外俾多$10！但係真係好食好多，佢啲飯焦真係好金黃香脆，做到嗰種「蟲蟲飯焦」，正😋😋依個窩蛋牛肉飯嘅牛肉唔係免治牛肉嗰啲牛肉飯，反而似係牛肉碎，有肉香得嚟又多咗啲煙煙韌韌嘅口感🥰我覺得都唔錯，幾特別又好食😋💙 北菇雞飯💙💵$78無飯焦嘅煲仔飯就好似無咗靈魂咁🥺雖然調味都唔差，雞件都幾滑，飯嘅軟硬度都啱啱好～不過有飯焦真係差好遠🙈💜西洋菜豬肺湯（是日例湯。小）💜💵$10依個湯又幾好飲😍好有住家湯嘅感覺，無味精～鍾意飲湯不妨一試～💕overall💕記得加飯焦！！

大家注意! 煲仔飯冇飯焦! 今日係2月4日兩點半, 喺門口落單排隊落單時, 要求加十蚊有飯焦, 坐咗十五分鐘後, 阿姐出煲仔飯, 突然同我講今日唔做飯焦, 因為做唔得切... 早知唔食啦!!!

賣煲仔飯可以賣到4pm就收舖，仲要煲仔飯要飯焦係要另外加$10，相信得40年老字號永合成係咁🤓 呢度仲要出名用麵包爐焗煲仔飯架，貪佢火力比較平均，但對我來講感覺上係無咁油膩既👌🏻今日試左窩蛋牛肉煲仔飯同黃鱔排骨飯，兩個都幾出色！窩蛋牛肉飯用既係手打牛肉，牛肉味濃有d咬口又唔會韌，唔似係梳打粉牛肉牛肉已經醃過味道偏濃，唔係好洗落豉油都夠曬味！加埋粒蛋撈埋在一齊，滑d又有蛋香，好味！另外黃鱔排骨煲仔飯上面d料好慷慨吓，鍾意呢度d排骨大大粒，每舊都夾住少少肥膏好香好爽口，醃得啱啱好，每舊排骨都有啲汁包住舊肉，好入味! 黃鱔都係好多，都係好入味新鮮有咬口！🤩最驚喜嘅係呢度嘅招牌菜 - 腐乳蒸雞！第一次食，好濃嘅腐乳味再加上嫩滑嘅雞肉，偏鹹但係腐乳係咁㗎啦，下次會再食！另外朋友話呢度啲普通茶餐廳嘢，雞翼/三文治/炒蛋都好好食，有機會嘅話再去試吓先😙

I went there for lunch but the services were super bad. I waited outside for a while and then saw an empty table so we approached. They asked me to go out with attitude as they were tidying up the table (I would not be able to see it from outside so why showed me attitude)? They arranged me yo sit at the table by the kitchen (narrow and ppl deliver dishes from my back). I pointed out another bigger table which is available but they said "if we let you sit here then you can only sit here". Fine.

看了YouTube，來呢間鋪食。食物普通，價錢就係一般普通的兩倍價錢。職員態度好差，問可以換下其他位，就話安排你坐邊就坐邊。D飯無特別，叫左個餸肉餅，普通一盤野，就要70蚊，都唔緊要。最緊要態度差。又走來話計錯數。一餐落來，兩個餐加個湯就185蚊。一個字貴。貴唔緊要，態度唔好。叫你坐就坐啦。 知道你地自己鋪，開到下午四點。知道你地有錢。反正我以後唔會再食呢間店。仲要趕客，叫人快D走。要兩百字先可以評論。

無乜特別，份量小，價錢偏貴。Lunch 去食要$78，唔包飲品。見到個價錢牌覺得好唔抵食，有想走頭嘅感覺。但既然入左來就即管幫襯。坐得唔舒服，個飯不過不失，無驚喜，收得呢個價，一定會令人失望，論質素我只會比$40。食完都唔飽，要再去買野食，可以唔使再幫襯。

今天又再度光顧永合成，今次不是吃煲仔飯，而是吃簡簡單單的『豉油皇炒麵』加愛心老火湯。今日飲的湯名叫『竹芋鰂魚湯』，係我人生第一次飲，魚湯煲到奶白色，竹芋爽脆清甜，十分滋潤。我不知道甚麼是『竹芋』？店主許家二小姐，人稱『老二』，告訴我是時令湯水，只限這段時間才有，竹芋可以清肝熱。我剛返完通宵班，怪不得飲落好舒服😌。向大家特別推介，大大碗僅賣$25，還有中碗$20和小碗的，自己買料都唔得啦，唔講話用柴火去煲幾個鐘！想飲住家老火湯，一定要去試。除了街坊和熟客，我見過好多名人揸車🚗路過買湯。OL細食的你，可以叫碟炒麵配老火湯，叫碟蘿蔔糕配老火湯亦得。除了『豉油皇炒麵』，還有『乾炒牛河』等等。我好好奇幕後廚神是『老幾』？一家人用心去經營，大家一定要試下，我無介紹錯㗎。附上每星期的『Day Day 湯』，睇吓中文字寫得幾秀麗，係『老二』的字，她十分勤奮，收舖後必大清潔，所以衛生攞滿分。

北菇滑雞、排骨臘腸、窩蛋牛肉、芽菜肉片、鹹魚肉餅、黃鱔、田雞等等，很地道、很惹味、飯甘香，粒粒油潤煙韌，飯焦要多少，悉隨尊便；各類食材新鮮靚料源源不絕，每一啖直暖入心。果然名不虛傳，用心經營的老字號。最近，永合成做了我家飯堂由早餐的雞絲菜麵、豉油皇炒麵、香滑奶茶至午餐的醬爆雞翼、蕃茄牛飯、天天無添加的老火例湯等等，一試難忘。一家人用愛去做，對每一位顧客都像老街坊一樣，好有家的感覺；店舖十分清潔衛生，晚上又可以包場，搞個合家歡煲仔飯家庭樂。

一直都很想試吓永合成的煲仔飯，第一次的失望是去到食店已拉閘，原來他們下午四時便關門，想吃就真係要請早了！第二次專程二時半左右去到，滿懷歡喜期待一個熱辣辣的煲仔飯 ⋯ 落單後不消兩分鐘，煲仔飯已上枱，那麼驚人的速度，真係令我有點懷疑這煲飯是否一早已煲定先！另外他們的豉油也是其中的敗筆，通常吃煲仔飯都會跟一碗微暖的甜豉油一起上，但這裡的豉油是每枱預先放咗，用膠瓶盛載的豉油。窩蛋牛肉飯（HK$78)👍👍👍牛肉是免冶鮮牛，味道是不錯的，加上一隻生雞蛋本來是幾吸引的，但就給那樽豉油拉低一粒星，豉油過鹹加上預先一早已放在枱上，觀感上已比下去。飯粒是分明乾身的，但飯焦是完全黏在煲內，一點也吃不到，唯有再減一星。臘味飯（HK$85)👍👍臘味飯有臘腸、膶腸和臘肉，但口感比較肥和稔，同樣的問題在於豉油和飯焦。吃煲仔飯的重點在於飯焦，但刮不出來的確有點失望。例湯（HK$10)👍👍👍👍例湯味道很濃很甜，足料美味。Menu 內在環境

2020.10.13 星期五 午餐：第一次來吃。絕對不滿意。完全沒有煲仔飯的香味，絕對懷疑是在煲仔白飯上擺放另外煮好嘅餸！喺「煲仔白飯」，並唔係「黃鱔煲仔飯」！咪玩喇，「煲仔飯」變「煲仔白飯」！差到極點！