榮記粉麵

Open Now

Now Closed

今日去咗平時好多人排隊嘅榮記粉麵食我哋七點幾去到唔使排隊直接入咗有位坐我叫咗雲吞魷魚鬚河粉男朋友叫咗雲吞牛腩米粉再叫咗滷水雞翼尖同埋一碗西洋菜（視乎返嗰日有咩菜）基本上所有嘢都加咗牛腩汁但我覺得個牛腩汁偏鹹食物都OK嘅價錢親民係環境逼夾左少少坐得有啲唔係好舒服🙈🙈

榮記粉麵是我最愛的車仔麵店，沒有之一 食物 5/5每一次都是叫三拼米粉，這次選了豬紅、豬大腸和雞翼尖，再配以腩汁湯底和通菜，很適合我的口味。當然，該店有不同粉麵的款式供大家選擇，也有很多款菜配搭，因應不同人的喜好。這次吃不到該店招牌之一的豬紅，有時候就會售罄，可見其受歡迎程度！特別喜歡這裡的豬紅不會一夾就碎，而放入口中卻很嫩滑。雞翼尖我亦覺得非常惹味，鹵水汁滲入肉汁，入口超香，有時候會忍不住要再單叫一碟。豬大腸是我的至愛，一直覺得做豬大腸是一定要把它清洗乾淨，好不然很容易有其他味道，欣賞該店的豬大腸很乾淨和入味蘿蔔也是不錯的選擇，清甜入味 環境 3/5該店的環境稍為擠逼，由於座位不多，所以彼此會坐得比較近，人不多的話也一定要和別人拼桌，但正是港式車仔麵店的特色。

銅鑼灣車仔麵選擇非常多，榮記粉麵還是第一次食。速食之選，3餸$43，唔包飲品。坐位唔多，空間唔大，內裡圓枱盡坐四人。 車仔麵要有嘅選擇，都齊全。店鋪推介小食有咖喱辣醬豬頸肉、墨魚咀和墨魚頭。云云餸菜，來一個焦點小食之選，方便客人解決選擇困難症。今次點左豬皮、冬菇、墨魚頭夾米粉。麵底不算多；餸菜都煮得入味；不馬虎。墨魚頭厚肉爽口，辣醬配搭算惹味。當中也有伴餸西洋菜，平衡健康飲食。可惜味精感頗重，飲杯豆漿岩岩好。

係銅鑼灣大既我，榮記其實係我記童年回憶，中學年代基本上係個個星期都食，學生妹年代貪佢夠經濟，又好味，最鐘意係佢個豬紅，入晒味，滑滑的，但近年因為lunch time時間兩間都排長龍，再加上伙計門招待方式真係不敢恭維，所以已經好耐冇食點知今日早左放lunch，1245行過，唔洗排隊，一於回味一下叫左4個餸米粉，有我最愛既豬紅，豬腸，牛筋，菜湯底好濃，有南乳味，不過太咸豬紅一樣係咁滑，但係...有D酸味...怪怪的...雖然有好多舊，但...食唔晒...我既回憶破滅了...豬腸肥肥的，有好多粒，keep到水準牛筋燜得夠冧，不過同豬紅一樣有酸酸既味道菜只有生菜同通菜揀，我揀左生菜，唔新鮮，好老總結真係冇以前咁好食，唔知係咪因為咁，所以唔洗排隊...一個4餸面，要差唔多＄50，坐得真係唔太舒服，但食得車仔麵都預左，伙計招待方式，冇變過，但最重要既係食物質素跌wak了，真係覺得好可惜....

今日去左買兩碗外賣，食到一肚氣。拎完外賣上車發現個碗底係穿，啲湯漏晒出黎整溶埋個袋，搞到我成身濕晒。返到屋企仲要發現我叫河粉佢就俾米粉我，成碗粉又碎到夾都夾唔到。真係以後都唔會再幫襯！

好耐無食過榮記，一支公出開銅鑼灣去食啱晒。一向最鍾意佢個腩汁湯底，因為夠晒重口味。每次去必定加埋個可樂，都幾懷念以前既玻璃樽裝。兩點鐘去居然仲有人龍，一支公等左幾分鐘就有位，不過店員指示好唔清晰，最後自己走左上樓上搵位，仲要坐入到最盡頭既死角，連想周圍望既空間都無，真係食得好辛苦。魚腐一向都勁鍾意，比出面一般既軟腍同大大舊，索晒汁勁入味。墨魚頭夠爽口彈牙，可惜最令我失望係個牛筋，實在係太硬，硬過你條命，最後有d 都無食到。湯底同河粉都不變，變在係粉量好少了，不埋單$50 都仲可以接受。

由細食到大嘅 榮記粉麵🍜 呢晚 #小秘書 又嚟幫襯😋 好好彩唔使排隊一去到就有位✌🏻 以往我都好懶，求其叫個「細什米」就算，不過就每次都見到 #隔離飯香、後悔自己點解唔叫呢啲同嗰啲😅 其實只要細心望下個餐牌，仲有好多其他 #配料 可以揀，唔使食嚟食去都嗰幾味🤨 呢次我叫咗 #墨魚頭、#雞翼尖、#豬腸、仲有 #牛肚... 唔知係咪自己口味變咗定係點，雖然「榮記」嘅滷水汁依然係咁濃味、食物亦滷得好入味，但係唔知點解佢啲 #米粉 硬係要碎濕濕咁，湯又唔夠熱😌 而且我覺得油膩感比較重👉🏻👈🏻 搞到個肚成晚都好似滯住咁... 點解嘅？🧐

之前一直都有留意到openrice好多人話呢間粉麵好食，今晚食完個正餐發覺唔係好飽，所以就黎食「宵夜」啦!8點幾9點黎到餐廳入面都仲係好多人，岩岩有人埋單，所以唔駛等就有得入去啦!因為唔太知邊D好食，所以看看餐牌，點了幾款餸菜試試!豬皮豬紅韮菜雲吞米粉，賣相跟想像中有差別，湯底味道比較淡，韮菜雲吞味道唔係好濃，不過豬皮夠咖哩味，而豬紅幾滑幾入味!米粉就正正常常，唔會太碎!牛肺牛肚河粉，牛肺都幾入味，口感幾滑，牛肚唔會太韌，整得剛剛好!隨這碗粉仲附有幾條通菜!如果加埋這裡的辣油會更惹味!總括黎講，味道真係冇想像中咁好，或者我會考慮食另一間分店試試!

以前呢間野串到碼頭咕喱。地方又迫，基本上要人格降Grade才可以堂食係好多銅鑼灣人都應該知道。但點解都好多人幫襯，點解？我轉頭講其中一個點大家聽。今日幫襯他們的態度冇以前咁差。一坐低我就叫個大雜麵食下先。因為我哋從來都好怕揀嘢食。有人話點餸食仲抵食，我就未試過，下次可能會試吓。點解佢哋串都咁多人幫襯，因為佢湯底真係好。但今日所試，湯底走了樣，唔知道咁啱定咁橋。下次搵日再有機會再試下。再報告比大家知！

以前呢真呢度基本上出面都要排隊今次呢到竟然可以直入同埋有空位可能少咗啲內地遊客啦生意冇以前咁爆講返正題今次又係試佢嘅三餸車仔麵每次黎到都會必點大腸、牛腩、豬頸肉鐘意食雞翼尖既，都要點佢雞翼尖 ,因為煮到入曬味，但唔會溶溶爛爛😄外加 ,通菜和雀檸成件事好match呢間車仔麵d餸其實真係做到好入味同夠味，同埋份量算多，都食到好飽所以食幾多次都會黎食但唯一唔好，就係大多大6 客，令到我都減小去食啦~ 而服務態度我就覺得麻麻啦~

今日同朋友去CWB ,想起這裡有間好出名的車仔麵要知道，平時好難過去一趟，即刻被拉著入去。這間分店有2層，我地去左2樓坐下！相比以前容量 現在好像size 小了🙈🤣不過食物質素沒變 👍衝著它的老牌子 大家要去試下

同事誠意推介cwb榮記車仔麵，咁就專誠黎試下，價錢唔算貴，$43三餸，我揀左推介既墨魚頭、豬紅、韮菜雲吞米粉，本身諗住加咖哩汁但原來要4蚊，咁就算啦～～～個豬紅好juicy, 墨魚頭都好有咬口，好味道👍🏻👍🏻

因為office搬到其他地區，再加上近期此店所處的地區常有遊行，已經好耐好耐無幫趁喇...心癮難耐，今天偶然路過，馬上飛撲入去...點叫最❤️的豬大腸 x 2 ，魚肉春卷，韭菜餃，油麵端上桌時，香噴噴的，豬大腸，好夠林，好入味，淸洗得乾乾淨淨，無異味，叫左double份量，食得満足👍👍👍魚肉春卷👍👍韭菜餃👍👍湯底不過咸，混夾的通菜，好好味呀，夠爽脆成碗車仔麵是有水凖的，非常滿意又飽足...有幸福的感覺

黎到銅鑼灣，而身邊好有都鍾意食粉記就緊係一齊去食返轉啦7-8點左右去到，今日唔駛等位一坐低就好快諗到叫咩原因係叫慣叫熟我地叫左兩碗粉麵，share 一碟滷水汁墨魚頭1. 牛肚墨魚河粉* 牛肚味濃 墨魚爽口2. 豬頸肉魚片頭米線* 豬頸肉厚厚地 魚片頭大大片3. 滷水汁墨魚頭* 份量幾多 有啲菜跟埋* 超爽口彈牙伙記落單上菜麵好快手架，雖然要急住入其他客，但佢地一定會見你食完問聲你先收野既，所以都唔會食得太急下次又會繼續同朋友食

銅鑼灣大把好嘢食，但係想食平靚正又快手搞掂嘅晚餐，莫過於車仔麵。榮記粉麵由細食到大，一講出嚟絕不陌生，糖街有間總店，但係今日就食呢間分店啦。雖然佢哋服務員出名大聲又惡，但係其實速度快，香港人精神。一坐低梗係叫招牌墨魚頭、蘿蔔河粉，加個豬紅通菜，仲有咖喱墨魚鬚。佢驚墨魚頭真係非常好食，爽脆彈牙，每一次你都必點，仲經常賣晒，次次你都係睇彩數。另外想一讚嘅係佢蘿蔔非常之甜，好入味！我每一次你幾乎都係點呢兩樣野！😋😋本來想叫個腐乳通菜，但係呢個豬紅通菜更加吸引，湯底係滷水汁再加牛腩汁，食落去又鮮又甜。每次同朋友嚟銅鑼灣快食都會諗起呢間！會繼續幫襯😛