榮記

Open Now

Now Closed

行完山去到深井，記得朋友之前介紹街市內都有嘢食，仲要少人知所以唔會多人唔洗迫又清靜😝 又真係喎，街市熟食中心得幾檔，人流唔多，鐘意坐邊都得😝我選了榮記想食海南雞飯（$45）😋 油飯實在好香帶有香茅味🤤 雞肉入口滑嘟嘟😋 無骨啖啖肉🤤 朋友叫了葱香豬扒蛋飯（$40）一送來嘩咗一聲，兩大隻雞蛋，豬扒數量多到睇唔到飯😳好足料🤤豬扒煎香惹味，由其邊位有少少焦香😋 略嫌豬扒肥膏位太多😅兩碟都附上生菜在旁邊，不致於太多肉有菜平衡一下😊

開張食過一次，雞脾冇味得過大字！今日諗住試多一次可能有改善，可惜一樣，凍檸茶顏色好深，以為好有茶味，點知一D茶味都冇，仲有D怪，水一樣仲加D怪！大熱天我好少飲剩凍飲！叫左碗有手指公的炸菜豬扒上海麵，豬扒少之餘湯冇味，上海麵即唔好食，好似食緊冇味的發脹意粉！希望負責人睇到加以改善啦

無諗過深井街市入面有間打卡餐廳🤩同朋友叫咗個蔥油豬扒同朱古力西多士，食物質素超出預期😋😋不過因為佢招牌嘅海南雞已經賣晒😭😭所以試唔到，下次再行完山過嚟一定會再試！

換咗新裝修，感覺乾淨咗好多以前成日經過，今次終於行入去，性價比幾高，值得推薦下次行山會再食，叫咗個朱古力西多士同埋蔥油豬扒飯，埋單都唔使$100收銀姐姐仲要幾靚

好多人都唔知深井有一個街市熟食中心，當中開得最長時間嘅就係呢間榮記茶餐廳。食物選擇同一般茶餐廳無異，而當中比較多人食嘅就係海南雞飯、豬扒包、公司飯同埋呢個什菜湯螺絲粉。➡️ 什菜湯螺絲粉餐 ($34)除螺絲粉外，套餐仲包括左牛油厚多、火腿煎蛋同埋飲品。份量好多，多士中間d牛油都算多，煎蛋亦都煎到有流心，整體CP幾高！榮記茶餐廳地址📍: 深井深井街市熟食中心1號舖 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️💫 抵食💰: ⭐️⭐️⭐️💫

中午一點半左右到達，現場不算多人，點餐時職員態度極差，食物十樣有九樣都無。職員仲要表現出不耐煩的咀臉！俾完錢問佢使唔使攞牌，佢話唔使，佢會攞嚟，點知等左一輪，要自己去攞，麵已脹，冰已溶！想要鹽，問另外一個職員，佢答在台面，但我告訴他全部台面都沒有，他不理會走開,最後要走入廚房問師傅攞！我自己叫了回鍋肉福麵，麵已發脹已經難食，湯底居然無味！另外飲品檸檬苦澀，質素不敢想像。雖然知道對茶檔不應有要求，但連最基本嘅服務都無，絕無下次！

係深井 如果要覓食 首選當然係街市熟食中心~榮記就係一間非常性價比高既茶餐廳因為係深井街坊，榮記可以話係由細食到大~ 海南雞飯，公司飯，豬扒包 都是我的喜好~奶茶非常香滑有荼香~圖附上 海南雞飯海南雞飯仍是我的最愛 差唔多係必點!!!榮記的海南雞做得特別出色，內質嫩滑，雞皮爽口，在雞皮與雞肉中間仲有一層厚厚的膠原蛋白，一口咬下~這就是年輕的感覺...雞肉另外配上自家制泰式甜辣雞醫。開胃解膩。最重要的是無骨的!!!!!!!!啖啖肉!!!!!!!!!!!雞油飯都非常香（不過有時會失準...飯會煮得太淋，因為我成日食所以知道）～~店內海南雞供應既數量有限，所以要食既每天要趁早！雖然環境比較麻麻，但係榮記既份量又多又平 真係物超所值！！

之前一篇「深井陳記燒鵝」就提過，一喺十年都唔嚟深井，一嚟就連續兩個星期日入到嚟。呢一篇就繼續講埋下篇，事緣細胞小組搞行山，組內有細路，既唔可以揀太難，亦唔可以揀太長，友人嘅推介，就喺由青龍頭行上深井沉澱塘，再順另一邊落番深井，故此，終點站就喺深井臨時街市。佢一邊確喺個街市，但檔口唔多，基本糧油雜貨、菜檔、肉檔都齊，而另一邊就喺熟食中心，形式就猶如美食廣場，雖然有7、8檔食肆，但有開嘅就喺一頭（Soul Cafe）、一尾（榮記）及中間（泰好味）3檔。由於只有榮記有下午茶餐或輕食之類供應，亦喺最划算，所以，大家都贊成揀佢。溫馨提示，留意開鋪時間，星期一例休，星期六、日開到5:00pm啫。「榮記」喺間茶記，香港嘅茶記精神就喺乜都有，所以，唔再多介紹，一睇鋪面嘅易拉架就知有咩選擇。雖然佢寫住「請先付款後睇號碼顯示牌自取」，當日客唔多，店員直接將食物送過嚟。我哋一棚人，都點咗好多嘢，今次就概略寫啲。雞扒包 $16個包就只不過喺普通嘅熱狗包，不過，份量絕對十足，因為送到嚟，件炸雞扒真喺差唔多大過個包，好有睇頭。小弟就無試嘢，友人就超讚，因為，雞扒炸得甘香，外皮好脆口，入口啖啖雞肉，夠晒豪氣。豬扒包

特地黎到深井，見到有個熟食市場，而家只得舊區先有，黎到叫咗公司飯咖喱汁同埋餐蛋飯茄汁，火腿酸既，豬扒（公司飯內）勁鞋同乾，d汁打獻打到一舊舊啫喱狀，唯一優點係勝在平，每個飯都係$30-32（不包飲品），但如果用心去做一個飯，$50一個都會好多人黎食！睇一眼見到都唔對路，所以冇心機去影相

做完運動去深井的臨時熟食中心吃午飯，其實好想食榮記好耐了，今次終於都有機會一試。餐牌上的食物真係平到你唔信，我相信係深井或荃灣應該都無乜可能會再搵到，就好似一個三文治只係9蚊!!叫了一客招牌公司飯轉做太陽蛋，食物話咁快就到，其實說穿了個公司飯只係將不同的食物放上的碟既碟頭飯。內容包括了，炸菜，招牌豬扒，菜芯，太陽蛋，腸仔，同埋火腿。 先說說炸菜，炸菜的味道不算太咸，亦都爽口，非常之下飯，最怕的是那些咸得太過份的炸菜。再來的是太陽蛋，煎得非常好，將隻蛋弄穿後會混和白飯一齊食，簡直一流! 火腿則是很普通的那種，不提也罷。腸仔應該不是最出名的那個，而且我覺得煎得不夠，最好是煎得多少少! 主角當然係塊豬扒，豬扒並沒有用任何的梳打粉，所以感覺係非常之家庭式，就好像你在家裡自製的豬扒一樣，亦都因為咁所以其實係幾有口感! 整體上老實講係咪真係好好味呢? 唔算得係，但係就非常有一種家庭式經營的味道，最好的我相信係佢非常非常之便宜，抵食!

旅行返香港，心思思想飲奶茶，天氣冷都要落街嘆奶茶，榮記雖然在臨時街市入面，但它的奶茶一點也不輸給名牌茶餐廳，奶和茶的份量剛剛好，飲過就知正。今次第一次下午到來，選了奶油朱及，真是非一般豬排，難怪之前很多FB人也有推介，埋單時看到老板用搥搥打豬排，並非一般用梳打粉，難怪很鬆軟，值得推介。

深井首選!!!簡單黎講..平靚正!!!對我地呢D又要平又要飽的人真係好滿足!!!基本上次次去都係食..餐肉雞扒飯!!!2大塊餐肉加1塊雞扒最重要的係雞扒炸完都唔覺濃左皮脆岩岩好..又好咬口!!加埋支大可樂都係$32係出邊根本食唔到呢個價~~個人口味加埋蜜糖落雞扒到..真係好好食..甜甜的蜜糖加埋佢本身的甜豉油!!真係好正!!妹妹叫左杯華田脆脆飲..其實個人就覺得唔太特別..不過妹妹就好鍾意哈哈..!!住深井的無可能唔知呢間野..已經係比較少有同平價的深井快餐~~

熟食中心座位永遠唔會無! 別係深井既熟食中心. 除非你撞鬼啦.你要在深井食一餐, 廿幾蚊食得你飽, 又唔會食到一肚氣, 榮記係唔錯既選擇.環境: 係當世之中難得的差. 熟食中心完全無空調. 夏天基本上唔會去. 除非見佢地既空調房有位.價格: 平到你笑食物: 質素亦不過不失. 雞排好大件! 有4款汁選擇. 包飲品. 合理得無位再complain.海南雞飯亦好意外敢比好多地方做得出色!快餐特餐等, 不過不失. 不過奉勸大家唔好食通粉. 佢地既通粉唔似係用雞湯. 係清水通粉.熱既奶茶咖啡都ok啦. 凍飲反而麻麻地. 不過有個叫<龍鳳特飲>既野可以一試, 幾特別.而除此之外, 一般既熟食中心都好污穢不堪. 但深井唔同.可能因為真係無人擺當. 成個街市只有一間肉鋪, 兩間蔬菜鋪同幾間雜貨店.講衛生, 可以稱得上係香港之冠!因為平時老鼠, 蟑螂等, 都只係見佢地集中係近青山公路既食肆一帶搵食.入到熟食中心, 反而極少見到.講真, 出面(青山公路一帶)既絕大多數食肆, 扼錢成份太高. 而衛生情況更令人側目.味精, 油鹽糖等都係一定係超標中既爆血管情度.想多活幾年, 還是小出街吃好了.

今天很曬又熱, 從深井水塘下來路經, 已到午飯時間, 又不想到處找, 見有位便進去. 有走廊和舖內之分, 我為了多點冷氣便選裡面, 也能更好地看大電視.  大部份人在吃碟頭飯, 但我太熱沒胃口, 見別人的飯咁大碟, 不想浪費. 看到常餐的價錢, 還以為眼花! 只是下午茶價, 但碗通粉很滿, 多到我一搯便掉了些出來. 通粉軟硬適中, 湯底不太重味精, 檸茶也不會澀. 心想雖然大碗抵食, 但我胃口不夠呢, 惟有慢慢吃, 反正不趕時間, 因為原來的會改遲了開. 結果邊看電視和報紙邊吃, 坐了兩小時, 店員也沒干涉, 反正平日人不太多吧. 臨時街市很乾淨又明亮, 但建築物不太大, 內裡的店不多, 可能地店離大馬路最遠, 最近山邊, 所以留意到的人不多吧? 巴士站附近那些太吵, 空氣又不好, 有時甚至雖有篷, 但只有吸煙區, 實在受不了. 這裡的走廊也是室內, 一樣有冷氣, 不近大馬路, 不用吸塵.  

e間野我成日都去食架~需然佢係開係街市到~環境麻麻 仲都幾偏遠 ~但係d野食都好正~我每次去到都會叫碟公司飯(姐係入面有好多唔同既材料)佢d豬扒零舍香 好正 佢杯奶茶好滑~份量都ok大碟但係我每次食完都唔夠飽 都會買多個豬扒包番屋企食~服務態度不過不失啦 ~價錢好吸引我每次打電話叫外賣 我一定搵e間野~不過要等成個鐘~多數我都係落去買外賣~順便買本雜誌睇~ 如果你係深井既街坊們未試過既 不妨試下啦~ 仲要注意佢地營業時間好似係早上7點~晚上既5~6點~