永年士多

Open Now

Now Closed

第一次幫襯，普通車仔麵，又貴，唔知要掃code俾錢，收銀店員態度相當差劣，黑口黑面，不建議幫襯，餐具相當污糟，後悔再來難怪午餐時間都冇乜人，後悔嘗試，再冇下次😡😡

很多年無食過車仔麵，在大埔一田超級城廣埸見到就即想試下，兩碗都超級好食，選擇很多，湯底正，地方也整潔舒適。雖然略貴，但好味，友善愉快，是值得的。不一樣的車仔麵，撈麵，下星期會再來。

呢間車仔麵在商場開咗一段時間， 終於是日來試下午茶餐廳採取自己掃QR code落單，落完單一次個用電子支付。座位坐得都舒服，還有卡坐提供。下午茶餐任擇一款麵類加兩款餸(每款9元，貴過$9補差額)，配咖啡奶茶，冷熱同價車仔麵我通常食油麵，呢個油麵冇一般的油，唔鍾意食咁油的可以選擇， 但我就偏向 食開那類湯底我選擇了招牌咖哩辣醬，我以為是咖哩黃色，但原來是啡色，飲落好香濃還有淡淡藥材味。上網查一查，原來佢哋湯底真係有用中藥，包括胡椒，川芎等十多樣藥材選擇了豬皮同牛筋，份量都幾多豬皮索曬啲湯一定好味，牛筋軟硬度適中，有咬口凍檸茶檸檬放喺杯邊，幾有心思，茶底唔濁夠清，凍飲唔使加錢呀食完自己把食具放回回收枱。雖然落單，取食物，收食具都自助，但慳返成本應對消費者也慳回消費，ok的。

餐廳行自助形式都算方便，簡左個自選河粉，湯底係無清湯只有吾辣滷水汁湯底豬腸$11 豬紅$11 蜂巢豆腐$9，分湯是額外加錢，所以買完拿拿聲返屋企享用。湯底濃，味道不錯，至愛佢地ge豬腸

其實都知道出名咗好耐，今日就試吓外賣一個四餸車仔麵，餸同湯都是分開上的。先嚟一打開個湯既盒，試一試個湯先，飲第一啖係超鹹，我即時加咗熱水溝淡個湯。我叫咗個餸是蘿蔔、魚蛋、酸齋同雞翼。蘿蔔是吸收晒佢嘅湯底嘅味，又濃又鹹，陳皮魚蛋都是食到湯底的鹹味，雞翼是滷水的，但唔覺有滷水味，唯一個酸齋是正常的。我配咗油麵，我覺得成碗嘢都好鹹，所以都食唔到，每樣食咗一兩舊就冇食，所以今次覺得好中伏，一碗嘢連飲品差不多$90，但我食咗三份一都冇。

TL;DR: 貴價車仔麵今次試嘅係「大碗麵」（即係十寶麵）（$76）都算足料，十款餸唔係一味得一舊豬腸煮得唔錯，無硬塊，而且幾軟熟（好食果種腍）豬紅都OK，夠香；蘿蔔好正，香、甜、腍咖喱豬皮、魷魚同魚蛋就一般水平紅腸唔似係淨肉漿，有D鞋（個人覺得唔錯）扣分位係雞翼佢比三隻翼尖，得一隻中翼另一個問題係預設湯底好鹹同油膩，咖喱辣醬就算微辣都係重鹹，可以叫走辣&清湯另外今次加左杯「抹茶維他奶紅豆冰」（$15）維他奶味好重，無咩茶味唔建議買，可以留返D錢去附近飲其他好野服務方面，大部分時間都係自助，手機落單，叫號自取，餐具自取，自助還盤etc有一個唔好嘅地方（其實係香港餐廳都有嘅）就係對「一人食」嘅唔友善，又要人搭枱，但連擺袋嘅空間都無，甚至見到落左單都想調人枱

普通車仔麵，但價$一d唔平，當中所謂嘅套餐但又唔包嘢飲，單點可能仲分分鐘平個套餐，嗰套餐完全係搵笨，餐廳基本冇服務，服務員就係咁叫你電話數code，d餐係自己攞全程全部自拿，啲職員完全淨係行行企企零服務，餐廳內有唔少蚊子，感覺衛生麻麻咁嘅模式，我相信呢間舖最多一年多就會執笠正所謂冇比較冇傷害附近車仔麵或者米線餐廳都抵食過佢

永年士多(大埔超級城)三豬麵餐($49)有豬腸，豬紅同豬皮，配油麵少辣豬腸汁，幾好味，湯底渨，豬腸好入味，整體份量合理，新店開張希望保持水準，装備亦唔錯全得舒服，自助下單及取餐，可現金或電子支付收費。👍😋