榮式燒雞扒專門店

Open Now

Now Closed

✨中女獨食難肥日誌 ✨榮式燒雞扒專門店 中女食將軍澳屋企附近明德商場最近裝修，裝修後新開了幾間食肆，其中一間餐廳專食燒雞扒，今日專程帶家人來試一試😋招牌家鄉滑雞 半隻 $88一個菜式三種口味？原來配有沙薑汁、蔥油及秘製辣椒油！配上不同醬料的確有不同的風味，半隻雞都幾大碟！雞件都幾滑，雞皮亦好香！秘製辣椒油其實比較似泰式辣汁，酸酸辣辣，幾特別！榮式燒雞扒拼薯條 $26朋友說之前吃過這裏的燒雞扒拼薯條，下午茶餐大份又抵食！雞扒有黑椒味，炸得香脆不會太乾，薯條份量有好多！出前一丁 +$8加$8有一個出前一丁！灑上香蔥，加上麻油包，好味！熱咖啡 熱咸檸蜜餐飲朋友要了熱咖啡，我則看見有鹹檸蜜，即刻一試！鹹鹹地酸酸地，幾特別！

去榮式食飯， 唔使諗咁多，一定係食佢嘅榮式燒雞扒， 下午茶重要抵好多， 燒雞扒配出前一丁連熱飲， 只係$36。 塊雞扒煎得好香，雞皮好薄，而且食得出燒嘅時候有落蜜糖， 甜甜地幾好。除咗燒雞扒，餐廳仲有其他雞的菜式， 半份花生醬西多士配太脆雞翼， 下午茶$28， 太脆雞翼望落好似好熱氣， 好邪惡， 但食落竟然冇嗰種好熱氣嘅感覺， 反而係好脆，冇太多脂肪和油。 西多士都唔錯， 中間有一層花生醬，半份啱啱好。 驚唔夠飽可以加$8 有稻庭烏冬。雖然話食下午茶係貪佢平， 不過最尾都係再嗌多半隻雞， 招牌家鄉滑雞$88， 有雞味， 絕對唔係雪到冇味嗰種， 肉質較腍， 有三種醬可以點，分別係沙薑汁、蔥油和泰式酸辣汁。跟餐熱飲，熱奶茶不過不失， 第一啖有茶嘅苦味， 不過之後茶味越飲越出，越飲越順口。

上次經過明德商場見到開了一些新的餐廳， 今日下午就到榮式燒雞扒專門店吃午餐。 店內裝修光猛舒適， 店員服務周到。剛剛中午兩點到達， 先點兩個下午茶餐～ 花生西多士半分配薯條$26、 榮式招牌燒雞扒配出前一丁$34、 茶走， 然後再加一碟招牌家鄉滑雞半隻$88。 最正用手機掃QR Code落單， 每款主食即減$2。榮式招牌燒雞扒配出前一丁～ 招牌燒雞扒皮脆肉嫩， 啖啖肉又帶有點惹味， 加上邪惡的出前一丁， 冇得頂呀！🉐花生西多士半分配薯條～西多士不會過於膩口，細嚼時花生香味極之突出，且口感幼滑，麵包亦做到香口又鬆軟。 配上粗身薯條， 下午茶首選。招牌家鄉滑雞半隻～皮光肉滑，汁多肉嫩， 有三款醬料， 薑蓉、沙薑醬和泰式甜酸醬， 三款各有特色。茶走～ 茶走味道幾好， 不會過甜。榮式燒雞扒專門店有幾間分店， 價錢經濟實惠， 尤其是下午茶餐真係超級抵食的。

榮式燒雞扒專門店新開張無奈，近我哋公司收工去試吓味先我哋叫燒雞扒鰻魚飯7拾幾蚊、個雞同其他比餐廳好味、個曼魚都吾錯，雞扒麵、西多士、叫一杯熱咖啡、我一個人飲咗兩杯熱朱古力、兩個人超飽

是日同HONEY去到哩間榮式燒雞扒專門店，之前在佐敦食過都唔錯的榮式燒雞扒，在TKO都會有分店，真的愈開愈多，職員介紹左佢新出的榮式滑雞系列，同HONEY就點左半隻的滑雞，另外也點了鴨胸稻庭烏冬，跟餐加左椰汁冰，椰汁冰椰汁冰夠凍，飲落好香椰汁，好爽~~滑雞(沙姜醬，辣汁，榮式蔥油)滑雞半隻都有唔少，幸好滑雞系全熟的，加上沙姜醬，辣汁，榮式蔥油食，真的味道各有不同，我同HONEY都鐘意榮式蔥油，夠香，加埋食真的一流~~鴨胸稻庭烏冬鴨胸都好多件，鴨胸好滑，另外有埋少少配菜食，稻庭烏冬都好彈~~下次有機會再試埋佢的小菜，睇餐牌都好唔錯咁~~

今天和同事提早放工，走過明德商場，竟然讓我但發現新開了一間餐廳，便決定嚐一嚐鮮，卻竟是有意外驚喜。由於這間餐廳名為榮式燒雞扒，我們均點了以雞為食材的小菜，包括這裹的招牌菜老家鹹雞和一味鹹蛋黃金雞翼，而每款小菜均配有白飯和飲品。很快，鹹蛋黃金雞翼便率先送到。這道小菜十分特別，原以為是最普通，其他鹹蛋產品也食到的味道，但吃的時候卻發現它是用自家製咸蛋漿炸，味道好特別，沒有一般鹹蛋雞翼那麼咸，而同時亦重鹹蛋味。有淡淡的鹹蛋味滲出但不會太喧賓奪主。另外，雞翼本身炸得很爽脆，送上枱時仍熱辣辣，真的給讚，吃的時候還有很多肉汁，十分好食。老家鹹雞的滑雞非常滑，但雞肉又不會太肥，彈牙之餘又有口感，非常有雞味，吃得出不是急凍雞，而是新鮮雞。另外，這道菜亦配有三款醬，非常適合不同口味的人。我個人最喜歡沙薑醬，它不像外間的沙薑醬，不會太鹹但又有濃濃的沙薑味，非常滋味。餐飲方面，每個餐均贈送餐飲，在寒冷的天氣中，飲一杯熱飲真的暖入心中。想不到這麼久沒在外吃飯，竟讓我碰到這意外的美食。

今日同個同事黎到呢到食野，黎到呢到就緊係要食雞扒，呢個雞扒做得好好，唔需要多講，不枉佢叫榮式雞扒店，一食就知相比大部分地方食到嘅雞扒更用心機煮，雞扒份量十足，一個飯都有兩塊大大塊既雞扒，岩哂我呢d食肉獸，而且煎得好香口，外皮好香脆，食落好有口感，最勁既係外皮煎得香脆之餘，又唔會煎得好乾，而入面d肉仲保持到好彈牙既口感同埋仲好有肉汁。呢個魚香茄子煲都好惹味，真係好大煲，夠幾個人食，個煲好有油香，好有鑊氣，無論魚肉同茄子都配合得好好，而且入面有d豬肉，令到個煲更加甘香同美味。我仲見到呢到嘅下午茶都好吸引，下次要黎試一試！

屋邨商場入面，竟然都開張咗一間連鎖雞扒飯店今日同屋企人試下，幾個人叫咗半隻雞share食 半隻嘅招牌滑雞跟正宗嘅港式醬汁：薑蔥同埋沙薑汁少不了，仲有一兜係酸辣汁 微溫嘅雞肉好嫩滑，而且唔係全熟嗰種，夾起會見到有少少血紅色如果怕生嘅，建議你叫店員再拎去蒸熟一啲 碟頭飯方面，揀咗佢呢度嘅招牌豬扒飯豬扒燒得好香，而且夠嫩滑juicy，兩大塊大過塊面嘅size夾起豬扒，下面仲有唔少嘅配菜包括炒香咗嘅雜菜：有椰菜同翠玉瓜仲有一啲薑蔥同菜甫，撈飯好好食不過確係有點油膩 最後成碟雞秒速畀我哋ko咗，食嘅時候要小心，因為都會有碎骨 跟餐叫咗杯凍檸茶，係用外賣杯裝，都幾衛生 用app落單，掃個qr code可以減兩蚊都幾先進，越嚟越多餐廳用呢一種模式

晚上和朋友二人點左半隻招牌滑雞加一份茶樹菇豆腐煲，兩個菜都可以加15蚊加配一碗飯和一碗湯或飲品。落單後不夠5分鐘，熱飲便已奉上。例湯係木瓜雪耳豬骨湯，十分清甜、足料。招牌滑雞附送蔥醬、沙姜、泰式酸甜湯三種蘸料，肉質細嫩爽口，肉汁豐富，配上沙姜醬一流。豆腐煲一開蓋變香味撲鼻，除左叉燒和煎過嘅豆腐外，茶樹菇給我帶來很大驚喜，炸完後的茶樹菇十分吸汁，茶樹菇本身獨有的香味亦完美保留下來，滿滿一煲，推薦大家嘗試。服务同環境方面，上菜速度幾快，服務員態度都幾好，檯凳乾淨，防疫措施做的幾好。總體來講都幾滿意！

今日同媽咪去咗試依間係佐敦都幾出名嘅雞扒飯店真係估唔到係將軍澳區內開咗分店黎到梗係要試下佢個榮式雞扒飯 $59有兩大塊雞扒 雞扒燒完塊雞皮脆卜卜👍🏻👍🏻啲雞肉都好淋 食落口真係好唔同飯係有蔥油撈埋同埋有是油真係果然無令我失望🤡🤡🤡雞扒湯烏冬 $49🤟🏻我地+$2轉咗稻庭烏冬 個麵好夾個湯底雞扒都好軟 好食👍🏻口水滑雞 $88（半隻）👍🏻👍🏻👍🏻口水雞汁唔會好辣 但帶點麻諗緊鍾意食少少辣嘅人雞件好滑 半隻份量都好足夠配埋口水雞汁一流🤙🏻🤙🏻🤙🏻總結我覺得榮式係港式茶記，無論裝修、環境都比較舒服☺️今次我哋喺非繁忙時間去食，都有5-6枱客人😎😎推薦大家嚟試吓！評分時間～5隻👍🏻最高😉味道：👍🏻👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻👍🏻回頭機會：👍🏻👍🏻👍🏻👍🏻#人總有一飽今餐我最飽！😋榮式燒雞扒專門店 (將軍澳)📍坑口站B1出口📍將軍澳將軍澳培成里明德商場地下 4-6號鋪#港式料理 #雞扒飯 #雞扒 #茶記 #香港風味 #食評 #榮式雞扒 #燒雞扒 #香港食評 #foodiehk #良心食評 #真心食平 #好味 #hkfoodie

話說之前係屯門榮式燒雞排分店吃過後覺得好正！將軍澳終於開分店，係坑口地鐵站附近，一於同家人去吃個午餐。點左一個鱆魚蓮藕餅飯，好大的一碟，鱆魚蓮藕餅好大塊，炸得金黃香脆，好味道！再叫左半隻招牌家鄉滑雞，好足料，有辣有唔辣，有口水雞口味，選左原味的，醬料有三種附上，包括：蔥油、沙薑汁同埋秘製辣椒油，自行點汁食，雞肉啖啖肉，不錯呢！最喜歡每碟飯旁邊都有香口的蔥油配上，撈飯食好野味，蒽油迷的我食到停不了。

這家港、九、新界都有的雞扒連鎖店，沒想到附近商場也新開了一家。午餐就在那邊醫醫肚吧。來到雞扒專門店，沒有理由不點雞來吃吧。榮式雞扒飯香口的油飯混合蔬菜，再配上蔥油、菜甫、酸菜及椰菜，味道毫不單調。雞扒不算大塊；皮脆肉嫩，以醬油醃製過，帶點甜味，保留雞扒肉汁。干炒叉燒公仔麵炒出前一丁麵，很邪惡的食物，真是無法抗拒。叉燒蠻多，又大片，還有其他配菜如芽菜、洋蔥等，更添口感。而經熱炒後的麵條更加硬身，更加口感。出前一丁的味道濃香，不過吃到底蠻油膩。

今日去和左朋友去屋企附近將軍澳食tea，之前已經喺佐敦食過，最近喺我朋友屋企附近新開咗另一間新嘅分店， 就係叫做“榮式雞扒專門店”。因疫情嚴峻，首先要量體溫，之後店員安排咗卡位比我地坐，每張檯都設有分隔板，所以食得放心。試業期間顧客可以用手機自助落單，每款主食還可即減$2，首先使用手機掃描單上的二維碼，然後喺電子菜單上選取餐點，點擊未落單嘅欄位確認落單，成功落單之後可以按帳單查閱訂單十分方便。 雞扒豬頸肉飯$56: 黑椒雞扒煎炸得超級香脆，雞皮很薄身一咬落去很多汁，而且雞肉唔會嚡口，而豬頸肉都有幾塊， 每塊都煎得十分香口，豬頸肉口感都很爽脆，另外可以額外再叫份菜脯，然後撈埋啲蔥粒跟飯一齊食真係十分美味。 雞扒炸魚柳$58轉撈烏冬另加$12:雞扒喺呢間餐廳嘅招牌菜，所以主食一定要食雞扒，雞肉鮮嫩 它是整塊上碟的 所以不會切開一片片，整塊食更加滋味，也可鎖住肉汁。而炸魚柳的粉漿也不會太厚 ，唔會太油膩，魚柳炸到卜卜脆，入面就滑捋捋，魚肉也十分鮮嫩彈牙，然後撈埋菜脯同麻醬烏冬一齊食更match。之後每個套餐就可加$2叫咗杯凍菜蜜同埋凍檸蜜，鍾意食雞扒嘅朋友一定要嚟食啦！+++++++++++

明德商場終於裝修完畢，引入了很多新餐廳，超市商店等，榮式雞扒一直久仰大名，今次開左係一間係附近，當然要捧場餐店可以自助下單，主食即減2蚊，當然要咁做首先點一份黃金湯肉鬆浸田園時蔬，自助下單圖文並茂，可以直接點選蔬菜款式，很方便小白菜配黃金湯的組合不錯，有點肉鬆及鹹蛋黃，湯頭真的像黃金般，閃閃發亮似的榮式雞扒飯，章魚蓮藕餅，上檯時賣相又唔錯，先試雞扒，雞扒又長又大塊皮，個雞皮好脆，沒有滿口油膩感，果然非同凡響碟邊既蔥油同辣菜脯撈飯，真係一百分，好想多要一份章魚蓮藕餅，好厚肉，中間還有一點蓮藕粒，炸得好香口，一啖飯一啖蓮藕餅，最後整碟飯清晒店內座位很闊落，地方都好乾淨，不過呢段時間，買外賣比較好

榮式燒雞扒坑口呢個商場重新裝修 開咗唔少新嘅餐廳 下午茶時間 諗住食少少野 順便試吓新餐廳榮式豬扒 配稻庭鮮烏冬+$ 4食物方面好多選擇同配搭 有得跟唔同嘅粉面 咁我就揀咗烏冬 豬扒會另外上 唔怕浸到林晒 烏冬煮得啱啱好 唔會太淋或者硬 豬扒都幾好食 調味啱啱好 不過稍為油咗啲雞扒鰻魚飯 好少喺茶餐廳食到原條鰻魚飯 仲要雞扒好大塊 鰻魚嘅質素就肯定唔夠壽司鋪好 但食落味道都唔差 雞扒大塊而且唔鞋 成個飯食晒一定夠飽 花生醬西多士（半份）配脆雞翼 $28呢個係下午茶餐 價錢比起其他粉面飯平 但份量就會少啲 有半份西多士同兩隻炸雞翼 同一杯嘢飲 西多士中間仲有花生醬 有跟牛油同糖漿 你可以按照自己口味嚟落 最好一嚟到就食 如果唔係就好快淋全部套餐都跟嘢飲黑啡（凍）少甜，少冰朱古力（熱）