永星冰室

Open Now

Now Closed

個個放工weekend黎到呢頭，通常只有一個目的，就係黎買生果。我就係黎行五金鋪執下有咩整下間屋，點知呢邊開左間冰室，就試試佢。間鋪都坐到二十幾人，小小逼但可以接受。選擇係多，仲有西式俾你揀。點完餐，先上飲品，我嘅奶茶，幾好，茶底都可以，我望人地杯凍奶茶嘅色好似泰式奶茶，偏橙啲。朋友點嘅凍檸茶同凍菜蜜，另加2元，正常。永星秘制沙爹牛肉米，45元，朋友話ok。香蒜海鮮意粉，50元，朋友話味道同配料都夠，不過就乾過頭，如果有番啲汁會好啲。卡邦尼魚柳長通粉，58元，魚柳係即整，勁脆，而且勁大舊。有啲芝士拉下絲幾正，味道都唔錯。環境都幾好，油麻地黎講係幾正。

每次人多就會偷工減料，要食等人少先可去食。味道係ok，但呢塊雞扒就細到極，價錢不變，但人多時，必會啲餸少半試過肉醬意粉只比一匙羹咁上下嘅肉醬汁，真係要叫佢再加。希望永星可以改吓人多就粗製濫造嘅本色P.S. 味道係幾好唔差，不過真係要唔多人先保持到份量

通常經過見佢哋都係冇開，check返佢哋嘅營業時間先知原來比一般茶記短好多。今日食左個早餐B, 沙爹牛面加火腿蛋多士。諗住同一般茶記一樣，食物送到枱面先發現有驚喜。牛肉好好味,公仔麵比一般既幼細,好特別，跟餐附上火腿蛋蜜糖多士。餐廳環境好舒服似coffee shop，員工好好禮貌。一定會再幫襯

其實早在上手手提電話跟「開飯喇」戶口仍在的時候，我曾經想光顧位於油麻地「永星里」另外一邊，鄰近油麻地「百老匯電影中心」的「新填地街」食店「永星冰室」，但是當時我不知道「永星冰室」原來很早就打烊休息。結果當時我來到「永星冰室」，「永星冰室」的侍應告訴我餐廳已經截單，不能再做我的生意。直到我用上新手提電話，跟「開飯喇」戶口之後，我第一次上門光顧享用「永星冰室」的下午茶。由於我發現油麻地「永星冰室」原來不做晚市生意，所以我選擇在下午茶時間，「永星冰室」下午臨近關門休息的「下午茶時間」，才享用「永星冰室」廚房製作，比較多食客享用的常餐。「永星冰室」的常餐名稱字眼頗長，叫做「永星秘製沙嗲牛肉麵」，想另外享用日本「出前一丁」即食麵麵底的話，還需要另外加港幣五元。另一方面，想享用「永星冰室」常餐裡面的「冰冰樂」飲品，又需要另外加不便宜的附加費用，例如我今次在「永星冰室」裡面享用的「冰冰樂」飲品，「奶茶沙冰」就需要另外加港幣十五元了。在經歷轉換「冰冰樂」飲品，和把沙嗲牛肉即食麵麵底加五元，轉換變成「出前一丁」之後，種種繁複的過程之後，「永星冰室」「永星秘製沙嗲牛肉麵」常餐實際價錢變得不便宜，變成港幣六

早幾日番工前經過油麻地，諗住同老公食個靚早餐先番公司，咁岩就係街到好顯眼既地方見到依間小店，入到去，座位數量唔多，一眼睇晒大約得10張以內既枱仔，人流唔算多，決定一試。入到去睇完menu，嗌左兩個餐，諗住起碼等番三兩個字先有野上，點知叫完1分鐘左右已經上左兩杯飲品，10分鐘都無就上埋成份早餐，仲要係新鮮熱辣架喎！真係好高效率👍🏻👍🏻讚一讚佢地d食物啦，老公叫果個沙嗲牛面配煎蛋同火腿，因為本人對面質有些少要求，唔鐘意太林，依度既面質又ok唔林唔硬岩岩好！我個份就係蒜香雞翼配炒蛋、火腿、蜜糖多士同沙律，個炒蛋好滑，一個字！正👍🏻有少少美中不足既係個雞翼，唔夠味☹️其他野食飲品都算唔錯👍🏻👍🏻

最近好友返左黎香港，又話掛住外國既西餐，奧爾加心諗：下下食西餐，邊有咁多budget 呀！見係老友鬼鬼，唯有搵下邊度有平、靚、正既野啦。我地最後去左油麻地廟街附近等，約左Lunchtime 去食，最後揀左呢個set，連杯奶茶先50零蚊。件魚口感好正，無冰味之餘又鬆軟，估唔到有驚喜。飲得杯落既奶茶，都幾重茶味，係唔錯既好似去左羅馬既感覺，唔知老闆係咪同我一樣鍾意外國呢？好文青旅行既感覺CP值高 食得又可以打卡既平民美食之選。

星期六休息日，揸車去一躺油麻地果欄，肚子餓便在附近先吃個午餐很多人啊。。。大部份進餐的都是一家大小， 很多小朋友都在吃通粉的，所以大朋友也不執輸，叫了＂卡邦尼豬扒長通粉＂嚐嚐果然合小朋友味道，醬汁多又好味，通粉不温不火，軟硬適中，有咬感 豬扒只有幾小塊，感覺未足夠，可能因近日豬肉價格上調影响，希望下次來份量會多1點點吧!香煎牛扒、3.6牛乳炒滑蛋、香腸、火腿、蜂蜜厚多士和沙律 很豐盛，很適合我既貪心，什麽也想吃，但眼濶肚又窄的類型，超滿足。 味道不過不失，中規中距呀2個餐都跟餐飲品的，埋單盛惠 $103

放lunch時段，去左公司附近既冰室食野。叫永星冰室。餐廳唔算特別大，係有少少逼，不過都接受到既。坐好左，睇一睇menu。佢既選擇都幾多下，有沙嗲牛麵，五香肉丁麵呢啲常餐。亦都有卡邦尼意粉呀，蒜香雞翼意粉呢，巨型雞脾飯。 最後我㨂左卡邦尼長通粉加杯凍啡 48蚊。等左陣就有得食，份量算多。好濃既芝士味，而且有用噴火槍燒過啲芝士，非常野味。佢個汁算多但食落唔會太漏，而且有好多既煙肉，對於一個煙肉控黎講係非常之開心。再講一講佢杯凍啡，比起一般茶記好飲太多喇 而且份量又多，極之抵飲。順帶一提，見佢menu飲品個欄，除左有一般茶記野飲之外，都有特色咖啡。例如有latte, mocha等。亦都有沙冰。下次再食一定要試下！

果欄附近其實係冇乜食店既揸車經過，想停低食個晏，點知俾我發現到呢間小店，呢間真係小店，係真係得廿個座位佢個名用得永星，就知佢係永星里附近，又仲要係冇乜其他餐廳，同埋用呢個名啦。呢到裝修係普通，睇落係唔高貴既，但普通得黎有種格，即係唔係茶餐廳，係冰室。知唔知講乜呢？算啦，睇相就明架啦⋯⋯講返食物啦，我叫咗個鮮茄芝士焗雞扒飯，由於呢條街抄牌好勁，我連泊咗架車，就連車頭都睇到架啦，都擔心要加餸食牛肉乾，所以外賣。但焗飯，佢點都係用錫紙盆架啦。呢個飯，面頭有豆苗，香草，食落便有一點點清新既感覺。雞扒係合格既味道，但飯呢⋯⋯就差咗少少，就算係用冷飯，都要落返多啲水，淋少少好啲，我就算唔係食開軟飯，都真係唔想食得太硬既飯。

今日午餐經朋友介紹，來到呢間餐廳。所有餐都是即叫即整，但等候的時間也不算長。看看餐牌， 十分多款式選擇，今次點了一個蒜蓉汁黃袍雞扒飯， 黃袍指炒蛋，都係個餐嚟到，先意會得到。個蒜蓉汁是較黑的，所以都再三問咗服務員，這是否蒜蓉汁。食落去帶酸，有少少蒜蓉味，又有少少豆豉味，不過係好味的，好開胃。雞扒的調味好，較多黑椒，所以好香。每個餐跟一杯$15嘅飲品，而我加$3，要左杯熱的比利時朱古力，心想會較濃，誰知同普通朱古力差不多，所以下次不會再叫。

天氣太熱了，走去油麻地果欄買生果回家做沙冰。行完一圈成身濕透，係時候捐入餐廳涼一下，順道午飯。果欄對面有一間豪不起眼的小店，門前的餐牌見到價錢幾平，平均五十元左右。店舖不太，可融立十多位客人。要了香蒜蜆肉意粉，份量頗多，面層滿滿的炸蒜，勁惹味。意粉炒得乾身不油膩。蜆肉當然不是用上新鮮的，以價值來說可接受的。港式奶茶意外地香濃有茶味，好飲。

去完百老匯電影中心見到呢間餐廳 見門面不錯 價格又不貴 就進去了。一般意粉/長通粉/焗飯餐都是四十幾蚊連港式飲品（例如卡邦尼意粉 蜆肉意粉等） 但我就點左相對較貴的豬扒卡邦尼長通粉（$58）飲品就揀左熱奶茶。先黎奶茶 試一下 不錯喔 是茶餐廳的味道。再黎卡邦尼長通粉 一試 真的覺得好好味😍 有黑椒果啲調味 口感豐富又唔膩 唔知係咪因為有外國人煮呢（佢地係開放式廚房 見到有外籍女士）不過可惜豬扒煮到好實😂 有半塊都比較鞋 破壞了之前覺得好好味的印象😂下次再去 可能唔再點啲豬扒雞扒😂不過卡邦尼汁真係好好味 可以encore~~

講明先，首先我要讚下呢間餐廳先，佢地服務態度真心好，香港好態度嘅店已經買少見少..但食物真係有待改善，所以希望寫食評等佢地改善下今日下午兩三點我叫左個set lunch 白汁芝士雜菌意粉 連野飲$45意粉黎到 個樣正正常常面頭有芝士 仲燒左兩野幾香一睇...意粉同汁分開煮...啲意粉明顯煮過龍 目測煮左10分鐘撈下個底仲水durdur本來我食幾啖就好想走因為真係好難食 意粉又漲 啲汁又有水喺到但咁樣好無禮貌 所以我都係食埋先呢間店其實裝修幾靚 態度又好但真係要改下食物質素 唔係浪費左間店咁普通嘅食物都可以煮得咁難食