永星冰室

Open Now

Now Closed

果欄附近其實係冇乜食店既揸車經過，想停低食個晏，點知俾我發現到呢間小店，呢間真係小店，係真係得廿個座位佢個名用得永星，就知佢係永星里附近，又仲要係冇乜其他餐廳，同埋用呢個名啦。呢到裝修係普通，睇落係唔高貴既，但普通得黎有種格，即係唔係茶餐廳，係冰室。知唔知講乜呢？算啦，睇相就明架啦⋯⋯講返食物啦，我叫咗個鮮茄芝士焗雞扒飯，由於呢條街抄牌好勁，我連泊咗架車，就連車頭都睇到架啦，都擔心要加餸食牛肉乾，所以外賣。但焗飯，佢點都係用錫紙盆架啦。呢個飯，面頭有豆苗，香草，食落便有一點點清新既感覺。雞扒係合格既味道，但飯呢⋯⋯就差咗少少，就算係用冷飯，都要落返多啲水，淋少少好啲，我就算唔係食開軟飯，都真係唔想食得太硬既飯。