永華日常 (利東街)

Open Now

Now Closed

🩷 永華日常📍灣仔皇后大道東200號利東街地下------------------------------1️⃣ 豬扒出前一丁推薦指數：👍🏻👍🏻👍🏻👍🏻豬扒很入味 調味剛好 很大塊 有口感😍搭配了出前一丁 煮得軟硬適中 加埋出前一丁的麻油 麻油香十足 正💕2️⃣ 五香肉丁出前一丁推薦指數：👍🏻👍🏻👍🏻👍🏻五香肉丁 大大粒 辣辣地 很惹味 同樣搭配了出前一丁 美味🤩3️⃣ 淨雲吞推薦指數：👍🏻👍🏻👍🏻👍🏻雲吞八粒 大細適中 一啖食晒🥰內餡有很多大大粒的鮮蝦 調味剛好 不錯😆4️⃣ 火腿奄列&牛油多士推薦指數：👍🏻👍🏻👍🏻👍🏻火腿奄列 大大份 奄列外皮煎得香脆 內裏嫩滑 火腿份量多😍奄列包裹住火腿 味道剛好 不會鹹 美味😋5️⃣ 凍檸茶&熱奶茶推薦指數：👍🏻👍🏻👍🏻👍🏻凍檸茶 茶味濃 夠冰凍 好飲 熱奶茶 茶味同樣濃烈 奶及茶的比例平衡 不錯🥰------------------------------食物質素不錯 份量十足 全部食物即叫即整 新鮮熱辣😍惟繁忙時間 服務員不足 很多枱沒有人收拾 需要排隊😆總評味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️

假日去開灣仔是但入間茶餐廳就黎左呢度試下。入去發現呢間餐廳比平時嘅係貴少少，不過可以接受嘅😂呢啲新或茶餐廳都係掃QR code落單- 五香肉丁出前一丁現火腿奄列 $55足料正常嘅常餐，但假日無得配飲品，要另外單叫。蔥油Double雞扒飯 $68雞扒2塊都好大塊煎得香脆肉滑，蔥油好香但成碟飯底好油。

走埋收銀姐姐叫個蔥油豬扒雞扒飯外賣，個姐姐問係豬扒定雞扒，我以為理解錯就話雞扒啦，加凍飲，姐姐話唔包嘢飲，我指佢枱面個餐牌俾佢睇，姐姐教訓我話下次講清楚啲！😡仲有一個令人難忘嘅面色。🫣結果成功落單「蔥油豬扒雞扒飯外賣」。👍🤣🤣食品實素：1. 雞扒豬扒都好食2. 蔥油多啲就好3. 撈飯豉油好香4. 飯好食

自己每逢放假，都喜歡去灣仔不同地方飲奶茶。 個人覺得這間的奶茶和食物都正正常常，不算差也沒驚喜平。不過要讚的是2位在二樓的年輕員工，當日中午1時25分入到去，不少OL仍在等餐，最後不少人等不了而離開，這二位年輕員工很受氣亦很盡力幫客人追單，到最後仍保持好好的禮貌。 自己的吉豬蛋飯雖然2時10分才有，但感謝這2位年輕員工服務，老闆就要改善一下廚房出餐的效率，也要讚賞這2位好樓面員工。這兒的環境算是舒服，冷氣亦足，估計日後會再來，當然會選擇唔趕時間的日子才來啦！！

大家千析唔好去!一去到有位直入, 但係由用QR crde落到單起計, 足足等了20分鐘飲品先到, 去到差不多25分鐘碗麵才到, 原預了30分鐘吃早餐, 結果都要食到狼吞虎嚥。到食完碗麵, 其他煎蛋腸仔多士完全唔見影！我可能已經算好彩, 我隔離位的食客等候時間比我更久, 他比我早到, 但係到我走時佢連飲品都未有。問d侍應佢話今日好多單, 所以等咁耐, 但係間餐坐唔滿, 門口無人等位, 也不見外賣員等候。但係就係出餐出得好慢好慢, 又聽到有人用QR crde落完單, 但係系統無, 又要人手落過。客唔多, 但超級慢！

見到永華出咗新menu，以為有鐵餐，點知得晚市先有，但係又冇寫明😓😓同餐廳職員擾擾攘攘左幾十幾分鐘，先至搞清楚原來晚市先有。無可奈何之下，叫咗個海南雞飯同埋咖喱魚柳飯。海南雞飯就不過不失，不過味道偏淡，而且啲雞嘅份量都比較細，至於咖喱魚柳飯，上到嚟得魚柳同埋飯，仲要份量偏小，咖喱吹咗佢幾次先至上，上到嚟食得都已經過咗半個鐘😓😓啲服務態度好差，做嘢都甩漏，不過勝在價錢平，呢個價錢係得呢個服務㗎咋😓

呢一間位於囍帖街嘅茶餐廳喺牛角集團旗下嘅餐廳，今日咁啱喺囍帖街行街，行到咁上下想食個下午茶，就同朋友去咗試吓呢一間 反正金卡會員有八五折！樓面睇落都算幾好坐，有卡位同埋唔同嘅座位 餐廳係用QR code落單，下午茶時段比較平，不過我就揀咗全日餐嘅沙嗲牛肉公仔麵沙嗲牛公仔麵嚟講，只能夠講佢合格，雖然牛肉份量好多，但係味道唔係真係太特別，加上佢其實收費都幾進取，$56，我加咗杯奶茶紅豆冰+$12，一個人食都差唔多$70 沙嗲牛肉公仔麵個面係幾好食嘅，唔係出邊嗰啲大光面，面質都幾彈牙嘅 多士煎蛋同埋火腿就平平無奇，唔係真係太特別 折後$57.8

灣仔不嬲出名食晏貴，好食少少都要過$100, 作為一名社蓄既朋友仔身同感受，辛辛苦苦搵埋搵埋，其實為咗餐食。喺度掙扎緊嗌咩嘢食嘅時候，掃行過永華日常外賣特價餐。咖喱汁好好食。抵食高質

尋晚同朋友跑完步，落到嚟見到嘅第一間餐廳，就入嚟試下，裝修新淨，成間餐廳夠光猛，座位闊落，幾好坐點咗無骨海南雞飯同鐵板雜扒配薯菜，兩杯凍奶茶少甜，因為跑步冇帶電話嘅關係冇影相，無骨海南雞飯係白飯，少少失望，以為海南雞會配油飯，啲雞都ok滑，但有啲細份，點埋幾隻汁食ok嘅，正常，鐵板雜扒就好大份，啲扒算唔錯，唔會話好韌，仲有煙肉同廚師腸，薯菜有薯角、椰菜花同蘿蔔，但蒜蓉汁就啖咗少少，兩杯奶茶都少奶，茶底濃啲會好啲，整體正常咁啦

今日諗住有鬆少少時間，去買個豐富少少嘅外賣早餐，但係真係搞到返工早到都變遲到！心情好都變差呀！建議無返半個鐘都唔好去買佢個外賣🤷🏻‍♀️等個外賣足足等左20分鐘，手腳未免太慢🤬🤬以茶餐廳嘅標準，真係唔能夠接受。20分鐘，成個餐都食完啦🙈🙈味道亦只係平平，唯一欣賞嘅係條腸仔，因為係廚師腸嘅味道，煎蛋變了個熟蛋，仲要係凍嘅！咁我等咁耐係等緊咩呢？又唔係新鮮煮出黎！真係食完都一肚火呀🤬🤬真係等了個寂寞呀，唔會再有下次！

喺利東街4:30想食個下午茶其實唔係太多選擇見到呢間類似茶餐廳嘅舖頭不如就入去試吓入到去佢俾咗個Menu我跟住俾咗個QR code等我自己落單我睇完Menu諗住落單奇怪嘅係QR code條link入面嘅套餐同佢比我嘅Menu 套餐唔一樣🧐🧐我都費事多問店員咁就喺QR code條link入邊再揀過不過係有啲古怪😌叫咗個雞扒面加兩蚊要咗個韓國麵唔知點解我一心以為韓國麵就等如辛辣麵但係點知唔係 一啲都唔辣😮‍💨不過個雞扒就好好食多士炒蛋都OK 不過塊火腿就硬咗啲茶走都係OK嘅 識得欣賞嘅係煉奶份量自己落👍

跟其他中伏食評差不多，呢間店的甩甩漏漏真係嚇怕人。好少可寫咁長食評~之前在佢九龍灣分店已經試過佢漏單狀況，真係催完又催再三催四請才有得食，之前以為自己個次唔好彩，原來... ...之後有次朋友話要來利東街呢間分店食，咁個次冇甩漏，食得幾開心。今晚凍冰冰，就諗住入去開開心心食雲吞牛腩蠔油撈幼麵，結果係食到冇晒mood。個app有得揀酸蘿蔔，我揀了要，不過由頭到尾連蘿蔔皮都未見過。迷！亦懶得問，why?  因為跟店員的不斷溝通，感覺就是好疲累。首先等來我的撈麵，點解冇了蠔油？莫非老眼昏花篤app時篤錯嘢，碟嘢乾淨淨點吃？即刻叫阿姐俾啲蠔油俾我，佢非常詫異我竟然要蠔油，我亦非常詫異唔通我有錯？即刻開個app一查， 真係個廚房或傳菜出錯。見到佢拎個幾滴蠔油出來，我咁大碟麵點夠沾🙄，咪禮貌地同佢講我點的是蠔油撈麵，你哋俾漏了蠔油俾我。佢自己望吓張單，笑笑說係wor，我叫佢再加蠔油俾我，佢竟然回應：頭先又話要少少！唉😩！我鬼知貴店同閣下都咁孤寒，真的只俾幾滴💦。最後碟蠔油就只係少少咁墊過調味碟囉！我都唔想再糾纏，只想快點襯熱食個麵，點知呢個時候我發現冇匙更😩！又要叫阿姐，又要等😩。最後我等到的是一

試過漂泊異鄉嘅我哋，特別掛住香港地充滿人情味嘅茶餐廳🥹利東街入邊有一間茶餐廳叫永華日常，放假行街攰攰地，嚟呢度嘆下午茶就最啱feel ！🥇燒汁雞扒配波羅及雞肉碎蛋沙律🍍呢個係新menu（永華會不定期更改菜單喔）佢哋唔慳皮唔求其，簡單一份茶餐都會滿足晒大家嘅需要，一塊煎雞扒上面加塊波羅其實已經生色不少。🥈熱香餅🥞配炸薯條🍟及雞肉碎蛋沙律平時嘅茶餐通常都係配塊多士，呢度竟然係有熱香餅😯值得一讚嘅仲有佢哋嘅碎蛋沙律仲會加雞肉，感覺好有營養！🥉法蘭西多士配薯條🍟及雞肉碎蛋沙律西多士一如既往，新鮮出品，做得好好食🤤伴碟仍然配有沙律同薯條，就算一個人去食無得同人share，都唔會食到悶！🐷🛎️ 必試指數 : 8.5/10 🌟#永華日常#wingwingpiglife

新年最後一日公眾客假期嘅下晝，朋友原本想去隔籬街食黑松露蛋三文治，但嗰度冇位，就嚟咗呢度，貪佢唔使等。佢開咗咁耐我哋都係第一次嚟，應該亦都係最後一次👎。雖然裝修幾靚，佢就標榜自己係老牌茶餐廳，所以啲侍應嘅態度都算係茶餐廳最差嗰啲，問其中一位男侍應，跟餐有咩嘢飲可以揀，佢明明揸住個Menu，就係都要話「咪茶餐廳嗰啲嘢飲囉」🙄好啦，到你諗住調整心態，真係當佢係茶記嘅時候，諗住佢可以快靚正啦，問另外一位女侍應要多隻碗仔，點知佢話要幫隔離嗰張枱帶埋個位先喎，乜茶餐廳都有人帶位嘅咩？🤦🏻‍♀️不知所謂至於啲嘢食就有相為證啦。兩個人唔太肚餓，嗌咗一個餐，包括一份三文治、三隻雞中翼、一杯凍鴛鴦（冇影到），加一細碗合桃露share，買單都要$84。茶記？真的嗎？現時有唔少幾十年嘅老牌食肆，被集團收購，除咗繼承咗個brand name，啲recipes，加埋連鎖/集團化更高效嘅管理，應該越做越好；點知佢好嘅唔學，淨係注重樣靚扮懷舊好打卡，啲人（當時店內有三位侍應同埋一位經理）都唔care啲顧客，真係嘥咗人哋幾十年個名😑

由於阿女在附近補習，都有機會來這裏吃下午茶，今天路經灣仔，未決定吃什麼的情況之下，亞女竟然說想吃這個餐廳，所以也坐下了。12點，不用等。自助網上叫餐非常難用 。很難才找到，我想叫的菜式，需要改善。小朋友都是叫了通粉，老婆叫了撈麵。看見有特色的辣腐乳carbonara，雖然並不便宜，但是好奇心驅使之下，還是叫左碟。小朋友的快餐沒有什麼特別。豬手牛筋腩都好食，麵不夠爽口，可以改善一點。腐乳意粉方面，做得比較乾身，意大利粉非常上汁。腐乳味道不算突出，可能是給芝士蓋過了。還是吃得出有點點辣。臘腸，只得五粒，當係點綴算吧。雖然幾特別，但是個人認為偏貴。