榮華茶餐廳 (Closed)

星期二去完吧，點都要食番正餐。原本打算去公和的，點知勁多人，唯有行前幾間，選了榮華的原因是貪佢有全日麵餐，不過入到去才知並不便宜。牛肚麵餐要$31，嚇了我一跳，只好叫男友點餐蛋公仔麵餐，我要淨牛肚麵。味道ok 啦，牛肚唔係好入味，但麵條就乜鹼水味，都值得一讚o既。唯一要彈的，就真係太貴了。

以前早上,逢去銀行整野,都會黎食個早餐. 最喜歡食佢既通粉.而且老板開會,都叫我地黎買打蛋撻. 熱食個陣,真係好好味. 依家多咗下午茶餐,5點半放工,同同事趕住黎食,最好係C餐,有牛肉/雪菜/榨菜通/意粉,加雙蛋,最重要又最好味係配多士. 新鮮bread既多士.奶茶/咖啡都一流.

今朝響尖沙咀搭地鐵前經過樂道,見到呢間老牌餐廳就走入去叫個同昨天一模一樣早餐連價錢都係$22,結果各方面都俾土瓜灣寶時優勝.首先係奶茶對辦,有茶味又唔鞋口,沙爹牛肉少少辣夠味,波籮飽夠脆皮可能係自巳出品關係,樣樣都好D但價錢就一樣,以區份計應該係抵食.本應有個笑臉但衰響服務一環,因為坐低時想個餐牌睇有乜野食,個伙計就好唔耐煩咁用手指響個餐牌上連指幾就行去.華仔話齋今時今日,咁服務態度係唔得.

最近勁度好甜..這裡的椰撻是我近來最想日日吃的東西..試過早上來買但沽清於是放工來買就有..幾乎放工就一定來買..點都要食少少先開心.一向試的椰撻味道會較甜好反感難得這裡的出品甜度適中..開心死..但工作轉到別處後可能要兩三個月才有機會試..惟有找找第二間頂檔..

下午行經樂道, 見蛋撻出爐不久, 就忍不住買了一個邊行邊食, 個蛋撻算有蛋味, 但酥皮好油下, 只屬一般啦.

今次無上次咁好食,而且個cashier計錯數,感覺有少少受騙.故意計大條數.真係好差呀!但overall都keep住笑容問佢..mug死人啦!今次唔坐咭位,因為d咭位枱底好多蚊飛..好怕..坐中間就無事.但以後唔來啦!除非淨光顧門口ga麵包伯伯啦!

等太太放工食dinner，口好痕，買件蛋撻嚟止止佢...酥皮算幾鬆化，可惜並唔係新鮮出爐。畢竟已過晒tea time，唔可以苛求太多...蛋漿香精下得亦不算多，不過略嫌有D死實...又係嗰句，唔係剛出爐就算係咁gar la...絕唔算係好出色嘅 egg tart，但又未至於好差...用嚟止痕就啱啱好...

我喺尖沙咀返工廿年有多，榮華都係陪住我大，佢哋出品嘅奶茶咖啡，蛋墶、菠蘿、雞尾同牛腩我個人覺得係油尖旺之冠，不過...係04年之前嘅往事，依家嘅榮華!？茶、啡？撞手神啦！菠蘿、雞尾？麵包師父走咗~當然唔係揾倒另一個更好嘅接手啦~蛋撻最弊~~酥皮還在，蛋味不再，食落仲有椰油同過量豬油味！經常未得就拎出嚟賣，蛋有點粉味！酥皮底滿是豬油！食一個要用1千吓situp先可化解！！！至於柱候牛腩，因為從來都係用碎腩，買相一般，外人好多都睇佢唔起唔會叫嚟食，不過佢嘅味道確實一流(尤其配飯)，依家都係剩返六七成水準！ 佢由05年裝修後，老fans都各散東西(包括本人)，除食質下滑外，部份都要歸功於佢老闆，對做咗十多年嘅伙記！小事一宗...炒！對掃地阿嬸...粗口敬之！對送外賣的...除要攞外賣，否則不得入內，一律要"mou喺門邊等...有order時老闆就會在櫃台邊攞一支方形大木條拍、拍、拍敲打牆邊，巳示聽令！十分涼薄！萬分沒尊嚴！！要皺着眉寫我第一個食評，希望...此情不再~~~

點了個沙嗲牛肉太陽旦麵+凍0茶,質素唔錯,之前試過對面前少少那間頪似麵店的舖頭,食唔過,大家都唔係真正的丁字麵但榮華好好多,可能師傅懂將煮麵的水溫同麵條的生熟度配合得宜,使剛上碟的公仔麵啱啱好.但牛肉麻麻地過咸,太陽旦就好正….呢到ga chili sauce有少少唔同.唔錯…

翻新了一段時間。「沙嗲牛肉包」依然是用鹹底的咸豬包（而不是普通牛油餐包/ 甜餐包），晨早出爐後再烘多烘，包底偏淡但香口，挺夾。沙嗲牛肉，當然跟其他沙嗲牛類製品一樣，同出一源- 跟其他茶記不同的是，沙嗲汁濃而不杰，有沙嗲味而又重花生味；牛肉雖然用梳打粉醃過，但落手輕，可接受。不過，還是比較喜歡以前麻石底的「金漆招牌」，同用舊白光燈打落成排麵包架的「架勢」。

以前o係呢頭返過工，發現呢度蛋撻好好食，一黎我鍾意食酥皮而且好有蛋味＞＜最重要係我試過買完拎返屋企要成一小時以上，但返到屋企咬一口．．．依然咁好食！價錢都合理

以前o係呢頭返過工，發現呢度蛋撻好好食，一黎我鍾意食酥皮而且好有蛋味＞＜最重要係我試過買完拎返屋企要成一小時以上，但返到屋企咬一口．．．依然咁好食！價錢都合理

六蚊一個大蛋糕, 裡面底部有小小蓮蓉~整體來講幾好味~

偷得半日閒，跟女友琴日路經，見有人响門口等買蛋撻及雞批，就走去八吓...見D雞批幾吸引，就順手買個..皮做得相當不錯--- 鬆化，帶微甜，熱辣辣，非常好；餡料就一塌糊塗--- 成pat黐笠笠，食到好膠口...浪費晒個靚批皮...正式臨門一腳撻Q...

朋友話呢度ｄ豬扒飯好好食家，尢其係ｄ汁好正咁話，所以就即管去試下啦，不過黎遲左所以冇得食，問左ｄ阿叔原來要三點前先有得供應，而且係賣完就冇，明天請早個隻！！所以唯有叫個粉麵餐食啦，味道都係一般者，屋企自己都煮到個隻囉～～由於係舊式茶餐廳所以唔好指望環境會好啦，而且如果多人既時候會有ｄ趕客既感覺，唔洗林住食完野仲慢慢“炭“你個杯餐茶，佢地會叫個客係你前面等（好似以前ｄ茶樓咁呢），仲好意思慢慢黎咩，拿拿臨飲埋去就好走啦！係佢地門口有ｄ懷舊麵包西餅賣，最鍾意既係佢地既蛋撻，超級好咪呀，每次經過都會食指大動家！！