溫莎堡

Open Now

Now Closed

週中跟同事的平常飯聚，在茶記解決。同事叫的公仔麵餐，有火腿煎蛋加奶油脆豬，奈何都是不夠熱的。煎蛋火腿都是正常貨色，可惜脆豬完全不脆，徒得一啖錬奶甜甜地。更離譜的是所謂的扎肉公仔麵，就僅僅在一碗公仔麵上放兩小片扎肉，少得可憐！小人喜見午餐居然有西冷扒，毫不猶豫即時落單。牛扒靭以及多筋乃意料之中的事，可幸仍有八十巴仙食得到。一坨杰撻撻的黑椒汁淋在扒上，詎料竟是鹹到無影！薯條即炸，老正發揮。至於菜蔬有蕃茄仔、紅蘿蔔和翠玉瓜，好食與否，好疑惑矣。扒餐還可以，公仔麵餐不行。

今次真係迫我上黎寫我既第一篇食評，原因係，從未食過一碟極之難食既茶餐廳碟頭飯-豉椒肉片炒河，又名豉椒凍肉片濕碎炒河，無鑊氣之余，又無味😮‍💨。最後似係大家姐既侍應，問我做咩唔食呀？我本來唔想講，打算埋單當買左杯$45熱鴛鴦就算。佢話：唔緊要，你講啦！我咪話碟野凍架。最後佢都有良心，只收我單點熱鴛鴦錢😅。唉，問題出左係廚房，其實好食既野，環境一般，都會有人食，難食既野，環境幾好都無用。認真 夜晚既大廚要換！唔信，可以去試吓廚師手勢。

見到外賣紙所以試下結果真係難食到爆個外賣一嚟到啲湯瀉咗好多出嚟 搞到啲盒好油個擔擔麵勁咸 雞扒有啲粉粉地唔敢食50幾蚊真係好唔抵！！！！！！！！！！！！！！！！！！！！

本身係付近返工 收工諗住是旦食晚飯見到門口好似桑拿咁 諗住唔會差 點知真係差到我唔夠膽相信叫左個叉鴨賴粉 野飲超快上左 之後等左成半個鐘先上到賴粉叉燒平平無奇 燒鴨無斬哂 三舊連埋一舊 又多骨第一次食燒鴨要用刀之後個賴粉有一半係生 未熟。。。心諗應該好快收皮

最近荔枝角開咗好多新餐廳，咁啱經過呢間就入咗去試。估唔到工廠區茶餐廳有點心食。 試左一個鳳爪排骨飯同埋蟹子燒賣。排骨飯有茶樓水準，燒賣個樣都幾靚幾好食，可能我鍾意實在啲嘅口感，如果有啲肉粒係裏面更加好。另外仲叫咗一個沙嗲牛肉麵早餐，沙嗲牛肉好夠林，沙嗲味夠濃，個麵夠爽同埋彈牙，腸仔嘅味道同一般都好唔同，一定唔係廚師排腸仔。最難得係杯奶茶有傳統港式茶記嗰隻味，仲係用黑白奶夠晒香濃滑口，整體個早餐都唔錯。原來中午仲有小菜同燒美食，搵日真係要再試。

之前我喺佢葵涌舊舖附近做嘢，原來佢搬咗過嚟我新公司附近。今次我仲喺佢哋個秘密通道入鋪內😄😄好開心又可以重溫佢啲菜式😆😆新餐牌好似唔同咗，雖然少左d d 菜式，但係都仲保留住舊式美味點心，燒味海南雞，下午茶套餐等等……講返正題，今日食左個原汁牛腩撈麵，仲送左杯飲品😄😄，牛腩好入味，個麵又彈牙，同以前水準差唔多👍飲咗杯凍奶茶，今次凍飲換咗冰杯鋼，可以保持冰凍，奶茶茶味夠濃，奶又夠滑👍👍保持到水準，好味喎！🥰🥰🥰

經同事極力推介👍🏻👍🏻，去了公司附近一間新開的餐廳，試了一個午市套餐 - 蜜椒薯仔牛柳粒餐。牛柳粒沒有筋易咬鬆化😃，薯仔外脆內軟😃，有甜甜的味道，而份量亦算大份，還可以免費添飯，更附上一碗中湯和餐飲，都幾抵食。👍🏻整體來說在這區已算不錯了，不用等位，又有大冷氣和卡位坐，老闆還介紹下星期有電視供應。下次再來會再試試其他菜式😋😋坐我隔離檯個阿姐叫左個海南雞脾飯好似好吸引，見到佢食曬d雞同碗飯，應該味道不錯😌。

早幾日同同事行過呢條街，見到有間新餐廳開左，諗住天口熱又有d餓，就入黎坐下涼下冷氣嘆返個下午茶。入到去都算寛敞簡潔，冷氣都剛剛好，坐位都唔擠迫，食完又唔會趕客離開。我地兩個人叫左一個越式香茅雞翼撈矇粉同埋炸雞髀薯條，賣相精美，味道都算出色，希望佢地可以一直keep到水準。越式香茅雞翼春卷撈檬粉雞髀薯條另外原來佢有兩個出入口🫢，一個係青山道，另一個係香港工業中心A座𨋢同時裝店中間有條通道入去。😲

今日早咗起身，咁咪早啲去食早餐。喺公司嗰頭最近開咗好多新餐廳，咁就去試下啦。今日就黎咗間隱蔽茶餐廳，原來佢以前舊鋪都喺度，只不過以前個入口喺油站對面，而依家個位就改咗喺香工車場青山道入口嗰邊。入到嚟望吓餐牌，咁有趣嘅，又有西式早餐又有點心盅頭飯。本身諗住點心應該伏伏哋，但望下隔離嗰碟，又好似真係好好味（皮薄多料）。咁叫咗個叉燒腸、奶醬多及朱古力濃啲。叉燒腸黎到之後，不負所望，正。然後再黎埋個多士，好開心佢俾咗厚多士。整體黎講，依度環境清幽，裝修簡潔又時尚。個早餐食得好舒服。埋單嗰陣仲有驚喜，原來佢門口啲傳單有$5現金券，可以用到8月尾。

下午茶個叉雞米份量都幾足。米粉少左啲，但叉燒同雞都幾多下。叉燒夠軟淋，白切雞好味又夠滑。最得意係送左個蛋撻。蛋撻有驚喜。原來有兩種，一種曲奇皮另一種蘇皮，岩岩食左個曲奇皮，下次要試埋個蘇皮。四五十蚊燒味下午茶送埋蛋撻，荔枝角工廠區都算抵食。