WM Café & Bar (荷里活廣場)

Open Now

Now Closed

呢間餐廳好有田園氣息，有一個好似後花園甘既環境，綠化既餐廳，環境幽美，好快就坐滿左，晚餐食物選擇都幾多，我地叫左一份黑毛豬鞍配薯菜，黑毛豬份量都算大塊，食物制作需時，跟餐叫左個龍蝦湯同埋一杯black coffee。黑毛豬配醬汁惹味。Pizza海鮮pizza餅底比較脆，口感都好脆，入面仲有好多涵料，海鮮都幾多，有魷魚，蝦，蕃茄，蜆肉等等，芝士仲可以拉絲，芝味濃郁。雞翼少少偏辣，柚子味可以再多d就會好d。

嗌咗個龍蝦二人套餐。龍蝦湯完全冇味，都冇肉同料。沙律偏細麵包同埋菜都唔新鮮都唔多沙律醬。龍蝦意大利飯一樣都係冇味。個飯好水冇咬口。都冇乜紅龍蝦味，個感覺好似水溝飯咁。龍蝦比較細，食起來好硬同好鹹。薄餅都冇龍蝦肉，冇咬口，唔夠脆。甜品好冇誠意，好hea。 服務都唔算好，吹咗上甜品幾次都未上。得個裝修唔錯，嗰時就係俾佢裝修吸引咗，但係大家千祈唔好中伏，下次一定唔會再嚟食。🥲🥲🥲🥲🥲🥲🥲🥲🥲🥲

共食咗$334吖咗兩個餐服務態度好差所以員工態度一致見到我舉手 扮睇唔到要大聲叫先無奈應我上菜時 掟落枱面 感覺勁差見到奶茶沖咗出嚟好耐都唔拎比客問多句都唔耐煩比完錢 多謝都無句食物方面 好一般餐湯 龍蝦湯好難飲好苦好澀🤯沙律無沙律醬 但只加芝士粉🤔唔係我口味燒春雞係熱嘅，但好細隻，味道算ok豬扒唔熱,只是暖,唔好食甜品餐牌上無寫係咩，一杯嘢嚟，感覺上面是涼粉，下面係布甸？我都唔肯定係咩，因為得個甜字，勁難食比較正常是凍奶茶🫣

叫左個$398嘅二人餐頭盤火腿帶子麻麻地，帶子無味，火腿正常鹹味Main叫左牛排，個醬得個樣，咩味都無，同盤嘅菇同蔬菜又係無味，塊排又肥又韌，差評5粒星⭐️⭐️⭐️⭐️⭐️仲叫左個慢煮時令蔬配意大利燉飯，因為無寫咩醬，特登問左職員係白醬先叫，點知都係伏左。d飯一d味都無，得d西蘭花有d鹹味，食飯好似食有d texture嘅白飯咁，差評8粒星⭐️⭐️⭐️⭐️⭐️⭐️⭐️⭐️見人地話dessert 好食，特登加錢要左個燉蛋同心太軟，味道都正常嘅，但我覺得個燉蛋太甜同嫩，心太軟太苦同唔夠軟。最重要係無細🍴黎食。好啦，意想唔到嘅部分黎了！！！個燉蛋配左塊曲奇，我個fd一食🍪個樣就🥴🤢😨。。。我以為曲奇點都唔差得去邊，點知我試完都🤡💩塊曲奇係差評10粒星嘅⭐️⭐️⭐️⭐️⭐️⭐️⭐️⭐️⭐️⭐️個人意見，望周知

放工後，嚟到荷里活廣場行街，原來呢度開咗WM Cafe的分店，餐廳闊落，座位都算多，食客不少，套餐抵食👍🏻🌟 #柚子蜜糖烤春雞配薯蓉伴牛肝菌・時蔬菜柚子蜜糖烤春雞外皮金黃香脆，內裡肉質鮮嫩💗柚子蜜糖的甜香與春雞的鮮味增添層次感🫶🏻搭配細滑的薯蓉，口感柔和，並且牛肝菌濃郁香氣更是提升了整體味道👅🌟#威靈頓牛柳（180G）•香煎厚鵝肝伴時令蔬菜威靈頓牛柳外層酥脆，包裹著嫩滑牛柳✨牛柳肉質豐腴，香煎鵝肝味道濃郁香滑，油脂香出👍🏻時令蔬菜清新🫶🏻🌟#迷你焗芝士肉醬薯條薯條外脆內軟，吸附了肉醬的濃郁味道🤤焗上融化的芝士，香氣四溢😋🌟#龍蝦餐湯湯的質地順滑，搭配忌廉，更加香滑👍🏻🌟#沙律沙律清新可口，色彩繽紛，酸甜適中✨🌟#精選甜品：杏仁豆腐奶凍杏仁豆腐奶凍滑嫩如絲，口感清新，香氣淡雅，作為餐後的完美收尾🫶🏻

場地同佈置都好靚同整齊☺️中間棵樹好似響應緊環保咁🌳又大棵同埋令人覺得餐廳好寫意☺️好舒服😚 座位又好闊落❤️意式辣肉腸薄餅🍕上碟Pizza熱辣辣，配上辣肉腸，十分惹味🌶🤩同埋有勁多嘅芝士喺度😍 即叫即整，成個pizza熱辣辣好好味😋芝士焗雜菌上層有厚厚嘅芝士喺度～雜菌好重菇味，有咬口🙌🏻雙層美國安格斯牛肉芝士漢堡好香嘅牛肉味！WM Cafe & Bar（鑽石山）📍鑽石山龍蟠街3號荷里活廣場2樓283-284號舖

見間野裝修得靚靚地又新開 就入去試下🫢 叫左個豬扒黑椒汁意粉 跟餐有羅宋湯同蘋果汁 加埋一盛惠$90蚊💰講真 人生都好少食到咁難食嘅意粉🤑🤑🤢🫢 啲意粉好似未煮透 好硬 而且個意粉本身質地好差 黑椒汁又唔夠 好似乾食啲意粉咁😥 叫左待應俾多碗黑椒汁又無左件事🥲至於豬扒 就係一塊普通到不得了嘅豬扒 唔特別好食亦唔算好難食🫢個湯都超級難飲🥣 飲左一啖就無飲 蘋果汁就不過不失 但要加$6蚊😌總結 就係應該唔會再幫襯😂 收人$90可唔可以有番啲良心煮好少少🙀💔

餐湯：龍蝦湯飲落勁飲蝦子麵紐西蘭穀飼肉眼扒(200g)塊扒勁簿勁頹。隔離枱食香煎西冷 $88 果塊扒重厚過我呢塊，又難切。得面頭係煎過，可能廚房都知塊野太簿，廢鬼事煎埋背面龍蝦汁墨魚汁意大利飯：個飯真係唔得。一上菜以為自己嗌錯肉醬意粉。就咁一pat龍蝦汁係的墨魚汁飯上面。食落重要冇墨魚汁味。最後加咗$14蚊配蛋糕。完全唔知自己食緊咩，如果個蛋糕係加$8都食得冇咗嬲兜飯都就嚟食完都冇人幫我地收走的餐湯既兜。上菜又慢。塊牛扒就嚟食完，個意大利飯都未上菜

今日係荷里活商場行街，見到呢間WM Cafe新開張好多人食，決定入去試下香煎帶子檸檬意大利粉 $138呢個配搭幾特別，加左檸檬落去有另一番清新既感覺，個帶子煎得好香，仲有小小燶邊，火侯岩岩好，意粉份量適中，爽口彈牙，配埋小小菇同埋露荀，賣相靚得黎又好好口感烤殼飼安格斯皇后牛排 $218配時令蔬菜、薯蓉布丁、紅酒牛肉汁 呢個牛排烤得岩岩好，夠林身得黎又有咬口，牛味豐富，配埋個sauce都好match配菜都煎得好香，翠肉瓜好甜，仲有雞髀菇，夠哂有誠意薯蓉布甸好有驚喜，有泡芺質感既外皮配埋軟綿綿既薯蓉，十分出色

我今日放工後，約同好友去位於鑽石山龍蟠街3號荷里活廣場2樓283-284號舖的WM Cafe and Bar食晚餐，環境舒適，坐得舒服。我和好友點左個 柚子海鹽烤西班牙伊比利豬鞍 Roasted Spanish Iberico Pork Loin Rack with Yuzu Sea Salt $208，升級套餐$48（是日餐湯、餐前沙律、吉列炸蠔2件及熱即磨咖啡）；菠蘿煙火腿簿餅 Pineapple & Smoked Ham Pizza $118。柚子海鹽烤西班牙伊比利豬鞍賣相不錯，伴菜及薯蓉好味，豬鞍烤得外脆肉嫩；菠蘿煙火腿簿餅係較簿的餅底，餡料份量較多，最實際是上檯時，熱辣辣亞麻👍

鑽石山行完街，見到呢間新開的cafe，木系設計，環境企理，之前又係土瓜灣度食過唔錯，就同朋友食個晚餐。澳洲烤羊架（2件）伴牛乾菌意大利飯 $168羊架烤得外焦內嫩，羊肉肉質軟腍，脂肪分布平均，冇膻味，risotto 煮得creamy ，牛乾菌味道香濃，菇菌味十足柚子蜜糖烤雞 $158烤雞皮脆肉嫩，蜜糖甜味同柚子的酸香令雞肉更惹味，配菜都好豐富，有青瓜、生菜、粟米、小蕃茄同烤過嘅菠蘿🍍凍檸檬茶 $32凍檸檬茶清新爽口，正常發揮，茶味幾香📌WM Café & Bar (荷里活廣場) (鑽石山)地址：鑽石山龍蟠街3號荷里活廣場2樓283-284號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #鑽石山 #荷里活廣場 #wmcafe #烤羊架 #柚子蜜糖烤雞 #牛乾菌意

第一次試食這間荷里活廣場新開的餐廳，兩公婆叫了一客慢煮紅酒燴牛尾意粉和一客意式茄茸香煎魚柳伴時令蔬菜午飯套餐。首先來的是番茄湯，賣相已經嚇人，一碗啡色的液體，上面有些芝士粉，嚐了一啖，完全冇蕃茄味，似是豉油溝水的味道！又來了一碗沙律，幾塊蔬菜夾雜了些麵包糠和一些芝士粉加醬汁，又是鹹鹹的。跟著主菜來了，兩件大大連牛骨的的牛尾，肥騰騰的。勉強切嚟食，味道像烚熟的，配上完全不彈牙的意粉和一堆啡色的醬汁，完全提不起食慾。另外那客意式茄蓉香煎魚柳，賣相有些似大家樂，但吃起來腥溫溫。 那些薯條又是像炸了很久，淋淋的、完全不香脆，像極隔夜油炸鬼。唉😞最後放棄了。吃不飽，轉場去麥當勞，吃了兩個漢堡飽醫肚，Yummy😂

喺約兩星期前仲新開張試業階段幫襯過一次lunch，本身都正正常常，出餐快有條理，所以都打算搵日再試其他嘢食。到今日再幫襯食lunch時，完全走晒樣。未到中午繁忙時間，全餐廳大概4成滿座，但係都可以出餐亂哂龍。本身每個set lunch都有餐湯+沙律+主菜+飲品，我落完order後兩三分鐘就上到主菜，但係餐湯同沙律等多好耐都未見。之後終於等到個湯，但係就未出沙律，奇就奇在聽到隔離枱就收到沙律冇湯。因為之前試業時見湯同沙律係一齊出，唔會咁混亂。然後終於明點解會主菜上先，因為個主菜係另一枱嗌左同一樣野，因為有一個客話等左勁耐都未出，其實我碟應該係俾嗰枱嘅先啱。到食完野好耐杯飲品都未到，原來水吧已經出好哂啲飲品，個個侍應都好似望唔到咁，我見佢哋好多次經過都唔攞飲品俾人（又唔係繁忙時間同好多人落單/送餐），最後都忍唔住要追問先拎俾我。明白好多餐廳試業後水準會冇咁嚴謹，但係短短兩星期用餐體驗就落差咁大，好難會再幫襯。

呢間絕對係我人生中食過最難食嘅餐廳，沒有之一！好似水一樣嘅所謂蕃茄湯，唔好意思，係羅宋湯加水嘅味一碗前菜沙律，7仔買嘅都好食過佢，塊煙三文魚手指公咁大塊，罐頭粟米粒，加啲九唔搭八嘅中華沙律價值$208未加一嘅肉眼，150g，肉眼睇到都有一大條筋同脂肪喺中間，側邊啲檸檬椒鹽又係九唔搭八，長期出現嘅罐頭粟米粒，個兜仔又係好重獻威靈頓牛扒仲出色，全熟，入邊有啲碎濕濕嘅，唔知係咪火腿嘅物體，冇蘑菇碎，跟餐有一舊又可以同手指公差唔多大嘅鵝肝，凍冰冰，嬲到冇影相甜品繼續一如成餐飯嘅質素，難食就不在話下，芝士蛋糕冇芝士味，真係自己整嘅都靚過佢，重點係難食呢間餐廳係新開，埋單$430連埋加一，真係唔好話點解咁多人唔願意喺香港消費，依家唔係唔肯使錢，係質素同價錢完全唔成正比，侍應態度好一般，食到最後擺到成枱都係碟先嚟收，叫好耐先有人應，真係食完嬲到一肚火，餐廳音樂又嘈，好似落咗酒吧咁，咁嘅食物質素同服務質素

我哋3個人，張飛係將會叫號碼，而2人飛嘅號碼都係，但眼件入面有超過3張4人枱，2人枱亦有數張，樓面只係不斷叫2人枱嘅客人，就算係遲過我哋拎飛嘅幾組食客，都早過我哋入座，完全唔理解，問返餐廳就只係叫我哋等，佢哋叫晒所有2人嘅，先到我哋！坐低後叫咗三個lunch set，有三杯飲品，出餐慢得可憐，出第一個餐後，都食到一半先出第二個餐，第二個餐食完先出第壹個餐嘅飲品，跟著又等咗一陣先出第二個餐嘅飲品，第三個要追仲要分兩round出，跟著有要追先出埋第三個餐嘅飲品！其間隔離啲2人枱已經換咗兩批食客！