和記餐廳 (Closed)

2008年9月16日出過一篇後以為唔會再去和記食= = 點知2009年1月11日夜返到西貢超唔切買餸...朋友又話去和記...重幫我落埋單..四十零蚊個晚餐重係水準不穩不過不失亦不重要 我想講既係十點幾吃飽飽準備離開前5分鐘前發生既事...大家都知呢幾日寒流襲港10點幾和記大門竟然自動打開寒風猛吹食客就算坐近門既人人手關上好快又會自動打開...事件擾攘了一會有店員話係因為廚房阿姐怕凍關閉了廚房某個抽氣扇關係 結果影響到大門被風流吹開 囧人地做生意就冇理由封左度門可是一眾食客要求店員重開廚房抽氣扇不果店員回覆指廚房阿姐不答應要求 老闆亦不在場結果部份食客唯有自動將食物搬到另一邊單位去躲避寒風(和記為雙單位打通 單正門餐廳)還好我跟朋友早已吃飽否則便要像某位食客一邊打冷震一邊吃晚飯 = = 真係好日唔出街食 出外食晚飯就出事重要係廚房阿姐請食客食西北方咁都俾我遇到同場食客有上openrice就進來留言揮揮手/

從campsite回到市中心。明知campsite既canteen水準唔掂，所以就只好餓住肚仔等其他入camp人士食曬飯再搭專車出黎。3個人要了3個$40既套餐，有湯、飲品、餸同白飯。分別係沙拉骨、魚香茄子同椒鹽鮮魷。沙拉骨整碟共有大大的5.6件。面頭鋪了層厚厚的沙律醬，很是酸甜，很對口味。只是略嫌太多骨，除非用手協助，否則很難吃乾淨。魚香茄子 茄子煮既火候剛好，有口感之餘又不會硬。加了少少的咸魚粒，咸咸香香，送飯一流!椒鹽鮮魷這是唯一失色的小菜。鮮魷切得太大舊，炒得不夠乾身。更重要是失去本身的靈魂--沒有椒鹽味!湯，是粟米紅蘿蔔煲豬骨。材料不少，更加了南北杏。最重要是喝完沒有感到口渴。

星期日訓過龍冇去買餸因為和記隔離間陳權記態度又差又時常多收費用結果朋友提議一齊去和記食晚飯咁就中招啦...朋友先到和記重幫我叫埋餐40蚊 有湯 有飲品(冷熱同價) 1個餸 1碗白飯= = 佢好叫唔叫埋d碟頭飯都有既餸分別係 咸菜牛柳絲 + 麻婆豆腐2碟餸都超音速上到...重快過冷飲...咸菜牛柳絲 一般都係常見味道不過有d乾...麻婆豆腐 先要命...竟然係素麻婆豆腐 即係 榨菜代替豬肉的低成本之作...店員話一直都係榨菜...味道勁咸又酸冇乜辣味...難食到爆最後頂唔住淨返大半碟麻婆豆腐走人臨走時見到有食客叫左平價版碟頭麻婆豆腐竟然唔係榨菜而係豬肉..真係吹到飛起...點都估到差到咁冇朋友...和記..你好野早鬼知道去隔離陳權記貼錢買難受都話又味道又有水準...

偕友人往西灣，傍晚六時四十分回到達西貢中心，本想直接轉車往鑽石山，眼見候車人龍太長蜿蜒幾里，決定先用晚餐，找一家較大、可久坐一點的，選了和記。打開餐牌，驚喜和記的素食款式比一般茶餐廳多，每列大約有二款素食，湯粉麵類如是，真的十分高興！我們點了素什錦湯米粉及咖喱豆腐飯。素什錦湯米，即羅漢齋米粉，有好幾種菇在內，還有枝竹、雲耳和豆角，全都十分入味，湯底惹味，米粉不會爛，口感很爽。咖喱豆腐飯從頭到尾都充滿驚喜。一、一般茶餐廳的素食咖喱都是雜菜雞蛋，豆腐比較罕見，連不吃奶及蛋的素食朋友都可享受美味咖喱；二、豆腐炸得金黃乾爽，上佳臭豆腐的模樣，內容真材實料，實非坊間稀溜溜豆腐或豆卜可媲美；三、咖喱是咖喱，不是萄汁，屬小小小小小辣。當然，米粉湯底和咖喱美味如此，烹調時有否與肉骨同熬就不得而知。ＰＳ. 餐廳很滿，但服務相當快速，我們還沒揚聲，阿姐很伶俐的自動送茶和給我們額外碗筷；我們離座時，收拾碗筷的兩位阿姐不小心把筷子掉到地上，我幫她們拾起來，她們也很有禮貎地道謝，不如其他評論所言之差啊。ＰＰＳ.　看見其他食客的飯菜份量都很大，大家都吃得相當愉快。

通常去茶記食早餐叫咗野食十分鐘一定到, 但lee 間野係要等半個鐘以上, 通常去玩水, 8:30度 到西貢, 食早餐, 上船, perfect. 但你去lee 間要預一個鐘. 仲要d 態度極差, 我問 : 我個a 餐到未 (己等20min)waiter : 得得得問第二個: 我個a 餐到未 (3min 後, 因佢o個度冇乜人, 叫極都冇人應)waiter : 來緊 (佢又知我食乜?)結果等到 25min, 隔離枱遲過我地到又有得食,另一邊枱d 野又送錯晒, 我同班fd 頂唔住& 我地冇時間再等 走咗, 去第度食, 好彩o個日8:00入咗西貢, 唔食乜都食唔到又要受氣.唔怪得成日都有位啦....我絕對絕對唔會再去

四人wakeboard 完食tea.......... 打個menu 全都係比平時貴一點......... 算吧啦, 呢排物價貴, 都冇計........ 但係之後d 野真係有d 離譜.......... 下午茶熱狗好似仲細過個波蘿包...... 條腸比廚師腸細三份一.......... 另外個薯條漢堡扒...... 塊扒細過龍堡唔在講, d 薯條仲只有唔過十條......... 最衰冇影相, 真係cheat 鬼佬, 因為menu 有英文???!!!!

行山後小竭，見門面OK就入去，怎料中招。點菜－－揚手五分鐘就未有人理會我們，阿姐自顧自地傾計，唔休做乎？食物－－$20的茶餐換來竟是街邊$10五件的煙肉腸仔卷，一件$4，好貴啊！服務－－阿姐望也不望我們就將食物放下，而且將錯鄰桌的食物給我們也不知，要不停叫住她才知道如果不是開在碼頭旁已這樣的質素應該不會這麼旺吧。

跟友人行山前去食個早餐,求其下入左呢一間,真係入錯晒。呢一間絕對係屈人寺、黑店。我叫左豬柳蛋米粉($25) + COT (加$2), order左15mins都仲未到,20mins杯COT先到,過左一陣豬柳蛋米粉上桌,個賣相差不特止,仲要勁難食。湯底淡如開水,豬柳一小塊切開四件,隻蛋乾到入唔到口。$25一碗豬柳蛋米粉唔緊要,如果係好食的話。可惜呢間真係好好好好難食,仲要咁貴真係趕客。Badlist~~~P.S 友人食完佢碗粉,佢杯熱杏霜都未到law

叫了一個Tea set, 五香肉丁湯米+ 熱奶茶。食第一口五香肉丁是凍的，咁，我就o拿o拿林用Ｄ熱湯米cover佢先啦！跟住就可以食到暖o既食物喇~~~ 所以下次食o既時候要小心！

24 June 2007 (Sun) - 早餐去玩canoeing前，黎呢度食早餐，但真係唔得囉，叫咗個腿蛋治加熱杏霜，啲嘢勁耐都唔黎，爭啲以為漏單，然後腿蛋治勁薄，熱杏霜仲有陣霉味，我只飲咗兩啖就無飲．．．雖然勁多人去，但我相信係無乜選擇，先至咁多人～～～=(

在這裡點了兩個普通茶餐,一是雞翼最好在於雞皮無咩肥肉,而且炸得啱啱好,另外點左個豬扒包呢個真係好經典,真係無諗過一間咁普通的茶餐廳竟然可以有點咁高質素ga豬扒包呀!唔怪之得枱枱都點啦! 佢塊豬扒好嫩一d都唔鞋.但係嫌d汁太少啦! 於是就自己加左d茄汁咯!

2007年4月15日（星期日）走完麥裏浩徑第二段後到和記餐廳喝,剛差10分鐘才到六點，所以還來得及叫Tea。1．厚奶油多士+凍檸蜜（$19）普普通通。厚多士本來最好是面層脆脆的，內裏鬆軟啦，但這裏的多士不夠熱和脆，太少練奶，牛油是cheap cheap的那一種。2．豬扒出前一丁+凍檸樂（$24）豬扒丁OK。凍檸樂沒有用可口可樂，是汽水機可樂，cheap cheap。

二月十日約咗兩個朋友入西貢行山，臨出發前當然要食個豐富的早餐才上路。已經很久沒幫趁"和記"，加上佢又不用等位，所以决定再試。叫咗三個早餐A，包括炒蛋多士+火腿通粉+熱飲。炒蛋好老，多士唔夠厚，火腿通粉普通。$20唔算貴但唔係好食，比起昔日的水準實在退步咗。下次會試其它店。

上星期日我同班fd去食lunch~叫左肉絲炒麵,星洲炒米,楊洲炒飯同吉烈豬扒飯!先說說肉絲炒麵,個麵炸到黑蚊蚊,,個汁又稀又冇味~星洲炒米,個賣相已經衰,冇色既...仲有幾條係白色既一一"一d都唔辣!楊洲炒飯咁基本既野都整得唔好食,濕個囉d飯~~唯一最好既係吉烈豬扒飯,有d水準,不過成39蚊碟,真係貴到離晒譜~平就唔好食,好食就貴到咁....搵你幫襯呀~係中環開鋪就差唔多啦

呢黎度食早餐係因為隔離好多人...呢度都幾大..不過...周圍既人都食煙...差勁!我同朋友都係叫左早餐A...火腿通粉普通過普通...炒蛋麵包...厚厚的一層牛油...見到都唔敢食! 麻麻地...唔會再有下次...因為我行過隔離幾步...就有間叫Sai Kung Cafe...包係新解出爐..又有位坐...見菠蘿包好大個呀!