和記餐廳 (Closed)

個度既星洲抄米同埋焗朱扒飯好好味,因為份量夠多所以我覺得價錢合理!俾起一般既茶餐\廳乾淨同埋燈光夠光猛。

和記係西貢區內質素不錯的港式茶餐廳,面積幾大加上幾企理.我細細個時屋企人會帶我去食晚餐到我依家大個都會同屋企人去食,叫2個套餐已經夠4個人食~因為份量夠多同埋味道不錯.依加亦有海鮮來料加工服務,在西貢街市買了海鮮,可以在和記內煮,抵食好味同埋一定唔會好似出面d海鮮酒樓噤換海鮮!其他的煲仔小菜,沙薑雞腳也不錯.

通常食過就算唔好，都算數，最多下次唔好幫襯。但呢次條氣真係好唔順！個日去食早餐，待應態度唔好，由佢啦！因為腸胃唔好，就清清地叫炸菜麵餐，一個炸菜肉絲麵餐係25元一個肉絲麵餐係22元我落左order，個待應都冇講任何野，但等我埋單個時，收銀個女人話：一個炸菜米粉餐都係25元因為呢個係炸菜肉絲──不過走肉絲！最後因為趕時間，唔得閒同佢地抝，俾左錢走人算數有冇人聽過餐牌上有炸菜肉絲麵，又有肉絲麵，但你要炸菜麵就變成炸菜肉絲麵走肉絲呢？

身為一個西貢仔,都知這間野態度傲慢,有唔憂做的心態.每逢假日,都都很多人.因為貪佢近碼頭,所以好多人都中招.一假日去食早餐,等都預左,但是我就試過等了半粒鐘才有野食,又等多15分鐘,連杯野仲未到!己經食左9個字呢!我問我唔要杯野飲啦,要求減返杯野飲價錢,個待應仲夠膽說你唔飲就得,減就冇可能!如果要原價淨食個早餐,仲要我俾多2蚊呢!咁都得!我平時食晚飯,叫多左,食唔晒,問佢俾個盒打包啫,個waiter無程程在我張單寫野,一看之下,"+2".加兩蚊買個盒!真是聞所未聞!佢地話個老闆下令呢!你話我作為西貢仔,日見夜見,唔嬲有假!所以我都堅決唔再去這間不知所謂的,唔憂做的茶餐廳.都唔係街坊去的,我想都是叫班九龍/香港遊客"幫襯"好了!自問受唔起咁既態度呢!

8月頭，又係搞家族船河的好時候! 貪和記近碼頭，就order 了30人的套餐到會，乾手淨腳。我往年order了大x樂，有得比較。9:30 送上船下午先食，凍就預料之內，比過food list大家睇睇($900，35人食)：雜果沙律- ok芝腿治- 好鮮，麵包夠厚豉油皇炒麵- 凍了都咁好味炸雞翼- 同上炸魚塊- 偏腥，太乾身楊洲炒飯- ok乾燒依麵- 幾夠味講真，鬼咁肚餓就乜都擠落口! 對船河午餐亦無太大要求，但整體來說都不錯，比大x樂的份量仲足d。由於我係搞手，對佢地的service (入數，cfm menu, 自動送多10幾份餐具及送貨時間都好滿意) !

細個食過, 已經覺得又貴又普通! 大個仔, 響全港各區, 唔計世界各地, 試過不同美食! 計落, 呢間真係受難作! 服務水準會令我諗起倫敦唐人街既旺記! 燈光又暗, 價錢又貴, 食物比一般茶餐廳更差!

貴! 服務差! 食物差! 地方不清潔! 食物不清潔! 絕差食肆第一位! 從未如此感受過!

一朝早帶隻狗仔睇醫生,睇完都係十一點幾,就貪方便黎呢度食個早午餐.因為帶住狗仔只能坐外面,超熱~ 但都好多人坐,睇黎都係行山人士多. 四個人一人一杯凍飲,另叫了雪菜肉絲湯米,叉燒牛肉湯米同一個公司治. 凍檸水超甜,凍檸茶因為交帶了走甜就好一點,而且茶底都唔錯,但凍奶茶就唔掂,冇茶味得個甜字. 公司治一o的都唔好食,塊包烘得太硬,可能為了掩飾麵包唔新鮮. 雪菜肉絲湯米好似成$25一碗,只係普通碗份量,而且睇得出只係響米粉上面淋一pat杰撻撻既餸料,無論賣相同食味都唔得. 叉燒牛米都成三十蚊碗,冇食唔知味道如何.總結係又貴又唔好食,見其他人食炒粉麵飯多,唔知會唔會較好,但我就應該冇下次啦~

炒蛋多士還以為是厚厚的那種加半熟的炒蛋,原來只是普通的烘白麵包炒蛋像奄列又沒有蛋味。

我覺得-肉醬意粉-大碟又好吃

小妹都幾鍾意釣魚,之前朋友都會叫埋我入西貢出海釣魚,為免太肚餓(因為我住香港仔,好隔涉),有時入到去都會再食d野先去book船釣魚,這間係我其中一兩次去過,而又想再去的,記得上次叫了一客生炒牛肉飯同沙薑雞腳,炒飯炒得夠乾身,賣相不錯,食落味道ok,碎牛又唔係'鞋',至於雞腳,可能係鹽水浸,所以不使點沙薑汁都好夠味,又夠腍,唔錯.等我下次有機會去開西貢,再去試其他美食先!

我最鐘意和記o 既焗朱扒飯酸酸甜甜好好味另外栗米雞扒飯亦好夠味