禾味家

Open Now

Now Closed

今日平日，夜媽媽11點懶得煮飯就諗住叫外賣自取啦！點知打電話落去禾味家打左二十幾次都冇人聽！都算啦，終於打通左，有個男仔聽電話，我叫左個炒河粉同埋咸魚豆腐煲，我問個男仔個豆腐煲有冇跟飯❓佢問完側邊個人，問完就答我有跟飯。點知等30分鐘拎返黎得個豆腐煲，冇跟到飯，好啦我又不停loop，又要打二十次電話過去。打左二十幾次後有個鄉音阿姐聽電話，同佢講返個情況，佢一講就話冇跟飯，要加錢。同佢講返係佢同事講有跟飯，我地先叫，佢都係重覆呢幾句。跟住好晦氣又比另一個阿姐聽，兩個阿姐都係完全冇幫助，淨係叫我比十幾蚊買個飯。十二蚊唔係問題，問題係我就係要食飯我先叫呢個餐，問又問左你地餐廳，最後又要我重新落去比錢買過？完全接受唔到呢間餐廳的服務態度同處事手法，發生呢件事係冇人打算問清楚果位落單既男仔係咪講錯左，承擔返佢地應該做既野，淨係一味話個餐係唔跟飯，完全冇用！！😮‍💨另外食物都真的唔好食😑講真，除左近真係諗唔到佢任何優點。

點外賣態度惡劣，問多两句就好吾耐煩，出品已好一般，價錢老實講未算太貴但都吾便，真系以為得佢一間？下次米行多两步咯，行多两步會餓親？BTW 問心個句，燒味系ok的，水準keep到

果晚天口㷫烚烚，想飲茶記「凍啡」解喝，又無係食晚飯時間所以決定加餸。叫左一味「中式牛柳」（$79），「蒜香金沙骨」（$69），哩個價錢黎講，份量唔算多，屋村樓下茶餐廳的價格算係偏貴。始終這裏又不是甚麼貴屋村。味道係幾好食，健康的飲食生活黎講，但算係偏鹹～重口味，晒曬d鹽.「凍啡」先至係重點，飲左半杯左右，唔知點解肚去左3次！真係接受不了，我平時又不是不能喝凍啡的人！仲有，邊有外賣唔比單！自己影底！

點了粟米魚柳來到後,試了一兩件發現有問題向職員反映魚柳沒魚的,全部炸粉職員行過來第一句就話食咗一半,驚死我要佢換過一碟咁樣,我就話反映一下問題最攞命係職員覺得冇問題咁樣真係垃圾餐廳,執咗佢喇有圖片為證明

除了燒味部出品正常之外，其餘晚飯外賣速度又慢，經常出現包錯餸，先後次序亂晒，姐姐唔多醒目，食物味度經常過鹹，品質參疵，就算裝修過店鋪，清潔衛生情況一般，其管理層應該注意一下。

打電話落去叫外賣，就話而家冇人手唔送，要自己落去拎，未講完就cut 線，咁唔想做，就好心執咗佢啦，態度咁差。嬲到我唔會再食。之後叫咗外賣 八方雲集食。叫外賣 大把選擇，都唔會叫呢間野。

補番一篇早前行完山嘅下午茶食文，睇相見啲店員戴住聖誕帽就知喺早前聖誕節期間嘅事，當時未爆第五波，所以，行完山再食個下午茶都安心嘅。今次就由金山，一直上筆架山、獅子山，最後經慈沙古道，落慈雲山離開。由朋友帶路嚟到呢一間屋邨茶記「禾味家」食個下午茶先結束，唔喺朋友帶路，真喺估唔到呢度有間茶記，隱秘到呢。 既然屋邨茶記，加上從外圍睇呢條邨都有啲舊，所以，裝修都唔會太新派，整體嚟講，平平實實，乾淨企理，而且，地方都幾大，枱櫈嘅編排都闊落。  雖然，餐具就咗放晒晌枱面，方便到客人，但呢啲時勢就唔多衞生，不過，依家稍為注重衞生嘅客人，都會要杯熱水洗洗啲餐具消吓毒，等自己都安心啲。 下午茶時段，晌門口就放咗大大個餐牌，揭起埋下午茶嗰頁，一眼睇晒，有輕盈啲嘅，亦有燒味、粉麵飯餐，始終都喺做屋邨客，定價都算相宜。但老實講，服務就一般般啦，收幾十蚊個茶餐，都唔會要求太多吧！金牌沙嗲牛肉包 $32通常菠蘿油喺首選，無嘅話好多時都揀沙嗲牛肉包，因為，茶記嘅沙嗲牛都衰唔得去邊。睇樣，個沙嗲牛肉包好足秤，大大條熱狗包，塞滿晒沙嗲牛肉，啲牛肉好腍滑，充滿沙嗲香，汁底夠晒惹味，而且，唔會太瀉身，流到一手都喺，包身又暖

呢間野難食就基本而且成個慈正邨得呢間食肆所以好多人都迫於無奈要幫襯佢服務態度差相信有去過幫襯嘅人都知上年疫症勁嘅時候仲見到廚房嘅廚師唔戴口罩煮野食比人但無諗過今次再令我大開眼界話說我叫咗個辣子雞丁飯外賣返到屋企打開見到個我都唔知可以點形容嘅飯

最近慈云山工作，禾味家是我經常到的餐廳，坐得舒適，食品不會太難食，又不是最好食，燒味部叉燒比較林左啲，雞肉質比較實，燒肉最正脆博博其他地方食唔到，個湯好正冇味精，早餐都OK服務幾好，一坐低即刻有人招呼，星期六星期日就差啲，因為生意太旺做唔切。

星期六早上約左班朋友去行山，出發前就去食個靚早餐先，發現左呢間位於慈雲山嘅平價茶餐廳！睇個餐牌都有好多不同選擇，而且每個套餐都只係$30左右，超值之選！我就揀左B餐沙嗲牛肉轉米粉，店員仲話可以煎蛋轉炒蛋，加杯凍檸茶少甜！個沙嗲牛肉米好濃味，牛肉夠冧得黎仲有d咬口，一碗有5，6塊大嘅牛肉！不過食到最尾就覺得有點咸！另外個多士整得夠脆，不過略嫌個蛋唔夠滑！但係以$30食一個早餐黎講，質數已經算好好！！

打電話想叫外賣 講完話要外賣即刻被cut線做食肆生意咁都得 真係呆左 再打多次問係咪cut左線 佢先話早餐唔夠人送外賣 自己落去拎冇人送唔係問題 但講都唔講直接cut人線真係不知所謂呢d態度 以後都唔會食 👎🏻

打電話去叫外賣 問下午茶餐有咩 揀佢話有粥粉麵飯囉 我問咁飯有咩揀 他話好多架wa 我講唔哂比你聽 自己去睇🙄我和他說我就係沒得睇先問...最後比人cut線 以後都唔會再叫依間 又貴又串

平時我下午先會叫外賣，甘佢會送上黎，我早餐平時都系落去食，但今日朝早有野做我行唔開，打左電話落去問下有冇得外賣上黎，因為我唔知佢早餐會唔會送上黎，甘佢就好惡就話冇啊，跟住我都算啦，諗住叫野食果時佢就cut左線，語氣又差，已經唔系第一次，好幾次啦

星期日中午打去叫，不嬲打開呢間。同平時一樣叫飯食，次次都比tips，打去叫曬野食咩飯，飲咩落曬單問過佢幾次，連野飲$65，送到黎漏野飲，咁我當然我打番去比佢，佢聽完都認漏左，同我講話下次加番得唔得，我當然唔答應，食飯無野飲點得，加上佢地責任問題。之後佢話要加番$16蚊先送番野飲，話唔係下午茶，我叫左十幾次已上，我會唔知價，加上我再三問過你先確認落單，連你都幫我落左野飲，咁做完全係不負責任既做法，完全係頼數，叫左咁多次都唔洗加，送漏就要我加番錢？另外呢同咁既沙津sauce溝埋班塊收$65 都過份啦下話，仲要走數？

食物無問題，廚房師傅有一定水準，但係樓面侍應可以話完全無任何服務可言，踢一踢先識旭一旭，唔醒目之餘，而且經常性地落錯單又或者無視你，唔係住得遠的話真係唔想幫襯佢地