和味館 (Closed)

今日在荔枝角睇完戲 朋友帶我去福榮街食飯佢話之前食過覺得唔錯 的確坐落地方寬敞 服務員熱誠招待 餐廳間市唔單止有小菜食重有點心供應 間唔中飲過夜茶都唔錯不過我地今晚叫小菜食 㨂左辣子骨有啲似避風塘排骨咁 外面望落有點乾原來係外脆內嫩 入口帶點微微嘅辣 咬落肉質好juicy 好惹味再黎順德煎焗魚頭 餐廳用沙煲上 勁大個魚頭煲底有好多蔥 薑 蒜頭同埋蔥頭 一打開蓋勁香魚頭炸得好香脆 食落仲有好香嘅薑蔥味最後再叫多個花膠海味雜菜煲 用料十足有花膠 魷魚 大蝦乾 菇 粉絲同雜菜食完二樣濃味小菜 食番個青青地的菜煲 十分夾最後餐廳仲送埋糖水 真係大滿足

今日朋友來到公司找我吃午餐，知道附近有間食點心不錯就話過去吃午餐，去到都不少人食緊，所以最後坐了大桌，見到餐紙有A+B的點心選擇，最後就選了一個再加點心，最後結帳都不貴而且仲要好飽肚。叫了貴的雙併，生煎虎皮尖椒原來仲有魚肉，煎得好香而且仲有點辣十分惹味，再配鮮蝦腸，蝦堅大隻而且腸粉都幾滑身。其他就叫了蟹籽燒賣，豬肉十足而且好軟熟又夠熱好香。飲茶當然要食包點啦，就叫了蠔油义燒包，燒汁都幾好味，包又軟熟多料。陳村粉蒸排骨，排骨好入味而陳村粉幾滑又多。海哲燻蹄很久沒有吃了，海哲口感爽口又有點辣度開胃，燻蹄份量都幾多又多肉，最後仲要吃不完添。

屋企附近原來開左間新酒樓今日同未來女朋友去試!點心種類同一般酒樓差不大，好多大眾化選擇，而且點心價錢非常平! 假日特價點心都係14 15蚊起，好多人黎飲茶!太多野想食，同小女人點到成枱都係!蝦餃燒賣整我頗有水準，兩款都皮薄餡靚，燒賣肉味夠香，蝦餃蝦味夠鮮，正👍🏻可能都近午市，有水煮牛同口水雞，我地都點左黎試。口水雞幾特別，表面既好似豆豉，依落夠香但又唔太辣，幾開胃水煮牛肉超正! 要左小辣都好夠辣，最好多搶既係入邊既粉絲，完全吸哂辣椒既香同辣，非常惹味，而牛肉夠厚夠滑，食到lam lam利😋

朋友同我講呢間新開既中菜館D小菜幾好食，坐得又舒服，好啱一大班人晚飯聚會，今次就來試試。ㄧ去到就見到鹽焗奄仔蟹做緊推廣，見價錢合理，叫了一隻焗來試下。大大隻既奄仔蟹，仲大過手掌，裡面係爆晒膏，比大閘蟹還要多膏，而且係好新鮮既，味道係鮮既。蟹肉厚又鮮甜彈牙，由於用左蒜頭鋪起底黎焗，連同吸收咗蒜香同埋鹽味，食落更加惹味，真係食到舐舐脷。艇皇炒蜆份量都大一大碟，嫩滑既蜆肉配上辣椒黎炒好惹味，味道比鼔椒炒效果更好，始終蜆肉加一點辣係更惹味，用黎送飯一流。另外呢味脆皮牛腩都好特別，唔係道道有得食，廚師好巧手咁將牛腩炸起，炸過的牛腩沒有油膩感，外炸皮非常脆口，牛腩就彈牙，沾上蜜糖芥末醬就增加不少味道。甜品就有餐廳送既紅荳沙，陳皮又香，食落又甜又香，整體覺得十分抵食。

飲茶嚟嚟去去都係食嗰幾間，今日就決定試吓新野，嚟深水埗呢間和味館食。呢間酒樓地方好大，而且好乾淨，坐得好舒服。佢嘅點心選擇都幾多，仲有燒味同甜品，重點係一啲都唔貴，兩個人嗌咗九樣餸，食到好飽，都唔使$200 ，真係好抵。蟹籽燒賣王燒賣啖啖肉，多肉汁得嚟仲有好香嘅冬菇味。和味蝦餃王蝦餃賣相好靚，入面嘅蝦好新鮮好彈牙，蝦餃皮唔算好厚，個人認為好好食。鮮蝦腸粉每條腸粉都有兩隻好大隻嘅鮮蝦，腸粉皮都幾滑，好正。鮮蝦腐皮卷腐皮卷炸到脆卜卜，入面有好多料，有蝦、肉、馬蹄同西芹等，好有誠意。生煎虎皮尖椒呢道菜係用青椒包住好滑嘅魚肉再煎，青椒唔算太辣，同魚肉嘅味道好夾。燒腩卷從來都冇試過食燒腩卷，見到好似幾得意咁就嗌咗。其實係包入面有燒腩仔，口感幾特別，燒腩仔都好好食。鮮蝦炸雲吞個人最鍾意係呢款小食，雲吞入邊嘅蝦好新鮮，啲皮炸到脆卜卜，好正。奶黃流沙包流沙包雖然冇真係做到超級流沙，但係勝在餡料唔會過甜，唔會食一個就好滯。迷你珍珠雞佢叫迷你珍珠雞，但係上枱發現佢都唔係好迷你，一件大過我半隻手掌，內容都好豐富，有冬菇、雞肉、同埋鹹蛋黃，好抵食。

去長沙灣戲院時路經這間新開張的中菜館，本身喜歡吃小菜的我見餐廳光猛整潔，有空間感不迫夾，亦不嘈吵，又有電視共娛樂，不妨一試。茶芥 $8/位，送小食 - 淮鹽花生。例湯 《清補涼豬展燉螺頭 $128》份量有6-7碗，味道香濃有火喉。豬𦟌和螺頭都好腍，不會乾身，蘸點醬油很不錯。湯料還有滋陰的龍眼肉、淮山和薏米煲至很蓉，更覺湯很夠火喉。《酸菜魚 $118》很大盤，送上時已聞到陣陣酸香，令人唾涎。湯面可見酸菜和辣椒，更灑有菊花花瓣作點綴。雖然有辣椒，但只屬胡椒的提味辣度，麻而不辣，酸香開胃。魚肉不是一般的一片片，而是厚身一塊塊的鯇魚， 肉質很嫩滑，十分足料。除了有酸菜和辣椒之外，湯底亦有金菇、芽菜和蒟蒻粉絲，吸味又掛湯，整體色香味俱全。《胡椒煎魚卜 $98》第一次見這道菜式，很特別，一於試試！外層煎得微脆十分香口，魚卜入口先嫩後爽彈，很有咬口，微咸帶胡椒的味道很惹味，完全不用另配醬汁。香港很少有這款菜式，喜歡吃魚卜的朋友一定要來試試！職員親切，服務周到還送我們糖水。紅、綠豆沙各一碗，兩款足料而且煲得夠蓉，綠豆沙用上海帶，而紅豆沙亦用上陳皮，微甜之中增添香口，完全不會膩。很滿足和滿意的一頓晚飯。

平日返工坐全日都會想趁中午出去食野行下，咁啱今日有幾個同事一齊出去，就一齊去附近既和味館飲茶。之前靜係食過一次，餐廳經理都已經認得我地，好熱情咁同我地打招呼又特別比張靚枱我地，好有人情味。當然餐廳啲嘢好食先會再encore。我地全部叫點心，鮮蝦仁腸粉入面既蝦大大舊又彈牙，粉皮唔會太厚，煙靭度夠，快子夾唔會斷。健康燕麥糕第一次食，煙煙靱靱好香燕麥味，幾得意。蝦餃超大舊，皮夠薄，啲蝦又彈牙又有鮮味，緊係要叫兩籠唔好爭食喇。鮮蝦菜苗餃同樣新鮮，菜苗同鮮蝦調味啱啱好唔會太鹹。北菇綿花雞夠綿，雞亦都好嫩滑。牛肉球同時菜鯪魚球每樣一籠，兩樣都又大粒又細滑。南瓜餅內裡係紅豆榕，甜甜地當飯後甜品。

今晚放工喺附近食埋先番屋企，哩間中菜館新開未試過，就黎食下啦！新裝修好乾淨又靚，喺聯邦廣場果度地鋪。入到黎見到超大電視，勁呀！野食選擇都多，有小菜同海鮮等，好多都好吸引咁。小食 燒腩仔 $48皮脆！五花腩部位肥瘦均勻，出色。薯仔粒牛柳粒 $128一上台聞到好香，薯仔粒有炸過好正呀，牛柳粒入味又林，送飯最正。脆皮咕嚕肉 $98哩碟覺得最好味！最正係咕嚕肉真係做到脆皮嫁！好好食，酸甜真係好開胃，100分。黃金茄子、涼瓜 $68哩個做法第一次食，類似天婦羅做法，炸皮加左咸蛋黃好香口，涼瓜微甘，唔會好苦，好食。食完部長話送糖水俾我地，好好呀，陳皮紅豆沙正！

由於有好朋友喺荔枝角附近返工，所以我行咗成個地鐵站嚟搵佢食飯🏃🏻‍♀️。呢排成日都食西餐同日本嘢，所以想飲茶食點心。喺福榮街見到呢間和味館雖然唔係酒樓，但都有點心喎，所以一於入去試下😀。餐廳都幾多人下，好彩部長好快就幫我哋搵咗張枱👍🏻，又唔使搭檯。午市有做套餐，同時又有好多特價點心，仲有優惠百搭1+1系列等等，所以都唔使睇原裝點心紙🙈。由於太肚餓，我哋兩個女仔竟然叫咗八樣嘢食🤪，諗諗下其實可能四條友都夠食......。等咗陣就有嘢食啦，見隔離檯有叫燒味，所以我哋都叫咗碟蜜味叉燒($78例牌)，估唔到都幾大碟下，每人食咗好多嚿。叉燒大大嚿，肥瘦適中，唔乾身😌，唔錯。食咁多肉所以叫返碟菜🥬($22.8)中和下，餐牌有唐生菜同菜芯揀，但後者賣哂，菜正常無咩特別。點心方面，嗌咗兩set百搭，A魚肉釀茄子🍆+B椰汁咖啡糕☕️(A+B=$29.8)同埋A原籠馬拉糕🥧+C北菇棉花雞🐔(A+C=$38.8)。釀茄子有3嚿，一嚟到勁熱辣辣，應該係即煎🤤，正，而且比平日大嚿，有1.5倍到。馬拉糕唔算超大，但都分到六份，勝在夠鬆軟唔太甜。除咗點心set，仲叫咗蟹籽燒賣皇($15.8)同蟹籽釀魚肚($14.8)。

今日幸得朋友推介,去到長沙灣一間茶樓飲茶我地兩個人嗌左好多嘢食,點心熱騰騰,好似係新鮮出爐😍😍全部都好抵食,晏就飲茶有套餐組合,選擇都叫多同大路嘢,見到下午茶餐牌都好抵見到隔離枱嗌炒粉麵,份量都幾大,下次多d人會試下😋😋😋茶樓都幾大,又唔會話好逼,坐落幾舒服,最緊可有個大電視,睇英超就最正,搵次夜晚都可黎試下🤩🤩🤩係長沙灣返工就最岩搵同事一齊去飲茶喇,係一個聚腳嘅好地方,又唔太嘈,嘢食又幾好食,推介啊😉😉

今日去左長沙灣既和味館度飲茶，好耐無去茶樓飲茶喇和味館好大間，前身係新光黎既，新裝修無耐，地方夠大，唔會好逼，飲茶地方真係算坐得好舒服而且有好多食物選擇添我地嗌左「百搭午茶套餐」「燒肉飯加油菜」「蜜汁叉燒」「蟹籽燒賣皇」同「鮮竹牛肉球」「百搭午茶套餐」就走抵食實惠路線既我就叫左魚肉釀茄子加埋北菇棉花雞，魚肉釀茄子既茄子整得夠林加埋好香既魚肉，係意料之外既好味至於北菇棉花雞既雞好滑同有雞味，最突出係個魚肚，吸收左醬汁同埋雞菇味等等，有多重享受「燒肉飯加油菜」組合絕對係cp值爆表，夠平，而且質素好高，燒肉皮脆肉嫩，飯又夠大碗好值得嗌「蜜汁叉燒」係咁又樣入面最好食既，肉身燒得好好，而且半肥瘦，加埋薄薄的蜜糖，唔會太甜「蟹籽燒賣皇」好大粒，肉味好出，而且唔貴，cp值算唔錯喎「鮮竹牛肉球」嘅牛肉打得好好，食落去牛味係咁湧出黎，加埋喼汁，真係perfect match呀

今日lunch同同事去飲茶，多啲人可以叫唔同點心。呢度地方夠大，坐落唔洗迫住又乾淨，大大加分。飲茶蝦餃燒賣實叫啦，每樣四粒啱啱好分比四個人。蝦餃好大粒，外面腸粉皮好薄，入面蝦肉好新鮮好彈牙。原籠馬拉糕圓型咁，完完整整，又香又甜。臘味蘿蔔糕好香蘿蔔味，夠滑而且外面煎得脆脆地，好食！叉燒紅卜卜好新鮮好juicy，唔會太肥又香甜，好快已經比同事搶晒嚟食。煎釀虎皮椒用青椒包住細滑既魚肉，青椒同魚肉夾埋口感豐富，一開頭食到青椒味，食食下青椒既辣先慢慢出，好有層次感。

喺荔枝角地區返工。基本上所有餐廳都食過晒，今日下午茶時段去新開既粵菜館食野。下午茶，好抵$26.8 有兩碟我點左A+C組合再加一個香煎蘿蔔糕A. 花菇滑雞飯五肉一菇，裝到滿晒，食完已飽飽地C.排骨蒸腸粉四舊排骨，五條白滑無餡腸粉仔。腸粉好白好滑，我叫姐姐拎上一碟豉油加甜醬。非常正！無諗過甘幾蚊已經食飽左我。食飽咗見到咁厚身煎香表皮既蘿蔔糕都係要食兩啖先。一咬開原來係有臘肉蝦米。臘肉嘅味道令咁厚身既蘿白糕口感變得好豐富，唔點醬都好好食最後，因為太飽都係打包左回公司加埋茶水，埋單$51 。勁抵食！

和味館其實由80年代做到今時今日，不嬲都係口啤非常好既一間粵菜！而家搬到去長沙灣，裝修仲要愈來愈靚！下午茶入座歎一歎佢入到去經理招呼好好，叫完嘢食等左陣就上菜了。首先就係脆皮燒腩仔米線好多燒腩仔下喎，所以就分開上左放入去係滿晒的燒腩仔肥瘦適中，個皮夠脆有位好肚餓既朋友話好鐘意食叉燒，經理真係加左幾舊比我地！點解可以咁好人睇下d蜜汁幾多😍好正呀！順帶一提，和味館設有燒味部，平時經過可斬靚料返屋企食。到了點心部份，經理話所有點心係即日整，點心師傅們日日凌晨4點就開始整點心，應付早市。所以肯定比大集團新鮮！果然，點心的確掂鮮蝦仁腸粉和味蝦餃皇呢兩款有蝦嘅點心一齊講啦，都係皮薄陷靚！腸粉皮好滑，半透明，睇到入面嘅蝦。蝦餃亦一樣，皮薄，勁漲卜卜！好明顯係比一般蝦餃size大！皮入面既蝦一定要講一講，因為真係非常有咬口非常脆非常彈牙！強力推薦！蟹籽燒賣皇8隻字：抵食，大件，肉多，彈牙！原籠馬拉糕又係性價比高！$16.8有原籠既馬拉糕。口感實在，食落係飽肚的，仲好香！臘味蘿蔔糕蘿蔔糕大大份，兩面微微煎香。咬開有臘肉、蝦米。辣醬夠辣！我地一行四人叫一碟都滿足到。叉燒包睇圖都知啦！大大舊，抵呀！甜點：個